wailauzzz's Profile

喂！做 Gym 唔代表要餐餐雞胸西蘭花㗎嘛，放縱一晚兼狂隊優質蛋白質！講明先，呢餐係 Cheat Meal級別，但揀得好，邪惡得嚟都可以好有營養價值。極品即燒乳豬脂肪層燒到半溶，入口即化！瘦肉位依然嫩滑Juicy，絕對係優質蛋白 + 脂肪來源芝士大虎蝦 Size 冇呃人，真係「虎」蝦！肉質超級爽彈，鮮味十足。面頭嘅半溶芝士... 罪惡感滿分，但優質海鮮蛋白 + 鈣質，絕對OK招牌無骨白鱔 冇骨啖啖肉，魚皮燒到微焦脆口，魚油香爆燈！白鱔本身蛋白質豐富，Omega-3 正呀！調味剛剛好，唔會蓋過魚鮮。**純蛋白質炸彈香蒜蔥花廣島蠔蠔身飽滿脹卜卜！蒜香蔥花吊味一流，蠔嘅鮮甜完全保留。蠔係天然鋅礦，你明既雞肉軟骨棒 打住「補充蛋白」嘅旗號點嘅！雞肉混入軟骨粒，味道係日式風味，唔會太鹹，穩陣之選招牌雞皮墨魚滑 呢個組合好盞鬼！雞皮嘅脆包裹住彈牙鮮甜嘅墨魚滑，雙重口感。墨魚滑都係蛋白質嚟嘅... (自我催眠中😂😂）芝士北海道魚糕 & 芝士焗什菌 見到「芝士」兩個字就知... 投降！魚糕彈牙有魚香，加芝士冇得輸。什菌焗到好香，芝士拉絲，雖然熱量... 但係開心啊鳳梨燒 飯後必點！燒過嘅菠蘿甜度激升，熱辣辣又多汁，超解膩。維他命C同纖維，當係平衡返啦！新鮮翠肉瓜 & 燒尖椒串燒得爽脆，保留蔬菜清甜，灑少少鹽同孜然粉已經好好味。食咁多肉，點都要攝取纖維PinChicago logo beer Mahou Cinco Estrellas Session IPA (pint)講明係酒場，梗係要啤一啤！Session IPA 通常酒精同卡路里相對低啲 (安慰下自己)，味道清爽帶果香，配濃味串燒一流，為我哋嘅cheap day飲杯。…Read More

今次同屋企隻🐯👩🏼去咗尖沙咀搵食，新開咗間專攻壽喜燒嘅「天澗壽喜屋」，位置就喺金巴利道後面條街，夠靜夠舒服。今次專程試佢哋主打嘅 「鹿兒島A4三重黑毛和牛套餐」同 「吞拿魚五點壽司」，仲有意外驚喜！ 🥩 鹿兒島A4三重黑毛和牛套餐 ($298) 一上枱就知冇揀錯！個名「三重」原來係指 「肉眼」、「西冷」、「肩胛」三款部位，塊塊雪花靚到癲，好似落雪咁勻循！店員幫手煮第一片，用傳統關西風先煎後落汁，牛肉一遇熱啲油脂即刻「滋滋聲」噴香🤤！入口真係 「即溶」級數**，肉味濃得嚟帶甜，特別係 「肩胛」部位爽得嚟油香爆燈，點埋日本蛋漿，滑到呢... 跟餐嘅野菜盛盒夠新鮮，吸晒壽喜燒汁超甜，最後落埋烏冬收尾，大滿足！ 🍣 吞拿魚五點壽司 ($108)大拖羅、火炙拖羅、中拖羅、赤身、拖羅蓉** 一次過滿足！重點係 「大拖羅」*真係厚切到離譜，脂肪紋理靚到透光，一啖咬落去 魚油甘香直衝上腦**，完全冇筋！火炙拖羅*輕輕燒過，逼出油香仲帶焦脆邊，正到犯規🤯！赤身夠哂深紅，魚味濃烈，成個組合冇得輸。 🐟 追加刺身：北海道帶子 + 三文魚腩帶子大大粒，鮮甜到好似喺海入面撈起，一啲雪味都冇！三文魚腩係 每日限量，肥美到呢... 一啖咬落去啲魚油喺口入面跳舞💃🏻，師傅刀工好，切得厚薄適中，口感滿分！ 🎁 神秘彩蛋：自家製千層糕食到尾以為完？店員突然送嚟 「千層糕」！層次分明，甜度剛剛好，仲有淡淡椰香，估唔到壽喜燒店嘅甜品都咁有心思，完美收尾！ 回頭率85%價錢公道，適合朋友聚會，或者帶另一半享受A四和牛嘅油香…Read More

