火腿子's Profile

本來無諗住寫食評，只係想專心同朋友食餐飯，所以冇咩影相。但真係太唔滿意呢間餐廳，希望大家唔好中大伏。湯底得兩種，一係麻辣鍋，一係酸菜白肉鍋，亦都可以揀鴛鴦鍋。朋友唔食得辣，所以我地點左酸菜鍋。酸菜鍋有都幾多嘅豬肉片，少到唔多睇到嘅粉條同埋好多嘅酸菜。啲酸菜唔係譚仔個種甜甜嘅，佢係似白菜切絲浸白醋咁，好單一嘅酸味。店員話麻辣鍋可以任添鴨血，酸菜白肉鍋則可以任添酸菜。不停會有人問要唔要加酸菜嘅，服務係幾好嘅。我地點左啲蔬菜盤🥬咩都有啲嘅，有啲菜同菇咁，一百蚊一盤仔咁😇一條貴價菜都無，都係生菜個啲。點左個菊花露，幾好飲嘅，好冰涼，少少甜咁，50/60蚊一大jar。後來仲試左個烏梅汁，味道係同酸梅汁唔同架喎，濃味啲咁，幾好飲，但個湯已經好酸，飲埋呢個就真係好酸好酸。我地都叫左好多盤肉，有黑豚肩胛肉，有封門柳，牛小排。但啲肉好碎濕濕，夾起嚟已經一片斷開兩段，滾左幾秒似係食剩嘅嘢咁🥲🥲🥲🥲一盤成兩舊幾水⋯啲肉食落碎到無味，我寧願食酒樓肥牛。我地仲叫左雞件同魚，無咩特別正常發揮。鼎王火鍋嘅醬料選擇十分少，佢建議酸菜白肉鍋點腐乳醬，麻辣鍋呢就點另一個醬（朋友拎比我，我唔知叫咩名，但食落就鎮江香醋）。配料剩係得蔥同芫荽，連基本野蒜頭同辣椒都冇呀☹️☹️☹️☹️佢嘅腐乳醬我唔識欣賞啦，點乜嘢肉陣味都變咗腐乳味。點醋仲衰已經好酸㗎啦。想要啲辣椒蒜頭拯救下個味都冇。個鍋一路食一路剩係得酸味，勁開胃，但無主菜落肚咁，真係好失望囉。鼎王比我嘅感覺係價錢好高，服務好好，環境好靚，但食物質素就完全嘅唔值得。食完呢餐我真係嬲到同朋友講食M記都好過食呢間。…Read More

星期日dating night ❤️❤️❤️❤️最中意食🌶🌶嘅我，又嚟試食新川菜😚😚今次食嘅係麻辣派對，一早用左openrice 訂位，去到唔洗排隊直接開餐，同埋埋單仲有折架！餐廳係男朋友簡嘅，本身見到叫麻辣派對以為又係啲打邊爐嘢啦，原來唔止咁簡單，好多好多嘢食架，餐單相當咁長🤤🤤🤤睇到我眼花撩亂，心花怒放！聽侍廳姐姐講有🌶有唔🌶架，唔中意食🌶嘅朋友應該都有飯開喎！差唔多每枱客都有鍋嘅魚魚😍我地點左個水煮桂花魚小🌶，魚好滑好嫩口，啲骨去得好乾淨下，差唔多係啖啖魚肉，一鍋應該有一條完整嘅魚🐟中心嘅骨位魚鰭位都有斬好，上埋，一啲肉都無浪費架！水煮魚又熱又暖身但一啲都唔會油😊😊😊不過美中不足嘅係小🌶真係唔係好夠喉，就連我好唔食得🌶嘅男朋友都輕鬆食到，如果平常食到譚仔三小以上嘅bb可以直接叫中到大🌶除左魚之外都會附贈水暗粉，魔芋同豬紅，兩個人食一份絕對夠飽！如果似我地咁為食仲可以單點配料，我地叫左白豆腐，豬紅，水晶粉，馬鈴薯🥔同牛柏葉。配料最推薦馬鈴薯，軟有帶爽口，索哂湯底精華。😆✨水煮桂花魚✨必叫！⭐️⭐️⭐️⭐️⭐️我地仲叫左個涼拌小菜，涼拌花膠，花膠爽口，醬汁係拌上去嘅，整體嚟講唔太推薦，因為我中意軟身嘅花膠🤣🤣同埋唔太入味啊但小菜選擇好豐富，對田雞個啲好感興趣🤤🤤🤤✨涼拌花膠✨⭐️⭐️係侍應姐姐嘅推薦下仲叫左個水果茶，又幾出色喎！同一芳水果茶個啲朋友仔有得揮，有西瓜，火龍果，檸檬同奇亞籽，有得飲有得食，性價比滿分💯✨水果茶✨⭐️⭐️⭐️⭐️臨尾我地兩個人真係食唔哂，叫左打包，侍應姐姐好好👍一啲都無嫌麻煩，親手幫我地仲樣仲樣打包好係保鮮盒，仲搵保鮮紙包埋面，仲有環保袋裝好！服務態度好好！…Read More

