littlelovelybb's Profile

又係新一個學年,嶺南樓又轉menu平日下午大約1:45來到嶺南樓飲茶.見到有大量空枱, 不過好明顯唔夠人手, 因為全部都未執.:(個waiter問我搭唔搭枱, 心諗咁多空枱仲要搭枱?個waiter無服務可言, 佢仲要串我話繁忙時間要搭枱wor!最終爭取到唔洗搭枱不過被黑面我地叫左D小菜同點心,味道都唔錯, 之前來食過D點心唔夠熱,依家改善左好多!炸魷魚鬚好脆:)咖哩魷魚夠腍又入味:)什菜煲足料又夠熱咕嚕肉都唔錯:)雖然服務差左, 不過食物質素提升左唔少~…Read More

放假同男朋友去食豪華午餐,之前來灘萬都係食懷石料理,午餐仲要食鐵板燒都係第一次.鐵板枱對住大玻璃窗, 感覺一流不過本人覺得鐵板燒味道一般可能午市, 所以無乜選擇.我地order左少許刺身再加2個鐵板燒set lunch.當日刺身都好新鮮 :) 我地要左刺身倂盤,海膽好鮮甜, 赤貝都唔錯:)但係鐵板的食物就一般~帆立貝加左洋蔥, 香味十足, 不過有點over cooked.牛肉薄燒就咸左D.不過份量都好足下次都係食返懷石料理好D …Read More

朋友一直都好掛住唐閣隻三蔥爆龍蝦,於是今日同朋友再來食, 點知....隻龍蝦一到就發覺唔對路, 之前食隻龍蝦好乾身, 好有香味, 不過今再來發覺同之前完全唔同又唔夠乾身, 又無左蔥既香味.於是我地問個staff, 問佢地個大廚係咪放假, 佢話唔係, 大廚仲係度.我同朋友心諗, 如果同一個人煮點會差咁遠.後來上網見到, 發現佢地個大廚真係走左.原來蕭師傅去左中環一間新開既店, 我下次一定要去試而呢度我估我短期內都唔來lu :(P.S. 其他餸味道一般啦!…Read More

星期日我一瞓醒已經係下午了,由於星期日上環有好多餐廳都無開, 媽咪就提議去上環街市熟食中心,我地去左瑞記, 果度個叔叔好串架.你叫慢D佢就走左去架啦!不過佢地d野食真係唔錯,我地叫左西多, 蛋牛包, 牛面, 樽裝奶茶西多同出面既做法好唔同,呢度件西多係白色, 加左好多煉奶.唔會好似出面果d一口油, 好味!:)本人唔鐘意飲太甜, 所以覺得樽裝奶茶偏甜左.蛋牛包加左蔥, 香好多牛面係用出前一丁, 所以係丁面味…Read More

星期日同屋企人去食個好豐富既早餐,由於家在上環, 媽咪又唔想去咁遠, 於是去左Oolaa!:)果度環境好open, 地方都夠大, 在那裡食brunch好有放假感覺.:)野食份量好夠, 好好味!果汁好fresh~我再order左杯latté, 好香好滑~Hea下Hea下,咁就過左個好遊閒既上午~ …Read More

香港依家都有好多唔錯既壽司店, 不過講到元組級當然係見城啦!出面有好多好既師傅都係由見城出來, 師傅刀功都好好.:)每次去食d野都係咁新鮮!我最鍾意座壽司Bar, 因為可以自己睇有乜想食, 仲可以睇下其他人食乜!今次食白身魚為主, 再加左貝類同海膽.海膽係新鮮開, 好鮮, 好重海水味, 如果唔係咁鍾意海水味, 可以選一板板果d,一板板果d海水味無咁重, 不過鮮甜d~Hehe…我當然兩種我都有食.又係好滿足既一餐~…Read More

朋友生日, 佢一直都好想食懷石料理,於是我上網 check, 見到灘萬有得食於是打來book.懷石料理係要食時令的, 其中有d set, 每個月都會換.我訂位時, 佢地知我食懷石料理, 個Staff send 埋個menu 比我, 好細心呀!:)由於灘萬無切餅費, 我買左個細蛋糕上去, 準備比個surprise我朋友.我地座左window旁,唔算多人, 可以靜靜咁下計.是日Menu 桐懐石Dinner Kaiseki HK$780AppetisersWormwood egg bean curd with sea urchinBoiled spring vegetable with seaweedFirefly squid, seaweed and scallion withmustard vinegar soya bean pasteSashimiSeared rock trout,cherry trout and yellowjackSimmered DishLily bulb dumpling with shrimpserved with sakura and vegetable sauceDeep-fried DishDeep-fried assorted spring vegetablestempuraGrilled DishGrilled grunt with saltserved with grated radish and vinegar citrusORGrilled wagyu beef amiyaki with vegetablesRice DishRice casserole with sakura shrimpSoya bean soup and picklesDessertGrapefruit jelly served with strawberryice-cream and watermelon嘩! 上菜啦!好靚呀! 真係有d唔係好捨得食.每道菜都好精緻, 好特別!仲要好好味!其實食到最後都只是剛剛飽, 不過我地有個cake,今餐真係好滿足~…Read More

