Rainbowwu's Profile

去開附近按摩，見到附近有間日本居酒屋，入黎一試，實在有驚喜！見店員同食客有傾有講討論亞運足球，有少少去左日本咁，好有人情味。室內環境清幽，裝修好有日本 Feel，同日本地道居酒屋差唔多，加上價錢合理，就隨便叫左幾樣推介嘅四色刺身～🍣厚切三文魚腩十分油潤，大滿足😌厚切呑拿魚好有口感；油甘魚好鮮味南蠻魔鬼魚塊～🐟南蠻醬汁好濃郁野味，脆炸魚塊啖啖肉，有少少軟骨，有𡁻口，真心有驚喜，連唔鐘意食炸野既媽咪都讚👍🏻馬糞海膽和牛煲仔飯～🥘店員服務細心一流，上菜時有個爐要等8分鐘，店員會問食飯要唔要飯焦，8分鐘後會再過黎幫手撈飯👍🏻係居酒屋出現煲仔飯啲禁既Fusion 菜，好特別😆雖然馬糞海膽和牛煲仔飯，但都唔算好貴，只係$198 ，但一啲都唔馬虎。海膽唔會臭，好creamy, 齒頰留香。和牛真係好滑好嫩🤤勁正🤩呢個價錢食到咁嘅質素，真心高質鐵板鹽麴豬頸肉～🐷送上黎果時先加玫瑰酒，之後會點火，好IGable ，聞到好香酒味。而且薄切豬頸肉唔會韌，好食燒阿波尾雞翼～燒果時加左啲味粉都幾好食整體來講，雖然位置唔算方便，但勝在價錢唔貴，而且啲野都幾好食…Read More

今日襯天氣仲涼涼哋同朋友仔嚟到荃灣616牛肉火鍋專門店打邊爐🥘咁啱原來呢排做緊信州和牛套餐🤤分別有特選和牛盛同埋罕有部位三送一套餐🤤我地一行四人叫咗份四人火鍋套餐同埋一份信州和牛罕有部位三送一組合🥰另外醬料種類都好齊全，客人完全可以根據自己口味調配啱自己嘅醬料. 當中616秘製牛肉汁配上啖啖和牛,真係完美嘅組合.首先講左湯底先, 我地揀左牛骨清湯🤤味道鮮甜, 有大大舊牛骨, 同打邊爐既牛肉好夾好好食😘店員好貼心, 每碟牛肉都有紙仔寫明係咩部位🧏🏻‍♀️令我地可以細分唔同部位既牛肉既味道同口感😘首先講左罕有部位3送1組合🤤套餐入面分別有信州和牛後腿肉, 信州和牛肩胛, 澳洲五花趾同埋安格斯橫隔肌.和牛入口即溶🤤牛味都好重好香濃🤤值得一試😌二百幾蚊有4款唔同部位，依個價錢真係勁抵食🤩我最鐘意和牛肩胛牛味重得黎好腍🫶🏻4人火鍋套餐內容更加豐富🥰牛個方面分別有安格斯-橫隔肌, 澳洲五花趾, 牛駝峰, 匙柄, 美國天然-肩胛翼板, 牛朴肉同 澳洲和牛-牛頸符🤤唔同部位各有特色☺️平時打邊爐都買唔到咁多唔同部位既牛牛🤤好鐘意616 全部都好高質，即使唔小心淥耐左都唔會鞋，好食💕另外, 套餐仲包左4隻扇貝, 生丸, 炸角皮, 娃娃菜, 金菇, 蜂巢豆腐, 芋絲, 2份公仔麵同2份稻庭烏冬. 食物種類夠晒多🤤我同朋友仔都食到好飽好滿足😘最後餐飲方面我地揀左616 自家製既洛神玫瑰茶同菊花桂圓露🤤兩款飲品都好清甜🤤仲有啲解膩既功效,岩晒打邊爐個陣飲🤤…Read More

