kelvinchaaaan的個人專頁

<Cats’ Eye>-講起cats eye 就諗起Tsubasa入面小櫻佢地開果間cafe呢度之所以叫Cats’ Eye 係因為佢哋既蛋包飯兩邊有汁有上面望落去就好似一隻眼咁樣 不過眼白同瞳孔嘅顏色掉轉 我就覺得麻麻地似喇平日午餐時間要等位 大約半個鐘內就入座—————————————————————-『咖喱豬肉＋和牛漢堡蛋包飯』🍛 - $95-蛋包飯配咖喱可以話係一個Perfect match但今次會和牛漢堡同牛肉汁原來都十分之夾漢堡上面嘅醬汁有好香濃嘅牛味 唔會過鹹至於漢堡就鬆軟juicy 完全唔會覺得有筋或者韌咖喱都係日式甜咖哩 材料有洋蔥 豬肉 同紅蘿蔔🥕 正如頭先講蛋包飯同咖喱 is always a match 只不過比起牛肉嘅醬汁就失色左少少 另外咖喱嘅豬肉偏碎 冇乜特別 甚至可以話食唔係好到蛋既部分 食落夠滑 仲有少少半生既蛋漿 不過偏淡但配埋醬汁食味道就啱啱好 唔會太鹹不過感覺上蛋用得比較少 個蛋包薄咗啲 🙈整體來講都係一個好食嘅蛋包飯 不過值唔值$95就見仁見智喇-📍貓之眼 (灣仔)灣仔汕頭街25號地舖-—————————————————————P.S. 鋪頭唔算好大 想食趁第一輪可能會好啲#foodbeggar #hkfood #food #omelette #omeletterice #egg #burger #wagyu #curry #wanchai #begginginwc #beggingin灣仔 #beggininhk …查看更多

<Coyote Bar & Grill>-呢度嘅lunch buffet其實已經唔係第一次食今次友人食過返尋味 話想再嚟食 於是果斷三人成行大約12點4左右到場 已經坐咗三分之二嘅客人食嘢既途中都見到 有人嚟到要再等位 貌似係冇得book—————————————————————-『皇牌墨西哥自助午餐 signature buffet lunch』🌮 - $128-食物款式話多唔多話少唔少 對我來講variety係夠既有湯 有burritos 有蒜蓉包 burritos可以自己卷亦都有卷好左切開一件一件 方便夾上碟海鮮有一大盤蝦都有keep 住refill 算幾鮮甜另外有個蒜蓉蕃茄醬 都幾好味 蒜味好重帶啲甜 唔係好酸 🍅Salad有幾款可以揀 今日有薯仔沙律 Caesar salad 同普通沙律菜唯一要彈下嘅就係Caesar salad一早已經撈好左到想食既時侯已經出左水 唔係好夾得落手話明係Mexican Buffet個重點梗係食nachos 🤟🏻🤟🏻有好幾款配料可以任加 堆到一座山咁都仲得有Guacamole/ salsa/ sour cream/ cheese / olives/ pickles值得一講係佢地另外有個cheese dip 辣辣地配nachos都好夾墨西哥野既既signature 又點少得tacos 🌮Buffet 枱有taco shell 可以自己砌 砌左兩個一個落guac一個落bbq shredded pork jengz熱盤都有7-8種選擇 refill 都做得幾好 唔會話有野冇哂甜品就得brownies 同生果 不過都飽到食唔落了😵-📍 Coyote Bar & Grill (灣仔)灣仔駱克道114-120號嘉洛商業大廈-—————————————————————P.S. 啲位其實有少少迫 出入有機會會掂到隔離枱#foodbeggar #hkfood #food #mexican #buffet #hk #guacamole #tacos #nachos #burritos #wanchai #begginginwc #beggingin灣仔 #begginginhk…查看更多

