jojojohn's Profile

今日同朋友行街餓餓哋，見到街邊台灣餐廳張海鍋海報幾吸引，一於入去試水溫。點知一試難忘，$68一個小火鍋竟然有齊粉絲、米血糕、花枝丸、鮮蝦腐皮卷、娃娃菜、豆腐、鴨血、炸腐竹、金針菇同豬肉片，個番茄湯底真係落足料，啖啖都飲到新鮮番茄蓉，濃郁得嚟唔會死鹹，仲要越煮越出味！特別要讚個米血糕煙韌得嚟索盡湯汁，同台灣夜市食到嘅九成似。朋友叫嘅蒜香鍋仲誇張，未上枱已經聞到蒜茸爆香嘅味道，食到佢一邊撈汁一邊話「好似去咗趟台北咁」。$68有呢種質素，我即刻手機狂影十張相send畀台灣朋友炫耀。我已經偷偷諗定聽日再嚟encore，試埋佢個招牌臭臭鍋。…Read More

我今日去左黃金買野，到六點鐘就想係深水埗食埋晚餐先番屋企啦。深水埗食飯我必定會諗起一間地道的台式餐廳，之前食過覺得幾好食！紅燒牛肉麵非常地道台灣味！本身搭配的係粗扁麵，下單的時候可以選擇轉幼麵。麵底份量幾多，裡面的牛肉煲到好腍好嫩，一咬即跟紋理分離。湯底好入味，唔鹹，有牛骨鮮味，成碗都被我飲曬。奶茶就普普通通，冇咩特別，奶味較濃。這間台灣小店的確唔錯，食品味道幾好，價錢屬於平民化，CP值好高！依家無辦法去台灣旅行，掛住台灣味道既，不妨可以黎台食館試吓！…Read More