同男朋友去完新加坡食過白胡椒蟹之後, 個心成日都想再食知道無招牌在Causeway Bay有分店,於是同男朋友再去食,裝修以白色簡潔為主,座得都舒適,可能我地成8點幾先去, 仲要平日, 所以唔係好多人. 我地當然order白胡椒蟹, 佢地d蟹係斯里蘭卡蟹, 所以好大隻好厚肉~我地仲叫左花甲同其他野食,不過除左隻蟹係好味之外, 其他食物都一般!:(花甲又overcook, 真係唔係好掂但我同男友都再有encore呢間無招牌,為的就只有這隻白胡椒斯里蘭卡蟹,今次我地2個人淨係order左一隻大蟹加碟菜~食蟹飽的感覺好滿足…Read More

星期五要在尖沙咀搵飯食真係好難,:(就算訂枱都要限制交枱時間,有時同朋友想座耐d都唔得~:(好彩在最煩惱之際, 比我諗起頂好,頂好d野食又好食, service 又好, 又唔洗趕交枱:)我地book左7pm, 去到即有位,不過等齊人都差唔多8點, 佢地d staff又唔會嗺我地, 仲好nice咁問我地洗唔洗人齊先上菜.:)朋友一到齊即刻起菜,子薑皮蛋 - 朋友話好味, 佢話糖心, 不過我唔食~老火湯 - 足料, 無味精 我最愛既燒腩仔 - 外皮好脆, d肉又唔會好乾, 好味!:)涼菜冰鎮涼瓜 - 做前菜一流, 我估夏天食仲正!酒釀鴨舌 - 鴨舌無骨, 夠入味, 酒味夠香頭抽雞 - 雞肉唔會太鞋, 入味!其實仲叫左好多野, 不過有d唔記左大家掛住食同吹水, 都無影到相,去到食壽包先影左一張~壽包 - 熱辣辣好好味, 令今餐有一個完美既ending:)…Read More

情人節又唔想同其他人迫, 又唔想比人迫食情人節餐,只可選擇中菜, 但又想環境好d, 唔想比人趕可以慢慢食,於是我地去左港島廳~:)港島廳環境真係唔錯, 座得好舒服又唔會比人趕.佢地連枱上的setting都好有用心, 筷子是用真正的象牙筷子, 另外它們放調味料的是香水樽, 好靚~:)食物ok啦!雖然食物的味道跟其他高級中菜差不多,但港島廳勝在有心思, 有些菜的配搭都好特別,外面唔係咁易食到~我本人喜歡梨香炸釀帶子 - 唔太油, 好味松茸菌白玉杯 - 白玉即是冬瓜, 冬瓜吸左松茸d香味, 清清地又帶有松茸的香味, 好味!黑松露菌滑雞煲 - 黑松露菌好香, 估唔到配落雞煲都好野味!…Read More

大班樓成日都好full,之前仲要因為新年, 我又想book星期五, 就更加full.今次我早3星期book,終於book到啦!我地一行12人叫左十幾樣野,淨係雞都有3種, 百花雞, 十八味雞, 蒽油咸雞3個都好好味, 最正就係十八味雞, 即係豉油雞, 唔太咸又入味最特別就係百花雞, 裡面加入左墨魚滑再去煎, 好香口, 彈牙!其實蒽油咸雞都好好味~其他野都好好食蟲草湯 & 紫菜牛百業湯我2個湯都有飲, 我本人鍾意紫菜牛百業湯多d, 平時少d飲到, 見到佢清清地,估唔到都好有牛味, 朋友話牛百業好好味.香菇醬炒煙鴿鬆配比利時苦白菜呢個係前菜, 好香, 同苦白菜一齊食, 味道啱啱好~雞油花雕蒸大花蟹配陳村粉必食, 花雕好香, 配陳村粉一流, 我地要左大蟹, 蟹肉鮮甜!話梅肉桂糖醋排骨我對酸甜一般, 不過朋友就好喜歡, 佢話鍾意食酸甜的朋友一定要試!梅乾菜南棗扣肉本人唔係好食肥肉, 不過佢地煮到d肥溶晒, 我都食左2件! 九層塔辣椒膏炒蜆唔算太辣, 雖然好味, 不過我都係鍾意豉椒炒蜆多d酥炸金針菇唔似食緊金菇, 好香口! 食落唔覺油, Haha...好味到我地仲encore左~ 咸魚煎肉餅如果咸魚多d就好啦!檸檬葉蝦餅好彈牙, 好好味魚湯腐皮浸豆苗梅菜炒芥蘭三蝦炒飯炒飯夠乾身, 不過太飽啦, 食左半碗就放棄左!杞子雪糕奶味好重, 都幾特別好滿足的一餐~:)p.s.由於我掛住食無影相, 多謝朋友S提供相片:)…Read More