同朋友食完飯，係好飽好飽嘅時候……見到呢間長期排長籠，好評不斷嘅甜品店，決定幾飽都要食啊！咁啱遇上買一送一嘅優惠喎……好扺咁啊仲要買一送一嘅甜品可以兩個唔一樣架，埋單個陣以較高價果個嚟計，夠哂人性化啊係咪好靚呢？打卡相當不錯雪糕主要有抹茶，培茶，雲呢拿。Topping就每款雪糕都一樣嘅， 有紅豆蓉，抹茶蕨餅同白玉，白玉有兩粒，一粒係原味，一焗係抹茶。我簡左抹茶同培茶mix嘅雪糕。雪糕茶味超濃，很滑順，不會死甜，是很真實的抹茶味（細細聲講個人覺得比起御前同天仁嘅更加優勝）但係呢～我覺得抹茶味太出眾，蓋話左培茶嘅味道，雖然培茶一般味道都會比起抹茶清淡啲，但咁樣mix埋一齊食就好似食唔到培茶咁，覺得有少少可惜啦，分開獨立存在會更加好。不過對於我呢啲眼寬雞窄嘅女仔都係件好事嘅，一次可以試到兩個口味，最多分開挖下啫至於topping 我自己本身唔中意食白玉嘅，所以可能比較偏頗啦，我覺得同湯圓差唔多囉，無咩特別。抹茶蕨餅，味道同口感都合格啦。紅豆蓉就係周圍都會食到吧貨仔啦，不過係3樣嘢中我最中意嘅😂😂😂食食下溝啲紅豆係雪糕又可以變下味，都幾夾架。雖然買一送一好扺，食物味道都好好，但覺得並唔完美啦。要留意留買一送一係要拎走食架，無得份去坐，不過都理解嘅，鋪頭細，位置唔多，優惠嘅雪糕可以拎住食，都唔錯啊…呢個就有少少唔開心同失望嘅…Poster 嘅圖好清楚見到係cone吧？我都以為會係架。點單個陣店員都無問我要cone定要杯，我以為就係得cone啦。點知雪糕到左啦，我見到得杯，問佢係唔係落錯左呢？其實我覺得如果落錯左咪算囉…我都會費事浪費照要嘅。不過店員話唔係喎，係買一送一就一定係杯。我真係成頭黑人問號啊…咁張poster 咪即係呃人?又無係下面寫到，點單又唔講??但問題係我打文前睇左下其它人嘅食評啦，見到有人都係買一送一但係係cone喎。我唔知係佢改左規矩啊，定無貨啊，定個別員工誤會啊，定落錯唔肯認啦。一句到尾，我覺得解釋係不足嘅，呢方面可以再做好啲啦…Read More