呢排好想打邊爐，見到有間幾吸引，晏晝四百幾蚊有找仲要係到A5和牛就同去試吓🤩一黎到首先會上左北海道大元貝牡蠣海鮮併盤，之後會灑酒、點火，再焗多一陣。帶子同蠔唔算細，仲會有人黎幫手開蠔👍🏻另外會送一個黑樺牧場精選層架，入面有牛肉、豬肉卷、蝦丸、雞丸同墨魚丸。d丸真材實料，薄切豬肉卷唔鞋，而且有肉味。佢個湯底有幾款選擇，包括酸辣魚鍋、麻辣雞鍋、藥膳雞鍋、芝士鍋等等。今次揀左藥膳雞鍋。一黎佢已經會set 左上曬8款唔同既牛，分別有千本筋、牛頸脊、牛小排、牛前胸、上肩胛肉、肩胛梅花、特上霜降小排同玉子牛後腰。仲要係A5和牛，啲肉既花紋好靚，好高質🤤但以兩個人黎講份量勁多，食唔曬🙈個人鐘意食佢個牛小排，係入口即融，好腍，但又唔膩💕好食🫶🏻除左牛仲有豚肉同雞肉，配菜亦有唔少選擇，例如蝦滑、墨魚滑、雞滑、和牛餃子、鮮蝦雲吞、韭菜餃、菜肉餃等等。當然仲有菜、菇同丸類。另外亦有熟食，例如麻辣同滷水牛展、牛柏葉、雞軟骨，炸雞，炸蝦等等，最正係有pizza。多野揀到選擇困難症🙊🙊個人好鐘意食佢個滷水牛柏葉，幾出色下😋野飲方面有沙冰同無酒精飲品，最後甜品方面有雪糕。總括來講，食物種類多元化，而加質素幾好，又有沙冰同雪糕，而且價錢唔貴，下次encore 可以再黎😆…Read More

👉🏻麻辣牛肉麵 (台灣寬粉）🍜牛肉麵可以揀手工刀削麵或者寬粉，見好少牛肉麵係可以配寬粉就叫咗嚟試吓。牛肉麵大概二三小辣，牛肉有三大塊，唔會太鞋太靭，加上寬粉吸左個湯都幾辣下，但個辣又越食越好食，越食越惹味，啱晒鍾意食辣嘅朋友仔🔥👉🏻招牌魯肉飯🍚魯肉份量唔夠多，連啲汁都唔夠撈飯，好可惜😖但魯肉都勝在夠肥，食落口都有少少融👍🏻👉🏻大阪燒海鮮蛋餅🥚一開始見到好fusion 好得意所以叫左，入面有好多大章魚粒，大蟹柳條，加上大阪燒醬汁同埋啲木魚，個味道又幾好食👍🏻👉🏻三杯鴨胸刈包🍞鴨胸份量都唔少，但一開始以為個鴨胸係已經用三杯醬汁醃，點知係分開上，依個有少少失望。反而個刈包比較少，得三舊，側邊仲有啲青瓜同埋京蔥配埋一齊食，加埋一齊食確又係幾唔錯嘅🙊👉🏻三色鹽酥雞個鹽酥雞大概有九件，件件都好大舊。好欣賞個雞隔咗一陣食，但仲係好脆。個雞配咗三款唔同醬，分別係黑松露、檸檬同埋芝士，三個味都幾好食🐥佢啲食物係幾好食，但相比起嘢飲就遜色少少，有啲失望🥴👉🏻奶茶妹妹醉了（烏龍茶cocktail)👉🏻伯爵帥哥 （伯爵茶cocktail)👉🏻觀音兵 （鐵觀音茶cocktail)基本上係飲得出酒味，但又飲唔出係咩茶味🤔反而覺得飲緊檸檬茶咁，唔覺得好特別，三杯之中反而係烏龍茶最得意最好飲👉🏻抹茶奶奶麻薯我係為咗呢個麻糬以黎😆個麻糬的確係好淋，一夾就會散，綠茶味都夠出，加埋黃豆粉撈埋一齊係幾好食👌🏻但又未去到覺得超級無敵好食🙊👉🏻手工鳳梨酥麻糬蛋撻反而係依個有驚喜，一開始以為係呢個會好細舊，點知黎到都幾大舊下。麻糬蛋撻上面係燉蛋，中間係麻糬，下面係鳳梨蓉，出面再用蛋撻皮包住。餐廳好貼心咁有返熱，所以食落去嗰時仲係有少少暖暖地，燉蛋加埋可以拉絲嘅軟綿綿麻薯食落超有驚喜🤩🤩🤩下次再去都一定會再嗌，encore 之選👍🏻👍🏻…Read More