<真滋味>-係隔離街食完晚飯 友人突然話有好介紹就係呢間喺電車總站附近嘅舖頭舖外寫明 烤雞髀要15分鐘烤製 要排隊前或提早打電話訂今次只係行過咁岩友人介紹 明顯就係冇訂但咁岩一叫就有 好彩唔使等太耐—————————————————————-『馳名烤雞脾』🍗 - $30-所謂色香味俱全 呢隻烤脾可以話係香味都殺死人聞落好強燒烤同煙燻既香味 🤤店員會先落少少椒鹽 加埋少少辣粉 不得了食燒雞最緊要都係塊雞皮 慢慢燒 燒走晒啲油份咁樣燒雞皮係零舍香脆 可惜比我整爛左少少咬落去 肉質雖然不是嫩滑juicy 但亦唔鞋反而可以一梳一梳齒開啲肉 唔會話食得好狼狽唯一就係$30食隻雞脾都真係奢侈左少少🤦🏻‍♂️-真滋味美食 (西環)西環卑路乍街163號地下-—————————————————————P.S. 唔駛等好似係因為佢俾咗人哋留起嗰隻比我 🤷🏻‍♂️#foodbeggar #hkfood #food #chickenthigh #chickenleg #grilledchicken #kennedytown #begginginkennedytown #beggingin堅尼地城 #begginginhk…查看更多

<手作功夫茶>-接觸呢間野 要由花蓮乞衣之旅講起係一個一班人飲去每間野每次都只會叫一杯野既故仔然後成個trip 有9成時間係飲緊黑糖珍珠鮮奶當中我的心水舖頭就係手作功夫茶了咁岩經過就梗係要試試佢啦😏—————————————————————-『黑糖波霸鮮奶』🥛 - $30-咁岩係慈雲山放學時間經過 要等十張柯打左右不過其實都冇咩好講 同我飲過果間係無可比性然後同圓圓 同銅鑼灣老虎堂都係冇野可以比較🤷🏻‍♂️先講賣相 啲糖漿掛杯都做得不錯 起碼不樣衰其實主要都係追求啲珍珠煮成點 不過 啲珍珠 係硬到 比我條命更硬🤦🏻‍♂️ 我懷疑係未熟講緊果陣時仲未搖勻杯野 啲珍珠同黑糖係仲熱的時候咁攪勻之後就更加唔洗講啦 啲珍珠凍左本身都冇人要追求佢煙韌啦甜度還好 不過都冇乜留意 食到粒珍珠已經冇野想講可能因為我好衰唔衰放學時間先經過啦 咁岩啲熟既珍珠冇哂點都好我都不會再買~-📍 手作功夫茶 (慈雲山)慈雲山毓華街23號慈雲山中心1樓104A號舖-—————————————————————P.S. 空歡喜一場 #foodbeggar #hkfood #food #boba #blacksugar #blacksugarmilk #pearl #tws #beggingintws #beggingin慈雲山 #begginginhk…查看更多

<Genki Sushi>-本身真係冇諗住寫元氣壽司 成日食 食到都冇乜感覺咁啱食lunch見到 “呑拿魚餐目大比拼”個promotion Menu見佢呢個避風塘呑拿魚壽司 claims itself to be全球冠軍🏆又話自己係香港代表乜乜乜 即管試一試佢—————————————————————-『避風塘呑拿魚壽司』🍣 - $12-賣相係幾靚 一片四邊燒過既呑拿魚上面有蔥花 炸蒜粒 炸蔥頭 仲有少少紅色嘅脆脆不過唔知係上碟定傳菜嘅問題 部份配料左落隻碟不過其實都無可避免 🙈味道方面 可能我真係比較傳統 唔係幾接受到呢種壽司本身以為同脆蒜油甘魚咁上下 識落先知原來差天共地成件壽司既味道 都被上面配料蓋過就連味道咁強嘅吞拿魚 都只係入口第一啖略略食得出之後除咗辣味就係蒜味 除咗蒜味就係辣味真心覺得可以話係晒咗件壽司🤦🏻‍♂️—————————————————————P.S. 元氣忠實擁躉都頂唔順🤷🏻‍♂️#foodbeggar #hkfood #food #sushi #tuna #tunasushi #garlic #admiralty #begginginadmiralty #beggingin金鐘 #begginginhk…查看更多

