wkwei's Profile

佛誕假期前夕攞日假，避開人群出外走走。兩個人想去東涌試下新酒店嘅餐廳。由於唔想食自助餐同肉類主打嘅扒房，決定試這中菜廳。經openrice 訂一個鐘後嘅枱，餐廳職員無耐就打電話比我，好有禮貌咁解釋因為booking 多，只淨較近門口位置，希望我地唔好介意。去到其實枱嘅位置係較近門口，但其實睇唔到門口，仲可以睇到黃昏機場景，環境好舒服。雖然a la carte 有7折，但由於兩個人想試多啲唔同嘅菜式，最終食左無折頭，每位計嘅套餐。頭盤係素鵝、川辣海參、黑毛豬义燒三拼。素鵝超出色，皮脆唔油膩，食時仍暖口。海參麻而不辣，好爽口，义燒半肥瘦，蜜味剛剛好，只嫌上菜時已凍左，影響口感。個陳皮蒸疍白元貝好多味，疍白滑，元貝鮮味彈牙，必試！燉湯我地加左100蚊要花膠，好鮮甜之後兩味熱葷，魚同牛柳粒，都係水準之作去到呢度其實已經好飽，但鮑魚福建炒飯真係好正，配松露菜心無得彈。最後甜品係楊枝甘露，正常，都好唔錯。要提下，餐廳的服務好。上第一道熱葷魚時，我地仲未飲完盅湯，經理攞碟牛柳嚟時見到咁，禮貌地同我地講，遲少少再上菜，等我地慢慢食。我地當然同意。之後等我地食完枱上食物，再上一碟熱熱新造嘅牛柳。咁細心，真係要讚。…Read More

家中長輩要求去南北樓食片皮鴨。訂左位先睇食評，見負評居多，做定心理準備。晚上7點半，只有三枱客。點了填鴨兩食、素腐皮卷拼棒棒雞、紅燒牛筋、沙煱津白，仲有鐵板干燒蝦球。填鴨有水準；腐皮卷上枱時暖暖地，鮮製好味，但棒棒雞就一般，雞絲無味，汁得個辣字。牛筋微辣，冧得嚟仍有咬口，但我嫌啲汁太濃味。蝦球爽口，味道不錯。沙煱津白湯甜足料（海參，雞，火腿，草菇，津白，筍），剛好中和返剛才濃味嘅餸菜。4個人，係叫多左，要打包。但仍然要食埋個拔絲蘋果先肯走。全單85折都要$1400，唔平，不過食物質素拉云都算唔錯。值得一提的是，服務甚佳，待應都殷勤有禮，主動換碗換碟換熱茶，連其他食評恨批的某女待應都係都親切有禮。…Read More