shan820913的個人專頁

假日做完GYM去銅鑼灣搵食, 避過熱鬧街道, 轉入人流較少嘅百德新街呢間日料居酒屋。假日四點左右依然提供多款lunch set, 款式選擇多, 即入去醫肚。餐廳環境企理,Lunch-set可以免費無限refill椰菜絲, 自行加芝麻醬同酸醋調味, 口感爽脆有層次, 清新又開胃。揀咗--吉列海鮮配稻庭烏冬定食吉列蝦同埋吉列蠔外層炸得金黃香脆而不油, 吉列蠔內裡juicy, 蠔味重; 吉列蝦炸皮稍為厚咗d, 不太食得出蝦嘅口感同味道。稻庭烏冬彈牙, 配有鮮甜又好滑嘅蟹肉茶碗蒸、漬物、味噌湯。三文魚腩: 超厚切, 口感爽彈, 充滿魚油香, 大愛!!!唐揚河蝦: 河蝦口感酥脆香口, 送酒一流!!自家製免治雞肉棒: 免治雞肉棒表面燒得有點點焦香, 內裡鮮甜多汁, 夾集了軟骨碎, 咀嚼有層次, 沾上蛋汁食, 多一份黏滑感。豚肉鵪鶉蛋卷: 豚肉表面燒得金黃, 包住了鵪鶉蛋, 一咬鵪鶉蛋, 近乎流心蛋黃在口中爆開, 蛋味濃郁, 同時平衡到豚肉嘅膩, 好味推介!!…查看更多

朋友移民後返港，當然要食大排檔先夠香港風味，去咗沙田圍「金沙角」，野食既有鑊氣，氣氛夠熱鬧，平日都好旺場，最啱一大班人傾偈吹水。《豉汁蒸鱔 》濃郁惹味豉汁蒸大鱔，鱔肉鮮味厚切口感，送飯絕配。《椒鹽鮮魷》酥脆香口，魷魚爽口彈牙，加上椒鹽炸蒜超惹味。《芝士焗琵琶豆腐》第一次食芝士焗琵琶豆腐，芝士味道濃而不膩，配搭豆腐又係幾正，不過內裡豆腐不算滑。《啫啫茄子牛仔骨煲》香噴噴啫啫茄子牛仔骨煲，茄子入哂味，牛仔骨份量多，超抵食。…查看更多

到太古城探朋友, 好客地請我到太古城呢間來自新加坡過江龍嘅---天天海南雞飯 食DINNER。餐廳裝修雅緻,色彩佷有格調, 環境舒適, 座位寬敞, 適合聚會傾偈。新加坡檸檬鳳爪: 別緻的玻璃瓶盛戴著無骨鳳爪, 上枱時乾冰從細孔散發着白霧好夢幻 (打卡之選), 鳳爪酸酸辣辣的, 開胃醒神!天天海南雞: 主打嘅天天海南雞唔肥膩, 肉質嫩滑, 細細件一口一件剛剛好, 還有青瓜配搭, 因應個人口味可選點秘製辣醬或頭抽或薑蓉。原隻龍蝦炸米:濃烈的龍蝦湯, 超刺激味蕾，龍蝦肉鮮嫩。炸米吸晒龍蝦湯精華, 配埋配料入口鮮味, 層次豐富。…查看更多

茶舍裝潢簡潔，是一間新派港式茶餐廳，食物多元化。生炸珍寶雞髀：即叫即炸，雞脾都好大隻，外皮炸得香脆，內裡肉質嫩滑多汁。配搭嘅薯條亦係即炸，非常香脆，亦有新鮮蔬菜，做到均衡飲食。香濃茄汁鮮蝦蜆扁意粉：茄汁帶來豐富的番茄鮮味和微酸感，配合鮮蝦的彈牙鮮甜與蜆肉的鮮美，整體口感層次豐富且帶有海鮮的鮮香。扁意粉吸收了醬汁，麵條彈牙且均勻沾滿醬汁，使每一口都充滿濃郁的茄汁和海鮮味。咖喱吉列豬扒滑蛋包飯：大大塊的豬扒炸得金黃香脆，滑蛋部分蛋香濃郁，質地滑嫩，咖喱醬汁香味濃郁，味道香甜且帶點辣度，醬汁稠身且多汁，能很好地拌飯。熱華田的味道是麥芽香和巧克力甜味的結合，帶有濃郁的懷舊感。…查看更多