<どストライク軒 Strike Noodles>-最近成日都係IG見到呢間strike noodle咁岩友人約晚飯食拉麵 一於捉埋佢黎同我試下呢間開業一個月左右既過江龍鋪頭嗰個位有少少難去 我就揀咗喺佐敦站出發店內相當光猛 星期四晚七點九仲有好多空位—————————————————————-『白湯蜆松露鹽味拉麵』🐓 - $98-碗麵配料擺碟幾好 相機食先完全冇難度先講拉麵比較少見既蜆 呢度用既係沙白 食落冇沙唔會煮到過熟 ok嫩 但係就得三隻 仲要有隻離左殼 個function 都係要靚多過食 🙈有三舊雞肉 外表睇落似慢煮 其食落其實有啲鞋 不過雞味十足 溏心蛋效果好靚漏油 比較特別既係佢比兩邊 出面就多數得半隻湯底先係呢到最大驚喜 雖然係雞湯 但湯底濃厚 飲落唔油 而且鮮甜 應該有好多蔬菜一齊煲成配埋少少松露油既淡雅清香 更加提升左個味道 唔似登龍街某間清湯配松露醬 食落完全唔知做緊咩咁值得一提既係麵上面既紅洋蔥同炸蒜 一開始其實唔係食得好到但隨著湯慢慢變少 紅洋蔥味道慢慢滲出又會多一個層次❤️麵既份量都ok多 不過掛住影相搞到索左湯 腍左啲同唔太夠湯-『白湯野菜醬油拉麵』🍜 - $88-友人就叫左呢個野菜醬油拉麵 出於好奇都試左一兩啖 湯底比頭先鹽味個更濃 醬油味又係另一種感覺 相比松露既淡雅呢個湯既味道更complex 私心其實中意呢個湯多啲😍叉燒係一塊長身偏瘦既肉 味道可以啦不過冇燒過 而且太瘦 冇咩好講-『Strike Noodles炸雞』🍗 - $48-一碗拉麵加$45就可以配炸雞同飲品炸雞有四舊 約半隻手掌大 上碟時配 檸檬 黑椒鹽 蛋黃醬講返舊雞 雞肉預先用黑椒醃過 相當入味不過如果怕黑椒陣味嘅朋友就應該頂唔順食落尚算有汁 唔會太鞋 不過就略嫌炸粉硬左少少唔算係鬆脆嘅炸雞 不過都唔失色—————————————————————P.S. 真心為左碗湯會再回頭再黎食過😋#foodbeggar #hkfood #food #ramen #clam #chickenstockramen #strikenoodles #japan #tst #beggingintst #beggingin尖沙咀 #begginginhk…查看更多

<横綱>-呢間拉麵好似已經開左好多年兩年前左右同友人食過 當時印象幾好但記得晚市要排好耐隊 午餐見唔使排隊就即管再試一試舖頭唔大 一個人被安排坐吧枱反而唔會要搭枱但咁岩坐正廚房出入口側邊 食嘅過程一路都有店員係側邊傳菜其實都預左 不過廚房入面同出面既店好似好fd 成日都要傾計 加上座位後面就係通道 係有少少disturbing 🤷🏻‍♂️—————————————————————-『魚豚骨拉麵』🍜 - $85-拉麵配料有厚叉燒 木耳絲 溏心蛋 筍 同紫菜先講下湯既部份 魚豚骨姐係豚骨魚介湯底應該集兩家之大成 有豬骨湯既濃厚同魚既鮮甜 不過呢度既湯底 全部都係用清湯稀釋出黎雖然拉麵湯既風味係調味油同醬料既功勞但呢度既豚骨湯係用濃縮醬料開水 完全冇濃稠既感覺 味道同湯既濃度完全唔成比例🤷🏻‍♂️魚介既部份 其實鰹魚既味道好出 應該同佢另外加係紫菜上面既魚介粉有關不過魚味太強 反而食唔出豬既味道食落只可以話成個湯都好唔協調 而且好鹹😵呢度既麵偏粗身 但不是曲麵不過個人就比較鍾意再幼身啲同偏硬嘅麵另外呢度既麵蛋味好重 甚至可以話重過湯嘅豬骨味叉燒係上枱之前用火槍燒過 但只係得一邊有脂肪同瘦肉嘅比例幾好 但係啲肉太鬆散 還可以啦溏心蛋幾入味 但係就比較熟左啲 都係咁上下整體黎講85蚊要我食佢就真係不了 叫做好過香港拉麵既—————————————————————P.S. 日本拉麵黎計 真心大把選擇 尤其是依家多左咁多日本黎既舖頭😋#foodbeggar #hkfood #food #ramen #japan #yaumatei #begginginymt #beggingin油麻地…查看更多

