SanZaat's Profile

🍜【清湯牛腩河】嚐一啖湯係單純嘅牛骨湯，湯頭清帶有淡淡牛骨嘅清香味，冇畀其他香料蓋過味，原汁原味，鮮甜好味且柔和。牛腩都煮得啱啱好，牛味香濃但唔會過柴，搭埋店家嘅辣椒油，更加帶出牛腩嘅味道。普通嘅牛腩已經有呢個水準，特別嘅位應該更加出色。河粉滑得黎又唔會咁易斷。🍜【單點牛脷】稱足好大，每一片都係厚嘅。燒牛脷食得多，清湯真係第一次食。牛脷做得好軟，但又有適當嘅口感，同燒牛脷嘅口感完全唔同。…Read More

🥢【鵝肝煎蛋撈飯】飯有三嚿肥嫩鵝肝，同溏心蛋一起攪碎後，每粒米都包裹蛋液同鵝肝的油脂，一開始食感覺好香，但係回味吓就有D腥。其實話唔係唔好食只係我個人唔係好中意食有D腥嘅嘢，我隔離個friend就話飯中夾蛋同埋鵝肝好好味佢中意食。🥢【炙燒手撕雞湯米粉】實際上係手撕雞同米粉仲有一粒溏心蛋，分量都十足，味道就比較清淡。配埋佢哋秘製辣椒醬都幾惹味～🥢【西多雞翼】雞翼炸到金黃色剛剛好，而且香味濃夠脆口，如果有多D蜜糖就更加好。🥢【花雕啫喱番茄】我個人就中意食番茄味，甘梅味粉同上邊啫喱口感嘅嘢真係好夾，而且仲好消滯。如果中意食番茄嘅去試吓味道唔錯。…Read More

拋開態度提餐食質素🍴【招牌焗鮮茄豬扒】豬扒軟硬適中，煎得好香。第一啖食落去味道還OK，茄汁都算唔錯，蕃茄，蘑菇。不過飯除咗蕃茄洋蔥蘑菇碎，其他就冇嘢喇，如果有啲菠蘿增味可能更加好。🍴【焗黑椒西冷牛扒】剛拎上台嘅時候鐵板仲係啱整好熱辣辣發出滋滋聲響，霎時間就感到非常有食慾。試吓牛扒都算幾好食，唔會好難咬，而且份量夠大，味道適中唔會好鹹，肉也都好嫩，好味。🍴【咖喱香煎豬扒】豬扒有厚度，夠厚，啖啖肉有咬口。咖哩味唔會太重，有DD薯仔同咖喱味夾埋個味好香，就係有少少鹹。🍴【雙拼厚多士】我中意奶酱D，花生酱加埋炼乳個味道甜醇香，不過唔建議食太大啖，否則容易滯。…Read More

A5牛好正，完全唔同超市賣嘅，魚生就係新鮮味足唔會腥、餐後甜食嘅味都係夠嘅。瀨風寒，反正當時食唔出咩味，但係friend食得好happy仲話好好食。之後為咗驗證吓又去過一次  D嘢都好高質，唔錯…Read More

Pici大閘蟹限嘅定餐我一路都好想試吓，呢兩年我去過里面嘅四家Pici每次去班friend都會贊佢好食。有各種經典意粉餐品，亦都會應季節當做限定菜單。今次就有大閘蟹限定餐。🌯【蟹肉麵包卷】外形似春卷，其實係將蟹肉紅椒碎同醬料塞入圓麵包，外焦裡嫩。🥗【蟹肉三文魚籽牛油果沙律】夾埋我所有中意嘅沙律元素，蟹肉同爆汁嘅三文魚籽、牛油果粒塗抹喺脆口面包片上，仲未食到主菜，已經食蟹肉食到爽喇。🦀【大閘蟹粉手工圓面】圓圓嘅長面睇落似烏冬，實際更加入味。🐮【慢煮牛面頰寬帶面】一款經典意面，牛肉有紅酒燉煮嘅香氣，配合寬面嘅口感，表面還灑滿了細碎嘅芝士。🍝【現刨黑松露細扁面】系每次嘅必點經典菜，現刨的黑鬆露片香氣四溢，咬起身有一絲鮮脆口感，量都好足。醬汁比較creamy，啱我心水。…Read More