同同事去銅鑼灣日料餐廳「赤」食lunch, 午市供應多款lunch set, 刺身同熟食都有選擇。唐陽河蝦：河蝦炸得香脆不油，食落非常香口，送酒一流。豚肉鵪𪂹蛋：豚肉片包住鵪𪂹蛋，豚肉燒得偏向乾身，不覺半點油膩，整個入口鵪𪂹蛋嘅蛋黃平衡到豚肉餘下嘅膩。午市定食可享無享任添椰菜絲，自行加入柚子醋同埋芝麻醬，爽脆清新。另外更配有漬物、麵豉湯同埋茶碗蒸，蒸蛋鮮味，滑得入口即化。吉列海鮮（蝦、蠔、配凍烏冬定食）：吉列蝦同蠔炸得金黃鬆脆，不過炸皮稍為厚咗少少，不太食出炸蝦口感，反而炸蠔內裡juicy，蠔味濃郁。凍烏冬彈牙，沾上汁醬，清新美味。牛肉壽喜燒鍋定食：雖然壽喜燒鍋冇火爐熱住上，嚟到嘅時候牛肉已經係半生熟，配料豐富，有金菇、高麗菜、冬菇、幾片紅蘿蔔、半熟雞蛋。湯底味道適中唔會太鹹，牛肉鮮嫩，配有紫菜飯，夠哂飽肚。…查看更多

初三赤口無去拜年, 同媽咪去觀塘行個新年運, 順便食少少野醫下肚。去咗裕民坊YM²嘅水門雞飯食水門雞。餐廳面積不大, 但地方整潔企理, 食物同飲品款式多, 自行scan QR code落單, 食物好快上檯。水門雞飯 HK$54可選雞胸/+$10指定選雞髀沒有指定就隨機比, 雞件去骨, 肉質嫩滑, 配上了鹹甜醬汁, 味道更提升。配有雞湯, 味道很重胡椒香氣另外飯量可自選多與少, 我地揀咗多飯, 果然夠飽, 飯很有雞油香, 不會過油, 粒粒分明。+$10 追加跟餐小食 – 香茅雞翼 (2隻)雞翼炸得金黃有油光, 肉質嫩滑, 細味有香茅獨有香氣。泰式奶茶 HK$22味道很有泰國地道風味, 口感滑, 茶香奶濃。菊花茶 HK$20味道清新, 有陣陣菊花清香, 不會過甜。芒果糯米飯 HK$58糯米飯黏糯, 芒果雖未算極甜, 但多汁唔酸, 加咗椰漿令整體味道甜一D。…查看更多

應承放假陪丫媽去葵芳行花市, 順道係附近食個LUNCH。經過呢間餐廳, 見門外餐牌食物款式多, 價錢合理, 而且餐廳內幾乎爆滿, 被人氣吸引入去試試。餐廳供應多款便當、小食、拉麵等…揀食咩都要花點時間。黑松露三文魚壽司:壽司精緻, 飯唔會壓得太實, 三文魚壽司上加了黑松露點驟, 多一份松露香。唐揚魷魚鬚:魷魚鬚炸皮薄而且酥脆, 魷魚鬚爽彈唔硬, 配上千島醬食, 味道更提升。沖繩便檔:組合豐富又吸引, 包括有吉列千層芝士豬扒1件+汁燒金菇牛肉卷2件+味付螺肉+咖哩飯、刺身3種(三文魚2件, 帶子2件, 有頭甜蝦一隻)千層芝士豬扒內芝士已經溶化, 入口酥脆帶點芝士奶酪味, 美味邪惡。金菇牛肉卷層次豐富有肉汁, 咖哩飯選用了甜咖哩, 味道更有層次。配上三款刺身, 超滿足。汁燒豬軟骨蕃茄濃湯烏冬:豬軟骨肉同骨都軟淋入味, 採用稻庭烏冬夠哂誠意易掛湯, 蕃茄湯底濃郁酸甜, 好味又開胃。…查看更多