今次同🐯👩🏼殺入天水圍呢間「別忘了」台式火鍋店，未入門口已經被餐廳棵粉紅櫻花樹吸引住！店內裝修走日台fusion風，，打卡位多到影唔停📸🔥Set B雙人套餐 $308 +10% 服務費✨肉類：🇦🇺澳洲M7牛胸腹 - 入口即溶嘅牛油香超邪惡，淥3秒就食得🇯🇵鹿兒島茶美豚梅肉 - 肉質爽嫩無渣，帶淡淡茶香好特別✨湯底：台式沙茶拼麻辣鴛鴦鍋 - 沙茶味濃得嚟唔會搶喉，麻辣鍋辣得來又唔會有次痛嘅感覺非常過癮✨蘭王雞蛋 - 每位客人限定叫一隻，打落碗蔥花蒜蓉撈飯一流🍳🍡自助區勁多料：- 丸類：爆汁芝士丸、龍蝦沙拉丸、芋頭貢丸- 蔬菜：水蓮菜、羽衣甘藍呢啲台灣特色菜都有- 熱食：花雕雞酒香撲鼻！台灣腸咬落啖啖肉汁🥤飲品選擇：水果茶、珍珠奶茶、烏龍冷泡茶、荔枝梳打... 目測超過20-30款台飲任拎！私心推薦白桃烏龍，解膩一流🍋🍧甜品控天堂：每人送Movenpick雪糕，另外有多款台式甜品供給選擇～仲有迷你窩夫配雪糕，外脆內軟仲熱辣辣㗎🧇💡小貼士：1. 記得去熱食區拎隱藏menu嘅滷肉飯2. 加入會員，逢星期二，有8折優惠總結：任飲台式飲品，仲要包埋Movenpick，天水圍街坊真係幸福！…Read More

好耐冇出街食飯喇返工太忙食住家飯食左成個月終於都有時間同🐯👩🏼食個飯喇見依家天氣凍凍地最岩食燒肉今次就去左尖沙咀既和牛燒肉 純雖然未到聖誕，但係已經推出咗聖誕套餐（特選飛驒牛燒肉聖誕套餐🐮🎄）$1580 for 2需要加一服務費套餐包括時日精選前菜拼盤3種，刺身，沙律帶子茶碗蒸🥚加入小量魚子醬，令成個茶碗蒸level up ，帶子既鮮味令到茶碗蒸更加鮮甜。蛋黃炸魷魚鬚🦑炸到金黃色既魷魚鬚，加入蛋黃醬，絕對係一個食唔停口既前菜小食。壽喜燒和牛🐮餐廳果然係和牛專門店，簡單既一塊壽喜燒和牛，入口既溶😋😋，係完美既餐前菜式。刺身包括吞拿魚，鯛魚，刺身厚度非常出色，加上肉質鮮嫩，呢個份量已經好滿足🥰炸蘿蔔絲沙律🥗呢個沙律都真係令人胃口領域肉類包括特選飛驒牛肉眼特選飛驒牛牛排肉和牛上牛排肉日本產豚腩肉牛舌餐廳主打嘅飛驒牛，真係冇任何可以批評嘅位，無論係提供嘅部位，脂肪分布，肉嘅厚薄都係啱啱好，每一嚿牛入口都係入口即溶🫠🫠再嚟就係和牛，以餐廳提供嘅質素，佢既和牛都係非常高質👍🏻👍🏻主食二選一茶漬飯 或 海鮮石頭鍋飯我就叫左海鮮石頭鍋飯，餐廳會上枱後會再加醬汁再炒，有勁香既牛油味，但係最後先食有啲飽🤣🤣麵豉湯正常質素既麵豉湯甜品（柚子雪芭，蜜瓜🍈，士多啤梨🍓）回頭率75%想試下高質日本牛既一定要試下🤤…Read More