記得第一次光顧文記，雖然已經是3年前，卻讓我印象深刻。記得那時的我還沒現在那麼愛吃，對美食的世界瞭解太少了，大名鼎鼎的文記真的是聽也沒聽過。可是機緣巧合下，陪一班朋友去深水埗買電腦，然後在附近的車仔麵店吃午餐（沒錯！就是文記！！）。對當時的我真的只是順路吃吧…剛好那時是下午3點多，文記難得人很少，都不用等位，也因此我也沒發覺這是一間非常有名的店吧。那一次也是我第一次吃車仔面。我簡直震驚了，沒想到車仔麵是這麽好吃的啊！於是乎，之後我在其他地方見到車仔麵都買來吃，卻都覺得不怎麼樣……令人好失望啊！後來和朋友說好想吃那一次吃的深水埗車仔麵啊！那間好好吃啊！我朋友才笑我說那是當然啦！那間很有名啊吃了一次，我記掛了3年，很長情吧😂😂😂今天終於有機會再會文記車仔麵了門口長長的人籠真的把我嚇住了，才真正意識到它真的很有名啊…和很多車仔面店不同，文記的餐牌大大地貼在牆，人未進店就可以先想要點什麼，可是他沒有點餐紙，都是從店外直接排隊到店內的廚房點餐的。從面類到配料到湯底選擇真的包羅萬有，面類有常見的細面，粗面，油面，河粉，公仔面（$9），到出前一丁，薯粉（$10）都有。而配料從$8到$13，有各種菜類肉類，淨是配料我想也有20到30個選擇吧。如果真的不會選，也可以參考店面列出10大招牌配料。湯底有辣汁，腩汁等，也可以另外加店家特調辣醬和加蔥，榨菜等配料。蘿蔔+豬腸+豬紅+薯粉+腩汁+辣醬別看蘿蔔白白的，以為它沒味道，其實很入味呢…不愧是十大招牌，蘿蔔也不貴，$8一份。豬腸不會很肥，應該有稍稍把肥肉挑走，但味道而言沒有很出眾。三個配料中我最喜歡的是豬紅，豬紅份量很足，好像是$9一份吧，味道甜甜的，和外面買到的有一點不同，在面湯中浸久了也不會沒了味道。至於薯粉，雖然我非常喜歡吃薯粉，可是覺得車仔麵中加薯粉並不吸湯汁的味道，還是點細面會比較好吃。加了腩汁的湯底很夠味道，選對面的話，可以吸到湯汁會更加好吃。它的辣醬是加在湯匙的，建議先混一點在湯試一下辣度，它算是頗辣的。瑞士雞翼+豬紅+豬腸+魚皮鮫+河粉+腩汁又一招牌＿瑞士雞翼好似係10蚊2隻??唔係咁記得啦…味道覺得正常啦～同屋企煮嘅一樣，啲肉都仲滑口嘅，唔似有啲鋪頭乾爭爭咁，不過招牌就有啲名過其實啦～魚皮鮫就係四海囉……不用多講啦總結係……我絕對會再想食呢間同埋好中意文記無set餐，無最低消費，中意食咩就食咩，好自由…Read More

話說最近朋友迷上了泰國嘢，餐餐放飯都要食泰國嘢，我諗我一個星期都有3餐食緊啦😂😂😂😂Any肥，為左唔出力諗食咩，我都係順佢意，佢話食邊間就邊間，今日就嚟try try係旺角屹立多年不倒嘅真心泰國菜館。旺角有兩間，一間係朗晴坊，一間係女人街嘅小巷到，不過兩間嘅裝修都好精緻，俾人一種去左泰國旅行嘅感覺。未入門口就見到兩個金金地色嘅泰國妹公仔，入到鋪頭，天花掛左好多唔同花色嘅傘作背景，又見到牆上掛左泰王嘅相，鋪頭仲放左很多小小的擺設，真的很有心思。鋪頭朝早十一點開門，睇過餐牌我發現午市嘅餐比晚市貴好多，不過可能份量唔同啦…同埋比較過兩間嘅餐牌，我發現女人街嘅分店價錢較朗晴坊那一間便宜一點。乾炒鮮蝦河 $52睇個樣係唔係好唔泰國嘢呢？其實唔係架，食落都好唔泰國嘢架😂😂😂真係豉油味嘅炒蝦河加啲芥蘭咋，食落係同香港茶記一樣嘅。佢都夠鑊氣，香口嘅，有啲油啦…唯一就係隻蝦唔掂，蝦似係事先滾熟再炒嘅，唔爽口，食落有少少嘅老。睇住朋友叫個啲真係好泰國嘢架，我覺得唔係鋪頭問題嘅，係我問題我都唔知點係一間超多選擇嘅泰國菜館，萬中選一咁簡中左茶記嘅餸。點個陣我以為會係泰國醬炒，以為佢可能用馬拉盞個啲啦…係我諗多左😂😂😂不過都有一杯附送嘅椰汁冰餐飲提下我係食緊泰國菜架～但朋友話佢地點嘅青檸茶個啲就味道怪怪地，唔知係咪佢地飲唔慣呢？我諗我下次會認認真真咁試下呢間嘅泰國嘢架啦不過乾炒鮮蝦河就不了。…Read More

