yam54's Profile

以前仲住大圍時間唔中都會叫呢間嘅糖水外賣，印象中質素唔差嘅，於是今次久違返嚟大圍同朋友食完晚飯後，就第一次坐低堂食。首先一入去感覺都麻麻哋，餐牌超殘舊，位與位之間超窄，其實我都唔算好肥，行入去都有困難，再肥啲應該入唔到去坐，雖然明白香港寸金尺土，但窄得嚟都要有個譜到食物方面，今次第一次試佢嘅榴槤產品首先碗嘢已經唔大碗，大概平時嘅細飯碗，面頭有一pat榴連蓉，首先榴槤蓉係好食嘅。我叫椰果配涼粉，朋友係椰果配紫糯米。食面頭嗰浸都仲係滿意嘅，到食完面頭啲料就發現下面個底全部都係冰，原來配料只有面頭可見嗰幾啖🫠啲冰仲要唔係綿綿冰好碎嗰種，明顯佢係用普通刨冰機刨，有好多冰都仲好大粒，係會咬到「確確」聲嗰種，最後食晒面頭浸嘢就放棄咗，同朋友食完真心有衝動去第二間再食過，真心未試過食甜品食完想去下場再食，仲都唔平，兩杯嘢埋單$94呢個價錢絕對有更好嘅選擇…Read More

同朋友慶祝生日，搵咗呢間或生日碟好靚嘅餐廳，畫蛋糕或生日碟唔需要加錢，只需要每人最低消費$250（一個圖案）$300（兩個圖案）真係好抵👍蜜瓜巴馬火腿沙律($88)正常發揮👍 封門柳配大啡菇（$168）份量偏少，好細碟，嚟到嗰吓有啲失望，但係好好味嘅🥹如果能夠多少少配菜會更好鵝肝牛肝菌忌廉燉飯（$188）好出色，好香好好味🤤黃金單骨雞翼（$68）呢啲邪惡嘢冇可能唔好食啦👍仲叫咗兩杯飲品～正常嘢就唔特別講啦甜品揀咗黑芝麻巴斯克蛋糕配椰子雪糕，黑芝麻味好濃郁，蛋糕嘅質地都好好味，椰子雪糕都好出色👍呢個係十分滿意嘅🩷整體嚟講食物都係水準以上，不過定價有少少高，兩個人都要$750埋單，但其他嘢都有改善嘅空間。餐廳張枱都幾細下，不過明白香港租金昂貴，呢樣嘢就真係冇乜辦法嘅，可以接受。不過店員應該安排吓啲食物嘅上菜次序，呢個價位嘅西餐嚟講，其實可以安排得好少少，我哋叫完啲嘢食之後佢勁快上齊晒啲嘢，但我哋連個沙律都未食晒，就上埋主菜，都唔知食得邊樣🥲利申我哋六點就去食飯，當時係員工多過客，餐廳一啲都唔繁忙，其實要hold一hold食物嘅出餐，根本唔難做到，只係在於有冇心去做。特別名字餐廳本身嘅枱都唔大，就更加應該要幫客人好hold一下啲食物，而唔係趕住收工咁一次過出晒啲嘢俾人，希望呢樣嘢可以改善一下。🥲Ps:飯同牛扒忘記咗影相🥲…Read More

減緊肥嘅我，一直努力係觀塘尋找健康餐，又要平又要健康嘅選擇不多，所以食嚟食去都係連鎖快餐店。最近去街市覓食嘅時候見到有新餐廳，就比佢嘅健康餐吸引到，價錢嚟講都算好平。 於是今日做完運動就去試吓，原來而家外賣自取仲有九折，真心好抵👍雞胸唔算好大嚿，未算好嫩滑，但都唔太差，調味適中，比起連鎖快餐店冇咁鹹，雖然叫做健康餐，但我覺得配菜同埋蕎麥麵都可以多少少調味，因為旁邊啲菜係一啲味都冇😂蕎麥麵就有少少味，不過我本身食得清淡就可以接受，但一般人嚟講應該都會覺得無味，不過溏心蛋十出色好好味，希望餐廳可以調整吓味道，配菜都可以加番少少鹽胡椒調味。雖然食健康餐，但都唔使完全冇味😂不過佢性價比真係幾高，絕對會再食。朋友試咗煎三文魚餐，呢個好味👍佢仲有得WhatsApp提早外賣自取，適合返工人士趕時間可以落定先🙈…Read More