暑假期間係網上平台做緊買一送一優惠, 人頭四百蚊有找就可以食到酒店lunch buffet, 於是一行十人滿有期待去大吃一番。呢個優惠的確吸引到唔少人幫襯, 排住長長人龍, 準時12點放人入去。餐廳座位區光猛闊落, 樓底高再加上落地大玻璃落出去, 成個view的確win啊!食物區域分類分明, 冷盤、沙律、鐵板燒物、炸物、中式熟食、即煮麵食、甜品都有, 不過每類選擇唔多。冷盤只有凍蜆、凍蝦、蟹腳、青口, 其中意為蟹腳係最受歡迎, 每次refill少少, 一有即攞意為執到寶, 點知d蟹肉媒既......仲鹹到好似浸咗鹹水幾日咁。刺身就由職員做配給, 經常排長龍, 每次幾片, 刺身的確係全場最值得encore呢一part。鐵板類又係得三款, 炒菇、五花腩同埋牛肩胛, 牛肩胛係幾唔錯, 唔會太硬,天婦羅炸物又係得三款, 不過冇天婦羅蝦, 得兩款蔬菜同多春魚 (不過咬落去苦的)日式煎餅, 太多粉......中款熟食數埋冇十樣, 其中有炸雲吞、薑醋蛋、雞等....賣相都唔多吸引!冇咩選擇下, 提早攻甜品, 反而甜品值得食~雪糕應該自家製, 冇show出任何牌子, 係幾正!糕點賣相幾吸引, 選擇多, 香蕉焦糖批正! 野飲就有coffee、tea、juice自助。買一送一嘅價, 都好難食回本, 選擇比起放題更少, 全檯十人一致認同冇下次!如果冇優惠真係搵鬼去!…查看更多

最近工事繁忙, 下午同同事騰出時間, 係太古坊附近飲杯coffee食少少野relax下。同事介紹呢間小店有咖啡飲之餘, 又有多款以健康為主嘅輕食。店內座位唔多, 一般以外賣為主。鴨胸蘋果沙律: 新鮮沙律菜, 配上爽甜多汁蘋果粒、蕃茄仔、鴨胸片, 加咗些少甜酸黑醋調味, 開胃美味。蕃茄肉醬配酸忌廉芝士焗薯: 即叫即焗, 整個薯仔開邊, 佈上酸忌廉同埋芝士, on top加上大量香甜蕃茄肉醬, 惹味有肉香, 夠哂飽肚。Matcha with Mochi & Pistachio with MochiBagel表面口感厚實, 內有軟滑甜甜地嘅Mochi, 整體唔太甜。Mocha: 口感幼滑, 朱古力同埋咖啡味道平均香濃Pistachio Latte: 口感絲滑, 奶味濃郁, 帶有開心果碎粒, 開心果味突出, 大愛!!!…查看更多

