kingcool's Profile

晚上6點43分到， 搞入會員拎discount,搞左7分鐘， 原來已經計入坐時間係18:43, 坐底係18:50,已經少左幾分鐘， 食120分鐘，40分鐘前截單， 仲要截單前50分已經俾張單，找數，直頭座過山車咁快！！！完全享受唔到120分鐘，有少少趕客！！！ 食物質素： 選湯底前店員已經告訴我濃湯式會食唔出牛味， 最後選左濃湯底牛一品， 頭幾次食牛的味道剛剛好， 食到最後好咸，我知錯啦！ 食物落單後10分鐘內送到，都算ok, 台式小食正常發揮，選擇種類都多， 牛肉特別推介， 澳洲M9和牛， 油脂剛剛好，唔會油膩， 仲有少少爽口 ,正，牛味都可以，出面其他店應該400元以上，呢間店抵食！！都可以有下次！！…Read More

早上10點，叫左2個牛肉元氣早餐， 20分鐘內回家享用， 一打開牛肉飯，就知中招啦， 一點餘温都沒有，外賣蓋一點倒汗水蒸氣都沒有， 一個牛肉飯好似放左幾小時， 另一個牛肉飯好似放左係雪櫃拎出來， d飯凍到硬晒， 正常係飯煲拎出來都唔會咁凍， 都不知道怎樣運作， 第一次買， 好失望，希望可以改進！牛肉都不算肥， 味道適中， 合格， 秋葵都算新鮮， 就算牛肉， 配菜好味道，冇一個熱飯配就錯晒！！雖然係外賣，但不至於一點餘温都沒有，有機會試下堂食！！…Read More

呢間泰國餐廳真係好難揾，招牌完全睇唔到， 入一到好細間，原來隔離鋪位係打通左，多4-5張台，環境一般， 好耐冇裝修比較殘舊， 係朋友推介， 所以試下，叫左泰式生蝦， 蝦夠爽口，加蒜片食一流， 泰式炒菜夠鑊氣， 辣度剛剛好， 辣椒膏炒花甲， 夠大隻， 辣味好刺激， 朋友推介燒牛肉， 燒到5成熟， 入口夠淋剛剛好，牛味重， 冇介紹錯， 燒豬頸肉一般，都係要靠醬汁惹味， 燒雞翼熟度剛剛好， 唔會乾身， 總括來說，如果唔怕環境比較善，值得一試！！ …Read More

佐敦文英樓附近有好多食店，最多燒烤店成條街都係，今次揾到一間食陝西菜食店，就去試下，平日7點去到，已經差唔多滿晒，要搭枱，餐牌有好多小食，得我一個人叫唔再咁多，只能叫左一碗金沙骨biang biang麵和一個煎餃子，食物質素： 金沙骨其實係鹵水一條骨(飛排), 夠入味，有少少嚡，麵身好闊，乾拌形式，味道唔重口味，不過好油膩， 但你可以加湯食，煎餃子其實係炸，一咬落去好多肉汁，但為左方便用炸，扣左少少分，總括來說，biang biang麵好特別，可以一試！！…Read More

係通菜街開日式拉麵店真係好少有，所以經過門口諗都唔諗就衝入店內，店內裝修簡單，沒有特別裝潢，餐牌一眼睇晒，有拉麵，沾麵和小食，主打天然豬骨湯底，近期比較喜歡白雞湯底，所以睇下有冇驚喜，叫左白湯豬骨拉麵，名古屋二郎系拉麵， 都仲可以選麵身軟硬度，食物質素：豬骨拉麵，湯底濃郁，唔會有膠住口，幼麵爽口，叉燒用光波爐，肥瘦平圴，名古屋拉麵，面頭放左一堆生蒜，係用粗麵，用一陣麥味，湯底帶有一陣甜味，好清新，唔會好油膩，總括來說，名古屋拉麵有驚喜，價錢比較平！"…Read More

想食炸雞，就上網搜尋，揾到呢間韓國炸雞，一於去試下，平日7點幾去到， 仲有一半吉位， 環境黑色佈置，好似好浪漫，坐得舒服， 炸雞有4-5款選擇， 最後選左一半原味一半甜辣，再叫一個鐵板牛腸炒雞， 啤酒hite做買2送一，不過都係飲朝日，食物質素：炸雞係無骨，外層炸粉唔厚，雞肉啖啖肉唔乾身， 甜辣味小辣，配菜有薯條和薯格，仲有四款醬汁， 鐵板牛腸炒雞，牛腸少少淋和韌度適中，辣味剛剛好，配菜有紫菜飯和芝士，總括來說，炸雞正，可以飲多杯啤酒！！…Read More

呢間食肆細細間， 座位間隔有d迫，當我第一次來時候，店內得2個人廚房和樓面兩度走，店門前有個蒸爐，有包子供應，試過南瓜包，有南瓜甜味，足料，食物質素： 全家福麵(全牛) 有紅燒牛肉，牛肉片，牛展，牛肚，牛肉粒和豆腐，係兩人份量， 肉淋夠入味，但唔會散晒， 黃金皮蛋係白色皮蛋，蛋黃夠濃味，醬汁可以再辣d, 貴州糍杷，甜度適中，仲有奇異果汁，唔會太甜，好有奇異果味，飲左兩罐，總括來說： 性價比高， 食物用心制作， 會再來食！！…Read More