話說成日見到有人介紹呢間疏乎厘好好食，就食完晚飯過嚟試試，先講食物係唔錯，但唔記得咗影相，叫咗伯爵茶疏乎厘配開心果雪糕，基本上同平時食開啲日本大牌子成舊水嗰啲不大分別，又唔會過甜，係好食好鬆軟嘅但中間等食物時遇到一個小插曲，雖然我只係目擊者唔關我事，但都有啲睇唔過眼話說見到有個女仔想要個膠袋外賣，咁有個染髮嘅年輕女仔店員就話膠袋要一蚊，客人就搵咗一蚊出嚟俾店員，嗰時店員都幾忙嘅，佢拎咗一蚊就擰轉身去做其他嘢，無指示過個客人，到底個膠袋係要自己攞，直接定佢一陣拎俾佢，我見到個客人都有啲手足無措，唔知佢係想點，咁我見佢猶豫咗幾秒，就自己伸手拎咗膠袋，因為其實膠袋就掛咗喺取餐位嘅隔離，可能佢都見店員比較忙，就自己拎咗個袋，自行裝好個外賣走咗，我都覺得好正常無問題。事後店員2號問返染髮女店員，個客有冇俾一蚊膠袋錢，染髮女就當住好多等緊餐嘅客人面前話：有俾呀，不過我一擰轉身佢就自己拎L咗同走L埋(L係粗口，不過呢度唔俾打粗口，就用L代替）其實我唔明點解要咁大聲當住其他客面前去鬧前一個客，仲要大大聲聲爆埋粗我即時諗，咁到我走咗會唔會鬧埋我，感覺真係好差其實我又覺得個客無咩做錯，個店員收完人錢又冇指示個客究竟要點做？人哋都係見佢忙先自己拎個袋姐，同埋人哋都俾咗錢，到底有咩問題？自己做過飲食業知道實會鬧客，但你至少都私下細聲講，唔好喺咁多人面前爆粗鬧人呀，今時今日咁嘅服務態度真係會唔會太過分啲嘢好食都唔係大晒，唔望你有五星級服務，但都至少對人有基本嘅尊重囉…Read More

因為公司活動，十幾個人想搵啲係圍住一齊燒烤嘅場，網上見到呢間有得打邊爐幾過癮就試試佢，雖然一早都睇咗評價麻麻哋，無太大期望🥲但點知無期望都仍然係失望🫠首先一去到book咗都係要排隊，後到嘅朋友又要再排過，真係唔ok囉，去過大尾篤其他嘅燒烤場都唔會係咁安排。入到去所有嘢都自助，俾一堆嘢你拎入去自己搵爐，任何講解都無，靠你自己領悟啦🙄免費飲品只有汽水機同茶包，多人起上嚟仲要排隊斟，想斟杯熱茶飲，可能係太多人斟，啲水係唔熱嘅，仲要滴滴仔勁慢🥲出面個自助區，我會用難民營嚟形容佢，又亂又污糟，啲刨冰我真係唔敢食。冇蜜糖要出去撳，嗰個樽有超難撳，去到後期啲人都嬲嬲地扭開個蓋到出嚟算🥲仲要價錢都唔平，平均要二百幾蚊一個人🥲唯一可取係有得打下邊爐，平衡一下冇咁熱氣，同埋可以煮麵食囉。呢間真心可一不可再🫠啲嘢食都ok嘅，要有嘅都有，不過唔算超多選擇，牛仔骨，燒賣，菠蘿，法包都ok嘅，不過成個體驗唔好，就算嘢食唔差都唔會再嚟了，乜都要排排排，乜都要自己嚟，呢個價錢真心唔抵…Read More

第一次嚟食，睇餐牌見到有任食打邊爐都好幾抵咁，就試試佢，但後悔到不得了😤嘢食嚟得超慢！又漏單，追啲侍應佢話得兩個師傅負責火鍋食品，所以比較慢，食物質素都完全唔得，除咗一開頭限量嘅海鮮同牛肉之外，其他嘢都麻麻地，啲蝦滑/蠔/青口/帶子都係冰格一拎出嚟就上菜，全部結晒冰😤最詭異係啲蝦，之後再叫任食嘅蝦，竟然係已經熟咗嘅蝦嚟，真係第一次見🥲餐牌上寫好似好多嘢食咁，原來每日只係隨機出幾樣，根本無咩好食👎最差嘅係餐廳寫有糖水：紅豆沙/芒果布甸/銀耳露/綠豆沙，諗住落單時，職員話全部都賣晒😤得返外面凍櫃嘅紫薯布甸🙄加湯亦只係加滾水🥲真係好差，乜都無🙄職員又勁少，勁難先搵到人跟嘢，仲要成$350一個人，唯一好處係無限時…Read More

