Cat820's Profile

出街食飯，要搵間健康啲嘅，其實都仲有啲難度，但係突然間俾我發現以前都有去開嘅中環碼頭7號rooftop 重新開幕，梗係第一時間去，款式一定唔夠酒店咁多，但係佢勝在夠健康好多菜，同埋每一日都有一個肉類，唔夠嘅，仲有澱粉質俾你揀，所以一定食得飽！最緊要係環境幾舒服，如果你鍾意，可以坐出出邊曬太陽，我就鍾意坐窗邊，有太陽，好舒適！呢度啲人都幾細心，唔會太hard Sell，溫度適當，同埋而家仲係冇咁多人上嚟，所以都可以清清淨淨，享受一個中環健康午餐！…Read More

個個都話要嚟打卡，等我又睇吓佢有咩咁叻先！裝修嘩一聲，喺而家呢個時候，仲有餐廳裝修得咁靚，我最鍾意嘅係有日光進入嚟，個感覺好舒服，冷氣都真係幾夠，最多人打卡嘅位置，就係原拱形嘅走廊，感覺好適合結婚影相。食物我覺得佢嘅CP值ok，揀咗一啲見到別人推介嘅嘢食，例如嗰個辣西瓜前菜，我覺得味道可以再辣少少，不過感覺好清新，我都推介。有一個酒糟手卷麵，仲有大蝦喺上邊，都唔錯，少少Creamy，可以味道再濃啲。Pizza除咗ok 味道之外，佢嘅酸種麵包底，都係我鍾意嘅地方，升糖指數好似話會冇咁快，啱晒我呢啲怕肥嘅人！甜品係木化石樣嘅朱古力蛋糕，幾得意，朱古力味好濃，好食！飲品我幾鍾意NOC嘅黑咖啡，因為減肥中🤣🤣🤣，所以冇乜點試佢嘅嘢飲，但係見到隔籬枱嘅特飲都好似唔錯，都係打卡嘅飲品。我覺得下次可以再嚟試其他嘢食！…Read More

新商場開幕，周圍都排晒隊，為咗下午時段快食，揀咗呢一間來自台灣嘅牛肉麵，個名係段純真貞牛肉麵。之前有去過灣仔同Moko嗰兩間，感覺唔到錯，所以見到美食沙漠WCH 開咗，都心郁郁想食下！雖然我唔食牛肉，但係我揀咗其他嘢食，估唔到都非常OK，再加埋個甜品，真係唔錯喎！台式🐷滷肉飯 + 煎蝦🦐餅 +芋圓甜品！仲有 chatime🧋🧋🧋聽啲朋友講嗰個蔥油餅好食，仲有餃子，嫩雞幼麵都好。唔食牛都有咁多嘢揀，非常開心！…Read More

知道呢間喺北海道嚟嘅拉麵開張，即刻衝落去食，第一日頭30位有買一送一嘅優惠，唔使諗，即刻帶老公落去，我食咗一碗蝦嘅拉麵，湯底極好味，勁有蝦味，好特別嘅有跟炸魚皮，炸得好香脆，老公食咗鹽味和牛拉麵，味道非常好，佢好鍾意飲湯，所以飲埋碗湯先走。前菜仲叫咗一個涼菜，係菠菜嚟嘅，有啲木魚絲喺上面，幾開胃，另外再叫咗一隻好得意嘅雞，叫做「半身若雞」，睇介紹都係話由北海道引入嘅，真心係炸得非常之好，香脆，啲皮唔係炸到死實實咁，嗰度啲員工話用手食就係最最傳統，但係我都係用刀叉切開，啲肉仲係好嫩滑，好Juicy，可以再返去再食多幾次！呢度最特別嘅就係可以一間舖頭食埋牛肉麵，叫埋Chatime嘅嘢飲，我就覺得Chatime啲嘢飲都幾甜，所以可以3分甜就OK啦！…Read More

九龍區又有新嘅商場開幕，喺啟德地鐵站C出口直達，十分之方便，住喺九龍東嘅我，急不及待去試吓。入到商場，見到好多唔同嘅餐廳，basement 嘅nana’s 排隊似乎係最長嗰間，下次先試。我見到呢間喺中庭樓上，3樓嘅餐廳似乎好開陽，又有太陽曬吓，睇吓個Menu，都唔算太貴，所以入去試咗幾樣嘢。前菜試咗幾樣嘢，我自己最鍾意burrata cheese，啲生果配搭得好啱，同埋好清新。八爪魚都唔錯，個味好啱。燒南瓜亦都係我心水嘅前菜，我覺得飽肚之餘亦都有一個清新嘅感覺。炸粟米可以炸耐少少，增加脆脆嘅感覺。主菜揀咗燒魚，一定要加啲汁，條魚嘅鮮味會再出啲仲有蟹肉手捲意粉，我自己好鍾意，朋友就覺得可以再煮多少少，淋返少少仲好。甜品有驚喜，out of 4 款叫咗兩款都非常鍾意，唔係太甜，同埋擺盤都OK靚。（完全唔記得影相。）呢度俾我感覺係可以好relax，同幾個女朋友嚟就最好！…Read More

