or#Tm65648572's Profile

老闆既回應絕對deserve一個劣評! lunch 同同伴一人叫左碗牛腹肉河加杯凍/熱咖啡, 熱咖啡係ok 既, 但d 牛腹係"完完全全" 一片都咬唔開既! 我地食完, 只想老闆知道希望佢地將來有改善, 但當話佢知牛肉咬唔開一片都食唔到時, 老闆: 牛腹? 我:係, 只想話聲你知. 老闆:唔好意思....跟住黑面行開. 以為佢會入廚房了解下, 結果只係行左去執枱. 香港餐廳唔好再賴香港經濟差或者個個北上消費(利申我無)令到你地執笠! 係你地d 野好難食啊!…Read More

本來想係套餐，晚餐有個二人前嘅美人鍋餐，諗諗吓好似散叫抵啲最後就散叫。叫咗一個美人鍋半份，追加左一份和牛一個烏冬同一個飯，一個海老卷，跟住叫咗個粟米塔同芝士白汁焗菜。個雞湯底真係好好味不過只有菜係冇肉既，追加嘅話一般般冇乜牛味$280唔算抵。粟米塔嚟到我哋嚇親因為有個雪糕係面以為甜品，最後有店員跟你詳細解釋味道呢系咸嘅，試咗都覺得好得意，不過好漏兩個人食唔晒。米卷好味，焗菜都好味好濃芝士味但係又唔漏，係細碟咗啲。…Read More

大圍打邊爐，都屬於多選擇。本身同幾個女仔諗住去616牛肉火鍋，點不知又冇得book位焗住7:00去walk in但係都起碼要等幾張枱，最後女友人話不如去第二間就揀咗依間啊。閒日晚飯時間都算爆，我地坐咗上2樓，d位都算OK闊唔會話好迫好窄感覺良好。我哋叫咗鴛鴦鍋一邊麻辣一邊冬瓜，老實講好普通。我哋都係嗌啲一般嘅打邊爐食物，我哋叫咗一碟本地牛肩肉，唔係好肥但係都唔算特別好味，總結係一間好普通嘅打邊爐鴨血亦都唔係特別好食買單大概$380到一個人。…Read More

兩個女仔想坐低飲杯野，即刻就諗起之前一直勁多人等位嘅屋子空間。可能最近社會運動嘅關係，冇人排隊入邊都冇坐滿人，做大把位。其實入邊都算幾舒服，鍾意坐室外或者食煙嘅人佢又有露台，呢個設計幾好。我哋兩個一人叫咗一杯嘢飲，一杯岩鹽焦糖牛奶，一杯士多啤梨拿鐵。朋友個杯一般般，我個杯士多啤梨拿鐵真係非常非常非常奇怪哈哈哈😄佢又唔係好龍咖啡嘅味，有少少好似就咁飲緊牛奶嘅感覺有少少澀澀哋，再加有浸士多啤梨味，我本人就唔算好鍾意，不過如果鍾意奇怪味道嘅朋友可能就會覺得好新奇。…Read More

一次同屋企人嘅聚會，八個大人兩個小朋友當然希望搵一間可以有房嘅地方。其中一個小朋友好鍾意食和民，於是我哋就揀咗太子一間和民貪佢有間房可以夠我哋咁多人坐。其實呢間太子嘅和民我都曾經幫襯過好多次，印象中食物都係OK嘅。今次去到第一下就已經扣分啦，間房超熱，唔知係冷氣壞咗定係冇冷氣定係有冷氣都咁熱。不過佢嘅員工都算係幫到啲手，俾咗一啲小風扇我哋，但係吹左唔夠1分鐘就冇電。我哋都係照平常咁樣叫Pizza、和民沙律、韓式石頭飯、鯖魚、壽司同刺身等等十幾廿樣野。今次食覺得食物嘅味道好似唔及其他嘅和民分店，呢次之後我就再冇幫襯過。…Read More

上星期同幾個女仔朋友食飯，Girls talk梗係要搵個可以慢慢傾嘅地方，打邊爐就最啱。朋友提議不如試吓呢間佢話有friend食過都OK，上到去覺得熟口熟面，硬係覺得自己好似有嚟過咁🤔🤔🤔，坐低見到啲餐具，餐廳嘅裝修，再望吓周圍中式嘅餐枱擺設等等，我終於記得啦。依家就係好一段時間之前一次朋友生日，食完之後朋友嘅評語係好貴好普通中伏食唔飽以後唔想再嚟果間邊爐。我印象中呢又唔係真係好差，不過今次食多一次，牛肉好細碟好貴但係又唔係真係好食得好緊要，湯底一般，亦冇乜特色嘅嘢食係佢哋自己主打，總括今次（唔小心）再次幫襯，係冇可以再加返分㗎。…Read More

香港女仔應該好多都鍾意食米線，我當然係其中一個。本身唔係好明點解咁多譚仔fans，但因為今日真係揀唔到食乜經過就衝左入去叫咗碗雞肉炸醬過橋米線，揀咗湖南酸辣唔係好辣竟然唔錯幾夠酸，佢炸醬好好味，食完會想返轉頭嘅感覺。…Read More

一個星期六嘅下午，喺大圍站周圍行來行去唔知食乜好，行到油站附近，老公話不如試吓依間Cafe啦。喺外面睇幾靚，好簡約好日式細細間咁，可能係假期啦都要等一陣先至有位，如果大啲就好囉因為入到去好少位，選擇亦不算多。我哋一人要咗個set，黎到真係有少少有驚喜，好精緻啊，每樣少少味道好好，杯咖啡都好唔錯。如果可以唔使排咁耐隊，我應該會個個月來一次。…Read More