之前已經係網上見過佢嘅報道，今日去附近拎蛋糕，順便試吓🙈去到啱啱好開門，已經有人係門口等開門🙈原本牛角酥已經有人預訂咗，好彩店主打去問吓，因為佢無咁早嚟，店主可以再整，所以我哋就好好彩試到🫶開心果麻糬牛角酥真心超出色，雖然小貴，但佢真係值呢個價，記得要預訂，如果唔係好大機會食唔到另外仲試咗開心果麻糬撻&芝士撻都超出色，就算凍咗都一樣好食🤤開心果係有少少流心，好鬼好味！店主仲好好傾，好細心好有禮貌‼️…Read More

成餐最正常嘅係酸菜魚，份量唔少，都無乜大問題小食係最出晒事涼拌萵筍絲咸到洗腎，即刻問職員拎杯水沖一沖水，都無乜用，一樣咁咸😰蒜泥白肉$38得嗰四塊，下面全部都係水晶粉嚟，都唔緊要，但成碟嘢除咗辣味，無蒜味香味，難食到一個點，譚仔都好食過佢好多另外仲叫咗碗牛腱麵，無乜特別無影到相，正常發揮，啲麵比較腍，但就等咗好耐明明當時下午茶時間，都無乜客飲品又係出奇地慢，食緊酸菜魚同小食跟住先有嘢飲希望餐廳認真試吓自己啲出品，改善一下…Read More

餐廳環境尚算舒適，又無用餐時間上限，好適合傾偈聚會可惜服務一般，店員明顯經驗不足，明顯地我哋要分享食物，店員都唔識主動俾碟同額外餐具，食完嘅嘢都唔太主動收，通常都係下一道菜嚟，無位擺，我哋遞俾佢先識收。黑松露薯條，薯條炸過龍，又油又硬，成個薯條同黑松露冇任何關係，旁邊兜醬亦都冇黑松露味，只係普通沙律醬唔明點解咁簡單嘅食物，都可以差沙律算正常，但牛油果未夠熟，冇牛油果味封門柳乾柴，無咩肉味，上面條芥蘭都格格不入不，唔知做乜事煙三文魚明太子意粉，呢個係好食最滿意係呢個，不過份量真係好少成餐最離譜係呢個西班牙海鮮意大利飯，完全違反商品說明條例餐廳嘅圖片顯示應該係紅紅哋色嘅飯，平時食開嘅都應該係咁嘅顏色。但實質嚟到嘅意大利飯完全唔係嗰隻色，亦都唔係嗰種味，而且個飯本身都冇乜味，又乾，係我食過最難食嘅意大利飯旁邊啲海鮮亦都係全部無味，雪藏都唔緊要，起碼都俾啲調味，唔好咁Hea黑糖麻糬窩夫（全份），呢個好食嘅$98金粟天使牛角窩夫$82叫嘅時候無得揀半份定全份，冇特別問到究竟有幾多件，點知原來只有¼件，呢個價錢真係貴得離譜，如果知道得咁少，寧願叫多一份全份窩夫，呢個真係勁唔抵食唔推薦旺角地舖嚟講，呢個價格合理，但食物應該可以再做好少少…Read More

身為開心果愛好者，之前留意咗呢間好耐，想試佢嘅開心果豆腐花好耐，特登上OpenRice 睇咗menu先去食，點知一坐低見到個價錢$58，心諗係咪我記錯，明明openrice之前睇係$48，只係一個月前嘅事。加價幅度會唔會太誇張不過既然坐低咗就都照試吓啦，總結都好食開心果味係幾香嘅，經開可以試吓，但勝價比不高，唔駛特登嚟試。題外話，食完想要張紙巾抹下咀啦，佢夠膽死收$5包紙巾，會唔會太離譜？我明白食店要控制開支，唔想免費提供俾人亂咁浪費，你要我買唔緊要，但係咪連紙巾都要賺咁高利潤呢？一般食店賣$2-3都合理嘅，唔駛賺到咁盡嘛？…Read More

