根本就鍾意's Profile

我點了一份兩餸早餐，豬扒炒蛋米線，一嚟到見到唔係分開上已經有啲失望，因此炒蛋被熱湯浸過後都老晒，豬扒無味兼一咬落去就覺得落咗好多鬆肉粉，米粉正常，但係湯底略淡，所以問侍應要求辣椒油，但得到嘅答案居然係冇，最正常不過嘅茶餐廳居然冇辣椒油，我係有一點出奇，最後無樣咬咗一啖，決定轉場食過！…Read More

回家途中路過，準備買碗炸醬魚片麵加油菜做宵夜，向收銀姐姐話要炸醬魚片撈麵，收銀：要咩魚片我：有咩魚片？收銀：有兩隻魚片心諗玩我咩，講嚟聽下好喎我：咁係邊兩隻呢？收銀：鮮魚片同魚蛋粉嗰啲我：要魚蛋粉嗰啲，加個菜，有咩菜呢？收銀：無晒魚片喎我：....咁加個菜，有咩菜？收銀： 咪住，炸醬麵要大定細我：大吖收銀： 我依家答你，菜賣晒心諗早知唔要啦，不過見你打晒單，算數。當另一員工包緊外賣嗰陣，我向佢要求辣椒油，但我估唔到$51蚊嘅炸醬麵，居然連基本外賣嘅辣椒油都無，阿叔一手打開個盒，瀟灑咁一拋去我面前叫我自己落。。。。如果味道好食的話，我接受，但同街邊廿幾蚊碗嘅分別不大，甚至別家個炸醬更好味，無下次。…Read More

同四個朋友經過被落地玻璃裝修吸引入內一試，原來有我至愛嘅生蠔食！二話不説落單，好好味呀！叫咗剌身同壽司拼盆，油甘魚出奇地鮮味，牧丹蝦不得了，$56一隻！除咗剌身壽司，原來仲有啲西式煮法嘅日本菜，唔怪得叫創意料理啦！香煎鱸魚配香橙汁$102Ok~~鱸魚同個香橙汁好夾！慢煮五花腩豚肉$98好味，一啲都唔肥膩，唔食肥豬肉嘅朋友都試咗半舊！烤羊架$148Ok~~賣相靚靚，個汁好味道！芝士什菜焗大菇$75推介！最後再嚟一個焦糖布甸做甜品，好滿足呀！不過，美中不足為茶杯太細，兩啖已喝完，要不斷叫侍應加茶。…Read More

依間東沙島街新開嘅麵店,我同3個朋友一望店名就異口同聲講咗句"咪即係車仔麵",但係坐低發現原來有多款湯底可以選擇,好似喇沙湯底,人參雞湯,牛骨湯底......分成多個國家都幾特別,可供選擇嘅配料都幾得意,有D平時車仔麵根本就唔會有囉,例如蟹子,羊片,鴕鳥肉,仲居然有我最愛嘅溏心蛋,但最奇怪係ORDER紙上嘅配料欄唔係樣樣有囉,就好似我張番茄湯底嘅ORDER紙係無蘿白,但問侍應佢就話可以叫,於是我自制一格蘿白方格,其實點解唔印晒呢?好奇怪,最後我叫咗番茄湯底x手打烏冬x海棉豆腐x溏心蛋x蘿白x什菌,我朋友就叫咗蝦湯底,另外有個加8蚊嘅羊架,個番茄湯底好好味,有D似羅宋湯,海棉豆腐怪怪的,不過個$4嘅溏心蛋真係澈讚,而$8嘅羊架都OK,可惜杯青檸沙冰好酸但整體都不過不失啦,始終係新開環境當然清潔,個厠所出奇乾淨,服務就一般,可能新手啦~下次會試下蝦湯底,我朋友話好味,唔知有無呃我呢?…Read More