<Goobne Chicken>-Goobne Chicken係第我第一間食既韓式炸/烤雞中間都一路有食其他舖頭既雞 但一直都覺得Goobne係冇輸過呢到同其他韓式炸雞舖頭唔同啲雞全部都係用烤焗既方式食落別有一番滋味今次友人咁岩諗起佢 又適逢佢生日順理成章就試試中環分店出品如何 順便慶一慶友人—————————————————————-『蜜糖咖哩烤雞』🐓 - $215-蜜糖咖哩烤雞一路都係我既all time favourite 第一件事 烤雞上面有蜜糖已經係跑贏左大市咖哩既部分唔會好強 完全唔會辣 但係又食到香料既味道鹹甜鹹甜既味道更加突顯層次 雖然友人覺得甜左啲雞既部分 同其他分店一樣 就算係焗出黎既雞都做到啲雞皮係香脆應該話用焗既方法 反而令雞皮冇咁油 食落係啲皮薄左更突顯佢既脆口-『果味蒜香烤雞+甜辣烤雞』🍗 - $238-有幾款兩種雞拼埋一齊嘅選擇今次揀咗餐牌推介嘅果味蒜香烤雞 另外一款友人就揀左甜辣烤雞先講蒜香雞 友人覺得係三種雞入邊最好食果一種我就覺得佢同蜜糖咖喱不相伯仲蒜味好出 但又唔會過份 唔會一食完覺得超級口臭另外應該係醃料唔同 蒜香雞明顯比其他兩款juicyyy至於甜辣雞 其實我真係望唔透一講甜辣雞 其實應該都諗起韓式辣醬果隻味但呢度明顯唔係 食落去有種生果嘅味道講真其實如果你問我 我會答你似酸甜雞多過甜辣雞我諗大家黎到淨係試佢嘅best seller就OK—————————————————————P.S. 新出果隻就咁蜜糖好似賣相都不錯 下次試試 另外三重芝士果款 千祈唔好試…查看更多

<第一腸粉>-本來想食打冷 但諗諗下得兩個人都係下次先再去附近周圍都冇咩特別 見到呢間寫住第一腸粉咁沙塵出邊又話攞過米芝蓮 咁就一於試試佢反正其實都係陪友人食 諗住試少少就算—————————————————————-『薑汁豬膶拉腸』🐽 - $26-呢到腸粉既選擇不是太多不過既然見到豬潤腸咁就梗係柯打先講腸粉本身 蒸出黎既質地係軟滑既夾即時候仲有少少黏住筷子🤟🏻不過腸粉唔算太薄 食落米香都唔是太出跟住就係豉油 有煮過帶甜味既豉油不會太鹹 仲帶油香 同腸粉幾夾豬潤既部份 唔會好強肉臟既味道切得比較薄 可能係就翻蒸腸粉既時間但食落係爽脆既 只係份量方面就略嫌少左啲如果成條都有豬潤就好了😢-『招牌第一拉腸』🥢 - $26-入面包住菜脯同肉燥 出面比較少見其實呢兩樣野本身好似唔特別夾但腸粉入面有啲咬落爽脆既野都幾得意至於味道就真係麻麻 兩種料味道都比較重食落連豉油真心鹹左少少唔知係咪因為要就番啲餡 呢條腸粉比豬潤腸厚不過我諗都係唔關事 應該純粹係多咗米漿🤷🏻‍♂️-『蒜香排骨蒸飯』🍚 - $28-廿八蚊食個咁既盅頭飯 我都冇咩想講蒜頭味幾都出既 排骨算半肥瘦不算太乾水不過就比較淡 叫店員比碟豉油被反問唔夠鹹咩真係呆左是但啦 都係食腸粉唔飽 先會叫呢樣野—————————————————————P.S. 如果個世界只係得一間舖賣腸粉 咁佢咪係第一囉 …查看更多

