kp.y's Profile

好多人對豚王評價唔錯，咪又試下囉。揀左黑王試下，黎到已經聞到好香，但對中央個團黑麻麻既野有啲擔心，點知食落個團野好香，但有啲鹹過頭。個湯底好濃郁，配上肉片真係一流，而且肉片數量合理，不會太少。…Read More

放假咪一家人去食自助餐，加上有信用卡優惠，就去試下。食物種類都好多，三百幾蚊有咁多選擇都真係幾抵。其中個粉絲蒸扇貝，蒸得岩岩好，而且仲要將扇貝個殼同肉分開，放便進食，唯獨啲粉絲有少少硬。另外仲提供長腳蟹，好多酒店啲蟹都好鹹，點知佢又冇，加上佢將長腳蟹斬到好細件再配埋生菜比你，又幾特別。而甜品我就幾欣賞個焦糖布丁同木槺布丁，入口滑流流，如果唔係太飽我會食多個。…Read More

上次想試，無奈人太多，連拎飛仔排隊既機會都冇。今日早少少去都要等成兩三小時。叫左四個甜品，京之精選本人認為最好食，抹茶雪糕唔會甜，同紅豆蓉好夾。蛋糕點少少雪糕一齊食好正，但其實蛋糕本身已經好鬆軟，就咁都已經好食。另外叫左兩個芭菲，都幾好食，但個人認為培茶個個好食d，有好多配料，續層續層食落去，驚喜不斷。最後叫左抹茶沙冰，個冰好大個，人少真係唔好叫，因為會凍到唔想再食😂…Read More

朋友推薦好好食，同係日本食既拉麵一樣味，就拉隊去食。等候食物時間唔長，一陣就有得食。第一時間試個湯先，濃郁既豬骨湯味道，又唔會太鹼，已經覺好正。再試埋片叉燒，半肥瘦，好食。再食埋店舖推薦既溏心蛋，咬左一口溏心自動流出，雖然要加12蚊，但值得！…Read More

放工肚子餓，就同朋友試下。店舖環境嘈雜，且很逼。上菜速度慢，而且不斷漏單。食物味道不過不失，炸物不會太多油，以致不太油膩。但蝦刺身略帶腥味，令人不想多吃。整體來說，雖食物味道一般，但漏單情況嚴，所以第一次光顧也成了最後一次。…Read More

聽人講得多，就決定同朋友黎試一試。店舖設計都幾特別。首先啲配菜已經多到成台都係，單睇都幾吸引，但個凍豆腐味道有點兒奇怪。菜加配菜包燒肉的確好食，店員仲會時不時幫你燒，所以通常都唔會燒燶。最值得推薦係燒豬皮，不過燒時要小心啲，燒得咁上下會周圍彈。燒豬皮既味道甜甜地，好有口感，不過多食就有啲濟，所以建議多人去先叫。…Read More

店舖分成室外室內，室外既話食海鮮之餘仲可以食埋大排檔風味。假日既話建議訂位比較好。當日同朋友叫左6個餸到，有2樣就自己係對面買海鮮比佢加工。餸菜整體唔錯，啲海鮮好好食又冇腥味，之後叫左半邊雞味道唔錯既，但冇海鮮咁出色。買左聖子同小龍蝦比佢加工，聖子我地選擇蒜蓉清蒸，蒸既時間岩岩好唔會過熟，而且好鮮甜，平日連麻麻聖子既我都覺值得一食。另外芝士焗小龍蝦真係好好食，香口得黎又冇焗燶到，值得一試，連伙記都話係招牌菜。…Read More

除左可以一嘗美食，仲可以望住個靚境食飯，真係別有一番風味。當晚叫左幾個餸，餸菜味道適中，不會過淡又不會太鹹。而且其中一道炸雞仲配有青瓜，食完較油既雞，再食青瓜中和返都幾特別。每個餸都各有特色，值得一試！…Read More

行到肚餓，見到個餐牌都幾吸引咪試下，唔洗等太耐就有位。店員服務態度都唔錯。同朋友叫左個吉列豬扒蛋包飯附送餐包，賣相都幾好架。啲餐包估唔到又幾好食，但係個飯就差少少。飯偏硬，個蛋味道好淡。如果依個價我個人而言，可以有更好選擇。…Read More

環境及位置不錯，店舖桌與桌相隔距離適中，沒有太大壓逼感。設於商場內所以進食環境算清靜。另外食物等待時間可以接受。麵條軟硬度適中，份量充足，但湯底太過油，而且黑蒜湯底並沒有濃郁的黑蒜味。…Read More