MalizaK's Profile

我會寫食評, 一係佢名不符實, 好似之前寫既Little Vegas咁 (戴返頭盔, 可能之後佢有改善啦, 但食過一次唔好食, 唔會想返兜囉盡管佢係黃 ); 一係佢真。好食, 但係無人識, 仲要唔知有無緣再見....至於南山食堂, 好可惜, 佢係後者, 仲要做埋2月就拜拜...., 希望有緣再試老闆手勢!! 休息夠就好上場!!其實我都係聽人介紹, 喺佢最後既一星期, 先開始日日食佢...其實佢舖頭細細, 數埋都係得幾個位, 環境黎講, 唔算係舒舒服服果隻,不過既然介紹得, 咁應該都OK呱 (雖然自己唔試, 唔知岩唔岩自己口味?!), 不過, 都只係食個晏仔..試吓啦第一次, 我就試左佢地個排骨肉骨茶(馬拉肉骨茶, 即係藥材味果隻),嘩, 堅足料, 濃濃既藥材味, 而且佢送到黎, 仲係熱辣辣, 飲肉骨茶, 最重要都係要夠熱!鍾意馬拉肉骨茶既, 一定唔可以錯過!!肉骨茶入面仲有幾舊豆卜, 比你索左D湯之後食, 隨湯跟白飯 (你可以轉米粉)同埋有油炸鬼.佢仲有提供黑豉油, 自家製蒜泥, 自家製辣椒比你點排骨食,至於排骨方面, 我相信佢地主要都係用腩排, 所以肉帶少少脂肪, 食落唔會太韌及"鞋"口飲埋湯, 食哂飯, 其實好飽!!飯連湯, 都係$41蚊!!加$5蚊, 仲連野飲, 有青檸蜜/桔仔酸梅水 /怡保白咖啡.我就無試哂既, 因為飲過青檸蜜, 我就愛上左, 次次都叫左青檸蜜..至於第二次黎, 我都係食左排骨肉骨茶, 因為真係又平又好食呀,比起新都會間少爺18, 喱到平一半有多, 仲要好食過你,最後機會, 唔食多次, 我怕會後悔...到第三次黎, 亦係最後一次, 我決定食佢另一樣野, 就係炸脾椰漿飯,嘩, 痴嗮線,原來一樣都係每樣野都都係禁好食, 喱個價值$45蚊既飯, 材料包括:炸脾椰漿飯- 生炸雞脾- 椰漿飯(Nasi Lema, 用椰漿煲既飯)- 自家乾炒魚仔- 自家製南洋辣醬 (Sambal,參峇醬)- 花生- 蛋- 青瓜(Sorry, 食哂先記得影)重點要描述既包括:生炸雞脾 - 炸脾最好食既都係要生炸!! 椰漿飯 -  老實說, 少食, 亦唔識咩先叫好食, 但至少, 我自己覺得好食, 淡淡椰香乾炒魚仔 - 同樣, 少食, 唔識咩叫好, 但係自家製, 好有誠意, 亦見倒有人問可唔可以單買魚乾, 咁我相信, 唔會唔好食啦南洋辣醬 - 少食, 但我食得辣, 平時都有食辣野, 佢真係惹味其實佢除左肉骨茶, 椰漿飯外, 叻沙都好多人叫,我就未食過, 但係試過人地一啖, 印象中係OK既, 但係具體係點, 因為未真正食過,描述唔倒 ...佢地仲有乾辣椒, 脆脆, 咸咸, 少少辣, 應該係用黎配乾撈麵,我就咁食, 都食上癮!!來自馬拉既老闆, 真係好好人. 佢唔係只係為賺錢, 佢好有人情味, 從佢地既食物,服務,態度就可以見倒,臨別秋波, 佢都收平左,可惜, 只係附近有人眼紅, 攪三攪四, 令到佢無奈作出喱個決定。禁好既餐廳, 真係唔想佢就咁消失, 希望可以好快見返佢!! 最後, 佢地好低調, 一直默默發聲!! 詳情自己FC及讚好佢地FB!!願有好報!!…Read More

見倒朋友係Facebook post相, 又見倒OpenRice有禁多正評, 心諗實無死, 一於就走去試吓!! 諗住打電話去卜台既時候, 餐廳都有講低晚市不設訂台, 咁無辦法, 唯有walk-in!! 大概7點45分去到啦, 咁等左陣 (餐廳話8點有位), 就入得去食野啦!! 個場就好似其他人咁講, 以美國風為主題, 上到牆壁,下至餐牌, 都係行美國漫畫風格。至於環境方面, 其實都有d逼逼地,   台唔係好大, 同隔離台都好近。隨此之外, 個別員工既服務都有D差, 任何時間都係係度玩手機, 唔理人, 落單時語氣又唔好, 放野食上台既時候就"是但"放, 張台本身已經唔大, 同隔離台又近,佢仲要將D上菜板既扶手向外, 好似唔怕會整趺咁。落完單, 話禁快野食就到啦凍薄荷朱古力 ($40), 正常出而既價錢味道招牌焗豬肋骨 (半份) ($108), 其實佢係第一個黎到既野食, 但上到台既時間已經唔係好熱, 只係暖。味道方面, 因為個骨有太多BBQ醬, 所以好咸, 似係食醬多過食骨。肉質方面, 都幾淋既。薯角呢, 因為油溫唔岩同埋番炸關係, 所以食落好乾酥炸生蠔 (8隻) ($72), 落單既時候比佢個名厄左, 黎到先知係吉列蠔, 味道都係正常普通日本餐廳食果d吉列蠔味, 隻蠔略細海鮮喇沙Pizza ($122), 喱個真心唔得。個樣睇落OK, 海鮮喇沙Pizza個名亦夠新, 但敗筆位係, 兩者唔夾!! 而且, 喇沙醬/湯已經浸淋哂個Pizza, 就算佢係薄或Pizza, 一食落口佢已經淋jeje (Pizza邊仲脆既, 係有topping果d位先淋), 同埋都係果句, 唔夠熱!!仲有最後一樣, 秘製芝麻蜜汁焗雞亦 ($76 / 6隻), 最伏!!因為佢最後黎, 已經食緊其他野, 唔記得影相。喱個雞亦, 上面灑左d芝麻就叫自己係芝麻雞亦, 而佢所謂既蜜糖汁, 我覺得只係落左好多蜜糖 (糖?)係d豉油度然後拎去焗? 所以d雞亦有好多甜既汁 (但個汁唔好味)。雖然d汁都掛倒上雞亦度既, 但係個汁真心唔好食!! 同埋, 佢都係唔熱囉!!一句講哂, 比喱個價錢, 其實可以食倒更好食既野。睇個樣, 間野好似唔憂做咁, 所以服務差!野食就一早整定先所以唔熱, 務求你快快食完,90分鐘內交台! 如果你諗住黎同朋友傾計食野, 喱度真係mama地, 因為你要同隔離台鬥大聲&趕住走!!…Read More