食飯時間，一番決定之下同幾個frd落到增煇埋位。🥢【啫啫滑雞煲】雞肉好嫩汁水夠多又夠嗮鹹香，勁大鑊氣。洋蔥切落去煲出黎嘅汁淋飯確實係好香。🥢【椒鹽瀨尿蝦】瀨尿蝦嘅肉質夠甜，唔係齋得個殼。咬落去殼脆肉有味同時仲留底海鮮嘅鮮味。🥢【豉油皇炒麵】啲麵帶少少焦香嘅味又唔會發苦，啱擺上檯之時夠嗮鑊氣，豉油味又香又濃。吞落去尾調仲有部分蠔油味（回甜味）。🥢【炒蟹】調味夠晒濃，炒得好入味，蒜味炸過嘅香落到蟹度炒勻嗮。肉蟹啖啖肉鹹淡分明香到盡。多咗O冇食，驚整痛智慧牙…Read More

以前哩間鋪就喺LIxxxG度聽過但就係未食過，啱好個Frd兩人齊聚我地就上座。兩個人食得唔係好多，幾個餸就夠喇。🦀【炒辣蟹】睇個樣就好似正，咁我食唔得太辣就落微辣單，講真蟹確實係好大隻肉又夠嗮秤，味絕對係OK嘅。仲有人幫我拆蟹，哩方面就冇得輸。🍝【蟹油炒麵】個麵講真好難評，夠嗮鑊氣但係又唔夠蟹味，有D似返廣州食飯咁。我中意鹹口覺得唔夠力。不過後尾仲有豉油提鹹算係咁。算合格水準以上但係又冇攞到A。淡口人士至like。🐚【豉椒炒青口】個汁有D甘又帶D甜🤔肉夠鮮火夠足都算OK。總體味道都係OK嘅🙂（就係銀包要睇睇）…Read More

過咗哩排條氣順返D，好耐未出黎食飯就睇好去中記。都係趁人唔多之時book住先。等人到齊直接有得坐。🍲【酸菜豬肚】東北嘅friend試咗一啖佢話好正宗，個菜嘅size都係夠大份。我未食過正宗嘅東北酸菜不過係酸味夠力，肉都係煮入酸汁味就好爽口。似三文魚淋檸檬汁嘅爽口feel超好餸飯。🍲【水煮毛血旺】我食唔慣，唔好評價。鹹香辣味道都有，只係食唔慣。🦃【芝麻雞】香，芝麻嘅香真係覺。肉唔柴仲留返雞味，芝麻煎嘅面皮真係香到難形容，不過真係好熱氣。🍽️【炒青苗】青口爽脆，新鮮惹味。唔食蔬菜食中餐係冇feel嘅。最後食飽咗陸續人愈來愈多，所以幾個人上樓食飯最好都係先過個人book位先唔使等咁耐。…Read More

買嘢經過通菜街，朋友介紹話哩間泰國菜幾抵食😋😋三個人就入去試下味。🍛【泰式咖喱雞】咖喱嘅椰汁味比較重但又唔會低質，淋飯食就好香。雞肉味道都煮入咖喱，一咬就即刻出味。但啱好有舊骨咬到牙痛發作hhh🤣🤣。🍜【冬陰功豬扒公仔麵】麵食方面就好常規，不過整體湯頭有D甜甜地又有D辣。感覺係加咗D椰奶味道真係好濃潤。麵食收咗冬陰功湯底整體望落去都幾辣吓🫠🫠中意食泰國餐嘅人應該超級LIKE哩陣味。🥗【青木瓜沙律】小菜就冇乜好評嘅，就FEEL到爽口🤣🤣酸味啱啱好超開胃。…Read More

好耐冇食過泰式煎餅，上次食應該係一年前，今次特登行落嚟諗住食返啖先。非假期唔使排隊，佢度好多唔同味嘅煎餅，點返個餅落單到攞到手大概要15分鐘。🍴【朱古力香蕉煎餅】/ $38拎到手好開心賣相唔錯，咬咗第一啖依然係香脆朱古力醬濃味。不過宜家加咗價，失望而歸。🍴【芋泥流沙奶黃煎餅】/ $47芋泥係好香，一啖落去芋泥都Bit出來，而且唔係低質混合紫薯，純芋泥唔會好甜，搭埋煎餅脆脆的外殼香到不得了。👏🏻中間爆漿bit出嚟嘅流沙奶黃餡就夠甜喇。仲有只唔記得叫乜，吃起身同泰國蕉味好似，中間夾心餡是有DD酸味，表層淋上朱古力醬反而又唔會滯。…Read More

