boonboonwu's Profile

諗起鋸扒就諗到去舊金鳳，今次叫左牛柳餐及什扒餐。先黎餐飽，餐飽暖暖地，係一個櫃桶度拎出嚟，算ok啦。餐湯，白湯內D粟米蓉一堆堆怪怪地，白湯同紅湯都算ok啦。牛柳方面，冇乜味，牛柳應該有2cm厚，叫左5乘但睇落7乘，但絕對唔關鐵板事，因為牛柳底有薯條及菜隔住鐵板，D菜都唔見得燶咗，算ok啦。什扒就伏伏地，牛扒、朱扒、火鷄扒及腸仔，全部扒都無乜味，但勝在大大件（除咗火鷄扒）。最後杯飲品，杯飲品超細杯，熱飲的話一啖都冇左三分一，凍飲唔知有冇250ml，絕對絕對唔可以解渴。價錢方面都唔係平，所以性價比算中中間間。每次入去都係想食個環境，同埋易搵位。…Read More

原本食壽司店但超級多人，立即諗到去食 Belly Boys，去到冇乜人立即有位。店員服務唔錯有heart，我地食左瑞士芝士松露醬蘑菇漢堡、Belly’s Smash芝士牛肉漢堡、芝士炸雞漢堡、薯寶及炸雞翼。漢堡肉質好juice，醬汁都唔錯，麵包都有烘過，整個漢堡包都非常滋味。薯寶熱熱地及脆脆，非常好食。炸雞翼肉質 juice，但味道就冇乜特別。跟餐還有飲品，蜜桃梳打及荔枝梳打勁好飲。食過幾次都仲係覺得好好食好好味。…Read More

Openrice 有優惠，所以買咗兩隻雞全翼原價$18特價$16。味道可以唔會太重口味，附加調味料唔夠味可以自己再加，肉質 juice 及嫩滑。即時炸所以等左20分鐘。…Read More