之前聽朋友講 PolyU 間酒店 Icon 開左,聽聞 D 野食好得於是星期六同朋友即興去試.Haha...去到先知道有中菜同 buffet.不過 buffet 就 full house.我地去左 28/F 既天外天.一入到去, 見到成個香港夜景在眼前.西式裝修, 好舒適雖然比起 ICC 的 Ritz Carlton 層數低好多, 不過我本人就比較喜歡天外天.無論環境同食物都比 天龍軒好!食物唔算平,平均每道菜都 $100 以上.由於之前無睇過其他人既介紹,都唔知有乜好食於是我地當晚要左 set dinner.$688/person總共有六道菜再加甜品.頭盤先來 3 小碟, 乳豬好脆龍蝦燕窩羹, 好足料班腩來到面前先加豉油, 不會太咸, 好味.其實所有食品都好出色.一定會再來,不過此終係教學酒店,有部份 Staff 欠缺經驗, 有些問題都係要問返 Manager.…Read More

朋友最愛食拉麵,香港有好多好出名的拉麵店都去食過.當中有平有貴,成百幾蚊一碗都有食過, 不過都是不外如是!今次來到札幌拉麵,嘩....有驚喜 bor!當然不及日本的好食, 環境又唔算舒適.但勝在湯底夠濃,麵質都算彈牙,仲要價錢合理,好過好多出面既拉麵店~我地 order左個 2人餐 $188有 2碗拉麵 + 任選 3 樣小食,份量都夠大!我地要左螃蟹拉麵螃蟹係高級既'假'蟹柳不過味道都 ok bor~小食要左: 燒牛舌, 炒什菜, 串燒雞翼 + 冬菇小食味道都唔差~…Read More

終於都去左食啦,每次去到一係就無開, 一係就超多人排隊...佢地逢星期一, 二都休息昨晚我地等左大約大半個鐘,個鋪好細, 得好少位, 座得有點迫.因為好多人等位, 所以要搭枱.感覺上仲迫.可能我期望太高,又加上要排咁耐隊先至食到,最終不竟有 d 失望~應該話未至於好食到要排咁耐.我地叫左南乳齋鹵水鵝肉併鵝腎, 墨魚鹵水掌翼無論南乳齋或鹵水食物,其味道都比較淡口, 不算太濃味.個鹵水汁應該係經過改良, 唔會太咸,做得都好出色.不過就唔算係好正宗既潮州鹵水.鵝肉肉質一般, 有 d 鞋,墨魚好稔, 好食豆腐好滑, 不過唔夠入味.掌翼比外面潮州店稔身d 同多汁,不過本人喜歡吃乾身點!其實所有食物都 ok ,感覺到好有 heart,有花心思落去 d 食物.如果唔洗排隊我會再去的!…Read More

在旺角搵食行過朗豪坊見到對面有間牛陣於是去左食,環境都 ok, 地方都好乾淨,可能係新裝修的關係牛肉佢地有幾隻級數選擇我地要左最平果隻,湯底要左蕃茄湯底,原來蕃茄湯係用茄醬開的, 唔係用鮮茄煲出味,仲要越食越酸, 最後要加清湯先至好 d.蔬菜要自己出去攞,唔多選舉, 不過都算新鮮.牛肉碟上, 切到好薄,好快熟, 有 d 似吉野家 d 牛肉.但個湯太濃味, 食唔到有無牛味!豬腩肉好味, 唔鞋口, 不過肥左 d.甜品有 Dreyer's 雪糕.百幾蚊一位任食都算抵,不過限時 90分鐘,仲要一夠鐘就即刻要埋單.如果過時要比多幾十蚊.實在有點離譜左 d.其實火鍋得 90分鐘真係好趕!如果可以改良下就好啦~…Read More