寶莉's Profile

一路都有光顧Starbucks，欣賞佢哋職員大部份都幫忙，食物質素OK，今日喺呢間Starbucks有非常之唔愉快嘅經歷。一般Starbucks都會借鎖匙俾客戶去洗手間，呢一間係絕對唔會，會叫你去麥當勞對面嘅污糟廁所。今日早上因為麥當勞廁所清潔，反鎖左，問佢哋借鎖匙，兩個職員都唔肯，叫我自己諗辦法！最後喺隔離賣飯團嘅舖頭職員，見我小朋友真係好急，肯幫手借俾我哋去商戶嗰個廁所。舉手之勞，希望佢哋唔好咁計較，講真呢一間我一定唔會再去！絕對係幫公司倒米嘅員工。…Read More

剛開業嘅時候，老公嚟食過一次早餐，話唔係幾好食，但我好幾次同囡囡放學嚟食下午茶，真係唔錯，要為佢平反下。阿囡好鍾意食佢個炒飯，因為佢炒得好香，啲蝦仁唔會有一般茶餐廳有嗰種雪味，同怪味，啲蛋又唔會老，叉燒粒炒得好香，大大碟。佢次次食完都話要打包返去做晚餐。好有鑊氣都係$49。我鍾意食佢個蒜蓉牛扒，啲蒜蓉汁好香，牛扒大大塊又唔會靭，亞女都鍾意黐我食幾嚿，好好味，下午茶$52仲有杯好好飲嘅凍檸茶，實在係性價比高。👍🏻👍🏻門口有個帶位嘅老先生，年紀大，但係招呼好殷勤、幾親切，我哋都好鍾意佢😊，好勤快👍🏻👍🏻會繼續支持餐廳。…Read More

又一間經朋友介紹而愛上的餐廳。環境是老牌西餐廳的風格。有分上下兩層。個人比較喜歡坐樓下，貪佢有大大張舒適的卡位，好坐。:)最鍾意食的食物包括： 美國生蠔 (大大隻只是HK$38) 鮮茄焗牛脷飯 (牛脷好腍，沒有怪味，好似午餐肉，正)葡汁焗石班飯 (石班好滑，葡汁香，正) 是晚兩公婆叫了：老公 - 煎鵝肝併牛肉眼扒 (跟薯菜) - 煎鵝肝脆口，香滑，可惜最尾有一點苦澀。牛肉眼扒原要求5成熟，但發現有點太老，可惜):(我 - 葡汁焗石班飯 (石班仍然好滑，沒有雪味，正) :)我 - 美國生蠔 (之前的汁料有乾的炸蒜，不知為何現在取消了，汁有點失色，蠔仍是好味 :)…Read More

幾年前有朋友介紹此酒樓給我去試，一試便愛上了，現在久不久都會來食晚飯。舊時未裝修之前，入門口左手邊都是很舒適的卡位，同朋友食飯傾計最理想。:)可惜最近一年改成全數是圓形酒樓枱，感覺作為傾計的地方，沒有那麼理想。:(如一般酒樓, 他們都有分小炒同火鍋。我個人比較喜歡他們的小菜。是日經濟晚餐叫了:香蔥脆皮雞 - OK, 入味，不過蔥有少少太生，扣少少分。清蒸蟲草花多寶魚 - 好味, 魚新鮮，亦蒸得好！蟲草花竟然幾好味喎 :)再叫了白飯、汽水等等, 埋單每人HK$80左右。滿意的一餐。…Read More

是夜很晚才外出食晚飯，(已十時了)，本來想去旺角一食店，但後來老公不想開車去太遠，所以最後在長沙灣附近試試新食店，竟然被我們發現了一間好嘢。:)此店外觀似是扒房，九時至十一時有特價的宵夜晚餐，(由於我同老公都不是太餓) 見宵夜晚餐只是HK$39, 都感覺幾抵，想試試。見餐牌有咖哩牛扒、豬扒、石班、牛腩等等..都是HK39 (連一杯飲品)最終點了： 老公 - 焗豬扒意粉 + 凍奶荼 我 - 焗石班飯 + 凍檸荼驚喜位在於：1) 我們覺得此宵夜晚餐只是HK$39(包一杯飲品), 份量可能會將貨就價比較少，但一點都沒有，份量十足！2) 有些店的焗飯，是著通白飯底，但此店的焗飯是炒飯底，炒得好香，白汁芝士亦香濃好味3) 老公覺得奶茶普通，都OK, 但我杯檸茶有好多片檸檬，好徇檸檬味，我覺得好正。待應都好勒快有禮貌，所以我們下次會再去幫襯！ …Read More

偶然開車來到土瓜灣，見此處的食評ok, 便同老公去試下。發現真的不錯。粥好綿，材料亦足，不錯。小炒亦都有鑊氣，算是平靚正之選. 椒鹽九肚魚 - 炸得外脆內軟，好味！ 蜆蚧鯪魚球 - 香口，得！ 鮑貝粥 - d 料好多，好好味！…Read More

由於此餐廳的地點不是太就腳，我只幫襯過兩次。一次是堂食，另一次是外賣。堂食的經驗不是很好，因為排隊的人太多，要等頗久，加上待應都很趕，叫囂、嘈雜有點混亂。桌面、坐位都很迫，我們對面坐了另一對食客，大家的碟子太大，都不知如何放了，場面尷尬。外賣方便很多，我記得最喜歡他們的蛋牛治，因為「蛋」「牛」都很厚，好味！…Read More

