Chewingumcst's Profile

本身係heysonuts嘅忠實粉絲，聽聞開左分店就諗住去旺角店支持一下。星期六早上11點幾約左友人一齊去食brunch，好興幸當時都仲未要排隊。Menu同Heysonuts有少許唔一樣，多左d選擇，依舊有馳名嘅貓耳朵意粉。今次想試一下新野，我同友人分別叫左2款主食: 咖哩吉列豬扒飯($108)同芝士蕃茄意粉($94)。眼見豬扒飯份量不太多，食完又覺得剛剛好。但可能佢地始終係做西餐比較拿手，個人認為豬扒嘅賣相、味道不過不失，食到最尾d咖哩汁都唔夠。朋友叫嘅意粉賣相同味道都唔錯，芝味十足！🧀當我地差不多食完主食，凖備叫甜品嘅時候，店員告知因用餐時間有限，唔准我地再叫甜品，但其實當時我地大概仲有25分鐘嘅用餐時間... 🥲 員工態度方面真的有待改進，如果喺落單時提一提食客要叫定甜品，咁就少好多不愉快事件。😅😅😅 另外，埋單之時比返張信用卡客人嘅時候係dum落枱，真的係無乜服務可言，應該以後都唔會再去。…Read More

平日上班路上都會經過C-DOU 喺荷里活道會見到有個牌指住仲有20m就有間cafe 因為唔想行到落去上環街市嗰邊食飯，近近到就試下😃Cafe雖少，食物選擇比我想像中多。最後點了Carbonara同Iced matcha latte (埋單$111)。Carbonara賣相同味道都相當唔錯，亦算幾大份，店員仲非常有禮貌地叫我慢慢食。👍🏼👍🏼👍🏼 反而Latte我個人泥講就覺得有點失色。下次會再試下其他菜色！ 😃…Read More

Happy Friday! 同朋友相約去黃店支持黃色經濟圈💛 因為被食評中嘅burger加薯條嘅相吸引左 所以決定幫襯。店鋪位於觀塘駱駝漆大厦3期，同層亦有數間不同類型的食肆。未評論食物質素之前，想分享下朋友被催落單嘅經驗。事源佢12點半入座，我被朋友告知店員好心急想佢落order先。當我12點45分到達，發現大部分枱都係吉嘅，真係滿頭問號...Anyway，我點左72小時安格斯牛小排漢堡🍔 ($108) ，個side就揀左薯條🍟。我幾鐘意佢嘅漢堡嘅portion，唔會太大份/太厚/要切，食落都好方便。個牛係幾好食但塊包嘅口感有d脆，同平日食嘅burger有d分別。出泥嘅賣相唔算特別精美，唔會有平時食burger伴碟嘅pickles、無茄汁同無提供餐具。後來我有向店員拎茄汁，唔知道係比漏左比定還是一向都要問先有茄汁。無提供餐具方面，我就覺得呢排疫情咁嚴重，就算我有酒精搓手液我都唔想就咁用手食🙈因為朋友有自備餐具，我就用左佢個餐對筷子食薯條。最後，雖然服務質素有待改善，但係埋單嗰陣見到cashier貼滿哂文宣又加返分👍🏼 …Read More

適逢朋友生日，終於有機會試到Fukuro馳名嘅炸和牛三文治爬文睇到呢度唔接受預約，所以一放工就出發去餐廳。Fukuro門口有d唔起眼，見到間牌之後我地唔小心上左旁邊嘅樓梯，但其實係門牌轉右入去嗰個位。門口有職員會問你幾多位同名，事關我地7點半就到，好快就安排入座2個人一人一杯酒，再點左6樣食物1. EDAMAME支豆: 泥到仲有d微暖，加分又好味！2. 焦糖牛油燒栗米: 見到好多review d人都有食呢個小食，所以我地都點一個泥試！雖然平日怕甜，但多左層焦糖，真係好有驚喜！有小小令我諗起Garrett嘅夏威夷果仁焦糖爆谷燒栗米邊仲有小小燒焦左脆脆地嘅焦糖3. 鯖魚刺身: 有5件厚切，plating簡單得泥又靚，十分新鮮4. 玉子燒: 餐牌上寫住Japanese omelette所以以為係一大件嘅奄列，但係坐bar枱見到廚師為另一枱客人凖備緊玉子燒，我地又點了一份。玉子燒係凍食，味道甜再配上幾粒三文魚子，又咸又甜味道好夾！5. 最令人期待嘅炸和牛三文治! 2個人點了一份，分量剛剛好咬落去件和牛好鬆軟，面包內塗左一層好簿嘅日式炸豬排醬，超級好味！下次泥一定會再encore6. Monaka餅夾雪糕三文治: menu上無寫雪糕係咩味，泥到嘅時候見到係啡色，上面有一層莓醬。雪糕味道不錯但食唔出係咩味。一問店員之下，原來係紫菜味！整體來講，用餐經驗十分好，食物一流，店員會詳細介紹有咩special 間中又會問你覺得食物如何，好attentive 店員會留意我地進食嘅速度，喺我地食完小食之後先上份和牛三文治餐廳氣氛好熱鬧。每一枱泥用餐嘅客人泥到，店員都會大叫一聲FUKURO! 一定會再返泥食炸和牛三文治…Read More

