Be.c's Profile

南小館我有食過其他分店，感覺都好好。今次食青衣城分店，真是嬲住食。一入門時，員工叫我攞籌態度已經無禮貌，入到餐廳問員工問題無回應，食了全程無加茶。雖然食物質素一般，但心情都好影響食慾，下次唔會再食。…Read More

今日很想食辣米線呢！睇睇餐牌~竟然有汽鍋雞湯飲 因近日多了出街食飯，所以少飲湯水，試下潤潤喉先。我：金針雲耳冬菇汽鍋雞 ＋ 麻辣米線配豬耳和韮菜餃朋友：田七汽鍋雞 金針雲耳冬菇汽鍋雞－鍋內塞滿了湯料，雞肉煲到好腍喔，熱騰騰的湯，岩曬秋風開始的時間飲，好飲喔！田七汽鍋雞－同樣足料，雞的精華出曬黎，田七甘甘地，令湯味好甘甜麻辣米線－麻辣的湯好夠辣呀。驚喜的是米線好爽滑，食到尾都唔會好腍，我個人幾喜歡這麵質；豬耳爽，韮菜餃細細粒。一碗麵的份量好足喔！汽鍋雞和米線實在好足料，食完好滿足…Read More

在石屎森林，卻有盞暗暗的黃燈，照射著冷冷的水泥牆，來到了這間海老名沾麵店。坐下了圍繞廚師的長桌，我點了蝦汁蕃茄沾蝦汁蕃茄沾麵 － 香濃的蕃茄湯，帶有蝦的味，麵和湯是分開上的，不怕麵被浸軟。吃完麵後，不禁把餘下的湯飲完。若怕把剩下湯淨飲時味太濃，可叫待應加清湯的。同時淺嚐了朋友的蝦汁味噌湯，由於味噌吧，所以偏鹹呢。因為一份沾麵的量不算多，所以朋友食完後，要加麵才有飽感。…Read More

我喜歡搵有蠔食的自助餐！這裏是半自助餐形式，竟然有6款生蠔，兩款美國，兩款澳洲和兩款法國 (不過蠔的名稱就唔記得了)，即叫即開。我雖然喜歡食蠔，但對蠔的研究卻一點都沒有。6款蠔之中，我個人最喜歡美國的兩款蠔，因為好鮮甜。之後法國，都甜的但與美國的甜味不同而且帶點海水味。最後是澳洲，因為較細和好重海水的咸味。主菜選擇每個月會不同。我叫了黑松露醬炒象拔蚌及鮮百合－ 黑松露的味較淡，象拔蚌爽口但好少，清清的蘆筍和百合。我朋友叫了烤波士頓龍蝦，好大隻和吸引呀！其他食物方面，基本的沙律吧、新鮮刺身、有自選配料即時煮的粥，湯和麵。有螺頭燉湯，這個好好味。多款的甜品和有H字頭的雪糕選擇。…Read More

星期六的下午，朋友帶我黎食午餐。午餐：(我)錦繡刺身配讚岐冷烏冬，(朋友)錦繡刺身丼我們叫的都是午市套餐，有湯，沙律或灸三文魚壽司，主菜和茶水一杯，幾抵食呀！最重要無收加一囉。(我) 錦繡刺身配讚岐冷烏冬- 刺身厚度適中而且新鮮，冷烏冬煙韌的，不過冷麵汁我覺得較淡，所以加了七味粉來吃。因為我們差不多午休前到，見到侍應都開始休息，但都沒有趕我們走呢！…Read More

雖然要入到赤鱲角飲茶真是很遠，但一入到萬豪的中菜廳，環境真是好舒服，可以望住個海亦可以看飛機往返悠閒地享受一個下午。飲茶餐單：叉燒，鵝肝粒炒飯，蝦餃和醉酒雞....叉燒－叉燒一上枱已好精美，中間放了熱的石用作淋汁時保持溫度。叉燒燒得好平衡，外面被蜜汁包住，肉質腍而不肥，肉吸收了剛淋上的汁，食唔停口。鵝肝粒炒飯－炒飯好香，欣賞的是鵝肝不是撈埋飯一起炒，令飯不會沾上鵝肝的油而令飯變膩。鵝肝粒的皮炒得好金香，鵝肝油而不膩，配上炒飯很夾。另外，枱上有XO醬，送飯食。蝦餃 － 飲茶不能缺少的點心，餃皮薄，蝦爽甜。醉酒雞 － 雞肉好滑，淡淡的酒味。赤鱲角雖然很遠，記住東涌有酒店免費接駁巴士呀！…Read More

