paulmintabo's Profile

突然心思想食東南亞菜，又唔想食太傳統的濃濃口味，記得朋友提過佐敦/尖沙咀的這一間唔錯，近近哋便博一博試吓，想不到竟然有驚喜😊🤤入坐地方企理，光線充足，走新派路線服務員有小小勞鬚，細問之下原來好多人Book左位但No Show(押埋韻添，俾個叻自己🤣🤣🤣)，同理心之下，服務評分加多了粒星🤭😉食物方面都幾有特色，但因為同人一齊食竟然忘記了影相😂🙈🙏🏽，重點記得食燒雞翼，及串燒，仲有加鴦多😉5 個人食埋甜品，捧住個肚走都係八舊幾水，喜歡食甜的朋友應該中意😊😊⚘️最後，建議餐廳的 : 如果怕人No Show, 不如 Book 位時象徵式收返每人廿蚊留位費，以表誠意及減少放飛機風險。。。因為晚市有得 Book 枱真的很緊要啊😉💪💪💪⚘️…Read More

今日試了一間新開業個多月的Omakase, 本來只諗住貪旺角就腳，對食物沒有太大期望的，誰知。。。有驚喜 !🤩😋其實，一直覺得Omakase係一個廚師憑着食物去細說的一個故事，故事因人(廚師)的經歷不同，際遇不同，季節不同，地点不同。。。結局都會不一樣。正如就算材料完全相同，但分別由兩個不同的廚師"發辦"，味道.....都可能會完全不同。不過，始終都係食鮮食 ; 所以，不時不食肯定沒錯。簡單來說，今晚所食到的，由鮮味配撘👍，出菜次序，菜色設計👍👍，到伴碟的細節及貼心的服務👍👍👍，各樣都相當滿意。直接可以嫓美中環中高級的水準🤩雖然未必算很平，但一定貨真價實，物有所值。😉除地点就腳，地方亦都私隱度高，約多幾個人便好像包了場一樣。詳情自己打上去問吧。🤭最後，有圖有真相😋亦要鳴謝大廚的用心介紹及Pet姐的窩心招待我兩個老闆，否則，我便冇啖好食了😂😂…Read More

平日約班 friend 食飯，又要就這個返工，又要就那個方便回家，食飯地點真的很傷腦筋。如果在九龍區的話，我通常都選旺角，貪佢實在夠方便。今次剛剛找到一間新開張的任食火煱，正正在旺角中心對面，而且可以食足兩個半鐘，所以決定試試。原來這裡是先吃一個雞或鴨煲，然後再轉煱去打邊爐的。我今次就試了個小見d的鴨煲先~鴨都炆得夠林及入味，配料也不錯。打卡位是會有噴火表演，詳情自己試吓吧之後轉了冬陰功湯底，火煱材料大概都是那些，沒有太大驚喜，飲品尚算多款，以每人不用兩舊水來說算不錯選擇。還有，揾朋友吹水最緊要就腳，長時間之外，仲有最好坐得舒服。這也真的值得一讚 ! 大大個卡位，坐得舒服又唔逼。下次約人平平地打個邊櫃吹吓水可以考慮吓P.S. 不是打手，不喜勿插…Read More

聞名已久，見有機會，就試一試吧。一入到餐廳，落地大玻璃，見哂成個維港。即時諗起，在此求婚或慶祝什麼的，肯定一流 ! 記得訂位時講明要Window Seat.食物唔算太多，但全部精美，高水準，基本上已經係其他餐廳的 main course 水準，一流。沒什麼好講，一句，下次一定會再嚟。…Read More