此小店就在我公司附近，平時中午很喜歡光顧。但可惜因為坐位不多，很多時都是"腳快有、腳慢無"，去遲一步，都要"明天請早"。午市都很繁忙！又因為坐位不多，一般一行有六、七位同事想一齊食飯亦很難有位。所以多數都是選大家都各自各忙，各自"搵食"時，我才去此處獨食。最喜歡的菜式是：1. 蒜蓉蒸聖子 - 聖子好大隻，好彈牙及鮮味。雖然一碟兩隻，但每次都令我食得好滿足。2. 芝士海鮮焗飯 - 我的另一至愛。有新觧海蝦、墨魚、石班魚等等。配合芝士一分好呆。午市只係$38，好抵食。外賣返公司食仲送例湯。正！因為menu 專門有十多種美食，不是特別多，所以可能因為咁，水準可以保持得好好啦。希望佢可以快d擴充下，我下次易d有位啦。 …Read More

男友想食越南菜，我一向在荃灣區嘅心水都係"小巴黎"，佢係openrice睇到呢間的食評都ok, 所以為了"食好d"，話同我去試下。七點去到見到唔多人都覺得有d唔對路，我地被安排坐卡位，但個位都好迫下。個menu的相ok, 我地點了大蝦西柚沙律、藍貝、香茅雞翼、招牌清湯越南濛、三色冰。全都出事！大蝦西柚沙律都算正常，但只有兩隻蝦，蝦新鮮，不算大隻，西柚兩三粒，其他都是生椰菜絲、紅蘿蔔絲，收五十幾蚊，唔係好抵。藍貝係menu個樣同上枱的分別好大，佢用水白洽完，用少少蔥、蒜炒，好唔得，藍貝肉超細粒，縮到好似五毫子咁大，無味，只係白水洽的味，藍貝離殼好唔新鮮，我食到有一隻臭咗，立即吐出來，好核突，即刻退返比佢地。個女待應知道，問都無問即刻退返入去，好似都唔係咁surprise。香茅雞翼好普通，好似茶餐廳的水準，無香茅味！沙嗲王同小巴黎都好食好多，又唔會咁貴。招牌什麼清湯越南粉，d牛腩都幾好味，但d粉太熟太稔，一pat pat，唔多好，六十幾蚊唔值囉。最後三色冰，最差係d冰，因為佢地用碎冰，但唔知點解d碎冰係結成一塊，成o舊放係我杯三色冰上面，好怪。最後埋單，就算無計個藍貝都要一百七十幾蚊，以咁嘅食物水準，超唔抵！我一定唔會再幫襯。…Read More

喺尖東返咗三年幾工，都係去過一次咁大把。重係男友仔因為係OPENRICE睇到食評多人話好先去試一試。地點其實好遍辟下，唔好坐，印象中只係好一般。環境都幾亂、可能因為太多人啦。D海南雞個樣好好睇，味都OK、好滑下，但又不是算太好食果種、唔係好鮮味，有D雪味同凍。沙嗲都只係好一般，普普通通。…Read More

我耐唔中都好喜歡光顧呢間壽司店，男友仔亦都好鍾意食呢間嘅壽司。我哋覺得佢嘅價錢對比返食物嘅質素都算好合理。環境又乾淨企理、service 亦好好。有一次，我男友仔生日話去呢間店食壽司，我哋叫咗某一款壽司，個師傅話剩返最後一塊啦，所以免費送埋俾我哋食，所以俾兩”舊嘅錢有三塊食啦，幾開心呀。三文魚一直都好好味又抵食，只係$9蚊咋，另外，山葵八爪魚壽司、”魚立”魚壽司、甜蝦壽司、吉列炸蠔、炸雞翼、三文魚子飯等等、都係我們經常叫又很喜愛嘅食物。一諗起想食壽司，就好自然想起食呢間。只可惜門口成日都大排長龍，所以有時都會因為怕等而唔去。或者叫外賣拿走慢慢嘆。尖沙咀果間都好多人，所以好希望佢開多D分店、或者開大間D啦。…Read More

上星期平日見佢新開張，好多人，又似幾好坐，於是同男友仔入去試下。坐低之後發現佢入面都幾立立亂。已有D想走人。後尾終於落咗單，發現D米線一D唔好食。點講呢。D 米線煮得太"林"，又太辣。根本食唔到。個香草雞翼似"炸咖哩雞翼"，一D香草味都無，又油，唔好食同唔抵食囖。同男友仔兩個都好唔滿意咁走人。埋單要七十幾蚊，因為D嘢唔好食，又辣到食唔到，所以覺得好唔抵下。…Read More

前幾晚肚仔餓，又懶煮、又懶出街搵嘢食。於是就想起叫外賣啦。上OPENRICE搵一搵屋企附近有邊間茶餐廳有好介紹。於是發現咗金寶。之前平時有時o係屋企樓下附近都見過金寶架外賣車。前幾日係第一次試。叫咗兩個晚餐，係"馬拉棧通菜牛肉"同"咕嚕肉"。兩個小菜都幾好味同有wok氣。唔錯。今晚再翻兜"馬拉棧通菜牛肉"，加另一個小炒"椒鹽骨"。都好好味。兩個小炒加兩杯凍飲，都係$70。都幾抵食。如果有例湯送就更理想啦！以後又多間外賣可以選擇啦。…Read More

已不記得是誰推介我去這間糖水舖。只記得多年前一試便愛上了。不管門口排了多少人，只要那\"癮\"一起，便\"海枯\石爛\"地一直等。HELLO 及幻彩明珠是我和男友仔的至愛。很美味，很抵食！生果很新鮮、材料配搭得很好。我特別喜歡雜豆的口感，很有\"o趙頭\"。而男友仔則喜歡那些\"彈牙\"明珠。值得推介。…Read More