GW2412's Profile

原本好興奮，因為多咗間新cafe，去試一下佢個強調即叫即整嘅漢堡餐，我叫咗雞扒漢堡餐。。。個雞扒超多筋，又冇味，而個薯條又油又冧，食咗兩條已經頂唔順。個餐跟汽水，但只限Coke 或Coke Zero，咁我叫咗Coke zero，點知到攞餐，都可以比錯Coke我。我家姐單叫一個漢堡包+咖啡，而佢地亦忘記沖杯咖啡比佢。。。大佬呀！間野嗰時得兩個客，都可以咁樣出錯？！基於又難食，又差服務，又貴。。。我睇唔到有乜理由再去食囉。。。…Read More

做咗幾廿年人都從來唔會飲湯底，尋晚竟然飲咗，仲要係飲到停不了！！同老公好耐冇去銅鑼灣，所以又去睇下希雲街有乜新店，見到依間牛肉麵店，所以去試下，我地兩個都叫咗清燉牛肉麵，一試個湯底，從此不溝通，因為大家都掛住享受個面！離開個店之後，同老公贊個湯底，贊到今朝！超好味！個湯底係薬膳㗎，講唔出有乜材料，但係一種好熟識嘅味道，總之就係好味！個面有啲少，但飲埋個珍珠奶茶同食埋雞翼，就飽到肚脹！真係好滿足！從此對台灣面改觀。（本身同老公都唔係台灣嘢食fans)…Read More

成日去旺到冇得再旺既路得圍，都係為咗食松記糖水，不過今晚竟然食完飯就走，因為食得太飽，冇位放甜品。求其走咗入間茶記，又帶來驚喜！雖然個芥蘭豬頸肉係多油左，但味道好！下次可以再去試埋佢其他野！…Read More

好好味！大部份D野都好好味，但個baby back ribs超難食，D肉仲老過煲湯豬肉，所以唔建議大家叫，我❤食佢個和牛意粉，三文魚。而我D朋友就話個生蠔好新鮮，好好味！有幸見到隻牛仔同魚仔出現，真係開心過去迪士尼見米奇！…Read More

因為想去隔離間店食點心，但冇位，所以試下依間。。就中招。。。舅父見佢有大包，就叫左個試下，一打開個包。。。皮厚少料，已經知唔掂。。。失望一場，絕無下次。。。。。…Read More

我估應該冇人好似我咁誇張，早餐流流食牛仔骨！幾好味，D肉冇乜根，唔會食到牙都軟。其實成日都食名寶石，原因係由細食到大，有感情，至於味道，其實普普通通，價錢略貴。…Read More

舅父成日介紹我地去食，去親都冇位。今次好彩，終於有位！！真係冇介紹錯！連個流沙包都好掂！舅父推介蝦餃、燒賣。我覺得所有都有水準！每籠點心都係熱辣辣！正！特別講講，每張枱都有免費凍茶，我去時係茉莉花羅漢果茶，都幾好味！🍵…Read More

成日去堅尼地城，都冇乜試食D乜，一試就試正間正野！原本見佢冇乜人，以為唔多掂，點知一食個义燒，就知道好掂！其他餸菜都好夠煱氣，不過有D貴，唔可以成日食，但一定會返去食！…Read More

家姐提議去試食時，我都係抱住半疑惑心態去，點知竟然係一大驚喜！好好食。我地3個人叫咗好多，因為樣樣野都想試下。。。但因為我唔係咁食得辣，所以全部有得走辣，走辣，冇就叫小辣。最❤食係個扣肉，而家姐同老公♡個紅燒肉多D。…Read More

好彩唔使排隊。。。叫咗2個甜品，3個人食。冇乜驚喜，反而覺得最好味係個茶。之前去日本旅行，都無意中買咗佢D茶葉 （應該係比佢個罐設計吸引咗）上網查下，先知真係歷史悠久！🍵🍵🍵…Read More

自從我同老公做咗三哥粉絲開始，真係可以個個禮拜都去一次。麗城花園依間仲要有海景，超舒服！每次去三哥，例牌叫三哥重慶酸辣+土匪雞翼！人生一大滿足就係由米線開始！講到自己今晚都想去食㖭！…Read More

成日去完花墟，都去新發食個飯。今次第一次食早餐，冇乜特別，普普通通，不過不失。我叫咗個餐蛋治，而老公就叫咗個餐腸面連方包。依條街，其實冇乜邊間茶記特別好食。。。…Read More

同老公兩口子見佢新開，就去試一下。望一望個餐牌，冇乜選擇 。。。三文治/盅飯/常餐（早餐）每人叫咗個盅飯，冇乜特別。個飯好細。我地連野飲都冇加（要加成$10）以後應該唔會再去。。。…Read More