假日同朋友行經尖沙咀金馬倫道發現有間柴夫人魚館主打豆花魚,  係四川菜中, 酸菜魚就食得多, 豆花魚就真係未試過, 咁就要去試下啦 !餐廳面積不大, 人流都幾旺。豆花魚可自選辣度。招牌豆花鱸魚     $218/鍋鱸魚份量多, 魚肉鮮嫩, 配上唔少豆花係湯面, 賣相豐富吸引, 豆花軟綿嫩滑, 同魚片一樣咁滑溜, 而配料有大量土豆片, 芽菜, 黃豆等等. 辣度相比酸菜魚較温和, 但亦都可以自行選擇大中小辣去迎合自己的口味。一試已令我大愛!!另外可以追加火鍋配料,配牛肉片   加$26/份: 牛肉片鮮嫩肉滑配牛百葉   加$26/份: 牛百葉爽口彈牙配牛肉丸   加$26/份(6粒): 牛肉丸新鮮彈牙, 多汁香甜。鴨血   加$12/份: 彈滑鴨血最佳配辣味湯底。蝦仁粉絲煲 $118/份(配2杯自磨豆漿)大大煲, 數隻蝦仁隻隻爽口彈牙, 粉絲份量仲好多添, 粉絲索滿蝦仁鮮味, 入口惹味, 加上仲有2杯新鮮豆漿送,  非常抵食。麻辣拌魚皮     $49/份魚皮非常爽口, 麻辣味十足, 入口無幾耐就可以感受到麻辣的衝擊力有幾強勁。黃金大餅     $29/份新鮮熱辣, 切開幾件後都仍然咁大件, 份量十足。 外層佈滿芝麻, 炸得非常爽脆, 內層就軟綿, 真正做到外脆內軟, 非常有驚喜紅糖糍粑     $33/份(6件）糍粑圓碌碌, 漲卜卜, 一咬內層流心紅糖慢慢流出, 外脆內軟, 好食。最後要講下店內近門口位置有自助雪糕甜筒機, 免費任食, 店家對客人非常貼心呢!…查看更多

陪好姊妹到新蒲崗工廠區試婚紗, 順道一齊食個DINNER, 去咗附近呢間茶餐廳--力天冰室, 地方乾淨企理, 食物款式多, 有小炒、小食、鐵板扒餐、焗飯等等....酥炸香脆大雞脾:雞脾嘅雞皮炸得極為香脆, 脆而不油, keep到些少肉汁, 肉質不柴, 不錯。特厚花生醬西多士:西多士炸得金黃, 放了一片牛油, 牛油漸漸溶化, 多士有花生醬做夾心, 帶少少花生碎, 自行加上糖漿, 邪惡美味。鐵板黑椒牛柳絲炒麵:鐵板沒有預期熱辣辣得滋滋聲上檯, 但麵餅確實炸得脆卜卜, 淋上了甜甜地嘅茨汁, 帶有些少黑椒, 微辣惹味。芝士焗鮮茄豬扒意粉: (自選飯/意粉)面層芝士焗得帶些少焦濃, 豬扒大大件, 肉質彈牙唔會柴, 意粉偏林, 甜中帶微酸, 整體味道唔錯。主食免費跟coffee/tea, 凍飲另加$3,order咗杯凍檸水同埋凍奶茶。…查看更多

又到Happy Friday, lunch同同事去咗北角新開一間主打韓國炸雞餐廳。餐廳環境闊落企理, 有著韓式簡約風, 電視亦播放著韓星MV。入座隨即送上沙律菜絲。呢度所有炸雞均為無骨, 有多款口味炸雞選擇, 好多款都想試試, 就揀咗個四拼口味炸雞。韓滋樂四拼炸雞 (自選四款口味): 估唔到每款份量都幾多, 所有炸雞都炸得香脆而不油, keep到juicy肉汁, 就算慢慢食放咗一段時間, 炸雞還是脆的。乳酪洋蔥炸雞: 炸雞淋上大量掛汁乳酪同埋洋蔥, 微甜, 細味有好淡嘅奶羶味。芝士雪花炸雞: 灑上大量芝士粉, 味道香甜, 美味推介!蜜蜂牛油炸雞: 每件炸雞表面平均都沾上薄薄一層蜜蜂牛油汁醬, 香甜又有牛油香。咖哩皇炸雞: 咖哩粉灑上炸雞, 富有咖哩香甜清香, 不是預期中嘅香辣。炸醬麵: 熱辣辣上檯, 大量甜甜地嘅炸醬易掛汁, 麵質林, 好漿口, 夾集咗幼肉絲令口感更有層次。熟吞拿捲飯:飯卷唔會太乾身, 卷住紅、黃蘿蔔條、青瓜、熟吞拿魚, 整個放入口, 口感有層次, 熟吞拿魚魚味突出。水蜜桃梳打: 水蜜桃果香味濃, 有汽配炸雞很不錯。藍色多瑙河梳打: 味道好似棉花糖咁甜甜地士多啤梨梳打: 很有士多啤梨果香…查看更多