前幾日喺LINE見到有報導話有間日本過江龍喺希雲街開pancake刨冰店🍧🥞 星期四嘅晚上8點幾9點去到，店外有一條人龍不算太長，位置係sharishari斜對面。店外望入去見到有一幅粉紅色嘅牆，少女味十足，牆邊一字排開嘅枱大約有14個位再加上門口玻璃嘅bar枱再有4個位。bar枱對出望街就係人龍，坐呢個位嘅食客都有點尷尬嘅感覺🙈 排隊期間店員出泥同我地講原味pancake已經售罄一心想試原味嘅我地唯有繼續等，選擇食其他野。等左大約30分鐘左右就有位啦！4個人點左3樣食物: 綠茶pancake、綠茶刨冰同黑糖刨冰🍧因爲先前已經食左晚飯所以原先打算只嗌2款食物，但係menu有寫明**每人最低消費50hkd**，所以住焗嗌3樣食物，大家要留意啦~一字排開嘅枱其實每張枱同隔離嘅距離十分近，有點壓迫使，無奈香港一向地少租金貴，小店亦當然要安排多d枱可以容納多d客人。首先出場嘅係綠茶刨冰！ 賣相唔錯，唯獨份量比對面嗰間店略嫌細左小小。可能係刨冰嘅關係，綠茶嘅味道較淡，如果濃返小小會更好！食到入面原來有驚喜，刨冰中間有d奶，配埋冰一齊食先甜d好味d。本人同朋友都認為可以喺冰上面都加返d奶然後出場嘅係黑糖刨冰，最近期十分流行嘅黑糖配上刨冰味道好新鮮最後壓軸係綠茶pancake($78) 🍵 呢個pancake屬於厚實型，唔係梳乎厘空氣嗰種pancake，如果一個人點一個就夠嘅份量。上碟嘅時候仲有點餘温，配上綠茶醬，cream加紅豆，十分好味！真心推介佢地嘅pancake，有機會一定會試埋原味…Read More

住喺土瓜灣多年，我認為Heysonuts係喺呢區算數一數二做得十分出色嘅cafe，故此成為常客，週末好多時都會光顧。噤岩有朋友探訪，當然帶佢泥一嘗呢度嘅食物同甜品啦！原來8月尾新推出左期間限定嘅焙茶combo，有芝士奶蓋焙茶同焙茶日式梳乎厘 一落單首先叫左個combo怕佢賣哂，店員好親切地提醒我地廚房做緊好多個梳乎厘，所以要等耐小小。然後，嗌左一個Egg Benedict、貓耳朵意粉、芝士煙肉薯條🍟 Egg Benedict 嘅賣相好靚，亦都同我上次泥食有d唔同，轉左plating！雖然係一樣嘅食物，但有d新鮮感貓耳朵係我每次必點嘅意粉，味道夠香夠濃，可以加錢另外加慢煮雞或者三文魚，強烈推介！芝士薯條份量較大，但係為食嘅我地都照嗌左一客好多芝士同煙肉，旁邊有茄汁點。講返今次主要泥試嘅焙茶combo由於我已經泥過無數次嘅關係，只係影左梳乎厘嘅相口感十分鬆軟，本人食過elements嘅pantry同銅鑼燒嘅flippers，但始終覺得heysonuts嘅較為出色！味道又創新plating好可愛，見到d powder有隻叉同匙嘅形狀。配以黑芝麻焙茶忌廉，唔會太甜又好味，一定會喺短期內再試…Read More

星期六下午同朋友一齊試下觀塘樓上cafe，位置喺apm附近都算方便。雖然鋪面不算大，但坐得都舒服，採光唔錯又有d裝修。我同朋友坐二人枱對坐，後面有一字排開嘅bar枱，感覺有點似日式鐵板燒可以望住佢煮。我地兩個人分別點左一個open sandwich同carbonara。Open sandwich ($88) 味道唔錯，用料新鮮但carbonara ($98)就反而失色:(一上枱見到麵身有d乾，同平日食嘅好唔一樣，無嗰種好creamy嘅感覺。食落口直頭有小小似炒麵嘅感覺。之後再睇返menu至發現原來有寫明係”不含忌廉，但含有生雞蛋和芝士調配而成的新鮮蛋汁”。個人泥講，我覺得個carbonara嘅蛋汁太創新，亦都食唔到有芝士味，下次就唔會再試。最後，鼓起勇氣再叫一個passionfruit tart試。賣相同伴碟都唔錯，旁邊有d生果同hazelnut，上碟嗰時個tart仲係微暖開頭以為個tart會好硬，點知用叉吉落去嗰下有d cream吱出泥。味道好fresh，有好濃嘅passionfruit味！本身仲想叫野飲，但係drinks menu選擇不多，自己又唔飲咖啡，所以揀唔到飲d咩。大熱天時想飲下解喝冰凍嘅果茶peach tea之類嘅野都無。留意到身邊嘅食客都無咩人點餐飲，我覺得可以喺呢方面多花心思希望下次再泥會有多d食物選擇啦！…Read More