<亞婆豆腐花>-係大埔食晚飯 因為early dinner既關係食完都係7點幾回程既時候碰下運氣睇下有冇豆腐花食賣哂熱既但仲有凍既 果斷同友人坐低係為數不多既位置上—————————————————————-『豆腐花』🥣 - $9-私心係自己最中意既豆腐花 豆花本身有少少糖水 唔落糖都夠味但覺得豆腐花既標準食法係要落黃糖的滑溜既豆花配翻脆脆既黃糖 雖然係會甜左啲但每次都離唔開呢個default食法作為一個洗滌心靈嘅豆腐花 佢完美咁discharge左佢既duty ❤️❤️—————————————————————P.S. 真心唔好咁遲去 有機會冇得食 wuwu…查看更多

<一鳴>-咁岩係中大完event 近近地就過黎大埔呢間拉麵本身因早兩日係IG見到 想試芫茜湯底 但諗左下都係放棄 真心未接受到住—————————————————————-『一鳴 - 豬骨濃湯拉麵』🍜 - $75-思前想後都係揀返最基本既豬骨湯底同其他拉麵店一樣 係用落單紙落單 可以個人化選擇麵條 麵質 蔥 配料 唐辛醬 都可以自己選擇今次就揀左 直麵 硬麵 多蔥 叉燒 不辣先講麵嘅部份 揀咗硬身真麵 入口係順滑既不過可能係口味既問題 友人就比較喜歡曲麵 佢話口感彈牙 但我就覺得正正常常啦😐麵既配料有叉燒 溏心蛋 木耳絲 紫菜 蔥揀叉燒既原因係 印象入面上次食豬軟骨感覺只係還好叉燒兩片有火槍燒過既痕跡 但食落去比較乾 始終厚薄問題蛋做得唔錯 做到成個黃溏心 加分✅湯既部份 同出邊食到嘅豬骨湯底味道唔同 唔算係感覺最濃郁既湯底 不過都幾香 值得一提嘅係 湯既表面冇乜油 如果口味比較清淡應該會中意但私心覺得可以再濃啲 要形容既話 有少少似菜肉雲吞肉汁的味道偏向鮮甜 另外亦唔會有漿口嘅感覺 因為湯底唔係濃稠既派系友人既黑蒜湯底固然有蒜香味 但反而蓋過原味豬骨既香味 有少少失望整體黎講都不錯 不過就唔係自己中意既口味結論就係 ⼀鳴就鳴左喇 可惜就冇驚人咁囉—————————————————————P.S. 如果再黎一定要試『香菜。鳴』試試個芫茜湯底係咩味道🍀…查看更多