依間真係唔係講少，bookmark 左勁耐，見個柯仔飯好吸引，今次終於去到了😌月老海老柯仔魯肉飯柯仔飽滿又大粒，重點係份量好多！！！！食極都食唔完，完全可以好滿足到想去台灣既心，好滿足🤤柯仔唔腥，蝦彈牙，配上魯肉甜甜地好惹味，又唔會好鹹，送飯一流👍🏻👍🏻椒鹽花枝丸花枝丸賣相金黃外脆，唔會粉，有咬口得黎夠彈牙起司玉米蛋餅平時啲蛋餅會偏乾同硬，但依個完全唔會，可能因為係中間加多左片菜，所以唔乾夠濕潤，而且蛋味好香👍🏻無冰芋泥鮮奶個芋泥打得好綿滑，而且唔會好甜，加埋奶一齊飲好正🥛芋圓芋泥仙草超喜歡食仙草甜品，配合多種味道嘅芋圓，有綠茶圓、番薯圓、紫薯圓。其實出面舖頭好少會提供綠茶圓，仲要個綠茶好出色👍🏻綠茶圓個味都好出，完全食得出綠茶味🍵加埋仙草一齊食簡直係完美結束呢一餐💕依間真心唔止影得相，而且樣樣嘢食都好高質，尤其個柯仔月老飯，真係食過返尋味🥰…Read More

呢排見到有間新開嘅日本居酒屋，所以得閒就搵朋友嚟一齊食食下🤣串燒六式拼盤（和牛、雞肉、牛舌、五花荔枝肉、羊肉、雞翼）和牛油脂感夠重、雞肉唔會鞋唔會韌、羊肉唔會有腥味，當然有我最鍾意食嘅牛舌🤩牛舌夠大塊厚身，食起上嚟有少少爽口，果然係我最愛💕燒鮑魚 鮑魚都算大隻，用燒汁燒過，鮑魚食起嚟夠爽口彈牙，而且又唔會韌👍🏻特盛刺身拼盤🐠🐟份量唔少，有三文魚、吞拿魚、帶子、油甘魚同埋牡丹蝦。刺身塊塊都算大塊，而且都算新鮮，重點係冇筋😌牛肉豆腐紫菜鍋食咗咁多生冷嘢梗係要飲返啲熱嘢暖下胃，個湯清清地，入面有唔少牛肉，但好欣賞佢唔算太肥，而且有啲菜同豆腐咁啱可以用嚟平衡返食咗咁多肉🙊芝士年糕因為係即炸嘅關係所以真係熱辣辣，食落去仲係焫口，每次去到見到有芝士年糕都必嗌，果然冇令我失望🥰每位顧客每人會送一條雪條，款式都幾多蘋果味、桃味、西瓜味、提子味等等，而且係100%果汁整成果汁冰🤩果汁冰唔會太甜，好食🤤由於啱啱新開嘅關係所以店舖入邊環境夠大夠闊落，而且侍應服務都好好，會好快手主動過嚟幫手加茶，我攞住個蛋糕仔去佢地有問我使唔使幫我雪👍🏻…Read More

依排好想食壽司，放工禁啱去左尖沙咀，又搵到間好似好ok 既。今次試左「竹」依個omakase set，有前菜、刺身四點、壽司七件、手卷同埋湯。重點嘅係聽師傅講，呢排嘅期間限定會送多隻鮑魚🤩🤩好抵食前菜沙律🥗啲沙律菜好新鮮，加上麻將，開胃一流枝豆～其實個人好鍾意食枝豆，但好少地方會提供枝豆作為前菜，開心😌麵豉湯～唔會過鹹，入面仲有豆腐粒同埋海帶吞拿魚漬物～食落似以前細個食一粒粒包裝嗰啲肉鬆，係回憶既味道😌係會越食越上癮芥辣八爪魚～辣辣地八爪魚好夠開胃🤤刺身四點牡丹蝦🦐～～蝦夠大隻，好彈牙爽口，充滿膠質金目鯛～～相對味道清淡深海間八～燒完好香，帶出少少油花，而且肉質有咬口鮑魚～～期間限定送既鮑魚都禁大隻，會唔會蝕本嫁🤣肉質鮮嫩，夠曬彈牙，加埋少少黑椒係面吊下鮑魚既鮮味，真係正到不得了👍🏻大吞拿魚腩拌紫菜～～拖羅大塊得來好厚身，重點係冇筋，入口即溶🤤壽司七款甜蝦杯~ 加左青檸，好fresh，而且啲蝦好甘甜粒貝～薄切令到鮮味得黎口感清爽左口魚裙邊～燒過左既裙邊好香，加上裙邊好柔軟，所以擺入口溶化鯖魚～魚味清清地加埋紫蘇葉又另一番風味赤鯥～肉質好腍身，肥美得黎好夠油吞拿魚面頰肉～ 肉質好厚身，口感好嫩，唔洗用力咬就係個口入面溶咁😌透過火炙將佢入邊啲油迫晒出嚟，簡直係入口即溶北海道海膽杯～海膽夠鮮味，好欣賞佢即使價錢唔貴，但亦都唔會將貨就價俾啲唔靚嘅海膽👍🏻海膽加埋紫菜食好滿足手卷蔥吞拿魚腩手卷～好多吞拿魚蓉，食極都仲有，啱晒鍾意食吞拿魚蓉嘅我雪糕🍨香芋雪糕…Read More