今日難得相約很久冇見嘅朋友, 帶佢去咗呢間好有日本居酒屋feel嘅餐廳，位於尖沙咀棉登徑嘅「 炎丸水產」，餐廳食材新鮮，烤物有專人幫你烤，唔洗擔心熟唔熟，亦可專心同朋友吹水！食物款式都幾多, 帶子磯燒: 沒有重口味的調味, 帶子爽口鮮甜。醬油木魚帆立殼燒:加入醬油同蕃茄、青椒、木魚一同磯燒, 非常清新嘅配搭, 既有帆立貝嘅甜, 亦有木魚嘅清香！雲丹海苔芋天婦羅:一個非常特別嘅菜式, 原來係海膽被紫菜包裹着嘅天婦羅，入口外脆內嫩，炸漿厚薄適中，炸得乾爽不油膩！北海道海鮮炒飯:有豐富嘅海鮮粒，包括有帶子、魷魚、青口仔，還有蟹籽鋪面，飯身炒得夠乾身粒粒分明，口感豐富又好味！蘋果颱風乳酸: 大大杯，蘋果片以颱風式直插杯底, 清甜嘅蘋果味解渴又潤喉。…查看更多

表弟即將移民, 趁佢臨飛前同佢食farewell dinner。帶咗佢去公司附近新開嘅居酒屋, 果然味道有驚喜。供應多款和食、刺身壽司、卷物、天婦羅、串燒、燒物等等…裝修平和簡約, 反而令氣氛更貼近日本地道居酒屋。而且餐廳亦供應多款清酒, 啱哂同三五知己chill住嘆。【白松露油吞拿魚薯仔沙律】HK$78粒粒綿密日本薯仔粒, 加入吞拿魚蓉, 灑上白松露油同埋咖哩粉, 味道層次豐富, 每啖散發陣陣咖哩香氣。【香箱蟹刺身】HK$198即拆蟹肉鮮甜有肉汁, 一梳梳盡顯份量, 伴有甘香濃郁蟹膏同埋經湯汁熬煮過嘅蟹籽, 啖啖綿密多汁, 鮮甜濃郁又有層次, 超推介!!【香煎鵝肝吐司】HK$118煎至金黃嘅鵝肝近乎入口即溶, 味道濃郁, 配上脆多士, 面層放上酸甜多汁蘋果蓉, 完美平衡到鵝肝嘅油膩。【月見海膽杯】HK$138日本飯底, 放上吞拿魚蓉、疊上好幾粒海膽, 再將鵪鶉蛋汁整個攪拌至平均, 令質感很黏, 用脆紫菜包住食, 外脆內軟。【北海道海膽蝦片】HK$288蝦片即炸脆卜卜而不油, 放上了馬糞海膽, 以魚籽醬點驟兼調味, 令入口即溶海膽更提鮮, 跟香脆蝦片交融, 超正!【半熟赤鯥配海膽魚眼晶體醬汁壽司】HK$98/件賣相看似普通壽司一樣, 但原來經過繁複處理。赤鯥魚被昆布包住醃製7小時, 再低溫慢煮方法做成半生熟, 之後以櫻花木烤表面, 令鮮味更突出, 又食到豐富骨膠原。【三文魚腩壽司】HK$40/件三文魚腩很有魚油香, 滑中帶微爽。【海膽壽司】HK$180/件疊疊海膽份量很足, 冰凍海膽入口即溶, 口感creamy, 海膽濃郁鮮味突出。【煙燻鯖魚禾草燒】HK$288即席以稻草明火燒烤, 將鯖魚先烤, 再放入煙燻木箱再燻, 未食已滿足視覺; 魚皮微焦, 鯖魚魚肉細嫩柔滑又多汁, 係坊間極罕有可以食到燒鯖魚有鮮味同嫩滑!【牛腸鍋】HK$168湯底混合了九州、西京味噌, 美味濃郁, 牛腸爽彈, 日本豆腐表面煎至金黃, 配上盡吸湯汁嘅韭菜、芽菜、高麗菜, 配飯更一流!【紫蘇雞皮蝦卷】HK$68/串雞皮燒得金黃香脆, 加咗少少鹽調味, 包住了紫蘇葉同埋海蝦, 紫蘇葉平衡了雞皮餘下嘅膩, 海蝦鮮甜彈牙, 清香惹味, 值得推介!【厚切牛舌】HK$58牛舌爽彈多汁, 表面加咗少少黑椒, 惹味非常~【七里香】HK$62為雞pat pat, 每粒燒得香脆, 迫走了多餘油份, 食落香口又唔覺油膩。【雞軟骨】HK$28口感爽脆, 加咗少少鹽, 送酒一流。【鹽燒白鱔】HK$68白鱔皮烤得脆, 魚質爽彈多汁, 落咗少少鹽提鮮。 …查看更多

