歌莉亞0306's Profile

小朋友生日，諗住喺屋企附近搵間餐廳食生日飯，所以選擇咗呢度！雖然舖位唔係好大，但係坐嘅位置感覺都好闊落。因為小朋友食嘢慢，但呢度用餐時間唔急速，所以幾鍾意喺呢度食嘢（最怕一啲餐廳限你食個半鐘就要交枱）。食物方面每樣食物嘅水準都好平均，味道係好食嘅！特別鍾意個小食炸啡菇🥰另外試咗個青瓜鮮奶，感覺好特別，味道好清新！服務方面雖然樓面得一個員工，但服務得都幾好！老闆知道小朋友生日，仲好好人送咗一份甜品俾小朋友食😊我哋三個大人兩個小朋友埋單都係七百幾，好抵食！…Read More

人人都話呢間餅店 d蛋撻有幾好食，咪一心諗住買嚟試下囉！行埋去眼見無蛋撻喺度，咪問下有無蛋撻囉，本身有個阿姐同緊街坊傾偈，我都等佢傾完我先開聲問有無蛋撻？不得不佩服呢位阿姐嘅變臉技術，本來都笑笑口，到我開聲之後個姐黑晒面咁淨係答左我個時間就算（應該蛋撻岀爐時間）！咩事呀.....係我阻住佢傾偈定本身係佢地嘅特色係咁？真係摸唔透......d野食幾好食都無用，對客嘅態度差到咁，食咗都背脊骨落啦😤😤又唔係得佢一間餅店，做咩要受氣食佢d餅呀！…Read More

星期日唔想煮飯就嚟阿元呢度食晚飯，其實第二次嚟喇，好掛住佢d珍珠奶茶（竹炭鮮奶珍珠好正❤️）！另外食物都唔錯，焢肉飯、爆蛋雞肉飯、刈包都好好味！價錢又合理....雖然每次嚟都要等位，但時間唔需要等太耐，員工服務又好，會繼續支持同幫襯！…Read More

早咗收工一於捉埋老公嚟試一試，兩個人叫咗個二人餐，當中有雙重滋味炸雞，明太子雞蛋卷，芝士炒年糕拌拉麵，跟杯飲品，每樣野嘅份量都非常多，另外我地再加個金大人串燒拼盤，非常豐富！雖然大部分都係雞，但食落一d都唔流，味道唔錯！環境方面鋪位唔算大，但望落都好寬敞，坐得幾舒服！有機會再嚟試埋其他野食！…Read More

一心諗住試新野，點知岀事！叫個外賣小窩米線，配料豬紅蘿蔔，另加小食涼拌土豆絲，小窩米線一打開個蓋只係見到滿滿嘅辣油（只係中辣），要用d時間去解決d辣油，先食到，一入口滿口油之餘湯底又一般，從來未食過咁難食嘅米線，原本小窩米線有嘅腐竹又無咗，豬紅一d味到無，只係得個蘿蔔味道好少少，另外個土豆絲得d薯仔味難食到嘔，從此唔會再幫襯！…Read More

同老公慶祝生日，又唔想成日食自助餐，見到呢到D食評幾好，所以選擇呢度同老公慶生！呢度服務態度好好，由其個經理，非常親切！食物放面都好有驚喜，生蠔新鮮，平時食鵝肝最怕果陣騷味，但佢地個鵝肝配鮮果食落無乜騷味好正！另外仲有😋最喜愛個龍虾意大利飯，原隻龍蝦啖啖肉加埋d蜆好清甜，最後個個甜品都唔錯！ …Read More

一早約咗兩位老友踩單車兼BBQ，雖然當天天氣雨粉粉，但無損我地BBQ嘅雅興，入到場已經感覺環境非常舒服，地方又夠大～員工態度唔錯幾有禮貌，對我嚟講第一次到燒烤場燒野食，呢到俾我嘅印象很好！食物方面，一開始先俾一盤咩都有d燒烤食品，例如：雞翼，扒類，丸⋯等等，食完可以再攞，雖然有d食物係要另外俾錢例如粟米，蕃薯⋯但價錢合理嘅～…Read More