依排口痕成日想食串燒，點知比我搵到依間隱藏喺大廈地下嘅串燒店蒜蓉燒蟶子皇/燒馬來西亞大蜆好欣賞佢啲海鮮係好大隻下，而且佢個火候控制得啱啱好，爽口得黎唔會韌，真心好唔錯👍🏻芝士燒廣島蠔個蠔唔算太細隻，加埋芝士一齊燒，好正 海鹽燒牛肩胛食落似牛柳多，牛味都好重好香海鹽燒王牌牛舌牛舌好大舊，又夠爽口，而且唔會韌，好食🤤沙嗲燒豬頸肉豬頸肉唔會太肥又可以保持肉質鮮嫩而且夠juicy照燒雞軟骨雞軟骨爽口好正孜然韭菜大大條韭菜，加埋孜然粉食一流，重口咩之選黑胡椒燒肥腸肥腸清潔得幾好，唔會有臭味，又唔會太肥太過油膩，食落有啲煙韌，幾啱我心水🤪燒黑啤牛仔骨特厚牛仔骨食落大滿足😌台灣腸台灣腸果然唔會令人失望海鹽燒秋葵係我鐘意食既秋葵呀，而且食肉食到膩仲可以解膩黑松露蒜蓉焗雜菇雖然黑松露唔多，但勝在雜菇底本身已經用左牛油炒香，所以單食已經好唔錯…Read More

依排睇到有人介紹依間餐廳有麻辣干鍋，仲要有黑松露！！！身為麻辣控同黑松露控既我梗係要去試試🤣店舖地方雖然唔大，但環境舒服，佈置簡單清新。麻辣黑松露干鍋🥘估唔到麻辣干鍋竟然可以加入黑松露，喺出面真係冇聽過呢個組合。黑松露香得來唔會搶咗個麻辣味，兩個味加埋好夾，完全可以滿足晒我嘅要求😆辣度唔算太勁。干鍋個底本身已經有娃娃菜同埋土豆絲，土豆絲係炒香左，食落仲有少少脆口，好正👍🏻 干鍋最少要揀四款配料，今次揀左午餐肉，椰菜花，蓮藕，蝦仔。成個干鍋份量都唔少，好似食極都仲有🤣其實見餐廳仲有日式壽喜燒味干鍋，應該唔辣既，都好吸引，但都係想試麻辣黑松露干鍋多啲，下次先試🙈見啲串燒好似幾吸引下，所以叫左幾串黎試～厚切牛舌二重奏（兩串）🐂依個真係不得了，係超級無敵爆好食！！！！！🤤🤤肉厚得黎又唔會韌 ，但又爽口，好好好食。牛舌用兩種不同醬汁處理。我唔捨得食到留左一塊最後先食🤣，雖然凍曬但仍然都好好食👍🏻👍🏻川燒經典豬頸肉🐷 豬頸肉半肥瘦，所以食入口唔會太過油膩，而且肉質又唔鞋，好Juicy😆京蔥厚燒五花腩🥩五花腩肥瘦適中，加上京蔥解清新肥膩，都好唔錯炭燒帆立貝🍢帶子不算大粒，加上孜然粉，又幾好食。辛手雞棒肉串🐥雞肉加埋雞軟骨整成，咬落去好有口感，好鐘意食。特調雞泡魚乾🐡燒乾到脆卜卜，再喺個面加啲甜甜地嘅再燒，好食！係會令人愈食愈想食，停唔到口，送酒一流。飲品荔枝烏龍冰茶🍹茶味適中唔太濃，又唔會太甜，荔枝味清淡，好香，烏龍茶和荔枝味比例恰到好處。巨峰梳打🍇大熱天時飲落好舒服，提子味清香。自家製袖子冰粉🍋 食完啲禁重口味既野食，食番碗凍冰冰既冰粉即刻爽番曬😌餐廳本身主打麻辣黑松露干鍋，所以真心冇諗到佢啲串燒竟然都會咁出色，叫咗幾串完全冇一串覺得唔好食，串燒大推👍🏻👍🏻…Read More

