chloechm's Profile

喺旺角想搵間茶餐廳食個下午茶，跟住上Open Rice搵到呢一間茶餐廳，見佢有成160個，咁就諗住實冇死，決定試一試佢。⚠️由於係平日下午茶時段，餐廳確實唔多人，樓面只係得一個夥計，但係一入餐廳已經行開左，唔見人，完全係自助，自己搵位坐，自己攞餐牌。想落單時，我地仲要企起身，行近廚房位叫個夥計過嚟落單。正常茶餐廳唔係一坐低就會有個夥計過嚟俾杯水嘅咩？💢💢叫咗個夥計過嚟嘅時候，我同朋友好清楚咁樣落單，叫咗個T5瑞士脾配薯條，同埋T2，跟餐叫咗兩杯熱奶茶。個夥計幫我哋落單嘅時候，好似精神恍惚咁，拎住紙筆，但係又唔見佢寫字，只係點頭。點知到最後T5 個餐等咗好耐先到，仲要係落錯咗變左炸脾🤷🏻‍♀️🤷🏻‍♀️ 佢仲要同我講話：「已經整咗，你食炸脾啦」⚠️發現原來個夥計係唔識中文字，佢會望住個餐牌扮明，但唔會寫單，完全係靠記性........ 後尾有另外幾枱嘅單，都係錯漏百出，要靠個廚師出嚟親自落單同改單.........好唔掂⚠️食物質素方面，茶餐廳最普遍嘅「港式奶茶」極難飲，係我人生中飲過最難飲嘅奶茶！！！！完全冇茶味.........好似係水溝奶加兩滴茶⚠️極度失望！完全唔推薦任何人去呢一間度食！…Read More

喺筲箕灣海旁散完步之後，可以行過嚟東大街呢一邊食個tea 🍽☕️🧈《峰G館》算係最近海旁嘅一間餐廳，好方便，而且睇過Menu都好吸引～所以嗰日就揀咗入去食！◽️◽️◽️◽️◽️◽️◽️◽️◽️◽️下午茶超級抵食，有一系列嘅抗疫套餐，全部都只係$32！😍我就叫咗個🌭熱狗餐，跟餐加$12改咗特飲，轉咗做紅豆冰！好耐冇飲過紅豆冰，好好飲，賣相又靚～雖然只係下午茶，但係超級滿足！😚😋◽️◽️◽️◽️◽️◽️◽️◽️◽️◽️除咗呢一個$32系列嘅下午茶餐，仲有菠蘿包下午茶系列，就係菠蘿包配唔同嘅餡料。見到其他人食，同埋見到咁多配菠蘿包嘅組合，都好想試呀！😗下次一定會再去幫襯，同埋試呢一個菠蘿包套餐😆😆…Read More

我同屋企人勁鍾意嚟呢間茶餐廳食野，因為佢不論早餐、午餐、晚餐，水準不嬲都好ok，唔驚中伏。除此之外，仲有以下特點：（1）早餐供應時間至中午十二點：平時星期六日瞓到11點幾自然醒之後，嚟到呢間茶餐廳，仲可以食到早餐，真係好爽。（其他茶餐廳早餐之後會供應到10:30或者11點。）（2）沙嗲牛肉麵超級好食：好鍾意食佢呢度嘅沙嗲牛肉麵常餐，超級夠味，配落個湯麵度都好有味。而且佢嘅面必定煮得啱啱好，軟硬適中，唔會好似某啲茶餐廳咁煮到淋晒。（3）多士、奶油豬好高質：我成日都會叫常餐，而且仲會轉多士或者奶油豬，佢嘅多士同奶油豬都好足牛油，同埋會烘得好好，食到好滿足！（4）餐廳外賣團隊：雖然可以喺food panda/ deliveroo 叫呢一間餐廳嘅外賣，但其實佢哋有自己嘅外賣團隊，住附近嘅可以打佢哋嘅電話叫佢哋送外賣，宜家好少餐廳有得咁做。直接打俾佢哋叫外賣會平過food panda/ deliveroo 上面叫。呢一間茶餐廳雖然唔係D好傳統舊式嘅茶餐廳，但係員工老闆等等都好好人，感受到佢哋嘅茶餐廳人情味。…Read More

今次係喺星期日下午去左試M6冰室。本身都有食過其他鰂魚涌嘅冰室，知道鰂魚涌其實都幾多呢類型嘅冰室，但搭車經過見到有新餐廳都會想試一試。▫️▫️▫️▫️▫️▫️▫️▫️▫️▫️咁今次係食咗佢嘅午餐6號set，蕃茄湯底配叉燒，其實同隔離嗰間冰室嘅某一個餐幾乎係一模一樣。不過唔同嘅係呢一間好似好食啲👏🏻😍～好食在呢一個番茄湯係稀D，真係一個湯嚟，但係都好有蕃茄味，同埋食到有一粒粒嘅蕃茄！🥫▫️▫️▫️▫️▫️▫️▫️▫️▫️▫️另外好出色嘅就係我地加左$5轉左嘅奶油豬，好均勻嘅奶同油，超級夠熱同脆嘅包，重要啲奶又係滲入個包到！😋😋欣賞！（btw係有兩片奶油豬，張相只係影到一片，因為第二片食緊😂）▫️▫️▫️▫️▫️▫️▫️▫️▫️▫️室內環境方面都坐得幾舒服，同埋唔知係咪星期日嘅關係，職員冇趕/催過我哋走（鰂魚涌好多冰室都會限時食/趕人）間鋪好新好乾淨✨每枱都會有紙巾🧻同埋好似係用日本蛋🇯🇵…Read More