話說今日屋企嗰隻🐯👩🏼想食西餐🤑🤑，又要使錢喇，咁近近地就揀咗位於屯門市廣場既Delifrance Bistro，環境勁舒服，好適合第一次約會，有初戀嘅感覺🤣🤣Bistro 招牌海鮮飯🥘海鮮飯既特色在於它加入了藜麥，使整體口感更加豐富。海鮮的鮮味與藜麥的嚼勁相得益彰，米飯吸收左海鮮既精華，每一啖都充滿了海洋既風味，就好似去咗西班牙一樣羅勒青醬牛柳粒意粉🍝羅勒青醬一上枱已經聞到好香，牛柳粒都唔會太韌，肉質鮮嫩。青醬的味道清新，唔會過於濃烈，保持左輕盈感。搭配意粉既彈性，都幾推薦黑松露白汁薯條🍟薯條通常都係要來點綴吓，用咗外脆內軟嘅薯條，加埋黑松露醬汁，絕對可以提升味蕾蘑菇忌廉湯🍄蘑菇忌廉湯濃郁，同埋都唔會太鹹，蘑菇的香氣在口中散開，蘑菇同埋忌廉嘅口感分明，最啱呢一個入秋嘅季節熱有機蘋果茶🍎🫖有機蘋果茶，選用公平貿易茶葉，茶香清新，帶有淡淡的蘋果香氣，食西餐飲熱茶都係另一種享受最後餐廳仲好貼心咁送咗兩粒牛奶朱古力，令人心情更加愉快🥰🥰回頭率：78%…Read More

今次同🐯👩🏼入左屯門唔知食咩，又想食台灣野就搵左小胖台灣麵，餐牌嘅選擇都種類幾多，主要湯麵同埋便當為主，今次就嗌咗兩個自選湯麵眷村麻辣湯麵🍜（手切封門柳+台南蚵仔肉卷）麵條好彈牙，湯底香辣十足，唔會太油膩。再加上手切封門柳，肉質嫩滑，搭配湯麵真係一流！另外，台南蚵仔肉卷都非常好味，蚵仔新鮮，肉卷外脆內軟，口感好有層次。米香椒麻酸菜湯麵🍜（夜市排骨酥+海鮮蝦油條）湯底酸酸辣辣，完美刺激味蕾，仲有啲酸菜增添風味，非常開胃！再黎嘅夜市排骨酥，外脆內嫩，味道正得嚟又唔油，無論係單食定係配麵都好好味。海鮮蝦油條都唔錯，搭配湯麵食更添風味。白桃珍珠烏龍茶🧋味道清新，白桃香氣濃郁，珍珠又Q彈，仲可以冰爆咕咕力🧊🍫其實佢係一杯爆冰嘅朱古力，我就揀咗微糖，但係都可以飲到佢好濃嘅朱古力味。可惜嘅係佢堂食都用紙杯😮‍💨香辣炸雞排🐓外面炸得金黃香脆，裡面肉質鮮嫩，辣味左右岩岩得好，真係幾有台灣嘅風味回頭率：85%地址：屯門屯門鄉事會路2A號愛定商場(H.A.N.D.S) A區1樓A122號舖…Read More

最近我帶🐯👩🏼去咗沙田嘅田浦食肉，呢間主打韓國菜同埋烤肉嘅餐廳，真係令我驚喜連連！一入到去，就感受到濃厚嘅韓國風情，氣氛熱鬧又親切，非常適合同朋友一齊聚餐。雞蛋羹🥚傳統嘅韓國菜，雞蛋羹滑溜得嚟，味道鮮香，唔會過分鹹，好似去咗韓國旅行咁大醬湯🥘呢個大醬湯十分入味，湯底濃郁，豆腐同埋蔬菜嘅搭配都做得非常好，真係好適合配飯食。韓式煎餅🍕佢哋嘅韓式煎餅外脆內軟，內裡夾住新鮮嘅蔬菜同海鮮，沾上醬油，味道更加出色，簡直係食得停唔到口！烤豬肉套餐🐖🐷 (五花肉＋豬頸肉)：呢個套餐真係食肉族嘅夢想！五花肉嘅油脂適中，烤得香脆，豬頸肉更係嫩滑，搭配韓式醬料，簡直係完美嘅組合。又可以配埋生菜包住，健康又美味。田浦食肉唔單止食物質量高，服務質素都幾好，員工熱情友善，令我感受到賓至如歸嘅感覺。如果你喺沙田附近，想食正宗嘅韓國燒烤，田浦食肉絕對係一個唔可以錯過嘅好去處！回頭率85%…Read More

