ykmwai's Profile

自助邊爐係我最愛嘅菜式之一，所以尋晚就去左大將食喇。🥰🥰我地揀選咗最基本HKD188一位嘅餐，因為醉翁之意不在‘肉’, 而係食啲配菜。不過就算係入門版嘅美國牛肩肉都已經好有質素❤️❤️。最令我地有驚喜嘅係黑魚片。原本我地都冇任何意慾想食魚，因為驚有骨。但服務員極力推介，一試之下真係好滑又唔煋😋😋，所以我地都叫左幾碟。配菜係重點，選擇非常之豐富，好多蔬菜選擇，另外丸類都好多。除左邊爐配菜，當中都有啲小食做前菜，仲有白飯任裝，好飽肚✌🏻✌🏻。醬料方面，如果鐘意食喇嘅因真係可以一試佢地嘅麻辣紅油好香🤩🤩。甜品方面，有雪糕同一啲小甜點。而我最喜歡嘅就係自助窩夫機😍😍😍，可以自己動手做窩夫，好多小朋友都爭住玩，幾好嘅idea.整體而言，餐廳乾淨企理。而服務我地嗰枱嘅姐姐都好好人，值得一讚。👍🏻👍🏻…Read More

天氣熱，想食餐簡簡單單嘅開胃飯，就諗不如搵間酸菜魚食下，所以就去左銅鑼灣嘅傷心酸辣粉。餐廳環境尚可，人頭滿滿，所以有點嘈。😅酸菜魚（小辣）本人食酸菜魚嘅經驗不多，但每次食嘅都係薄薄嘅魚片，所以當見到呢碗魚嘅厚切度嚟講係有點吃驚嘅。事實上，係可以形容似係一舊魚柳。當然，理論上用魚柳可能想增加口感，但魚肉好削同一陣雪味🙊，食左兩啖就接受唔到。味道方面，辣是有啲，但酸就欠奉了。😪😪蒜泥白肉比起一般餐廳嘅蒜泥白肉多汁，味道屬於正常水平。整體普通，唔太特別。手撕雞一個字，‘鞋’！啲肉質完全係鞋，好難遇上咁令人失望嘅手撒雞！🥲🥲今次體驗，得出嚟既總結就係～無下次！…Read More

原本打算响銅鑼灣搵食，行到登龍街忽然落起大雨，就衝左入去一間小店入面食午餐。😊😊餐廳座位不多，但好整齊乾淨，坐得好舒服。另外，餐廳服務員非常有禮，服務周到，好評！👍🏻👍🏻我地兩個人點左兩份午餐，每份大約100蚊左右，有沙律主菜同餐飲，屬午餐中位價錢。❤️❤️大力推介手工薄餅～我地叫左個夏威夷薄餅，實在有驚喜。薄餅底鬆軟香口，比起其他大型連鎖薄餅店薄餅底更加出色。🤩🤩韓風辣雞粗管意粉～意粉汁味道剛好，二人份量亦十分適中。😊😊韓風紫菜薯條～新鮮炸出來嘅薯條非常香脆，再配上冰凍啤酒，一個字, 爽！😋😋因為我地兩位女士食完個主菜已經好飽，所以就無加配炸雞。根據目測，隔離枱炸雞賣相唔錯，午餐只需加38蚊有兩件炸雞，下次可以一試。😆😆…Read More

原本以為自己訂咗So Bar, 但原來係訂左蘇媽.蘇媽，所以就同朋友响未有心理準備下食左餐馬來西亞菜🤣🤣我地兩位叫左一份花膠雞腳肉骨茶配油炸鬼，好食！肉骨茶味道不錯，藥咪不重。花膠同雞腳好滑好林😋😋，飲完湯全身暖哂❤️玻璃魷魚配通菜算係正常發揮，冇乜特別。魷魚爽口但無咩味😅😅馬來黑叉燒～同大家食開小美點嘅叉燒非常不同，黑叉燒又乾又瘦，所以食開肥叉嘅我不太懂得欣賞喇😛😛飯後最方便之處就係行過幾步就可以飲野。過到去So Bar，我地點左兩杯飲品同一串燒雞皮做小食繼續傾計。相對餐廳嗰邊, 酒吧嘅服務員較年輕有禮。一位女服務員主動幫我地影相，又有笑容，值得一讚❤️❤️。…Read More

