elaineyau1023's Profile

踏足社會後越來越難約難得既知心好友，大家工作嘅地方又大相徑庭，好彩嘅係大家嘅家都係住大西北，呢日終於約到近近地係元朗食餐放題，有緣相聚一刻。餐廳佈置裝潢乾淨脷落，望上令人舒服之外，心曠神怡。食物選擇應有盡有，琳琅滿目，目不暇給。飲品選擇應有盡有，一次過滿足你選擇困難症嘅時候，有本地經典飲品，有消暑解渴生津嘅茶類，有時下流行最hit嘅韓國罐裝汽水，飲幾多都可以。雪糕站還有貼心的配料自由選擇，好玩又好食。主菜當然少不了各類魚生，新鮮鮮甜又爽口，無得頂！壽司串司亦是即點即製，非常味美，香口噗鼻。重頭戲便是蟹腳刺身，睇下幾粗，彷如置身日本一樣。今次久別重聚之飯局好滿足，係真正嘅「緣聚」！…Read More

成日出街唔知食乜，今日有興致食韓式bbq，搵搵下見到呢間個名幾得意既韓式bbq店，當然貪新鮮即刻試下啦。就咁睇價錢又幾抵，裝修佈置都幾新潮。一坐低每枱都有小菜任添，不得不讚泡菜好好味，醃得剛剛好，酸辣酸辣，十分惹味。開波食d熟食打下底先，辣味煮年糕好彈好入味，食完一條接一條。仲有柚子炸雞，十分可口，柚子醬清新配合炸雞異常地合襯。接住到重頭戲，燒肉！樣樣切好入口size，種類繁多，仲醃好醬料，可口番尋味，完全係不停叫，正宗高質任食。最後仲叫左碗水冷麵，清清腸胃，食完油野食番碗水冷麵好好味！…Read More

呢日天氣好凍，朋友介紹下黎左天后呢間本地火鍋小店，地方雖小，但設施一應俱全！我地叫左個特別又清清地既湯底，椰子雞煲！一直好想試椰子雞，今次終於可以一嘗！店舖好貼心，準備左唔同醬料香料任君選擇，醬料亦十分乾淨。椰子雞到埗！哇，湯底落足料，唔係一般hea底火鍋，有唔同配料加上原隻椰子雞，送上黎既時候傳出陣陣幽香，令人垂涎欲滴！當然唔少得打邊必食既雪花肥牛！睇下花紋幾靚，滾入湯底吸收曬椰子精華，簡直係天上人間既味道！另外既配菜亦好靚好乾淨，令食客食得過癮又開心。煲左陣都好靚好乾淨，而且份量十足食到飽飽。仲叫左杯芒果乳酸梳打，解渴又香甜！…Read More

最近全城都興養生，天氣又凍，冬天一大美事當然係打邊邊，今次搵到呢間台灣過江龍，集養生同打邊兩種重大元素，真係一定要試下！首先揀個湯底，我地唔係點食到辣，於是點左酸菜白肉火鍋。湯底好清，酸菜白肉好香，酸味味令人食指大動，湯底禁不住一啖又一啖送入口。最正既係，另外送一份酸菜白肉，真係淨係個湯底都夠食，味道十分之豐富！跟住點左份雜錦丸，粒粒手打，滾兩滾入口極之彈牙，爽口又香甜。另外仲有必點響令，大大隻吸曬白肉湯底，正！當然唔少得主菜雪花牛牛，塊塊香滑入味，簡直係愛不釋手。滾左一輪湯底亦好清。再叫左杯咸檸7，清清熱氣好舒服！食完仲送左碗喳咋，入味又香口，不得了！…Read More

真係唔抖下氣唔得，番工番足一星期，諗諗下又想擦餐勁既，於是又決定happy Friday黎呢度，獨家最愛既大喜屋！埋牙緊係即入單，叫主打刺身同壽司啦，一望就覺得目不暇給，咩款式都應有盡有，一於咩都叫下！哇野食一黎就知無叫錯！刺身晶瑩剔透，乾身，富有滿滿光澤，啖啖鮮味；壽司細件夾味美，飯量好少，岩曬我呢d貪新鮮眼闊肚窄既人。再黎就當然係炸物天婦羅，即炸即上非常香口，香芋波波同榴連炸彈更加係香甜同錦上添花！除此之外，牛油粟米更加係喜出望外，香甜爽脆讚不絕口！臨走再黎一次刺身盤，睇下d鮑片幾靚！…Read More

