loksammy's Profile

飯腳同事有朋友試完推薦，啟岸新商場喎，之前疫情好多連裝修都未開始。 有推薦，幾大搵日去試今天我哋去午餐，三個人，要坐中間位置。。。唔，要除鞋喎，都可以嘅，不過肚腩話我知要減肥啦。呢度係半自助，自己出收銀處落 order 然後就可以等食，三個人不約而同都叫三文魚沙律碗，個沙律嚟到，賣相唔錯，食落更唔錯；另外我叫咗個 Espresso Tonic, 唔。。。呢個要時間慢慢嘆喎。。。不過夠鐘返工啦，食晏得一個鐘真係唔多夠，有機會會再嚟試第二樣。呢度 服務同顧客普遍比較年青，落到嚟都覺得自己年青咗，下次再落嚟扮年青呀…Read More

唔好誤會，我講嘅係我個女😄昨晚 honey 唔得閒，問個女想去邊吃，佢話中環 lee lo mei。。。？🤔喂，做乜同亞媽講粗口？佢話中文名叫李好味！哦，原來我大鄉里。。。個名咁攪嘢，就去試試。去到樓下，唔覺係食呢啲嘢，似食西餐，waiter 哥哥帶我哋上樓上，感覺完全唔同。侍應好好人，問我哋係咪第一次嚟食，介紹咗好多嘢，可惜只得兩個人，最後點咗四樣嘢，金蝦脫殼，張相影落唔靚，但，真係好好味呀。。。👍👍👍絲酥蘿蔔糕，XO 醬都幾辣，食唔到蘿蔔糕香味，口感都唔錯。金雞藏鮑，係釀糯米雞翼四隻，當中有兩隻有舊鮑魚添。。。呢個都好食，雞翼唔會好乾，糯米飯都好味，至於鮑魚。。。。如果大舊啲可以試真啲喎🤗最後嗰樣叫乒乓菠，感覺好似迷你版菠蘿叉燒包，呢個菠蘿包係有菠蘿架，佢比較出面吃到嘅再甜少少，仲有薯條，佢點薯條個醬都好特別，唔係紅色嘅茄汁，而係橙色，開頭仲以為辣，原來佢話紅燈籠椒混茄汁，味道冇咁酸，有少少甜加啲啲辣。最後，姐姐走過嚟問我哋夠未，駛唔駛介紹甜品。。。sorry 啦，個肚已經冇位，雖然好想食，但要等下次啦。呢度收費又真係唔便宜，但食物又幾特別，味道都幾好，相信會再來試埋其餘嘅嘢😄…Read More

嫂嫂生日，她喜歡搵好嘢食，約我和老公兩 pair 人上去食，因為，生日送一枝紅酒或白酒呀🤗好耐未試過成個 full meal 啦，前菜，湯，主菜，甜品，仲有咖啡或茶，唔駛400。前菜同主菜有三個選擇，甜品兩種選擇。前菜我揀鴨肝，老公揀海鮮盆（張相是兩份的，所以有咁多），不過佢要加$40，兩個都唔錯，鴨肝仲真係幾好味，望落好似整得好干，但其實又唔係喎😮跟住上湯，個麵包好好味，好多果乾，最可惜唔係同湯一齊上，係我哋一坐落就俾我哋，又冇俾個細碟仔我放，所以要食咗個包先食前菜，到飲湯冇包食😕主菜，老公叫肉眼，我點鱸魚，肉眼有少少筋，而我點嘅鱸魚好好味，魚皮脆架，就算唔點汁都一啲腥味都冇。然後係甜品，心太軟❤同柚子芝士餅❤，大愛，心太軟唔太甜，芝士餅加了柚子，清新。最後點了咖啡，佢連咖啡都好香，亦都令呢餐更圓滿。老板（經理？）臨走有問我哋意見，原來佢哋會定期轉 menu, 佢仲俾咗兩張優惠卡我，下次 book 位有生蠔送又或者有折。。。真係好。…Read More

又係家庭聚會，上次去別家館子因事前沒有訂北京填鴨冇得食，家裡的小朋友有d失望，所以想起這小店，因這家店除了不用預先訂鴨外，還有我的至愛 - 柚子魚，真好運，今天竟然訂到枱。一行8人，有老有嫩，上到去已經高朋滿坐，看過餐牌，由於我們女士比較多人，決定叫四人餐，另加湯，宮保蝦和甜品。兩小碟是蒜泥白肉和海蜇頭，不過不失，海蜇有很多大豆芽菜，今次海蜇沒有之前吃的咁辣，幾開胃。今晚給我們的枱比較細，所以請侍應姐姐逐樣上，好在他們都好合作，否則會食得好急趕。跟著上的是北京鴨，四人餐是半隻，原先老公曾擔心唔夠，想加到全鴨，好彩，到最後因為女士怕肥，沒有加大，8個人接近每個人有兩件，味道不過不失。然後是砂鍋雲吞雞，這個好味，如果再加雲腿，會更 perfect。之後上的就是我至愛，柚子魚，碟上的魚形態好似游緊水，好有動感，這個汁用柚子做，好特別，我奶奶唔喜歡食炸物，佢都一路食一路讚，最後呢款菜只剩低汁😜緊接落嚟係蔥爆羊肉同宮保蝦球，羊肉同蔥都好香，有輕微黑椒味，沒有羊“蘇”味，我老公唔食羊都肯試；宮保蝦今次第一次叫，有啲失望，炸粉有啲厚有啲林，而碟餸上枱唔係好夠熱，可能係出咗嚟但要等我們清咗枱面，所以影響上枱速度。碟菜上，好特別，係蒜蓉炒蕃薯葉，出街食呢種菜比較少有。大家都已經九成飽，仲有碟刀削麵，今次吃的麵條比較腍，冇之前的煙un, 希望下次有改進。甜品時間，除了餐有的糖水，加點了拔絲士多啤梨，好靚，好甜，好味。。。 如果餐送的糖水可以花點心思，不是杏仁豆腐花，我諗會更加令人回味。…Read More