平日好少會行到長沙灣搵食，但今次行行下太肚餓關係，見到「泰」就即刻入去食。因為晚飯時間，所以都幾滿，幸好店員爽快的安排下，即刻有位坐。 今次我的晚飯餐單是：青木瓜沙律，蟹肉炒飯，海鮮東蔭公湯和馬拉盞炒通菜。青木瓜沙律－好足料，我第一次食有生豆角的青木瓜沙律，沙律汁調得好好，酸味味少少辣，開胃。 蟹肉炒飯－蟹肉足夠，不太油膩，飯炒得都夠乾身。海鮮東蔭公湯－亦好足料，蝦，魷魚，蘑菇，蕃茄，不過湯偏咸，到最尾咸到飲剩約一碗。馬拉盞炒通菜－味道夠的，不過當日通菜唔夠嫩。 …Read More

裝修後第一次來食，裝修後坐得舒服很多；同樣，食物都好滿意。 原本一心諗住食放題會勁食刺身，但今次反而食熟食食物較多。其中有2樣食物我好鍾意，好正 第1是－燒香草羊鞍。羊肉夠香、夠腍、肉味齒頰留香，而且每塊份量岩岩好，細細塊，唔怕食左就飽，食放題最重要是個肚有空間食多幾款不同食物嘛。 第2是－沖繩黑糖網燒牛仔肉，呢個一食真係叮 一聲，生生地的牛好腍，燒汁淡淡的唔會蓋過牛肉的肉汁。好味呀！ 其餘食物都有基本應有質素，刺身夠新鮮，蝦刺身好甜美，炒蝦夠辣，牛舌爽......另外就有兩樣食物可以最後或唔夠飽又唔知食咩時食嘅。第一是鴛鴦肚，無咩味。第二是燒雞翼，乾左D。最尾甜品是MILK TOP雪糕杯和軟雪糕。綠茶軟雪糕和MILK TOP朱古力味是我推介之選！ …Read More

之前經過MANA門時，被店舖設計的吸引已經很想試，但由於好多人而放棄了！今次好好彩，一入到舖剛好有座位。 Menu好簡單，但全英文架！唔識？唔使驚，因為大部份都可以係廚櫃睇到，所以望住叫就得。 我叫了的食物：Flatbread(full) 加 SoupFlatbread - 我選了4種toppings: Rocket (火箭菜) , Portobello mushrooms (波托貝洛蘑菇), Hummus (鷹嘴豆泥) and Soft boiled egg (雞蛋)雖然4種材料被烤餅皮完完全全滿滿地包在一起，但吃時卻能清晰地分別各材料的味道。在我選的材料中最喜歡就是－蘑菇，好香呀。 因為和朋友2個人share吃，叫了個Full size，由於材料好豐富，所以吃完這個卷已經好飽了。Soup：湯是沒有選擇的，是餐廳指定的是日靚湯。當日應該是鷹嘴豆蓉湯吧！這個湯好飲，味道清清的，但好稠和整碗都是豆蓉。我建議進食時可加杯飲品，可能我選的食物不算多汁，食完好想飲杯果汁呀。…Read More

第一次食School food是又一城店，知道荃灣開了分店，好方便呢！我和2位朋友閑日大約晚上8點到，不需要等候便可入座。今次叫了烏卒卒，廚師卡幫尼年糕，韓絲熱捧鐵鍋飯和飲品草莓艾菲。烏卒卒紫菜包墨魚包墨魚汁飯，墨魚的醬汁好好味 ，一碟有14舊，每舊一口剛剛好。廚師卡幫尼年糕材料有年糕，煙肉，蘑菇和粉絲，個汁好Juicy，主角年糕與汁是配合的，但就硬了點未夠煙韌，意想不到最好味是配角粉絲，把汁完全吸收，滿足。 韓絲熱捧鐵鍋飯 － 普通的韓式鐵鍋飯，飯面有隻煎蛋，整個飯混合了泡菜小粒，令每口飯都有淡淡的泡菜味。草莓艾菲(飲品) － 雖然有草莓果肉，但不是純草莓汁呢。店舖環境不算擠迫，待應服務態度友善的。菜式名字和menu的圖畫都幾得意，開心又一餐！…Read More

碗 仔 翅！我至愛的街頭小食 食過不同地方的碗仔翅，「大家姐」是好食店之一。店舖以香港懷舊feel為設計元素，室內大約有十幾個坐位以供堂食。食街頭小食有冷氣，夏日炎炎，正呀！大碗金牌碗仔翅：堅料有肉絲，冬菇絲，木耳絲，啖啖有料；湯的稠度適中，色夠，食到尾都唔會變稀。 食碗仔翅加配料好重要，麻油，紅醋，有辣和唔的菜脯，放在枱面自已鍾意落幾多就幾多。提一提是辣菜脯好好味 但極辣，最好幾粒幾粒試試辣度先，我見有食客被辣到嗆喉 喔～…Read More