今次跪玻璃日記帶🐯👩🏼去尖沙咀慶祝週年既記念日💤，好啦book間high class 啲既餐廳比啲驚喜佢🩵。咁岩比我發現Amelia，米芝蓮二星名廚Chef Paulo Airaudo既首間海外分店（睇過黑白大廚既都知米芝蓮幾重要啦），同埋最近推出既「無限豪華盛宴菜單」更加吸引。餐廳氛圍行入Amelia，絕對係米芝蓮餐廳嘅級數，加上有維港海景嘅加持🤩Menu Prime 專尚餐目 無限品嚐前菜🥗無限盛宴菜單以前菜開頭，選擇多樣，無論鮮蝦沙拉定係煙燻三文魚，每一啖都有驚喜。特別推薦佢地既海鮮拼盤，搭配新鮮的檸檬、特製醬汁，令人食指大動。 A5 鹿兒島或仙台和牛🐮主菜部分，A5等級既鹿兒島同埋仙台和牛無疑係成個Menu既主角。餐廳採用真正的炭烤烹調手法，肉質鮮嫩，油花分佈均勻，每一口都散發住濃郁肉香，搭配少量海鹽，更加突顯牛肉既味道。仲會有人幫你現切牛排，體驗讓人倍感尊貴。炭烤野生四頭鮑魚無論係對於海鮮愛好者還是肉食者，四頭鮑魚絕對不容錯過。肉質鮮甜、彈牙，搭配特製的醬汁，使其風味更加升華，令人回味無窮。甜品之選🍨開心果巴斯克芝士蛋糕🍰甜品都係Amelia 既靈魂，外側和面層有令人陶醉的烤焦色澤，內層柔軟而且散發着濃烈的開心果味道。開心果與芝士的乳酪味道完美融合。開心果既香氣，讓人欲罷不能。每一啖都是對味蕾的極致享受。開心果蛋糕只限 Prime 專尚菜單中獨家供應，想試既就要留意喇。Big Scoop Tiramisu🍰 /自家製的開心果意大利雪糕🍨餐廳招牌 Big Scoop Tiramisu甜品，店員會將一大碗的 Tiramisu 捧到客人枱面前，再從大碗中用大匙羹將 Tiramisu 盛在客人的碟上，賣相澎湃，倍添滋味。而享用Premium 或以上既顧客，更可無限品嚐到 Amelia 自家製的開心果意大利雪糕及雲呢拿意大利雪糕，醇厚綿密的誘人意大利雪糕，口感清新☺️☺️特別優惠🌟🌟無限豪華盛宴菜單中，特別吸引既係震撼價$108的日本巨型珍寶蠔，肉質鮮美，搭配檸檬汁，讓人回味無窮。另外仲有免費贈送既法國藍龍蝦或澳洲龍蝦，高級享受，實在係米芝蓮嘅質素Amelia既（無限豪華盛宴菜單）係一場味覺既盛宴，無論係食材既新鮮度定係烹調既技巧，都展現左米芝蓮星級餐廳水準。如果想俾驚喜另一半，或者想味蕾帶嚟衝擊Amelia絕對值得一試。回頭率：90%地址：Amelia Hong Kong (尖沙咀)尖沙咀廣東道3-27號海港城海運大廈地下G63號舖…Read More

今次跪玻璃日記，又去咗位於元朗嘅芭堤雅泰國餐館，今次已經係第二次嚟，梗係要食返我最想食既set lunch 甜品，同埋試吓新嘢打拋和牛飯🐮牛肉嫩滑，味道非常入味，配搭上香噴噴嘅米飯，簡直係一絕！拋打嘅香料味道亦好出色，令整個菜式更加立體，同埋有一隻好出色嘅燶邊煎雙蛋😋😋😋，每一啖都可以有蛋汁同埋醬汁撈飯，成件事好smooth😌😌豬頸肉冬陰功湯河🐷湯底酸辣開胃，正宗嘅冬陰功味道，豬頸肉鮮嫩，河粉吸收咗湯汁後，口感滑溜，實在係一碗令人難忘嘅美食。飛天炒通菜🛫🥬炒得岩岩好，保持住鮮脆嘅口感，加上辣椒同埋蒜蓉調味，係我嘅最愛之一。胡椒大頭蝦🦐蝦肉鮮甜，胡椒味十足，香氣四溢，吃到最後一隻蝦都唔會覺得膩。奶茶雪山🍼🍵☃️🏔️呢個甜品係用泰式奶茶做嘅沙冰，配上餅乾碎同埋忌廉，味道香滑，甜而不膩，真係一個完美嘅結尾。回頭率 100%地址： 芭堤雅泰國餐館 (元朗)元朗安樂路1-11號明珠樓地下1號舖…Read More