朋友生日🎂，選擇左MUTA慶祝🥳。我地透過openrice網上訂位，但因塞車遲左12分鐘，而餐廳只可以hold枱10分鐘，所以到嘅時候已經取消左我地嘅訂位🥲。幸好當刻還有walk in位，服務員亦好好服務❤️，馬上幫我地安排入座。因此，俾個小貼士大家，訂位後記住要準時😛。月見雞肉棒串 ～ 必食！雞肉棒好香亦好有口感，再沾上蛋黃同醬汁，一流！❤️❤️柚子醬吞拿魚他他中餅 ～ 吞拿魚好新鮮，再配上食用花，打卡好靚🥰🥰蟹肉蟹膏甲羅燒燉飯 ～ 一上菜已經聞到濃濃嘅蟹味，再用匙羹筆落去，係滿滿嘅蟹肉蟹膏，感受到好高嘅性價比。整體好配合，好好味嘅燉飯。🤩🤩烤蘋果•蜂蜜蛋糕•甜蕃薯雪糕呢個甜品最值得推薦嘅係甜蕃薯雪糕，一入口就沒有香甜嘅蕃薯味，感覺猶如食咗啖入口即融嘅蕃薯一樣，非常特別。😋😋😋…Read More

星期六下午，响新都城無無聊聊咁閒逛，大概4點30分左右感覺有啲肚餓，就開始响商場搵食。去到牛摩，時間剛剛係4點50分。職員介紹餐廳午餐時段到5點正，此刻入座依然午市價錢，10分鐘後就已經係晚餐價位。即係話，我地心中選擇嘅特選美國牛肩胛套餐為例，就會於10分鐘內由有HKD135+ 一位變左HKD199+。既然如此，我地就馬上決定食個early dinner HKD135啦我地選擇左昆布清湯底同埋用草花雞湯底，兩個湯底味道都恰到好處，唔太濃唔太淡👍🏻👍🏻雖然呢個餐屬基本級，但美國牛肩胛肉質實在唔錯。而最重要嘅係啲火鍋配菜種類多，包括幾款蔬菜、菇類，仲有苦瓜同冬瓜，當然有不少丸類例如貢丸、包心丸同芝士丸，亦都有烏冬同蕎麥麵等等。另外，仲有甜品櫃內嘅小蛋糕同泡芙，仲有兩款雪糕🥰🥰。 整體上餐廳好乾淨俐落，坐位舒適，服務員都很勤快，係一間值得再嚟嘅餐廳👍🏻👍🏻。…Read More

好一段日子無去素菜館，今個星期假期趁天氣好就帶阿媽出去走走兼食齋。家母選擇三德素食，佢話老字號得嚟啲食品質素都唔錯😊😊當日我地冇訂位，星期六12點鐘左右到達佐敦三德素食，等左一陣就被安排入座。幸運地，我地被安排坐仲窗口位☀️☀️，感覺舒適🥰🥰。我地點左一壺鐵觀音茶，茶味清香🍵。前菜係炆花生，好食～炆得好淋好入味。崧子香樁素玉炒飯 ～ 炒飯非常出色，炒飯夠乾身，粒粒分明，食得出師傅嘅功架。再加上崧子鋪上飯面，更加香口👍🏻 海苔煎薄餅 ～ 薄脆香口🤩🤩 素翅鮑片灌湯餃 ～ 無特別，平較普通 今次嘅午餐體驗不錯，難怪咁多素食茶客鐘意嚟三德素菜飲茶茹素❤️❤️…Read More