十月份係出血月份，特別多人生日。今次密友同我都係同月份生日，擇日不如撞日，於是決定搵呢日一次過慶祝，慳番舉筆之餘又可以落重本一炮過嘆下。友人係開銅鑼灣呢邊番工，經佢細探之下介紹黎呢間餐廳，試下食番個fine dine西餐。Menu款式都多同企理，賣相亦好吸引，令人揀唔落手！不得不讚既係價錢中等合理，但整體既佈置氛圍十分寧靜有格調，令人容易融入環境，放鬆心情享用晚餐。前菜點左份青豆白酒煮蜆，一試之下喜出望外，酒味好濃郁，湯汁清甜美味，而且好夠熱，蜆肉亦爽甜新鮮，配上青豆同煙肉，實為絕配，同時十分開胃。主菜點左份兩人份量既西班牙海鮮炒飯，賣相極為吸引，有多款海鮮，味道鮮美，食落啖啖肉，配上獨特既炒法同調味香料，十分惹味，令人愛不釋手。飲品叫左杯雜果Mojito，啖啖鮮果入口爽甜，加上梳打清新既感覺，飲完又想叫多杯。最後甜品再點左份抺茶麻糬窩夫，造型吸引之真材實料，每一啖都見到包裹住幼滑麻糬，口感十足。總慨黎講，呢餐抵食啊！…Read More

係銅鑼灣行開街又夠鐘食晚飯，行經見到呢間舖排隊排到出尖沙咀咁濟，決定一試！炊豚店，故名思義就係食豚肉啦，呢間店專食炸豬扒，自家研製唔同口味。出面望以為細細間，點知入到去十分別緻，雖說座無虛席，但都尚算備有足夠既空間感。我叫左份期間限定既黃金鹹蛋燕麥豬扒飯，哇份豬扒大份過我塊面唔係講笑，配上獨特既鹹蛋汁同燕麥，食落雙重口感，外面脆卜卜，有甘甜咸香，同燕麥脆皮，加上內裡　肉質鮮嫩，無得彈呀！仲好有心思用上香港人唔會陌生既公雞碗，別具一番風味。…Read More

是日係旺角呢頭做野，放下午茶出黎覓食，行行下見到呢間店爆曬場，好似好好食咁，於是決定膽粗粗一試！日日都有唔同既台式美食配搭，任君選擇，包你點揀都揀到。小麻吉來源又幾得意。聞到陣陣滷水香，忍唔住叫左份滷肉拼盤，有豬耳，大腸，豬肚，滷蛋，滿足曬我滷水之鬼嘅稱呼，秘製滷汁好夠入味，就咁食食到停唔到口，餸飯簡直係一流！主食點左份豬扒滷肉飯，配上醃蘿蔔同滷蛋。唔試唔知，一試難忘！滷肉簡直係世界級，啖啖咸香，肉質半肥瘦，豬扒亦用秘製調味香料醃製，十分味美！今次我會俾一百分！…Read More

最近先知原來元朗都開左極尚大瀛喜，身為放題top fan既我一於去捧下場，難得仲要咁近屋企係咪先！呢間分店格局好闊落，裝修走金壁輝煌路線，令食客坐得舒舒服服。自助bar食物好多樣化，而且賣相吸引，乾淨企理，令人愛不釋手！甜品的的色色好過隱，食左罪惡感都少d。餐廳好貼心，準備左暖飲櫃，俾食客食生冷野之餘暖下胃，十分窩心。另外居然有現場新鮮製造既frozen yogurt雪糕，質地亦好結實，仲有各式各樣既配料醬汁俾你自由選擇，最重要既係任擠任食，非常抵玩！叫左幾件壽司打個底，飯底細細粒好過隱，避免食客食唔曬之餘又可以盡飽口福。芝士年糕，芋頭波波，榴槤炸彈，仲有芝麻雞翼，全部都係我至愛，餐廳即炸即上，入口熱辣，炸粉又唔會太多。當然唔少得一大堆香脆天婦羅！一吸棒正，大啖大啖肉咁入口。最後當然係主菜：魚生刺身！睇下幾靚仔，大大塊厚薄均一，味道鮮美，一d都唔會出水，真係一流呀！…Read More

呢日係港島打等，星期五happy friday當然係想同朋友仔chill下，不過今次想搵達寧靜幽雅既地方hea下，朋友住開呢頭，介紹左半山呢間隱世好店。價錢都算接受到，想試下西餐又多人靜靜地可以叫下special dinner set，有full course又多野食，我就叫左個set dinner，少少地咁食。套餐包含沙律前菜同餐湯，我叫左龍蝦湯，味道極之濃郁，配上清新既沙律，兩者配搭十分合襯，令人食指大動。主菜點左龍蝦汁海鮮大燴配羅勒扁麵，本身係大蝦海鮮愛好者既我大飽口福，海鮮真係啖啖鮮甜，肉質彈牙，羅勒扁麵味道清新，同海鮮既濃郁度中和番，十分味美。最後仲有餐飲。環境氣氛十分幽靜，仲有駐場手彈音樂，令人十分陶醉！…Read More

呢日放工又同朋友happy聚會，行經灣仔搵野食，黎到呢間拉麵舖，還惦係香港都好耐無食拉麵，於是決定試下啦。餐廳落單方便，可選擇麵粗幼度，湯濃度，配菜多少程度等等，任君選擇。此外，仲有幾款小食同日本酒揀，拉麵以外仲有其他野食，好似好正咁。我叫左蝦味拉麵，有住濃濃既蝦味，啖啖蝦米，熱愛海鮮蝦既人一定要試！睇下粒溫泉蛋，流曬黃汁架！同場加映個小食：雞軟骨！呢味雞軟骨認真香口好味夾抵食，香料加上酥炸異常可口。送埋呢杯日本生啤，無得彈！…Read More