位於荃灣大鴻輝的牛大人，最近推出嘅日本黑毛和牛A4+套餐，勁吸引差唔多$500就可以食到和牛任食，所以屋企隻🐯👩🏼都唔放過減緊肥嘅我。🍲套餐選擇我今次揀咗日本黑毛和牛A4+套餐，套餐包括日本黑毛和牛A4+、伊比利亞黑毛豬梅肉、鮮甜鮑魚、古法醉鮑魚、炭燒鹽蔥鮑魚同埋柚子燒鮑魚，真係每一口都好享受！特別係黑毛和牛，肉質滑嫩，油花分佈均勻，入口即溶，另外，鮑魚系列各具特色，無論係鹽蔥或者柚子燒，味道都好鮮甜，但係最特別嘅係炸鮑魚，值得一試。值得一提既係，每人仲會送兩粒澳洲和牛牛丸，牛丸彈牙，味道十足。除咗牛丸之外套餐仲會有海鮮拼盤（鮑魚、蟶子、生蠔）海鮮嘅質素都唔錯。🍲鍋底選擇我揀咗鴛鴦鍋，魚白湯三文魚豆腐鍋/剝皮辣椒雞鍋。魚白湯清甜，配合三文魚同埋豆腐，簡直係完美；而剝皮辣椒雞鍋就帶有一絲微辣，令人食得過癮！🍤🍻小食同飲品小食方面，我特別推介傻蛋墨魚丸，淨係聞到味道已經令人食指大動。至於飲品，選擇實在太多！我選咗大受歡迎的冷泡茶，試咗白桃烏龍，茶香濃郁，清新又解渴。啤酒方面，少爺啤和hoegaarden蜜桃白啤都係好選擇，再加上台式特飲如鴨屎香檸檬茶，味道獨特，值得一試。依家仲特別推出咗乳清蛋白荔枝特飲，連打邊爐都可以protein自由🤣🍨甜品餐後我仲有嚐試台中仙草凍，清涼可口，完美結尾。而Movenpick任食冰淇淋更係令人驚喜，口味多樣，包括瑞士朱古力、士多啤梨、曲奇、雲呢拿同焦糖，選擇困難症都會被滿足！🤑優惠情報最後，星期一至四如果持有恒生信用卡選擇極上和牛套餐，仲可以享九折優惠，真係非常抵食！回頭率90%…Read More

🐯👩🏻‍🦰一收工又俾咗個難題我，話好想食點心，好彩我都有兩手準備😤凝香居位於屯門紅橋，專門係做各式各樣嘅精緻點心。率先試咗佢哋嘅招牌點心拼盤 (大)拼盤裡面包括咗各式經典點心,鮮蝦燒賣、蝦餃皇、鮮蝦菜苗餃、蜜糖蜂巢糕、黑金流沙包、密汗水叉燒包，拼盤既裝飾精緻，每樣點心都份量適中，最岩選擇困難症既大家🤣🤣🤣鮮蝦腐皮卷🍤蝦肉鮮甜多汁,配埋香脆可口嘅腐皮，再點埋喼汁👍🏻脆炸鮮奶🥛令人驚喜,外層酥脆,入口即溶,奶香四溢。口水雞髀🍗雞肉多汁,配料同煮法都好心水,口水味味道適中，唔錯既小食精選原隻鮮蝦腸｜蔥花炸兩腸蝦肉爽滑,腸粉皮薄，食落唔會成口粉，而炸兩方面佢嘅油炸鬼同我平時食嘢唔同，食落有啲似餅乾🤣🤣但係鍾意食腸粉嘅可以一試椰皇桃膠雙皮奶🥥桃膠嘅份量都好足夠，雙皮奶加埋新鮮嘅椰皇，食落清新回頭率： 70%總括黎講,凝香居嘅菜式用心程度足,如果喺屯門夜晚想食點心，絕對係一個唔錯嘅選擇，又可以保住個膝頭😌…Read More