由於我是無飯主婦，所以好多時都頭痛搵食地方，昨晚去圓方做點事，喜歡呢間多選擇，味道唔錯，又唔太肥膩。我同老公先點一人一個湯，我要雲吞雞，他點酸辣湯，雲吞雞味道唔錯，返而酸辣湯有好大進步空間，酸同辣都唔係好夠，淨係夠色😆點了生煎包，真心覺得好好味，又夠熱，然後上四小碟，真感謝發明四小碟的人，完全滿足我為食又怕肥的我。。。其實貪心啲，唔知幾時有六小碟呢？🤔今次試了一個家鄉酸菜煮魚，來到看似平平無奇，但食落又好鮮喎，又有少少麻，又有少少辣，有dd 水煮魚 feel 但冇紅色油同辣椒同舖喺底嗰d 粉，美中不足，呢個湯好咸，或佢唔係預俾我哋飲啩。。。開頭仲諗住最後叫個菜加麵，但幾經商討，為大家健康着想，都係叫個菜算，芥蘭，嚟到好幼，老公又好懷疑喎，不過味道都唔錯。呢間隨咗有時人多要等耐少少位，其餘都真係唔錯，選擇又多，順帶一提係佢個茶，好香好特別。而整體食物都唔錯。…Read More

今年周年紀念日老公揀呢間，佢話個景靚，而呢間澳洲邦開咗咁耐未試過。上到去，未食嘢先食景，睇到個景，未飲酒已經醉醉地。。。😅原本諗住叫一兩個 starter 然後叫主菜，點知叫完 starter 俾我見到有 seafood platter, 好在時間短可以取消之前嘅 starter, 叫咗一人 seafood platter, 嚟到份量都好大，好欣賞佢最頂層有成杯帶子同蟹肉😜非常之好味，可能好過啲酒店出品。。。然後叫了個主菜牛扒 (Wooloomooloo steak)，平時比較少點牛扒，因為都幾大舊肉，感覺好飽，今次兩人分享再叫紅酒幫助消化得唔得呢？個 steak 好好味，但都幾大件，我仲要留肚食甜品，點算😣未食完個 steak 已經有個姐姐過嚟問我哋夠唔夠，我同佢講好夠。。。但好想食 apple crumble。。。 佢同我講 apple crumble 會幾大份，如果我哋好飽就唔建議叫呢個，跟住我問心太軟大唔大？佢話唔大架，佢自己都可以食一份（我夠得囉，如果唔食其他）😁，結果向甜品屈服，心太軟係我其中嘅飛佛😘喺呢道，三道菜食咗三個鐘，其實如果唔叫酒，價錢係 ok 嘅，呢度個景加聖誕燈飾，食埋個景，更加抵，以後節日可以多個地方考慮了。…Read More

被店名吸引，今天六時多經過，入去試試，循例講個半鐘用膳時間，其實本身唔需要食咁耐，但又唔多喜歡食店一入門口就咁提醒，今天同老公撐枱腳，先點了青口，蒜頭蕃茄汁，很惹味，青口很鮮，因為咁叫多個蒜蓉飽塔，個飽很有趣，上枱侍應哥哥將其中一邊塞入個飽入面切4份，個飽很脆，少少蒜味，但吃完先知蒜味唔係少少，係成口都係。。。😅跟住叫了香蒜蕃茄辣椒海鮮意粉，這個喜辣的人會很喜歡，所以我老公一路食一路讚。好似未係好夠，再點了香蒜扒石班煎帶子，呢個反而比較遜色，可能之前的都味濃，呢個清淡啲…其實食物都ok, 但如果同大班朋友一齊去， 個半鐘又比較急啲，假如可以因應人數而調較時間，咁我諗約朋友食飯會多啲考慮佢。…Read More

靚女老板，趁住 佢honey 出差，叫齊公司女仔一出嚟 happy together, 問有乜好題議，一吓就諗到鵝肝蝦子麵。。。好耐冇嚟，大家坐落，叫咗幾個前菜，生蠔，鵪鶉腿，乳鴿，48個月黑毛豬，當然仲有我至愛鵝肝蝦子麵。。。衝完一輪，大家都差不多，竟然有人提議叫湯！ 雖然兩個人 share 一個湯，但係肚仔已經幾滿，但大家為咗留肚食甜品，冇叫到主菜就叫咗4個甜品😅心太軟永遠係主角，係朱古力控的至愛，另外有麵包布甸，薑味梳夫厘同 apple crumble 簡直 大滿足 。。。 可惜靚女老板唔多舒服，否則叫埋紅酒就更圓滿😄其待下次靚女老板身體好番，再來 happy😘…Read More