九龍灣呢間金滿堂都開左好耐啦，我都唔記得幾時第一次幫襯。金滿堂位於淘大商場附近，我雖然成日去九龍灣，但呢個位就一啲都唔順路啦。儘管如此，間唔中我都會突然諗起間糖水鋪會好想食，幾唔順路都兜嚟食下，可能係佢有一種難以言語嘅吸引力啦。糖水鋪嚟講，呢間算係我好中意嘅一間，最中意食佢嘅椰皇系列。金滿堂標榜低糖，雖然唔知係咪健康啲啦，最起碼我個心聽落係囉，呃下自己唔會肥囉。我就好想試椰皇系列個榴槤女皇，不過話哂都dating 緊，唔敢嚇走男朋友啦～唯有等下一次啦。桃園燕（熱）$55呢款有凍有熱簡嘅，我覺得椰皇系列都係熱熱地咁食最好食嘅。桃園燕材料好豐富架，豐富到dinner 個陣個胃唔留啲位食呢個甜品嘅話，真係唔洗旨意食得落架。材料有:桃膠，芋圓，雪燕，清心丸，椰皇燉蛋白（椰汁底）超級嘅足料！！好好食，好香椰汁味，又唔會太甜。嚟金滿堂一定要試下佢嘅清心丸，好難係其他地方見到，清心丸係潮州嘅甜點，本身無咩味道，望落很通透，好有彈性。燉蛋白好大碗架，覺得一開始攪爛少少拌汁食會好食啲紫醉金迷 $38（熱/凍）男朋友點左個紫醉金迷，聽個名好得意啊～入面有芋圓，燉蛋白，雪燕（椰汁底），其實啲料同我點果個都差唔多，食大致一樣嘅，但個燉蛋白可能無我果個連埋椰殼整所以無咁大陣椰子香氣，不過都好好食啊。份量比起我點個款細份，一人食啱啱好。其實我諗我下次會轉叫呢一款，價錢又平啲，份量又細份啲，可以番番個肚同銀包叫多個小食喎。…Read More

講到旺角嘅平價韓食，我同一班朋友食得最多就係首爾家啦，又平又好食，不過食得多左自然會厭啦，今日就想出去外遇一個新的她……呢一間位於女人街嘅巷仔到，幾容易去架，不過如果專程嚟搵呢間其實有少少難，畢竟女人街啲店太多轉錯個轉都未必睇到佢。環境正正常常啦，我地嚟得比較早，應該開鋪無耐，客唔算多，唔洗等位就有得坐啦。我地睇緊餐牌個陣例湯就上左啦…以例湯嚟講一般般啦，有啲椰菜，好好飲又未至於，但食飯有啖湯飲下潤下都算個加分位嘅。我見都有人po menu就費時重po啦，午餐menu都幾多選擇架，都有廿個左右，價位大概係40到50 左右啦。所有餐都會附送湯，餐飲（凍飲加3蚊），仲有前菜。前菜有泡菜同芽菜嘅。泡菜就似超市買個啲啦，唔係特別好食個種，配下飯都過得去嘅。至於芽菜有啲麻油味，但唔會太大油味，合格。炸醬麵 $47一嚟到覺得個賣相就一般啦，不過炸醬麵都係咁嘅樣架啦…不怪它，不是它長得特別醜等我撈一撈先……實物比圖睇落仲大啊…我覺得我普通女仔食量啦，我食到一半就飽了。我好中意食面，次次食親韓食，就會忍唔住叫面食。我又重口味開喎，乾撈真係好吸引我。所以次次見到炸醬麵每次都會叫，但次次食落都覺得一般般啦，呢間嘅炸醬麵，溫溫地嘅，醬好多，唔會食食下乾哂，調味無韓國食嘅咁甜，都唔錯嘅。中意食炸醬麵嘅朋友可能會中意啦～面入面有半隻烚蛋，同埋一啲薯仔嘅。配料偏少，但面就好大碗啦，一個人食嘅話食食下真係會厭，兩個人叫唔同餐分嚟食會好啲囉…我仲試左幾啖朋友叫嘅石鍋飯，泡菜炒豬，粉絲湯，覺得仲好食過炸醬面啊…如果住附近，番學番工係呢頭嘅都係個食平價韓食唔錯嘅地方嘅…Read More

夜晚行apm，忽然很想食甜品喎，就幫襯下好耐無食吧許留山啦。許留山嘅嘢飲就飲得多啦，但甜品就相對無咁多人有食過啦。觀塘呢間鋪店面真係好細好細，連張枱都細過人啊，唔單止要等位搭枱，真係肥少少都坐唔到。鋪頭好似人手好唔夠咁，我地入到鋪頭見都無空枱啦，就諗住等店員嚟安排我地搭邊張枱啦，但企左幾分鐘都完全無人理我地，真係有啲尷尬啊坐到入去嗌嘢食啦，可能鋪頭太細啦…店員貪方便直頭係鋪頭大大聲問你食咩，自己就對住部機咁直接打單，落單都唔洗望客……服務真係嘛嘛咋……多芒小丸子多芒撈河兩樣甜品基本上係一模一樣吧，除左一個係河一個係小丸子啦，所以我就一齊講啦。大家都知許留山吧招牌就係芒果嘅飲品同甜品。但係我覺得唔知係咪各別分店問題啦…我記得以前好食好多架，先講個芒果底啦，以前好濃芒果味架，而家就淡左好多咁。而家係芒果冰沙底，真係凍到入心又入肺啊…芒果可能唔啱季啦，有少少酸啦，但都合格嘅，小丸子同椰河都正常嘅，無咩特別。芒果糯米糍 好一般啦…糯米糍皮厚饀少，麻麻地啦。總評3樣嘢嚟講，我最最最最唔滿意嘅係呢間店極唔環保，堂食嘅嘢全部都係用膠碗啊…我本身諗緊呢啲可能會洗過重用幾次掛……nonono咁啱見到佢廚房開門大大個黑膠袋裝住哂呢啲膠碗，極唔環保，扣哂分。覺得就算鋪頭太洗無位洗碗都應該用紙碗代替啦…唉…Read More