成班人喺長沙灣體育館打完波🏀好肚餓 發掘一下附近有咩食 之後行過一條街 就勁多餐廳🍴見到呢間幾特別 所以決定一於試下！🌟熟成西班牙黑毛豬梅頭肉🐷$108必叫～梅頭呢個部位好淋 又唔會太肥 但肉質唔錯👍🏻🌟韓式燒鰻魚 呢個燒鰻魚 我哋叫咗任食！ 加$100就有得任食 因為我地食過左佢個人頭低消😂鰻魚自由！好爽辣味豬五花 $68招牌牛油熟成厚切豬五花 $238美國極佳牛頸 $88西班牙黑毛豬肋條 $68韓式水冷麵 $68荔枝米酒 500ml $98奶油桃桃烏龍奶茶 價錢唔算貴 性價比幾高 ！加上裝修比一般舖頭有特色 好似入咗韓劇嗰啲有錢佬嘅屋企💵🪪💎回頭率：78%…Read More

跪玻璃日記今日跪到去荃灣🐯👩🏼竟然想食又貴又唔飽既串燒心諗返大陸咁平又唔食🤬🤬好啦咁岩搵到間好燒烤堂重點係Sapporo生啤買一送一💕黑糖燒菠蘿🍍必點推介，黑糖既焦脆加上菠蘿既清甜，完美既ending 鰻魚炒飯🍚飽肚之選，炒飯粒粒分明，鰻魚同其他配料既分量都好足夠，醬汁味道都還好川燒蒜蓉茄子🍆 ｜鹽燒翠玉瓜🥒茄子既調味個人呢講係有啲重口味，偏鹹，但茄子會制作時間岩岩好，唔會有未煮既情況出現。翠玉瓜方面，調味岩岩好唔會偏鹹，仲可以解膩手釣墨魚鬚🦑|雞皮墨魚滑🦑|日式燒自鱔🐟墨魚鬚彈牙新鮮，簡單落少少椒鹽已經好好食。雞皮墨魚滑，個人推介，炸到酥脆嘅雞皮包住墨魚滑，食落去完全唔會有油膩嘅感覺。日式燒白鱔，鍾意食鱔嘅大家呢個強力推薦，少少醬汁加上滿滿嘅蔥花，食落去有層次，口感絕對昇華。鹽燒豚肉荔枝卷🐷｜泰式豬頸肉🐷｜韓燒泡菜五花腩🐷荔枝卷加上豚肉，豚肉本身嘅油脂，加上荔枝嘅清香，係一個唔錯嘅配搭。豬頸肉肉質彈牙，加上泰式醬汁，而且唔會太乾。至於泡菜五花腩，就好似食緊韓式燒肉一樣。鹽燒和牛牛小排🐮｜鹽燒A4宮崎和牛🐮和牛都係必食推介，牛肉嘅油脂分布都非常好，加上少少椒鹽，每一嚿和牛都入口即溶。麻辣雞軟骨🐔｜鹽燒雞軟骨🐔｜鹽燒原塊雞皮🐥黑松露烤雞🐥｜明太子雞腿肉🍗｜鹽燒赤雞頸肉汁燒免治雞肉軟骨棒（付月見）🍗🍳雞軟骨本身冇乜味，所以調味好緊要，麻辣味就食唔到太重嘅味道，稍微有啲乾。燒雞皮絕對係燒烤堂嘅重點，每一塊都勁乾身，就算擺咗一陣都仲係脆嘅，加埋椒鹽同埋辣椒粉，飲多幾杯啤酒都冇問題。明太子同埋黑松露烤雞，就冇乜太特別主要食醬汁，雞肉都稍微有啲乾。雞頸肉，唔係好多地方有得食，加上秘製醬汁，口感嫩滑，絕對可以一試。免治雞肉軟骨棒，加上蛋汁，簡直絕配，每次食串燒都一定會嗌。Sapporo Premium Draft🍻🍻重點嚟喇燒烤堂做緊優惠，Sapporo 生啤做緊買一送一優惠，食串燒點可以唔飲啤酒😈，價錢亦都只係$48 🌟🌟🌟回頭率：90%食串燒唔一定返大陸嘅，香港都有好多特色嘅串燒舖頭，而燒烤堂個人強烈推介👍🏻👍🏻…Read More