聽講觀塘工廠有間幾好食既私房菜，今次去試試先今次叫左四樣野，有蒜蓉粉絲蒸開邊龍蝦、芝士海蝦脆麵、香芋雞煲同埋清蒸黃皮老虎斑。蒜蓉粉絲蒸開邊龍蝦：龍蝦份量都算多算大隻，而且開曬邊方便食，一叉落去就啖啖肉👍🏻 龍蝦肉質唔會太霉太腍，食落都算彈牙，好食😋芝士海蝦脆麵：脆麵炸到脆卜卜好正，加上大量芝士醬，芝士醬唔會太鹹又唔會太淡，啱曬我依啲芝士控🤤海蝦大概有8隻，都幾大隻，肉質彈牙香芋雞煲：依個真係不得了呀，個香芋整到入口即溶，又腍又入味，好食到一啖接一啖👍🏻再加埋啲雞好滑，值得一試😋😋清蒸黃皮老虎斑：條老虎斑又係好大條🤣即使條魚禁大條但啲肉唔會鞋，個火控制得幾好👍🏻加埋香蔥豉油就梗係好食…Read More

依排見依啲自助燒好多人，今次就試試佢先😆一入門口有部自助販賣機，揀好野食比完錢先入去坐低等野食。舖頭好貼心有個職員喺門口幫手，即使唔太識用都唔驚依到有好多選擇，當然有唔少得既牛既不同部位，例如西冷、牛柳、牛肩排、澳洲肉眼、甚至和牛等等。唔食牛嘅仲有雞排、黑豚腩片、鰻魚、牛舌……選擇多到想再黎食🤤當然仲有可以揀幾多gram 。啱曬我果日飽飽地唔驚食唔曬浪費食物，所以叫咗最少嘅180g。入到舖頭坐低之後可以自己去自助吧，有白飯、湯同埋沙津菜供應，鐘意食幾多就自己裝。白飯係日本珍珠米黎，唔會太濕或者太乾，食到珍珠米既香味同少少軟糯嘅口感。湯係日式牛肉湯，個湯好多料，有蔬菜、紅蘿蔔、仲有牛肉絲，個湯唔會太淡味或者太水，味道啱啱好👌🏻個牛上既速度好快，都未裝好自助吧啲野已經黎到。餐廳亦好貼心有條即棄圍裙防止啲油彈到成件衫都係。今次叫左牛柳同埋牛肩排。餐廳只會燒到1成熟，其餘可以燒到自己鍾意食嘅熟度。枱面上有擺放黑胡椒同埋鹽等香料可以自己額外添加。上枱時塊鐵板好夠熱，見到牆上面有寫住'如果得熱石唔夠熱可以更換'，但個人覺得其實都好夠🤣由於塊牛喺自己燒，以第一次來講未係好捕捉到個火，搞到個面有少少燒燶🙈但都唔會話太韌太鞋，都好唔錯下。同埋餐廳都算係快餐類型，可以食完嗱嗱聲走人。如果下次想食個快餐都可以再嚟食，反正有咁多唔同選擇都未試過🤪…Read More

