MelvinSuen's Profile

牛骨湯底唔清甜無牛味，死鹹。而且唔夠熱，勉強只係整得熟d牛肉。希望唔會肚痛。牛肉同牛丸普通來貨，欠缺小碟配料（芽菜，辣椒，青檸），basil 得2 塊，味道唔正宗。花膠爽硬唔腍，白烚無炆過，呢個價位唔期望有靚花膠，但至少應該用烹調技巧，調味搭夠，補足食材不足，餐廳明顯無誠意。不如唔好放呢d 劣質花膠，用靚d 牛肉仲好。QR code 自助落單收加一，$87侍應多次用塊萬年布抹我對面個吉位，一放底筷子就收左我隻碗，極趕客，無下次👋…Read More

我1:58pm 入座，問侍應下午茶幾點開始，佢回覆2pm 開始，好，咁我等多陣la。到2:04pm 我再確認可以下單未，佢竟然回覆下午茶要到外面排隊，態度都唔算好🌝。當地問個個都唔知去左邊。算，個少少$ 當豪俾你，照叫lunch set, 試下有幾好食，反正肚餓。食左生牛肉河，味道只係普通，牛肉多筋，隋河既青檸唔新鮮，唔知放左幾耐，完全揸唔出汁😂湯頭正常，但應該都有放味精之類，因為食完會口渴。份量ok, 都夠飽。香港既越南河都好多選擇，其實都唔一定要食佢，連鎖既錦麗都比佢好。$58 仲要加一，唔知俾左d 咩服務，絕對無下次。…Read More