sharontse's Profile

經KKDay預約，去到職員淨對左電話，唔似展覽咁要對身分證喎？🤔入場前要揀定食咩飲咩，要買紀念品亦要同時揀埋，俾左錢先會安排入座，唔可以自己揀位、亦唔可以調位，雖然有啲嚴謹，但都明白咁樣運作會流暢啲既～座位上已經備好一套筷子、紙圍裙、紙巾，全部都有Chiikawa logo，粉絲必收❣️入座後好快會先送上飲品，而隨每支飲品會送1張隨機紀念卡雖然話係隨機，但並非密封，唔明白隨機嘅定義係??🤔作為郎拉麵派系，店員會問你需唔需要加豚脂、蒜同芽菜，亦會溫馨提示本身3樣都有齊本人唔好太濃味，所以淨係加左芽菜～最提供到情緒價值個位就係上拉麵嘅時候，店員會問你「邊位係Chiikawa / Hachiware / Usagi?」然後你就可以盡情拋開羞恥心咁答「呢度」作為家長係開心嘅😆可能之前睇左網上嘅分享，做哂心理建設，湯底味道都唔算差丫份量真係好足，成碗都係滿滿嘅麵，女仔唔想浪費食物真係嗌mini都好飽最差係塊叉燒，厚身得黎又冇煮淋，亦冇味道，個人覺得佢可能俾隻蛋好過總括而言對粉絲黎講都係開心嘅體驗，值得一試既！👍🏼…Read More

平日Lunchtime黎到，因為佢舖位比較細，都要等差不多15分鐘先可以入座一坐低就feel到涼浸浸嘅冷氣，炎夏嚟講係舒服嘅👍🏼叫咗酸辣金湯小窩米線，Lunchtime可以加$10配小食(雲耳)同埋罐裝飲品上菜都算快，而且可能鐵鍋配籐籃嘅方式，溫度係keep到好熱嘅👍🏼湯底就酸味為主，欠缺左啲層次感亦完全唔辣比較欣賞佢米線煮得好煙韌、好有口感👍🏼但佢整體份量唔算多，配菜都係每款2塊咁食完成碗大概得8成飽🤌🏼可能下次有機會再食話就要考慮加米線了 (米線可免費添加)…Read More

呢間聽講之前都係人龍店, Weekend去都預左排隊要排隊點知過左lunch time去既時候原來又完全唔需要排隊喎～一坐低店員就通知鴨肉拉麵賣哂, 都有小小失望冇計啦每日限定得10碗真係堅少, 要好有誠意一大早去先食到😅叫左原味濃拉麵同埋烏賊濃味拉麵拉麵冇得揀軟硬度, 對於個人黎講就偏硬左少少🤌🏼最好食係塊慢煮叉燒, 口感軟淋, 如果火炙一下再上碗就更完美喇!可惜佢成碗得2塊, 而且亦比較細塊....(大概係一張信用卡既size)筍亦係得2塊, 而且其中一塊有渣🫣要扣分蛋就不吝嗇俾原隻既, 不過個人就偏好流心蛋多過糖心蛋湯底黎講2款都偏咸....其實濃湯唔等於重咸吧??…Read More

葵廣掃街天堂，差唔多每次去都會有新野開，今次就試下香蕉煎餅🍌揀左榛子香蕉口味～$38真係唔算平，一定冇得同泰國夜市啲物價比較嫁喇🤑不過佢係即叫即整既，而且亦算整得快，基本上比完錢係附近行個圈返去佢已經整好～ 熱辣辣有脆口既感覺，醬亦比得幾重手，所以整體係好食既，可以過下口癮😋…Read More

期待已久，終於有機會一試灣仔名物！😸平日夜晚大概7點半左右，目測都全場8、9成滿座，搭枱就梗嫁啦～介意者就自己考慮番喇～落完單大概5分鐘左右就好快就上菜，效率極高！而且職員好細心，會比埋即棄手套你～烤雞熱辣辣絕無揸流攤，皮脆肉嫩，一啲鞋口既感覺都冇，而且亦好入味，真係食到lam lam脷😋難怪佢可以逆市開分店啦👍🏼相對黎講，一口西多就普通左啲喇，唔係唔好食既，但就係一個好老實既一口西多咁😆…Read More

Weekend午餐時段黎食，以為要排隊啦…點知又唔洗喎…可能市道真係麻麻？(但點解唔見啲野減價？）Anyway, 講番拉麵🤷🏻叫左蟹湯拉麵，一上黎見到明顯有球蟹肉既…但都明顯係罐頭貨，望落就唔多吸引嫁啦，但考慮番價錢，百零蚊比罐頭貨都冇得投訴嫁喇，況且份量比得唔少既，撈入湯之後，食每啖麵都有痴到啲蟹肉碎，有番少少feel既～湯底就普普，有微微既蟹味，不過唔明顯，亦唔鮮。叉燒就慢煮個種，淋身既，但觀感同味道都欠奉，所以只有助你飽肚既作用，冇乜feel🤷🏻又話一秒穿越日本？未完：話說食完去個廁所啦，一推門就迷你小園林，個廁所仲好寬敞有冷氣有電視巨誇張，仲舒適過餐廳裡面，鬧市餐廳有個咁既廁所，值得一讚👍🏼…Read More

自問係拉麵控既我，有新野梗係試試佢啦！Lunch time12:30左右到，要排隊都預左嫁喇，不過食拉麵都快既，大概等左10分鐘左右就入得。入到去就禁機買飛先，職員會提供協助既👍🏼入正題：🐮慢煮牛鋪滿碗邊，見到都開心啦，食落係軟滑既👍🏼🐷有2件腩肉以為係陪襯品本身都冇放在眼內，點知又淋又入味，非常驚喜！🍜湯底係真係做到特濃呢2個字，拉麵就正常發揮啦，但食到一半左右，發現個湯開始變「結」身左，唔鐘意食太「漏」既人可以要留意番～坐我對面2個女仔都食剩一半就走左🤷🏻(本人係食哂既😋)總結：推介比鍾意濃湯既朋友～不過小貴🤑…Read More