係通菜街開左已有一段時間嘅貴州羊肉粉，聲稱開24小時，一入到門口有陣羶味，環境舒適，用木枱木櫈唔會好迫，湯底可以選清湯和辣味， 梗係試下清湯啦，叫左羊肉粉，羊雜粉，和羊肉棒， 食物質素： 羊肉粉，湯底冇咩羶， 羊肉片好薄， 羊雜粉， 有羊栢葉， 羊心，羊肝， 沒有驚喜， 羊肉棒有兩條骨， 一半都係脂肪，好重香料味， 但都係唔羶， 其實有好多羊內臟食，例如：羊胚胎，睪丸， 好滋補，總括來說：我鐘意食羊有羶味， 呢間唔附合口味， 但可以再光顧！！…Read More

街上見到稻香廣告，有一蚊一隻炸子雞，所以去試下，平日晚上7點已經人頭湧湧，要等位，好彩一早已經拎左位，待應做到冇停手，叫左一條特價清蒸魚，四隻蒜蓉粉絲蒸元貝，炸子雞，金銀蛋浸莧菜，一隻豬手，食物質素：條魚蒸得剛剛好，離肉，唔會嚡，蒸元貝蒜蓉味重，多油，炸子雞皮脆，肉嫩，咸左少少，1蚊隻仲想可以點，莧菜都算嫩冇渣， 隻豬手好多脂肪冇咩肉食，總括來說：稻香而家有會員制度，有會員特價菜式，早訂枱仲有優惠價菜式，真係性價比高！！…Read More

越南菜印象中最深刻有生牛肉河粉和火車頭， 以前賣河粉已經足夠，而家香港人要求高，要多樣化，先可以滿足， 今次試下呢間連鎖式越南菜餐廳， 平日晚飯時間一定要book台，唔係就要等下，座位比較迫，可能人手不足， 要等好耐先有人應，叫左3個小食，一個豬頸肉乾炒河，一個咖喱軟殼蟹連法包，一個海鮮菠蘿炒飯， 味道沒有特別驚喜，中規中矩，廚房有miss單情況， 真係人手不足，差不多食完，吹左幾次，先上最後一個小食，係旺角區太多人食飯！！！…Read More

係香港好少會選擇食葡國菜，今次就去華麗華商場一期嘅咪走雞葡國菜試下，係尖沙咀地點方便， 平日去到只係坐左一半位，不用等位，環境舒適，坐得舒服，款式選擇多，出名葡國菜式都有， 但今次叫左 葡式香煎澳洲盲曹魚， 葡式烤焗西班牙黑毛豬，葡式炒飯，食物質素：西班牙黑毛豬烤得外脆內嫩，唔會好嚡，味道唔會太咸， 盲曹魚煎到魚皮脆卜卜，魚肉嫩囗，葡式炒飯，炒到米飯乾身，味道沒有驚喜，總括來說，味道中上，每一道菜擺設精美，食慾大增！！！…Read More

好耐都冇來牛陣食日式火鍋放題，今次我請客，懷念一下， 以前係牛陣門口都會一大陣豉油湯店味，都會俾佢吸引，受唔住誘惑，就會去食，但而家係麻辣湯底味道，7點去到仲可以walk in ,呢間鋪面積比較細，今次叫左豬骨湯和特制白雞湯底， 兩個湯底都沒有特別驚喜，叫左黑毛和牛套餐放題， 牛肉味唔重， 油脂分佈平圴，但入口有少少嚡感覺，沒有入口溶化，門口自助區，食物選擇不多， 位置細，哈根達雪糕區經常排隊，雪糕都未食就要結賬！！…Read More

係佐敦白加士街咁多餐廳，揾到一間專門食懷舊上海陽春麵嘅食肆，今日就去試下， 環境舒適，裝修簡單有共產感覺，光線充足，用木枱木櫈有懷舊feel, 叫左一個老鴨腿湯麵，一個雪菜排骨湯麵，食物質素：老鴨腿湯麵，湯底清淡， 麵身爽口，唔會煮得太淋，中規中矩，沒有特別驚喜， 老鴨腿比較乾身，味道比較濃，但我喜歡，雪菜排骨麵，麵底和湯底都一樣， 大家份量都比較多， 起碼有1.5個麵底， 雪菜唔係好咸，接受到，排骨一般， 總括來說：味道一般，麵份量多，抵食，仲有麥茶飲！！！…Read More

今日由山頂行返落堅尼地城，盲摸摸揾下有咩好食，見到一間西餐廳，見到餐牌好似好抵食，好累唔想再揾，決定入去試下，鋪頭並不大，有8張枱左右，叫左兩個晚餐，一個肉眼扒，一個黑松露煙三文魚意粉， 食物質素：頭盤有什果沙律， 好懷舊味道，餐湯紅/白兩款選擇，唔會好糊口，但唔會淡，肉眼扒5成熟，剛剛好，有醃過，但唔會太淋，有肉口感， 黑松露煙三文魚意粉，黑松露雖不多，但味道強烈，個汁唔會太濃味，最後加錢轉飲紅豆冰，消暑一流，總括來說，街坊生意，性價比高，有懷舊味道，可以再試！！！…Read More

今次行下港島區揾好野食，揾到食釜飯的日本餐廳，以前想食好耐，今次終於可以試下，假期日子晚上6點15分walk in, 即刻有位，7點後應該要等， 餐廳門口有人煮緊釜飯，環境舒適，適合拍拖地方，有好多款晚餐選擇，叫左牛小排鵝肝釜飯set, 黑松露三文魚腩魚生飯set, 食物質素： 黑松露三文魚腩飯，黑松露味重，撈飯有驚喜，三文魚腩夠肥，咬落一口油脂，好滿足，牛小排鵝肝釜飯，牛小排牛味重，咬落口唔嚡，鵝肝味道普通， 釜飯有栗子，魚乾仔，飯用高湯煮，有醬汁撈飯，飯特別香，仲有幾款刺身，總括來說，會再光顧！！好食！！…Read More