星期六中午一行三人，12:14分左右入到餐廳坐低，12:17落單叫嘢食，食物大概係12:26到齊。由於我同朋友本身肚餓，都係食嘢比較快，所以我哋極快係12:38左右已經清晒所有食物，職員已經好手收晒所有碗，與此同時聽到職員同後面嘅食客講：「你睇餐牌啦，睇定就有位㗎喇」我哋原本都打算飲埋枱面杯水，抖一抖都走。點知再轉個頭，職員就即刻過嚟想收埋我哋杯水走，其實當時距離我哋入座時間係半個鐘都未夠，亦有好多枱係早過我哋入座，而又未走。我哋只係食得比較快，但我哋一食完就想趕走我哋俾，感覺真係十分差。講真，餐廳想翻枱我明白嘅，但我食咗半個鐘都未夠，會唔會太過分呢？食完嘢係咪真係抖幾分鐘都唔俾，要即刻起身走呢？然後佢哋係咁收我哋嘢走嘅動作，令到等位嘅一家四口誤會我哋已經食咗好耐，食完唔走係度撳電話，仲要俾說話我哋聽，對父母暗串我哋：食完就走啦，仲係度撳電話🙄…Read More

小小嘅舖面，一個不留神，行過都未必會見到。剛剛搬嚟慈雲山，周圍探索下有咩好食～第一次試食Tiramisu就愛上咗呢間店佢全部甜品都性價比極高基本上佢大部分甜品我都試過晒，真心唔會有伏最推介係Tiramisu,其次係芒果布甸（每一次買啲芒果都係甜嘅）雖然店主平時好似唔點講嘢又無乜笑容，但其實都好好人嘅。試過一次買完蛋糕同去超市買咗一大枝鮮奶，先諗起無帶鎖匙，唯有硬住頭皮問店主可唔可以擺住係你度先，晏啲嚟拎返店主都好好人幫我收留咗佢哋！…Read More

新開張有部分食品做半價優惠，都幾吸引，同埋見佢有午市套餐所以吸引咗我去食Order咗涼拌萵筍，水煮魚配涼皮，辣子肥腸，同一lunch set嘅四餸干鍋（但有啲唔記得影相）涼拌萵筍好食水煮魚份量好多，但就唔算好滑，揀咗小辣但係都覺得都幾辣下辣子肥腸份量正常，味道都OK，但如果可以煮乾身啲我會更鍾意食🙈干鍋都唔錯，蓮藕好好味，但田雞就冇乜肉，雞軟骨同雞腎都正常跟餐有杯烏梅汁都幾好飲😋男店員（應該係經理）好有禮貌好好服務我手殘落錯咗杯熱飲，佢都二話不說即刻幫我換過杯雖然佢唔係我食過最好味嘅川菜，不過以屋村店來講我覺得都唔錯，應該會返去再食…Read More

係香港食串燒真係唔平，呢間係我暫時食過最抵，而家質素又唔差嘅串燒店，價錢親民叫都叫得豪爽啲，唔駛就住就住🥰🥰🥰🥰🥰所有野大致上都滿意，雞泡魚干同墨魚咀份量超多，但墨魚咀炸粉偏厚，同埋佢係跟沙律醬，唔係太夾雞泡魚干嘅味道，好彩屋企有蛋黃醬😬😬共餘食物都係正常發揮👍👍👍係滿意嘅～～雞皮夠脆～茄子叫咗辣味，但個粉落得唔平均，有啲位好辣，有啲又唔辣，可以再改善少少🙈多春魚都係必食$30六條好抵，係出面食要$10條🤦🏻‍♀️牛舌又係勁抵食👍👍👍…Read More

環境係特別，適合打卡聚會，但食物真係要用心啲一啲都唔青嘅青醬意粉，茶記都可能好食過佢，侍應擺低時我都呆咗，點睇都似白汁多過青醬，HEA到不得了佢啲小食反而幾好食，再叫咗個黑松露薯條，正常發揮幾好食嘅，係粗薯條好有口感。仲有牛油果酸忌廉雞翼，個醬配雞翼食係咩特別，俾雞翼本身嘅調味蓋過咗，但反而用呢個醬點薯條，個醬就特出好多好好味最後仲有個楓糖Pancake,正正常常啦食完個意粉因為都有啲失望，所以之後嘅嘢食無影到相…Read More