是日搵地方同男朋友慶祝周年紀念，係上環行行下發現呢間舖，格調唔錯，於是決定入去睇下，一試無妨啊嘛！餐廳刻意營造浪漫寧靜柔和既氣氛同格調，好適合情侶約會，知己聚腳，別有一番風味。從餐牌可見菜色係充滿心思，而且種類繁多，想食豬牛羊都得，滿足曬奄尖既香港人。餐包有兩款唔同既包配上黑醋同橄欖油，我個人比較鐘意食黑醋，酸酸甜甜，令人食指大動。前菜叫左道燒帶子柚子沙律，旁面既番茄仔非常鮮甜，加上濃濃既柚子味，帶子亦煎得剛好，格外可口。主菜叫左醬燒美國豬仔骨，bbq sauce夠曬濃郁，配上啖啖肉豬仔骨，而且燒得好均勻，簡直係愛不釋手。加上餐廳服務周到，有生日大事慶祝一定會再黎！…Read More

又黎番老蒲點銅鑼灣，平時番工成日涯頹飯粉麵食到嘴都麻目，今次想食下西餐，行開見到呢間西班牙餐廳，諗都唔諗就同朋友上去試下！上到黎發現格局好大，裝修同氣氛好有格調，好適合三五成群朋友仔黎happy friday chill一chill。Menu價錢都實惠，main dish & starters亦好多選擇，我地今次一行兩人叫左香燒扇貝做starters，「籠中鳥」即係燒春雞做main，再加個manecy's 田園沙律。香燒扇貝一啖入口融化，味道鮮甜，好有咬勁，令人胃口大開。Salad有豐富既ham加黑醋，啖啖肉，酸酸甜甜，真係食完一啖接一啖。至於個main course「籠中鳥」就認真不得了，造型好趣致，打開籠後廚師會為你切年，燒雞燒得剛好，外脆內軟，肉質鮮嫩，值得嘉許！十分推薦呢間餐廳作為happy Friday chill之選！…Read More

是日覓食地圖擴展到西環，諗住尋覓下隱世食堂再去行大館，一條龍出發。行到黎西營盤一條窄巷，竟然發現一間好raw裝潢佈置既舖頭，好似好有特色咁，於是決定一戰！Menu主打食burger，款款都啖啖肉好juicy咁，小食亦有各色各樣薯條炸野，夠曬香口，岩曬朋友仔聚腳嗒下兩口，而飲品方面主打係唔同味道既milk shake。另外餐廳都有提供外賣服務，眼見都有好多外賣訂單，住係附近不妨一試。一次過叫左個cheese burger，洋蔥圈，黑松露薯條，加杯cookies & cream milk shake。 賣相非常吸引，burger亦好貼心地切開送上，岩曬各位細啖女士。一咬落走口感好豐富，包含爽脆生菜蕃茄同埋熱辣辣煎起牛肉，加上特製sauce，夠曬juicy。黑松露薯條同洋蔥圈亦十分香口，啖啖脆皮，食完又食！Cookies& cream真係為呢餐畫龍點睛，食到油油地既時候飲番啖，解油又creamy，落足cream架。…Read More

平時食得茶記多，呢日心郁郁想食港式豉油西餐，係地頭銅鑼灣見到呢間新派冰室，餐牌選擇幾好，中西式並有，好似唔錯，於是決定入去探下一個究竟。店舖裝潢設計非常modern，有少少現代工業風格，感覺似間悠閒cafe，而且環境同座位寬闊，唔似傳統茶記冰室狹窄嘅空間，令人可以舒舒服服咁用餐。就咁睇是日晚餐餐牌感覺非常豐富，中西餐各一，價錢實惠兼抵食，70蚊就有扒食，仲包餐湯野飲，銅鑼灣黎講算唔錯。鐵板套餐感覺吸引，圖文並茂，份份都好足料大份，我叫左份雜扒餐，咩都試下嘛，其實佢仲有特式龍蝦餐，場內亦有唔少人叫架。套餐加8蚊有個鮮油豬仔包，我當然唔執輸試下。一試之下，鮮油豬味道簡直係震懾我味蕾，佢熱辣辣烘完上枱，外脆內軟，一大層鮮油係面徹底滲入包內，唔係焗完先搽係面，夠曬入味！再配上足料濃郁羅宋湯，酸酸甜甜，呢度前菜簡直大開胃口。黎到主菜，雜扒又係件件外脆內軟，可見大廚別具心思，先將扒件焗一焗，再放上鐵板，食食下覺得濟，可以食番個焗薯，配上酸甜蛋黃醬，中和肉嘅油份。飲品試左佢嘅菠椰特飲，係菠蘿同椰汁嘅結合，份外清新同消暑！…Read More