今次跪玻璃日記帶大家去到銅鑼灣，試吓一間高質嘅放題，都好幾年冇食過放題，所以預多少少budget試吓新嘢。今次帶大家嚟到肉佐放題任食日本和牛🐮＋海鮮 送原隻龍蝦刺身🦞呢間新開嘅日式放題店主打任食壽喜燒分左5個level，最平＄228就食到😋😋，今次叫最豐富嘅Level 5.一次過可以食到115野食，大癲‼️‼️任食日本和牛、海鮮、刺身、壽司、炸物、甜品同火鍋配料，每人仲有一份日式疏平厘班戟😽😽*依家做緊開張限定*每4人會送原隻龍蝦刺身🙈🙈🙈（但留意只限Level 5）Level 5嚴選山形縣產藏王和牛🐮＋極上刺身＋極上壽司🍣＋海鮮放題🦐🐟🦞🦀🦑（$598）原隻龍蝦刺身🦞好新鮮厚肉，但係甜度就差少少牛肉方面真係大癲‼️（山形縣產藏王和牛和牛🐮）山形縣產藏王和牛上肉山形縣產藏王和牛赤身肉宮城縣產仙台A5霜降黑毛和牛西冷/肉眼 宮城縣產仙台A5霜降黑毛和牛赤身肉（每位加＄100）仲可以食埋A5霜降黑毛和牛入口即溶，點上蛋漿🍳更加滑溜，加上惹味壽喜燒湯底，質素可以話去左轉日本🇯🇵，雪花分布均勻，入口軟嫩好好食😋😋刺身就試左帆立貝、季節魚、三文魚，刺身大多數都非常新鮮，肉質鮮甜壽司🍣Level5 每位加送左壽司拼盤，包括大拖羅/中拖羅、赤身、油甘魚、鯛魚、炙燒和牛、三文魚腩🙈🙈🙈，種類非常豐富炸物🍤我就試左日本廣島蠔、鮑魚（炸鮑魚都係第一次試，幾有新鮮感）， 芝士年糕 、迷你一口芝士、蟹肉忌廉薯餅、炸蠔、炸雞、炸餃子。所有嘅炸物都炸得乾身唔油膩👍🏻👍🏻自助區🍢🍲🍦🍛🍡🍰火鍋配料、關東煮、咖喱飯 、百味堂雪糕 、棉花糖火鍋配料、前菜同日式和食都係無限任拎最後每人仲有一份即制日式疏乎厘班戟係一個非常好嘅ending🥰🥰回頭率90%搵放題一定要搵啲高質素嘅，舖頭嘅座位寬鬆，仲有日式榻榻米既包箱，非常有私隱度，啱晒一班人，又想食高質放題嘅朋友👍🏻👍🏻…Read More

今次終於可以掉低屋企隻🐯👩🏻‍🦰同啲兄弟出去chill下最啱就係食大排檔今次去到元朗又新街的多多雞大排檔,絕對係男人既隻腳點這環境舒適,營業時間長達凌晨4點每一碟嘅份量都非常足夠份量絕對對得住價錢🔥🔥必試的招牌菜即燒炭火靚雞🐔🐔餐廳用咗大瓦缸高溫即場燒，所以每一隻都要等20分鐘左右，外皮非常鬆脆，就算擺咗15至20分鐘都仲係脆既，咬開雞皮之後肉汁係會滴出嚟，絕對係必點嘅菜式之一十八歲卜卜脆牛肋條🐮🐮牛肋條外面一包住酥炸表層，牛味非常濃，加上秘製醬汁，但稍微乾身酥炸台山蠔🦪🍥呢個又係必點菜式之一，每一隻炸蠔都有手掌心咁大，炸粉唔會太厚，每一啖都充斥着生蠔嘅鮮味椒鹽九肚魚🐠🐠又係其中一個去大排檔必食嘅菜式，但係唔鍾意食多骨魚嘅朋友就要小心喇，因為幼細嘅骨比較多金銀蛋娃娃菜🥚🥚🥬食咗咁多肉同埋煎炸嘢，梗係要叫返個菜清清地，菜嘅上湯同平時嘅都唔同，比較濃郁，但係娃娃菜又可以中和當中嘅油膩感最後梗係叫返幾支啤酒chill一下回頭率：100%…Read More