見依間野新開，好似好抵，$268 有羊腩煲或者烤魚揀，食完仲可以加湯打邊爐或者轉火鍋湯底。一次過滿足曬想打邊爐同食羊腩煲既人，但又抵食到爛😆冬天梗係要食羊腩煲，食完暖笠笠🤪羊腩煲份量唔算多，但好大舊，啲羊肉食落都好腍，唔會韌，唔痴牙👍🏻羊皮都好彈牙，而且個煲好多配料，有荀、枝竹、馬蹄 、冬菇，再加埋個好濃既湯底，吸啲汁真係好正🤩之後打邊爐轉左鮮茄薯仔湯+粟米豬骨湯，湯底方面正正常常。係任食方面，最正係有刺身，啲刺身都幾多選擇，有三文魚、八爪魚、鮑片、魷魚、甜蝦等，而且都幾新鮮。另外仲有每台送一台海鮮拼盤，有鮑魚、帶子、青口同埋蝦，同樣都係新鮮。火鍋料係電話QR CODE 自己落單，牛肉都有幾款選擇，有封門柳prime ，安格斯肥牛，牛板腱prime ，牛胸爽，牛黃喉等等。雖然話係話任食，但都幾高質。牛肉嫩滑無筋，好重牛味，又唔會太肥。咁當然都會有響鈴、牛柏葉、鵝腸等。另外出面仲有啲熟食（炸魚皮、脆肉鯇，手拍青瓜、木耳同埋南乳豬手）同丸、菜、菇🍄可以任攞，而且野飲選擇多👍🏻最後仲有gelato雪糕，有幾款味道可以揀。依間野真幾正，又可以打邊爐+羊腩煲/烤魚。而且選擇又幾高質，又幾好食，抵佢平日夜晚啱啱新開都多人都full 。…Read More

麻香爽魚皮本身對魚皮唔係太大興趣，但食落又比想像中好食😆落咗麻油嘅魚皮加埋豉油同Wasabi ，又出奇地夾。魚皮好爽口，而且冇咩腥味，都幾唔錯。雙冬扣黑草羊腩煲冬天梗係要食羊腩煲，食完暖笠笠🤪個羊腩煲份量都幾多，啲羊肉食落都好腍，唔會韌👍🏻而且個煲好多配料，有荀、枝竹、馬蹄 、冬菇、生菜，吸啲汁真係好正🤩生拆蟹粉扒豆苗我真係好鍾意食豆苗，但豆苗係冬天先當做🤣🤣蟹粉入面有好多一絲絲嘅蟹肉，加埋豆苗食，真係食唔停口…Read More

喺大角咀海旁睇完日落，見附近有間食西班牙野，就去左試吓。餐廳裝修都幾靚，有聖誕佈置，座位闊落，播放著西班牙嘅音樂，感覺好舒服。我哋兩個人叫咗一份牛扒，塊牛扒都幾大份，我幾鐘意佢可以揀配菜，例如有薯仔粒、薯條、薯蓉、焗薯等等。我揀左牛油蘑菇。牛扒都幾腍，好有牛味，蘑菇炒得幾好，好香牛油味，而且份量都唔少。沙律菜好清新👍🏻另外叫咗西班牙海鮮飯，大大份，大概2~3人份，個飯好足料🤩有大蝦、青口、魷魚、蜆，啲料多到每啖食入口都係滿滿嘅海鮮料。仲要啲魷魚一啲都唔韌，好夠腍。海鮮飯有少少辣，啲飯唔會太硬，個飯加左啲紅椒同洋蔥，令整體多啲口感。成個飯食落好好食，好滿足😌另外叫咗個蕃茄粒牛脷做小食，牛脷比想像中大塊好多，又夠曬厚，仲要一啲都唔會韌，牛脷上面鋪滿左大量蕃茄粒。蕃茄粒唔會酸，清新嘅蕃茄粒配上牛脷，正到爆😋😋…Read More

今次同朋友黎左上環位於 akvo 酒店入面既淼屋食晚飯。入到去店鋪雖然唔算好大，但好多和風既擺設，好有日式居酒屋既氣氛，仲有戶外座位。首先係前菜酒盜薯仔沙律，酒盜係日本既佐酒小食，加入沙律入面，但本身淡淡既沙律多左份咸鮮味，幾有驚喜，賣相亦相當唔錯。雞皮餃子，以為雞皮會好油膩，點知有驚喜，一啲都唔油膩，仲好好食😋日本富士灣冰見海油金魚，入面好多魚肉。魚肉好鮮甜，油脂味剛剛好👍🏻淼屋火焰雪山甲羅燒，又火焰又雪山，原來係甲羅燒上面有一大層蛋白，加上酒之後店員再點火燒著，令蛋白有淡淡酒香，配上蟹膏同梳打餅食，咸度剛剛好，蟹膏好鮮甜，膏量亦都好多。黑松露松葉蟹親子炒飯，都幾大碗，岩哂兩個人 share , 入面好多蟹籽，黑松露味都好香濃，炒到個飯好香，食到停唔到口。日本青森縣八戶原隻魷魚，真係好大隻，同埋好有咬口，配上佢獨特既醬汁送飯好好食😆…Read More