弊傢伙……唔知係咪一間好新嘅餐廳呢，無諗過原來我係第一篇喎，連menu都少人po……唉呀，早知影番個lunch嘅menu啦…泰角海南雞飯連例湯 （$42~48左右……有少少唔記得）係咪賣相就100分呢？ 真係幾靚幾吸引架。海南雞件已經起左骨，不過有一啲都有少少嘅碎骨嘅，以份量嚟講啦，雞件數量稍稍偏少啦～但加埋個飯點夠哂飽。餐桌上有黑豉油同一枝橙橙地色嘅……好似係辣椒醬之類嘅嘢？橙色個枝食落無咩味，所以我都係點番黑豉油啦…海南雞件雖然不算是極滑嫩，但肉味夠香。油飯相較雞件更為油香十足，粒粒分明。至於個例湯……無嚟到啊應該係上漏左，到我醒起個陣我都食飽啦，又趕時間，費時又要等又食唔哂啦。以海南雞飯嚟講，覺得調味有少少特別但又唔係好講得出係邊，應該係個飯……朋友都叫左個炒金邊粉，我試左啖都幾唔錯架，不過調味偏甜啦…有人中意，但我就覺得有啲太甜了，個人口味啦。…Read More

話說我應承左男朋友佢諗情人節去邊而我就諗星期六去邊。香港地講真有邊好去喎，情侶有咩好得過搵間好西食？我見到ig有人推薦呢間嘅窩夫，睇相都睇到好心動啊！於是我地起行！睇到人地嘅po文話好大份好飽，我地驚細食哂嘢喎，諗住下午去食個3點3tea俾佢慢慢消化到夜晚就唔怕濟啦…好彩睇到咋！！各位朋友留意番人地有落場時間架，中午12開到3點，3點再開到11點，唔好學我地差啲去白撞。 一去到係門口無見到menu，淨係見到大大個易拉架推薦緊聖誕大餐……望左好耐先知無搞錯地方，先敢入去啊…入到去，先發現伏已中，我地6點鐘嚟食嘢，其實真係只係想食個窩夫，無諗到原來有每位最低消費100蚊喎……只怪我無做好資料搜集啦…單食一個甜品睇嚟唔夠數啦…但見地方好靚，店主好俾心機咁畫左啲黑板畫仲展示左啲盔甲收藏品喎，咁就擇日不如撞日，try try 佢先。講左咁耐，想俾個總評先，我好少食工廈嘢，但今次真係俾左我好大嘅驚喜，絕對正評，爆推。我地太細食啦，時間又早未有咁大胃口驚哂嘢啦…於是兩個人分左個一人set 餐，結果係我地兩個食都飽哂啦…大食啲嘅朋友可以叫多份主菜或者甜品應該就夠架啦（我指兩個人嚟講）法式野菜凍批，蟹肉沙沙，火灸海膽蝦沙律（包含在套餐中）前菜就已經好有心思啦…本來仲以為係3簡一，無諗到咩都有哂，啱哂咩都想試又細食嘅你地啦！3樣比較中意個凍餅，味道最特別，但其他都唔失禮架，海膽蝦大大隻，味道鮮甜，不過就唔係好覺有火灸啦，比較似刺身多啲。日式南瓜蟹肉忌廉湯 附送餐包（包含在套餐中）蒜蓉包軟硬適中。南瓜湯將南瓜味帶出得淋漓盡致，蟹肉就咁被南瓜征服左。除左湯入面兩粒蟹肉我真係飲唔出蟹肉嘅味，不過又覺得無所謂嘅……本來我都覺得奇嘅蟹肉點解配南瓜呢？不過中意南瓜嘅朋友可以試下，個湯好甜好重南瓜味C,酥皮焗牛柳伴老虎蝦配黑松露燒汁（包含在套餐中）真係激動到港女上身，相機影多啲！！！！其實從佢個餐牌名無諗到係呢樣架，不過……望真啲個菜式名又好似眼前呢碟又真係有齊哂喎……有一刻我懷疑過隻牛牛匿埋左去邊呢？大家搵到未呢？切開酥皮，牛牛就係入面等緊我啦…牛柳係我中意嘅3到5成熟左右啦…點解係3到5成呢？因為牛牛都幾大件又厚肉喎，我同男朋友一人手拎一刀一叉，用盡九牛二虎之力先切哂食得咋，分分鐘我地手勢咁慢……係酥皮下嘅牛都等我地等到熟多少少啦。有肉味有啲肉汁，唔會乾鞋。雖然有少少嘅筋位，不過整體口感都係軟軟嘅，係好食嘅牛肉。但稍稍最外層嘅黑椒落得有點重手，其他都好perfect老虎蝦新鮮大隻又彈牙嘅無特別調味都好好食啦伴碟仲有薯蓉架……本來都覺得奇啦，點解未食到黑松露味嘅嘢呢？原來收埋左係薯蓉到，薯蓉好香黑松露味啊！仲有根好可愛嘅蘿蔔仔。不過如果我自己一個食呢一碟唔洗前菜咩咩咩，我諗我都飽到上心口了。Daily dessert （包含在套餐中）到果下有少少咁失望左……因為唔係最想食嘅窩夫不過不過呢個都好出色架，尤其個曲奇雪糕，食到有少少碎冰，懷疑係自家手製，相當有heart 架，如果甜品唔夠喉嘅，見到仲有好多甜品俾你地單叫架，如果係個甜品控仲可以單叫個主菜就可以加甜品放題都係加多60左右。可惜我地個胃就飲埋個附送餐飲就真係飽飽飽飽飽了。…Read More