<越男>-係金鐘午餐真係冇咩好選擇所以又專程走過灣仔呢邊食咁岩友人話想食Phở 行過呢間個menu都ok就入去—————————————————————-『會安生牛肉湯河』🐂 - $60-食生牛河最緊要就係個湯底如果唔係某連鎖越南湯都唔會用一個湯底的傳說做slogan呢度既清底比較清 味道唔會太strong 不過重口味的孩子就覺得所有野都放大一倍會好啲牛骨同洋蔥既味道都唔係好出至於啲粉 唔想講 總之好厚 搞到好韌牛肉都係差不多 冇咩特別成個粉唔知同會安有咩關係-『香蒜牛油雞翼』🐓 - $40/4pcs-主食加$20可以加配套餐 可以三種小食揀一種跟飲品跟餐小食比a la carte 份量少一半 得兩隻 不過一人份量ok啦然後作為一個有心愛越南餐廳而間餐廳最好食果樣野就係牛油雞翼既孩子對牛油雞翼的要求係好高的 🤔首先第一件事就係啲蒜 望落好白 都冇均勻分布係雞翼上面至於啲雞翼 炸野黎講唔熱其實已經係死罪外層偏硬 係硬脆 唔係酥脆既感覺 牛油味都有既 整體最多都只可以話還可以啦-『檸檬特飲』🍋 - $25-都不錯 但有啲細杯 飲到最後見到香茅有驚喜 🤟🏻—————————————————————P.S. 行過兩條街食翻好長龍果間啦 …查看更多

<泰廚>-經過旺角 友人選擇既泰國菜 🇹🇭利申 係清邁翻黎之後 冇覺得香港既泰國野好味舖頭有兩層 今次安排坐上層卡位同九龍城大部分既泰菜館唔同 呢到既侍應都係香港人 不過舖頭名叫泰廚 又唔係叫泰侍應 唔重要啦部分菜式有優惠 餐牌上面就寫每晚十點後都有優惠但店員就話除左泰式豬手(餐牌上星期三既優惠)冇得叫外其他優惠可任擇其一 另每滿$200可加選$1優惠計翻條數係冇收加一既 三個人total$291—————————————————————-『冬蔭大頭蝦湯 ต้มยำกุ้ง』🍲 - $75-香料落得足 香茅 檸檬葉 芫茜 都有但問題係香茅其實唔會食 飲既過程要一路隔渣先得味道方面 冬蔭其實係泰文係解酸辣湯但個湯唔夠酸 更唔好話辣不過換另外一個角度睇 都可以叫做迎合香港人口味-『泰式菠蘿炒飯 เข้าผัดสับปะรด』🍍 - $98/優惠價 $75-每次食菠蘿炒飯都諗起泰文老師話菠蘿炒飯唔係泰國野不論如何 呢樣都係九成九香港泰菜館都有既菜式材料有三色豆 提子乾 墨魚 青口 蝦 菠蘿等炒完放返係半邊菠蘿入邊 上面鋪滿肉鬆味道偏甜 另外都好重黃薑味 不過都係平時食到菠蘿炒飯既味道-『泰式生蝦 ก้งแช่น้ำปลา』🦐 - $1-食滿$200就可以加配$1生蝦 Total有四隻同其他鋪頭一樣都有配蒜片同生蝦汁蝦身唔算爽口彈牙 但都有冰底墊住 叫做有少少幫助另外揭匀個menu 都搵唔到就咁叫嘅生蝦 題外話 店員收起冰碟既時候 叫佢留低個生蝦汁 但係都仲係一手收起🤷🏻‍♂️-『豬頸肉辣椒膏炒河 ผัดคอหมูพริกเผาเส้นใหญ่』🐷 - $68-冇食過辣椒膏炒既野 所以唔知應該係咩味望落去有辣椒 食落去一啲都冇仲甜過個菠蘿炒飯 不過其實味道係幾好河粉係泰式嘅粗身河粉 同香港嘅陳村粉比較似豬頸肉都可以啦 不過就比較乾身咗啲-『串燒沙嗲(豬/雞) สะเต๊ะหมู่/ไก่』🐖🐓 - $12/串-咁多樣野入邊其實 最想食係個串燒menu入邊有『和牛串燒』就$20一串咁我呢啲food beggar就梗係揀平啲嘅豬同雞啦五樣野之中串燒做得最好 唔會燒得過分乾但亦有串燒嘅香味 仲有少少肉汁不過最大既問題係 明明話係沙嗲 但淋上面嗰個汁其實係咖喱味 食唔係好出花生味—————————————————————P.S. 食完成餐飯都唔覺得呢間野有咩泰國風味 完全唔明點解可以有成400幾個好評…查看更多