放工同朋友去APM shopping, 順便搵個地方邊食邊閒聊。經過見到呢間方叔叔重慶老火鍋, 之前係將軍澳食過, 印象味道唔錯, 而且多款火鍋配料都有半份選擇, 啱哂眼闊肚窄又想食多幾款。餐廳氣氛格局同其他分店一致, 乾淨企理闊落, 而柔和燈光令人感覺舒適。湯底以每位計, $38/位, 鴛鴦麻辣鍋亦唔需要額外加錢。至於期間限定嘅湯底---養生花膠雞鍋, 就要每位加$20; 而另一邊湯底就揀咗款少辣麻辣。餐前送上雪耳紅棗糖水, 為食辣前保護一下胃。養生花膠雞鍋: 湯底金黃, 濃郁香甜, 有幾件雞件同埋有如豬皮般爽彈嘅花膠, 好味得未開始打邊爐, 我地已經飲咗好幾碗雞湯。而另一邊麻辣湯底, 就有大量辣椒浮面, 深紅色辣油辣椒浮面, 味道香辣, 後續有麻辣感覺, 很過癮!檯面上都放置了醬料, 自由混醬, 加入大量香油, 令味道更大大提升。醬油、茶水 ($20/位) 大部份火鍋配料都附有最佳烚煮時間, 又有計時器提供, 好窩心。最近蟶子當造, 呢度都推出了期間限定----鮮活海蟶(一份) HK$90每件蟶子都冇沙, 而且肥美, 烚五分鐘熟後, 依然肥美冇縮水, 鮮甜無比!美國桶蠔(半份) HK$98雖然半份只有兩件, 不過超級肥美, 肉質滑溜, 熟後都沒有明顯縮水, 鮮香味十足, 不過蠔味唔算太重。小水母(半份) HK$48坊間較為少見, 賣相可愛, 稍為烚30秒就食得, 口感跟海蜇差不多, 非常爽脆。而味道取決於湯底。鰻魚(半份) HK$58鱔片有魚鮮味, 口感偏札實, 不過稍有幾條幼骨, 食嘅時候要小心。鮮鵝腸(半份) HK$68鵝腸冇肥油連帶, 熟後更為爽口唔韌, 易於咀嚼。鮮鴨血(半份) HK$38跟坊間超市買到盒裝嘅有所不同, 質感更為軟滑, 軟得稍有少少力夾起都輕易夾爛。黑豚腩肉(半份) HK$48腩肉色澤嫩紅, 肉嫩帶有濃郁油香風味。兩款手打滑均為微爽彈滑, 食到鮮甜味, 而且加中蟹籽增加了口感層次。手打墨魚滑(半份) HK$58手打魚籽蟹滑(半份) HK$58…查看更多