作為土生土長的香港人，應該不少的人都吃過花園餐廳。還記得小時候，總是很期待自己一個人吃一整份牛排餐。可是時過境遷，港式扒房也隨着更多高價位的西式扒房進駐而慢慢消失，不知不覺花園餐廳也買少見少了。我和男朋友都很喜歡吃花園餐廳，即使是紀念日，生日，情人節也常來光顧，為的就是一種回憶的味道。今晚我們逛完年宵後來吃，全場甚為爆滿，等了約20多分鐘才進座。餐廳裝修多年不變，雖然有點老氣，但更符合回憶中的樣子。我們選了餐後，不用一分鐘，暖暖的餐前面包，牛油馬上送上。隨餐附送紅湯或白湯。我比較推薦紅湯。白湯有時質量較參差。（吃到一半才想起要拍照）主菜便沒有前菜上得這麽快啦…不過即使全場爆滿，也沒等多久，這裏的侍應生真的真才實料，每一個都像多手觀音般。不過服務態度就一般般啦，茶記水準啦。蝴蝶型肉眼牛扒（$115）A級肉眼牛扒（ 紐西蘭）$129我們各點了一份肉眼牛扒，想要試試兩款的不同。為了比試公平，我們均點了3成熟和黑椒汁（醬汁可選黑椒或蒜蓉汁）。這裏的扒餐，side dish 一律為炸曲薯，小蕃茄和菜。我們試了這兩款扒餐，作為肉眼扒，兩款口感都較軟不會嚼不開。以口感而言，蝴蝶肉眼較大片但較薄，A級肉眼則較小而厚身。A級肉眼更有肉感但較蝴蝶型稍為難嚼。以味道而言，兩款都沒有把肉汁鎖好，沒有咬下去肉汁噴發的感覺，不過也不會乾身。但蝴蝶型肉眼肉味較淡，因此兩款比較下真的高下立見，A級肉眼會更為好吃，果然貴十多蚊是有分別的。雖然outback 等較花園餐廳更優質，但outback 一人餐可以在花園叫兩人份了，凡事講求性價比，花園餐廳在百多塊的扒餐上表現已經很優質了下次仍會光顧小貼士：由於鐵板會加熱，所以3成的牛扒是比3成更熟的，如果放久了，會慢慢變得更熟，到我吃到最後一口時明顯看見肉從中間分了兩隻色。所以如果不是極怕生，建議叫3成會更好哦，否則經過鐵板可能硬過磚頭啊～第2個小貼士：曾經我貪平買了午市套餐吃，看見有扒有意粉，以為和晚市差不多吧。我錯了，午市set餐配意粉的那款很難吃，非常難吃，比茶記更加茶記！還是正正常常選餐，一分錢一分貨哦。…Read More