<麵の四>-友人突然講起蟹黃沾麵呢啲聽下都會流口水既野 🤤咁岩有約就果斷揀呢間舖離地鐵站5分鐘唔會難搵 大約有二十個位左右七點三四左右入座都唔洗等位—————————————————————-『蟹黃沾面』🦀 - $88-一聽個名就想食野真係唔多 但蟹膏一定係其中一樣坐低梗係二話不說落單啦 今次就咁叫基本款但拉麵料可另外加配 $16可以加兩片叉燒見隔離枱都有加 係輕輕炙燒過帶微微焦香既樣子但今次冇特別加其他配料 下次再試沾麵汁一向比拉麵湯更濃更厚 加埋蟹膏真心正個麵同其他沾麵一樣係粗身既 咁樣先容易掛湯 🍜但同其他部份舖頭唔同 沾麵冇得揀熱定凍麵上面有一撮蟹膏 係墨綠色果種 食落有少少腥係日式蟹膏 味道似之前 幾興果隻蟹膏醬 沾汁溫度ok 入面有蟹肉 筍 紫菜 蔥 同流心蛋原隻流心蛋 做到流心效果 一咬開蛋汁流晒出黎唯一可惜既係 隻蛋好巖巉 啲人成日話塊面剝殼雞蛋咁滑我就淨係希望我塊面唔好好似呢隻蛋咁就得啦(btw 溏心蛋同流心蛋 應該係兩個概念 🥚)味道方面 蟹膏味道好濃 湯底唔會過分鹹食嘅時候先將麵蘸入沾汁 配以適量蟹膏 再舀起少量湯 就係完美嘅配搭😋美中不足既係 係食既過程啲湯難免會凍左如果有熱石/爐熱住個湯就好了 ♨️整體黎講 係會回頭既沾麵🤟🏻—————————————————————P.S. 其實唔想介紹 我淨係唔想排隊 嗚嗚…查看更多

<一幻拉麵>-平時都會經過灣仔果間一幻拉麵今次事緣係早左落堂 有半價拉麵所以諗都冇諗就走過黎食用apps訂位 但閒日lunchtime客人不多食完大約點幾鐘都仲有空位 網上介紹圖片 見有窗邊海景位 雖然同友人二人卡座冇坐到窗邊但不時見到外面馬路貨車駛過 大煞風景 but anyway卡位有水龍頭可自助斟水 但冇留意其他位係咪都有—————————————————————-『蝦湯拉麵』🦐 - $88-同一般拉麵舖一樣用點菜紙落單 可以customize自己碗麵 🍜有拌麵同湯麵選擇 想食有湯既野所以揀左湯麵湯底可以揀原味/適量豚骨/濃厚豚骨另外口味方面就有醬油/鹽味/味噌我就揀左鹽味濃厚豚骨 友人就揀左鹽味適量豚骨碗麵有兩片不過不失既薄片叉燒 同半隻溏心蛋🥚蛋都係正正常常 冇話特別黏口定點但叉燒如果被火炙過應該會更香至於麵身就揀左幼麵 但就唔係直麵 係曲身果隻(利申：有得揀會揀硬既直麵)同友人既粗麵比 不是相差太遠湯底係拉麵既重點 蝦味夠濃 個湯都厚身鹽味湯底可以清楚咁試到湯嘅原味但濃厚豚骨配搭起就有少少過鹹相比之下 友人既選擇就唔會有呢個問題 亦不失風味另外餐廳亦有提供 拉麵胡椒同蒜蓉 食到後面都可以轉下口味值得一讚既係叉燒上面嘅紅薑天婦羅 唔會太strong 但係有畫龍點睛嘅效果 🐲我覺得如果用黎整飯素 都應該會幾好味—————————————————————P.S. 臨走既時候見到煙花拉麵套餐既poster 唔知年初一食拉麵睇煙花感覺係點既呢🎆…查看更多