前排經過睇到小菜王依然咁多人排隊，好耐未黎所以約埋朋友一齊試吓。間鋪D嘢真係好有鑊氣。入座落單之後仲同我講好快就有得食。🥢【醬爆田雞】田雞上台肉質非常肥美，醬味鎖入肉汁。咬一啖鹹香惹味，唔柴唔韌。細嫩有彈性，每一啖都feel到鮮美滑嫩，醬香甜同田雞夾埋味道有D層次。🥢【椒鹽九肚魚】魚身經過炸製後外皮酥脆爽口，內部魚肉保持原有風味，吃起來口感極佳，入口即化。同時本身九肚魚一開始含水量高，帶入椒鹽咸香到不得了。🥢【豆豉蒸鱔】魚味同豆豉、蒜蓉攪埋一齊，每一啖都有濃厚醬香和魚肉的鮮美。豆豉作為哩味餸嘅關鍵調料之一，其濃鬱嘅醬香帶埋豆豉顆粒飽滿有嚼頭，蒜蓉香脆同薑辛令人回味無窮。…Read More

以前香港D大排檔宜家都搬上樓且物價愈發誇張，啱好聽人話誠記以前做廚嘅大師傅退咗休，今次經過熟食街市特意去試吓懷舊既味。誠記嘅沙嗲牛一向係比較出名嘅，以前嘅師傅拿手主打餸就係沙爹牛。但講真宜家沙爹牛肉同牛腩牛筋確實冇以前咁好食，食唔翻當年嘅feel。汁底冇以前咁濃，清咗好多，只能話介於合格到良好嘅水準，味唔會差餸嘢食嘅話都係OK嘅。炸雞翼就OK味道唔會輸。咁豉油王炒麵本身就係食佢啖鑊氣，而呢碟炒麵鑊氣依舊十足不輸當年，麵食偏鹹口D仲有一絲蔥薑蒜爆出黎嘅味真係好絕，整體係極具粵味嘅。呢碟嘢都算係挽回誠記作為大排檔嘅鑊氣代表喇。（食得太盡興炒麵唔記得影hhhh）仲有個客飯係同行嘅朋友食，我就未食到唔好評價。…Read More

之前肚餓覓食，路過忠記就去食碗雲吞麵先。雲吞嘅大地魚湯底夠鹹夠正宗，鮮蝦味拉到盡。竹升面爽彈好食。雲吞有細細粒蝦仁都好正。蝦鮮味夠。咬開一細啖浸吓湯底就好足嘅大地魚湯味，夠嗮力。比之前北上去食嘅味道更加有味。水餃就係雲吞PLUS版，包埋豬肉木耳等其他嘢，不過就有D鹹過頭，頗有客家菜落重料嘅感覺。一般唔食得鹹嘅人應該唔like（我中意食鹹口覺得OK）。OS:拋開食物質數，夥計寸到想打佢，呢D講多都無謂。…Read More

前排白粥真係食到驚，唔使講一定要去食D有味嘅嘢所以又係扯埋幾個病號去食嘢。講真排隊等之時外面陣奪命風🤧真係吹到頂唔順🤧去食真係要早早早D去埋位。🥢【自選三拼】講真哩間嘢拼到嘅料真係多，豬皮牛腩牛肚乜都有，47蚊拼碗真係抵到爛，味道就唔使講🤣宜家我食乜都覺得香。🥢【牛腩】超大舊好入味，牛肚入口Q彈，湯底又鮮夾醬又唔會搶味，唔錯。🥢【雞翼】甜口，甜香咸，合格水准唔會差。其實冇食幾多，基本上單攞個碗裝返D食吓味咁，剩低好多嘢食唔入唔好點評。夥計有D寸令人不悅。…Read More

去屯門取D嘢，見到華都商場側邊有間餐廳似乎唔錯。鋪頭外頭有餐牌就入去試吓。老細禮貌歡迎入店，我估都係做街坊生意。入門就問我係咪啱收工hhh🤣（我孭住個超級超級大嘅袋）。廚房開嗮門俾人客睇嘅，直接可以睇到師傅手速驚人整緊嘢食😋。哩度落單掃個QR Code or手落單都得。🥢【咖喱牛肉飯】/ $58+10炒底出餐速度尚可，拎上黎之時已經聞到好香嘅咖喱味，咖喱底味道就係合格水準，不過個牛肉就靚喇😲幾十蚊嘅飯餸牛肉居然唔薄唔柴，爽滑有鮮味，實屬驚喜。特別建議飯炒底。炒底同咖喱牛超夾。食一啖咖喱牛肉再餸埋一啖飯真係好香。飲多啖熱阿華田滿足感拉到滿😋😋…Read More