十二味嘅分店越開越多，總有一間喺左近。今次我地就是去左將軍澳寶林新都城分店。星期三嘅晚上，到達餐廳大概8點左右，客人不多，只有兩枱食客，環境安靜，感覺不錯😊我地第一次食十二味，兩個人點左一個香辣鍋，然後點選左配菜，包括午餐肉、 雞軟骨、墨魚丸、尤魚、腐皮等等。上菜時發現份量十足，一個大碗滿滿材料，十分震撼🤩🤩🤩🤩。我地選擇左小辣，香辣度剛剛好，十分惹味開胃😋😋，之後再加點一個白飯更加完美🍚，已經非常飽足。下次會再嚟，到時希望試試酸菜魚🥰🥰…Read More

有幾次午餐時間路過元氣一杯，餐廳都係坐滿人客，所以感覺上餐廳應該都尚算出色，早已埋下有機會一試嘅打算。終於，上星期約同事食飯，決定到元氣一杯一試。由於第一次嘅關係，就打電話去訂枱，但接聽電話嘅餐廳服務員冷淡地回應佢地唔接受訂位，要自己嚟等位就收左線，感覺好受傷，第一印象就咁被破壞左🥲🥲當日1點正去到，總算幸運嗰日客人唔多，好快就被安排二人座位。餐廳面積不大，座位亦比較相近，所以環境比較吵雜，同同事傾計嘅時候都要提高聲線。食物方面，食品質素同份量都唔錯👍🏻。午市定食有多款選擇，價錢亦算經濟，豐儉由人。我自己就揀選左炸物拼盤紫菜飯，有沙律、前菜、湯、燉蛋、主菜同水果，另外仲有一杯飲品，十分豐富🤩。總體而言，除左服務低於預期外被扣分外，食物同環境尚可，午餐嘅話都可以一試。…Read More

1）訂座體驗 🍽網上預定：想去Harbourside食buffet，一定要提早訂！ 假若想特定日子去食嘅話，就更加要較定鬧鐘🕑，好似買演唱會飛咁。點解咁講呢？話說，為左5月31日晚同好朋友慶生, 我當時係3月1日早上10時正個網上訂位一開始就即刻訂嘅！🎊🎊Walk-in又得唔得呢？🤔🤔根據我地當晚嘅目測喺有咁嘅可能！不過建議喺8點30分後試試。因為平日嘅晚餐自助餐由6點開始，有好多客人食到8點30分左右就已經結脹離座，所以佢地都會安排左啲walk in客入嚟。2）食品款式同質素🥘🍲🥞冷同熱盤嘅款式尚可😊，但甜品就一般般喇🥲！刺身好新鮮，特別係帶子好鮮甜。麵包蟹多膏，好食！凍蝦蟹腳都有供應，但就無特別驚喜。熱盤必食當然係回本菜鮑魚，海參同花膠啦，不過個汁好咸，如果有得配白飯中和番就更好。另外，片皮鴨比較皮小肉多，所以食左一件後感覺都飽左😛甜品係有啲失望嘅，款式唔多，只有幾款蛋糕，crepe同窩夫。雪糕🍨就比較多款，有8款口味任君選擇。3）服務🤵‍♂️🤵‍♀️話晒都係六星級酒店內嘅餐廳，服務算唔錯。基本服務係做齊，例如收碟速度好快。另外，朋友生日，服務員都有主動過來幫我地影相😊 但整體黎講只可以話基本野做曬，但就欠缺左啲熱情同笑容。同埋一般酒店餐廳進餐到尾聲嘅時候，都會問下餐飲體驗如何或問下客人意見。但呢間餐廳就冇做到😅4）環境整體環境乾淨整潔，但冷氣凍到不得了。特別坐嘅位置，個風口🌬吹住個頭好辛苦。服務員話佢地都知大風，已經將冷氣校到細左，所以無辦法解決我地嘅問題。就係咁，我地就凍足成晚。最後因為太凍，所以9點左右就已經離開。註：枱號109整體而言，係無咩驚喜嘅！HK800幾蚊一位加埋服務費係有啲貴得嚟普通，所以未必會再嚟。就算再嚟，都唔會再抱太大期望🥱🥱！…Read More