名氣大，又難 Book 位，本來都想放棄的了，但最後見咁多好評，冇理由唔試一試的。於是把心一横，Book 位時出必殺技 ~ 你們那天有位，我便食那天吧 ~~~ 所以，最後，冇走寶，好彩言歸正傳 : 因為餐廳係一個固正價錢，一堆固定食物，所以選擇的時間都慳返。但身為有主見嘅潮人，點都要揾 d 嘢話吓事，所以餐廳都預留了些小煮法俾你選擇吓，叫做有得話吓事咁啦。食物方面 : 八款餸，八款食法，各自各精彩以前一路覺得，蒸海鮮冇他的，只係新鮮便可，但經過今次，有多少改觀了...... 留返 d 神秘感俾你們吧放心，冇伏的原本食完頭兩項唔夠飽，點知食食吓差 d 食唔哂最後個飯，所以師兄們都可以放心。飲品方面 : 比想像中的多款式，價錢都合理，唔錯。服務方面 : 原本見到客又多，員工又少，個個忙到滾水淥腳咁。誰知，侍應姐姐們除了上菜外，還幫忙計時，開蓋，等我打完卡，仲分埋上碟给我。重點係 ....... 我唔係特別靚仔。臨埋單前，又捉住個姐姐吹吓水，問有關加嘢食等等，佢都冇托手肘，好好態度同我慢慢吹，so Nice 總結 : 想食好嘢可以嚟試 (好似仲有宵夜時段添)，但如果想静静的，慢慢的談吓心，Sorry，唔適合你了......因為最後你們可能只是掛住講食物，講完就 times up，夠鐘交格了，哈哈。會唔會番食？俾我捉到個姐姐仔吹水，當然已經馬上叫她幫我 Book 埋下次啦。期待下次有新款海鮮食…Read More

有日行過旺角，見到這間大排長龍的名店竟然不用排隊。雖然不太肚餓，但見機會難得，就即管一試吧。言歸正傳，都有很多款式已經賣哂，可能真的是"不時不食"及"限量供應"吧。於是望望左右隔離，又找侍應問問有什麼推介，便重點地點了一推食物及飲品了。先講食物 : 大件又精美，打咭一流，食物質素大致中上小小，物有所值咁啦，好過大路那幾間小小咁多。飲品方面 : 一般過一般，冇期望所以冇失望，正常水平。服務 : 這個真的值得一讚 ! 好似我依 d 問多過食，吹水多過落單，又三心兩意，食又食得慢的，服務員一點都沒有不耐煩，並且很細心地回答我，當遇到唔清楚時，還會認真地去問完再覆我，大讚 !總括而言 : 如果下次排小小隊或不用排的話，我還會再去的。…Read More

去開荔枝角，又找找有什麼多推介任食啦，点知 ..... 又中伏，只好怪自己年少無知太易信人 + 太多寫手了.....整體來說質素不是太差。但刺身任食的赤蝦只有等一次的每人一隻，之後都是任食，過係"任"廚房俾咩你"食".....唔一定係你想食的刺身。牛肉方面，算唔錯，之不過，我未諗過原來你叫個什麼牛肉餐之後就只有食那種牛肉，沒有得叫其他的牛肉種類，whatever 你係食最貴那個餐。另外，湯底得個鹹，辣的不辣，清的不清。服務態度好算係一個亮点吧，我追加了過十次刺身，個侍應妹妹都仲好好笑口，食完埋單後坐多陣，經理都話冇問題。讚 !切記，用完券之後還要给幾廿蚊現金服務費的。…Read More

閒來無事在 openrice 找找有咩好食，見到這間酒店做緊 75 折，見佢地處黃金地段金壁輝煌，心諗唔會差得去邊啦，加上幾多好評，於是就 book 啦。Comment 係除甜點像樣"一點"之外，其他的食物選擇小，食品質素還比坊間的放題差。生豪已經細隻到提唔起興趣食，中間仲要停了大半個鐘冇供應。雪吧又係，話食左一轉派哂便唔出了。仲有凍龍蝦，每隔半小時左右出兩三隻......同枱友人有興趣等，我就免了，浪費時間。飲品都係，派完就算，催先去廚房攞幾罐出來......服務一般，正常，冇特別好或差。總之浪費時間浪費金錢，仲有，一坐底就會有人 sale 你入會藉，與及洗手間環境惡劣過西九龍中心 ...... 仲食唔食自己諗喇。因為冇 sale point, 拿起手機拍照的動力也沒有。。。。。完…Read More