laufrankielau's Profile

送完阿女返學，就行到去觀塘工廈嗰邊睇吓有冇一啲特色嘅餐廳，因為食嚟食去都係嗰幾間，上網搵吓搵吓就搵到蕃尋味呢一間，上到開聯都唔識行，行錯路，轉左幾個靚彎先搵到，門面都幾殘舊，入到去好似好舊式嘅茶餐廳，一坐低好熱情嘅阿姐就話有特價嘅早餐，咁梗係即刻嗌啦，$29有沙嗲牛肉麵太陽蛋同一個好大個嘅雞尾包，杯奶茶都算唔錯，係我鍾意嗰隻苦澀類型，沙嗲牛肉麵好正，可以再試，如果可以試埋佢嘅午餐或者下午茶就更好啦，下次會再去！…Read More

咁啱今日會喺8度海逸酒店嗰度住一晚休息吓，趁機睇吓附近有冇啲小店可以幫襯吓啦，行吓行吓熱到呢一間好老舊嘅茶餐廳，個門面呢真係好殘舊，好街坊生意feel嘅，咁就食早餐啦咁都好多選擇嘅，而且價錢真係唔貴，真係由$31至到$37就已經可以有六款唔同嘅早餐啦。跟住就食咗佢個早餐3號就有方包煎雙蛋同埋沙嗲牛肉麵，個沙嗲汁真係幾好食啲牛肉都唔錯煎雙蛋呢應該都係護花蛋嚟嘅都好靚仔。咁聽到老闆同啲街坊吹開水啊啲老闆都係好細心好窩心好照顧啲老人家，真係值得一試，雖然係殘舊啲，但係個人情味大家可以試吓。…Read More

本身諗住去灣仔大都准揚食，點知裝修唔開，急轉呢間烤鴨試一試一行四丁友傾得太開心唔記得相機食先預先訂位烤鴨有半價，咁當然叫片皮鴨啦，廚師好刀工，皮薄，鴨唔肥，好味小籠包皮薄多汁夠juicy鍋貼香脆，好味，內藏湯汁，一唔小心對面位一定被顏射😅黑蒜蝦球味道一流，蝦球爽，不過份量得六隻，小左d服務算可以啦，侍應唔會主動加水，唔知係咪好忙，有次加上放點檯面倒瀉左都唔知，好彩熱水冇流落黎，如果唔係一定燙傷，服務有改善空間！…Read More

平時食燒鵝，通常都會喺酒樓叫半隻或例牌去食，有時都唔知乜嘢叫做正宗燒鵝嘅味道，前幾日去咗酒店嗰度休息吓，咁啱酒店附近就係深井，咁不如去試吓由細到大都講話食燒鵝最正宗嘅深井啦！通常細細個聽到深井嘅燒鵝舖頭都係陳記，咁就直接去陳記食啦！原來佢哋嘅下午時段接近2:00左右啦已經冇其他嘢食，只可以食燒鵝或者燒味類，咁既然嚟到喇見到啲燒鵝真係好靚喎，咁就叫咗一隻燒鵝同我老婆一齊食!上菜嘅時候隻燒鵝真係好靚好肥美，見到層皮真係好靚呀，食落肉好鬆化，皮好香口，同出面肥到肥膏既燒鵝唔同，佢層肥好簿，原來真正嘅燒鵝係咁樣㗎，一個字正！加埋碗湯瀨粉，好味😋，真係飽到上心口！…Read More

香港既街邊大排檔已經買少見少，唯有趁下而家仲有啲機會就去試吓唔同嘅大排檔，呢間都算歷史悠久，有好多朋友都食過，都推介呢間大排檔，咁就即管去試吓！去到都唔使點等位，見到佢個露天廚房個火好旺，鑊氣一流，香味十足，即刻坐底叫下d考牌菜啦！每次我地食飯都一定會叫椒鹽九肚魚，點知中伏，碟餸嚟到賣相就一般，個色好似炸過咗火，每條魚都好硬，肯定係個粉漿出咗事，不過味道算可以！跟住叫下海鮮啦，見到啲蟶子都算靚，咁就試吓用豉椒炒，不過個豉椒味就怪怪地唔係好夠味！份量都算多唔會剩係得啲殼！出邊好少會食到鹹魚煎肉餅，諗住見佢嗰火咁靚煎野就試吓啦，但係唔知係咪唔夠鹹魚，個鹹香味就唔係好夠，好似普通嘅煎肉餅！三個大男人，三碟餸又點會夠，不過都驚驚地又驚中伏，咁岩見到隔離枱叫咗兩碟餸，就跟風啦！西蘭花班片，都幾好味，終於有返d信心，但係唔知係咪隔離飯特別香，我哋嗰碟好似好細碟！跟住就試埋佢最出名嗰個黑椒薯仔牛柳粒， 上菜嘅時候碟餸都算大，不過好似薯仔多過牛！黑椒味好香，薯仔走過油，牛柳粒就好林，唔錯！…Read More

難得放假，加上要去銀行中心，見食飯時間一定好多人啦，咁就行下旺角，冇晒遊客既旺角真係好好行，不過天氣好熱都幾辛苦！諗起呢間鋪頭網上都多人講，就想去試下，平時行過都想試下，不過每次去都好多人，好彩差唔多兩點去食就有少位，就試下！有選擇困難症既我地，見到餐牌就頭痕，每樣都想食，咁就叫左招牌既元蹄飯套餐同是日午餐既泰底炒河！元蹄比我預計嘅差左少少，唔係炆得太唸，不過味道算唔錯，但有點失望！相反，個泰式炒河就好好鑊氣，仲要係闊身嘅河粉正飲品都好正常見佢牆上面仲有唔同既小菜，下次都會繼續試下先！…Read More

星期六既下午諗住去食下Factxxx9x，點知佢冇開，行下行下打算去另外Corxxx、拿x或者另外幾間之前想試既唔開，可能係疫情既關係！諗起觀塘碼頭海濱熟食市場幫襯下小店，就諗起呢間之前誤打誤撞既小店！如果大家唔介意馬蘭佬既可以去一試，之前間中都會食佢早餐，好平，雖然由幾年前24蚊加到依家都係28蚊，最重要冷熱係同價........估唔到！咁今次就試下佢既午餐兼下午茶，點知........兩個字.....驚喜介紹下環境，講真熟食中心環境大家諗到，唔介意或唔要求既話係冇問題！加上佢係⬇️黃店，點都要支持下乾牛河，老實講已經唔多餐廳炒得咁有鑊氣，仲要有銀芽韭菜，牛肉滑同林，河炒炒得唔油又乾身美極叉燒炒飯👍🏻凍奶茶茶膽一流，凍飲仲要唔加錢真心好食既小店…Read More