這個星期五我們決定來一個Happy Friday ，一起開開心心吃燒肉。朋友推薦這一間燒肉，她說上一個星期才吃過，她說很好吃又不貴，於是我們就起行了。我們在平日的中午光顧，很幸運地以極優的性價比惠顧。在午市，12點到3點內有午市放題優惠，118元一人任吃90分鐘，壽司刺身等另加30元任食（需另加服務費）。可是有一點奇怪的是，店員告知因為當天是星期五需另加30元，但我們再看餐牌是又見星期六，日，公假才需額外加30元，於是我們再問了店員，可是她還是說要加錢。不過最終結賬並沒有收到有關款項。不知道是不是店員自己也搞混了？惠顧時建議問清楚哦。（以上為兩人份量）雖然是午市任食，但並不是全部都是任食的。上圖是只會來一次的和牛，牛舌，蠔等。不過並不需要失望的，任食的食物種類繁多，有熟食也有供燒烤的肉和蔬菜類，我覺得是足夠的，並不會有吃完限定的肉就沒東西燒的尷尬情況出現。餃子不錯吃，新鮮起鍋，但感覺不是手包的。燒完蠔的錫紙碗可以先留下哦…碗中的醬汁可能在燒菇類時幫上忙的，因為菇類雖然也有錫紙碗和醬汁，可是醬實在太稠結，燒又慢又容易焦。印象中叫……尚八飯？記得是取用店名的飯……非常好吃哦一定要試試，蓋飯上有溫泉蛋和雞肉，有點像湯飯，水份偏多。總評一下……性價比高，一定會再光顧。推薦……尚八飯，蟹籽沙律，麻辣牛舌。其實很多款都好吃，不過很突出的就這3款吧。不過需要留意的是用膳時間只有90分鐘，燒肉的話需要時間，所以其實要吃夠本要拼命努力燒，人多的話爐可能不夠位置燒肉，會比較趕。我們4個人吃一個爐感覺上就有點燒得太慢了。此外建議店家可以在餐牌上分開熟食和生食（供燒的食材），混在一起看有點不方便，有一些以為是熟的結果又不是……雖然沒有誤吃啦～期待下次…Read More

這裏的前身是抹茶館，印象中的它只是平平無奇，不過不失。最印象深刻的是吃不飽不過也在情理之中，畢竟我光顧的是下午茶時段，但對於總是在下午茶時段吃晚飯的我，實在是又貴又吃不飽很是不吸引。今天經過此地，才發現抹茶館已搖身一變為UFUFU Cafe(或是應稱為L.D.K.?)。剛才看了一些大家的食評才發現原來這間cafe是和抹茶館有關連的，大概是轉型了?怪不得又一些似層相識的感覺，菜式變得更多元化了，更保留了甜品的特色，有機會也想試一試。也許因為是下午茶時段，客人不算很多，上餐速度也很快。下午茶的餐點價位約60元一份，有加一，有甜品，有小食，也有一些比較正餐的面和飯類。我和友人點了兩個飯餐，份量意外地大，一點也不像下午茶，反而像正餐，以比較晚市的餐點每項約100元，這個價錢真的很划算。隨餐附送餐飲可選咖啡和檸檬紅茶。我們各點了一杯，都是熱飲。咖啡苦中帶甜是我喜歡的口味。而檸檬茶則較平淡，茶味不夠突出。吉列豚肉海老肉汁蛋包飯$58吃第一口時真的好驚訝，馬上看一看單據，才發現真的是自己不小心看錯了。肉汁看起來和咖喱真的十分像啊！肉汁味道偏酸，沒吃出肉味，沒有特別加分，但也合格，只是可能我一心想吃咖哩吧不過餐點的外型我給100分，一看上去口水都要流出來了，最佳打卡咬下去才發現飯也落了番心機，並不是普通白飯而是番茄醬炒飯。店家很細心地配合了偏酸的醬汁而調低飯的酸味，使整體不會過酸。吉列豬排咬下很脆口，沒有因醬汁應該是現炸的，點些肉汁，偏酸的肉汁使得整體味道更上一層樓。不過唯一缺點是肉有一點點點點偏老，有少少少乾。吉列蝦就表現普普，感覺不像是自家製，像現成的，蝦肉偏軟。來到最最最期待的滑蛋部分啦～滑蛋有些許牛油和奶油的味道，但並不會搶走蛋的味道，口感很是軟滑，表現中上哦～吉列豚肉滑蛋丼$58配菜有喜歡的和風沙律，加分首先!!!不喜歡洋蔥的話勿點哦…內含超多洋蔥，不過我不討厭洋蔥啦比起前文提及的吉列豬排，這個飯的吉列豬排並不及前者香脆，吸了些醬汁較軟。滑蛋沒有打得很均勻，有明顯蛋白的位置，有人不喜歡這種啦～可我覺得這樣更有口感。滑蛋有加調味，單吃會比較咸，但配上白飯就剛剛好。不過餐點真的份量很大，如果是單純當下午茶吃的話可能就不恰當了。一言概之，這個價錢，這個質量，性價比高啊！今日的UFUFU cafe完勝昨日的抹茶館。…Read More

