喂！呢間野發生乜野事，睇到呢篇食評嘅人如果唔介意入面問題嘅就即管入去啦
服務災難級，真係災難級！未試過落單可以連續落錯4次，個侍應好似完全冇帶腦返工咁！落單嘅時候，同佢講野好似呆下呆下咁，都唔知聽唔聽到落d咩野單...我4條友入去食叫餐叫4個餐1個小食，第一次出單見到個侍應原來只係入咗兩個餐，4杯野飲，喂大佬，我呢度4條友呀，用下個腦啦，正常入機嘅時候都覺得奇怪啦呀嘛，點會4條友只係叫兩個餐呀，唔記得咪返嚟問囉，夠膽死真係照出張單過嚟...之後4個餐好自然就跟4杯野飲架啦，點會分開入單架，分開入個飲品價咪錯囉！咁杯野飲咪變咗正價囉！正常都唔會咁落單啦...然後後就係杯野飲！叫珍珠奶茶就嚟咗杯醇香奶茶，同佢講嚟錯就話咩加珍珠要另加錢，頂你！係叫珍珠奶茶呀！唔係醇香奶茶+珍珠呀！完全係冇帶腦返工的表現嚟！最痴線係個侍應冇帶腦嘅同時，一聽完就想搶張單去加單架喎。最後食完野，諗住問佢有冇紙巾，個侍應一聽完就即刻搶張單去加單，一路走一路話唔知幾錢一包。喂你要加錢我地唔問你拎啦，問都唔問就搶張單想加單。落單又成日落錯轉麵轉粉廚房入面又唔睇清楚。另外環境惡劣！間舖滴水，我明香港地好多舊地方都會有漏水問題，但你都唔好叫人坐果d位啦！？仲要我一入去已經聽到人話嗰度滴水叫人唔好坐，然後食咗一陣，間舖頭開始滿座就嚟料。後join我入嚟嘅FD一嚟到竟然被個侍應帶去坐個滴水位，就因為有個空位俾食客放咗個背囊，個侍應唔敢叫人拎走個袋，就推我個FD去坐個滴水位？明明都知個座位係濕嘅，係有水滴嘅都叫人去坐，咁嘅服務完全係不知所謂！最後我見到其他食評都係講差唔多嘅野，就明白間野問題根本一直存在而且冇改善過....呢間野永久blacklist, 以後都唔會再去！！仲要咁都開到分店，冇個睇場check住個服務質素架咩？…Read More
服務災難級，真係災難級！未試過落單可以連續落錯4次，個侍應好似完全冇帶腦返工咁！落單嘅時候，同佢講野好似呆下呆下咁，都唔知聽唔聽到落d咩野單...我4條友入去食叫餐叫4個餐1個小食，第一次出單見到個侍應原來只係入咗兩個餐，4杯野飲，喂大佬，我呢度4條友呀，用下個腦啦，正常入機嘅時候都覺得奇怪啦呀嘛，點會4條友只係叫兩個餐呀，唔記得咪返嚟問囉，夠膽死真係照出張單過嚟...之後4個餐好自然就跟4杯野飲架啦，點會分開入單架，分開入個飲品價咪錯囉！咁杯野飲咪變咗正價囉！正常都唔會咁落單啦...然後後就係杯野飲！叫珍珠奶茶就嚟咗杯醇香奶茶，同佢講嚟錯就話咩加珍珠要另加錢，頂你！係叫珍珠奶茶呀！唔係醇香奶茶+珍珠呀！完全係冇帶腦返工的表現嚟！最痴線係個侍應冇帶腦嘅同時，一聽完就想搶張單去加單架喎。最後食完野，諗住問佢有冇紙巾，個侍應一聽完就即刻搶張單去加單，一路走一路話唔知幾錢一包。喂你要加錢我地唔問你拎啦，問都唔問就搶張單想加單。落單又成日落錯轉麵轉粉廚房入面又唔睇清楚。另外環境惡劣！間舖滴水，我明香港地好多舊地方都會有漏水問題，但你都唔好叫人坐果d位啦！？仲要我一入去已經聽到人話嗰度滴水叫人唔好坐，然後食咗一陣，間舖頭開始滿座就嚟料。後join我入嚟嘅FD一嚟到竟然被個侍應帶去坐個滴水位，就因為有個空位俾食客放咗個背囊，個侍應唔敢叫人拎走個袋，就推我個FD去坐個滴水位？明明都知個座位係濕嘅，係有水滴嘅都叫人去坐，咁嘅服務完全係不知所謂！最後我見到其他食評都係講差唔多嘅野，就明白間野問題根本一直存在而且冇改善過....呢間野永久blacklist, 以後都唔會再去！！仲要咁都開到分店，冇個睇場check住個服務質素架咩？…Read More