同朋友去食午餐，大家都叫左一人一個獨當一麵套餐，只係$55。💯.麵set包3樣野：（1）主麵食（2）餸（3）飲品😆‼️重點係珍珠奶茶🥤係唔洗加錢嘅飲品之一！！！！麵set比你喺（1）（2）（3）各揀一樣，有無限個combination呀！仲要有得揀湯底！.我諗左一大輪之後，最終嗌左上海麵 配手撕雞 配擔擔麵少辣湯底 加珍珠奶茶🥰.本身就咁食麵同餸應該都夠飽，但加埋珍珠奶茶真係不得了，飽到上心口🤣佢嘅珍珠奶茶係正嘅，同出面專門賣珍珠奶茶嘅質素同口味都一樣😚💯.推介！！！…Read More

首先一定要支持呢間舖頭，因為係黃店！💛開業冇耐已經表明立場，舖頭有寄賣好多黃色經濟圈嘅商品，蘋果日報、黃月月餅等等.有好多唔同種類嘅🍵茶底選擇，我嗰陣揀咗一陣先至決定要飲「鐵觀音🍵」。而鐵觀音除咗有拿鐵🐄🥛（即係用新鮮鮮奶沖），亦都有普通奶茶（即係用奶粉沖嘅）揀。.其實只係差幾蚊，所以我就揀咗用鮮奶🐄🥛沖嘅「鐵觀音拿鐵」！呢間茶飲店仲要係用🇦🇺澳洲🇦🇺製造同入口嘅鮮奶，加幾蚊轉鮮奶🥛好飲好多！.當然唔少得就係要加珍珠✅啦！珍珠款式有好多，除咗普通嘅黑糖珍珠，仲有黑芝麻珍珠、🍠紫薯珍珠、🌷桂花珍珠、🍍菠蘿珍珠等等等等… 不過未必日日都有齊咁多款㗎，都要睇吓當日限定款式供應，同埋熱門珍珠好快賣晒😆.我就揀咗加普通嘅黑糖珍珠～咁因為黑糖珍珠已經有甜味，所以我就嗌咗「走甜」。.我想講我嗌嘅「鐵觀音拿鐵走糖少冰」，真係超級好飲，因為走咗糖，所以茶味🍵好突出😻，而黑糖珍珠為成杯嘢飲帶返啲甜味😻😻，又平衡同中和番😻😻😻。而呢一杯$30都唔洗！！！比起好多名牌珍珠奶茶好飲，但又抵飲好多！.💛支持支持！…Read More

首先佢係黃店，好黃嗰種，大家不妨多多支持。💛💛💛另外，我同屋企人成日都會去幫襯嘅原因係，因為和記餐廳真係好抵食，我最常嗌$48嘅常餐。可能常餐不嬲都差唔多價位，但係佢嘅份量大過出面嘅勁勁勁勁多（如圖：有叉燒，仲要有豬扒香腸，食肉獸餐咁款 哈哈）食常餐仲有推介，就係轉多士/牛角包都好正，只係加$1-2，抵食！（試過喺其他茶記轉牛角包要加$8🥺）佢每日嘅午餐都好抵，都係$48。同埋佢嘅野食唔似傳統茶記咁重口味，係清D，例湯、午餐、常餐等都係，似住家feel同茶記fusion，所以就更鍾意！…Read More

平時都有經過呢一間泰國外賣餐廳，但係因為佢冇堂食，所以從來都冇幫襯過。今次，因為疫情關係，所有餐廳都唔可以堂食，所以就試吓呢一間專做外賣嘅餐廳喇～我哋今次喺OpenRice叫咗一個泰國海南雞飯($68) 同埋一個香葉炒辣豬肉碎荷包蛋($58)，然後選擇到店自取。以上兩個都係原價，用咗OpenRice抗疫外賣自取優惠券之後，減左$30，所以Total只係$96🥳😋泰國海南雞飯($68)朋友食完呢個話覺得一般，冇乜太大特別，啲雞肉有少少乾。同埋平時食海南雞有三個汁，但佢就剩係得一個汁。但整體來講都算可以，同埋幾大份，又有充足嘅蔬菜。😋香葉炒辣豬肉碎荷包蛋($58)呢一個超級好食，好香口，有酸味又有辣味，仲有少少汁，好啱用嚟配飯食。不過唔係好食得辣嘅就可能會覺得太辣，但係我就覺得啱啱好，辣得幾過癮。同樣都係好夠蔬菜，我覺得配搭幾均衡。整體來講覺得佢呢一間嘅餐都算大份，同埋唔太貴，不過一定要外賣就可能有啲唔方便。…Read More