我同朋友一早用左openrice book左平日6點半嘅時段。可能book得比較早啦入去都唔係好多客，又有靚位坐有街景睇仲好近拎嘢食嘅地方喎，唔知係咪訂位有優待呢？我地簡左嚴選澳洲和牛加海鮮放題。聽到店員話呢一個set like左facebook page仲可以減20蚊，又見到佢貼住加時半個鐘，即係由90分免費升到兩個鐘喎……啱哂我呢啲食嘢慢又多嘢講嘅人啦～不過呢我都係用會員卡嘅9折最扺嘅。我地簡左韓式辛味泡菜湯。個人唔推薦韓式辛味泡菜湯唔韓式辛味泡菜湯唔夠辣，都係差啲嘢咁啦，都係壽喜燒個底最正。飲品都係個啲啦～最中意有仙草個款熟食選擇都唔錯架，有葡撻，春卷，窩夫，燒賣，冷盤都有沙律，壽司架，另外仲有兩款湯品架配料都唔少款架，淨係面都有烏冬啊，蕎麥麵，公仔面各種啦～不過稍嫌無我最中意嘅 雞髀菇啦!不過都好夠食啦。主菜到!海鮮正正正，尤其帶子好鮮甜，我地兩個人十隻十隻十隻咁番兜左好多次。蝦都4隻4隻4隻食到傻……次次都大大隻架。不過青口就扣分啦～味道好怪好似洗唔乾淨咁仲有三文魚刺身架諗落唔記得影下啲肉嘅獨照喎!肉有牛豬雞仲有羊，質素我覺得都好穩定唔會越叫越差，值呢個價嘅，羊肉唔會好大羊騷味，最起碼兩個人一鍋我朋友唔食羊嘅都唔會搞到個湯底一陣羊味啦！我諗我仲會有下次光臨架…Read More

俺流塩らーめん半開放式的餐廳，少少似pop up store, 外面等短嘅人可以好近咁見到入面嘅食客，如果唔中意食嘢俾人望住就要諗諗啦。店裏滿滿的，等的人也很多，不過可能是拉麵店不是個聊天長坐的地方，所以客人走的比較快（？）意外地等位不是等了很久。在排隊等位時，餐廳會供茶單和點餐紙讓客人先考慮，我很欣賞這種省時間又讓等的客人有些事做的做法哦…餐廳裝修好有日本嘅感覺，供應冰檸檬水可自行添以及豐富的調味料，包括拉麵胡椒，辣椒油，辣椒油連籽，醋，醬油，柚子醬，梅子醬及黑蒜醬，可按個人喜好調味。所有的拉麵可按個人喜好選擇加入或不加入筍乾，蔥，以及調轉面的軟硬（軟 硬 普通）黑蒜油熟成濃湯拉麵$73面我選了普通，加了荀乾及蔥，略嫌荀乾較少內附一粒半熟蛋及叉燒半熟蛋有上色，但吃起落沒有味附玉子的甜味，應該是不入味（？）睇到隔離有另外加點玉子，但另點的玉子看起來並不是半熟的哦～建議先問一下店員叉燒不過不失，一般拉麵店的水準，不會很胖或很瘦湯底很濃黑蒜油味，有黑蒜頭片在湯底，但比起日本東京的厚湯底，這個並不會很厚重，應該是一般香港人偏好的口感哦～可以一試俺流塩湯拉麵$59面選了硬的，可是比較了黑蒜的普通面，覺得硬得比較普通，不太吃得出價錢好似好扺咁，但諗深一層，佢得一片叉燒，無蛋，蛋通常啲店都係10蚊加一隻，咁諗好似又唔係勁扺只係合理囉…湯是很清很清的湯，鹽湯剛吃時覺得並不重口，比起黑蒜油更不咸，但吃下去慢慢會更感受到裏面的咸喜歡清淡不吃油膩的話可以一試哦～不過我是重口而且很喜歡吃蛋啦～所以比較推黑蒜的海老餃子$28一共4粒，一粒7蚊，價錢嚟講真係唔太吸引。點的時候沒有看到圖，實物到了後有點驚訝，根本不是餃子嘛⊙_⊙是煎了蝦仁雲吞，味道就不過不失。總的來說……拉麵都很不錯！可以一試！小食很多款的，下次不會點餃子了（笑）對煎雲吞興趣不大。有機會希望下次可以試玉子大阪燒和蔬菜天婦羅。…Read More