Agnesyam's Profile

晚飯一行五人，點咗一個四人套餐，另外加咗半隻堂剪奶豬以及一碟黑松露珍珠貝炒蛋。四人套餐份量非常足夠，尤其海味雜菜煲大大煲，材料豐富，當中使用咗大蝦乾而非蝦米仔，套餐各道菜式味道中規中矩。而當晚我們各人一致認同最好味嘅竟然係套餐外加嘅黑松露珍珠貝炒蛋，雖然價錢少許貴($148), 但勝在黑松露及珍珠貝份量很多，一啲都唔小家，黑松露味道好香，蛋亦炒得好滑好creamy。而全晚比較失望嘅就係隻奶豬，真係好肥，基本上三份之二係肥膏，食唔慣，皮係燒得好脆，如果唔怕肥嘅可以一試，半隻$158係抵食嘅，但我地下次就唔會再食。總括全晚食物隨咗奶豬唔太啱胃口之外，所有菜式都滿意，幾位女侍應招呼亦很好，坐位安排可能太多枱靠近海景窗邊位置，枱與枱之間空間比較窄小，出入唔太方便，或許減少放一張枱可以令地方鬆動啲。全晚消費$1975(連兩支啤酒及一個白飯)…Read More

晚餐吃了慢煮忌廉漢堡扒配手造麵包及 Ice Cappuccino(連加一總共$173), 漢堡肉吃到有筋，忌廉汁稍為咸了一點，縱使是點麵包吃也覺得稍咸，配菜份量較少(西蘭花＆菇菌)，加多點會更好，手造麵包是好吃的，溫暖而鬆軟，咖啡味道中規中矩，但太細杯(凍飲使用幼身長玻璃杯), 但好處是凍熱一樣價錢。沒有吃過這裡的名物Pancake, 如有機會再來或者會試，但主食就沒有太大信心。價錢偏貴。…Read More

晚餐主食轉套餐可加不同價錢有沙律/湯+指定冰茶/汽水，或另一選擇有沙律/湯+酒OK, 這些組合不是不可以，但請給顧客多一個選擇：沙律/湯+咖啡或茶反正之前兩個選擇你們都定了兩個不同價錢，再多加一個選擇多一個價錢應該不會很難做到吧, 一間西餐廳，套餐給顧客喝杯coffee or tea, 我不知道這算不算是普世價值……或者參考一下某些其他餐廳做法，讓食主食的顧客自由加錢配搭加餐湯或drink list上任何飲品，飲品可以正價減$8, 會不會讓顧客更開心呢？你們的主食其實做得不錯，尤其手做意粉及牛油果醬漢堡，如果不是我不會間中來吃，但我每次都很希望正正式式的在餐前喝個餐湯, 餐後飲杯咖啡就是這麼簡單的希望(不要我喝那個什麼冰茶或汽水ok?) 但我每次都決定要放棄喝湯然後散叫咖啡 (可能我太窮不願意再散叫加湯或太有衣食不想浪費那杯無處不在的冰茶/汽水) 希望你們不要因為這少許問題就流失客戶，我星期二晚上6時30分過後還是見到不足3份之1的座位有客, 望你們管理層考量考量。…Read More

基本上食物同飲品質素係唔錯的，但所有嘢都衰喺個魚露手上，魚露唔夠甜唔夠濃唔夠香，總之就係差咗啲嘢咁，賣相唔錯嘅食物本來期望很高點知沾上魚露之後變極失望，我們一枱3個人都係同一感覺，須知魚露對於東南亞菜嚟講係非常之重要。嗰位應該係經理嘅職員態度硬係怪怪的，唔可以話佢冇禮貌，但又絕對唔係笑臉殷勤嗰隻，好似唔係好高興招呼你但佢又冇嘢令你要投訴佢，總之唔知想點咁啦，係嗰種佢冇得罪你但你會盡量唔想同佢講嘢嗰啲人。由於沒有下午茶套餐所以散叫，3個人3杯凍飲+3款小吃(魚餅，濱海，粉卷)食咗4百7十幾蚊，下午茶每人平均over$150, 貴就一定㗎喇，但係如果個魚露好味啲同個經理啲面口正常番少少條氣會順啲。…Read More