大圍圍方新開張，梗係第一時間沖去睇吓個新場，入到去，見到好多餐廳，但係想搵間可以坐得舒服啲，食多啲嘢，傾吓偈嘅西餐廳，就揀咗呢間響2樓嘅Cafe Deco Pizzeria. 原來呢間喺圓方都有，我都試過，啲Pizza真係好正，係薄薄嘅批底，放多咗一陣都唔會淋曬，我就試咗最傳統嘅辣肉腸薄餅，一定會再返嚟試其他薄餅。另外都叫咗小食拼盤同朋友一齊share，我覺得兩個人至四個人都得，魷魚同雞翼炸得好香口，粟米燒得非常之好食，係個蝦我覺得可以多少少味道，而家用橄欖油同蒜片浸住，係健康嘅，不過我真係鍾意濃味多少少。Vongole －致好平，但係食得太快，我冇影相！😅😅😅…Read More

同好朋友食生日飯，佢like 日本菜但係我唔係好食生嘢，佢住元朗，我住佐敦，所以揀咗呢間響荃灣廣場嘅炸物專門店。入到去，見到個Menu都幾大，所以不停揀咗啲小食，再揀多一人一個主菜（😉係食唔晒嘅）。我覺得所有嘢都唔錯，雞肉棒棒非常惹味，蟹籽沙律大大瞓同埋好清新，仲有滑蛋炸豬扒(冇相）都非常好食，雪糕就出奇地正，好有心思。我朋友食牛三味，佢話炸得恰到好處，同埋嗰度啲員工可以幫手開個煎pan，自己可去再煎熟D牛扒小小，好貼心。會再去呀！…Read More

女性好朋友喺灣仔返工，一call Lunch即到，梗係要揀啲坐得舒服，可以傾吓計嘅餐廳。呢間餐廳入口有少少難搵，其實佢就係莊士敦道修頓球場對面，樓下係牛肉麵，入門口就見到條紅色樓梯，上去就係餐廳，有啲神秘感。我坐喺窗邊嘅卡位，感覺好開陽，好舒服，可以望吓條街，有少少高高在上嘅感覺。佢有一個set lunch menu，但係我就揀咗主餐牌。炸雞口感好正，外面好脆，可以encore，黑色汁甜甜酸酸，開胃。鰻魚好香口，D汁唔會太多，份量可以再多D就好啦！燒粟米－定要食，粟米本身清甜，加咗個sauce又係另一種感覺！雞翼脆皮，肉汁也有，加小小salt同lemon juice 非常好！最後加埋個spider roll，滿足！下次要試吓個brunch！…Read More

有一晚，突然間想快食，所以行過呢間段純貞牛肉麵，入去睇吓，我記得我之前喺銅鑼灣食過雞麵都唔錯，當日係星期三夜晚，唔多人等位，所以好快就可以入坐。用QR code 落單，揀咗碗雞湯抄手，台式腸同埋口水雞，全部都唔錯！而呢度亦都可以飲埋日出茶太，我就揀咗 Taro Delights 芋頭味嘅飲品，少甜少冰啱啱好！前後都唔使半個鐘，就已經食完，可以下一個行程！臨走嘅時候見到可以買盒裝牛肉麵返屋企，$88盒，就用八達通買咗一盒返屋企，遲啲試吓！…Read More

知道饒館有纜車展，特登行左上去一次，以為好遠，其實只係距離美孚地鐵站5分鐘路程，唔算好遠。見到一間未有招牌嘅餐廳，就知道好新，入去試咗個午餐，招牌咕嚕肉有啲水準，味道好啱，小小酸小小甜。飯就好似硬左些少。買單好似唔使＄100都OK啊！同行嘅朋友叫咗三文魚，佢仲可以免費食埋之作午餐頭盤沙律吧，有兩款湯，沙律，多士，都幾豐富。其實呢個文化館仲有好多野睇，同埋係影相嘅好去處，可以再嚟！睇個餐牌唔係好貴，下次可以帶埋一家人來食晚餐。…Read More

黃埔地鐵開咗，梗係要去八下啦，見到隻船又新裝修過，就去咗呢一間大門Family Cafe。其實冇乜要求，因為價錢都幾平，兩個人埋單兩舊水，坐得都幾舒服，啲Staff又OK好好笑容，所以都係值得去嘅。係啲飯嘅溫度唔係好夠熱，其他都OK啦。…Read More

It's hard to find a decent place to lunch in Central with a reasonable price. I found this restaurant just next to the Entertainment Building with a secret entrance within one commercial building, not scary though. Ordered dry chicken curry and the taste was very good. Apart from the rice and the curry, I also got a tray of 6 condiments and some papadums. The taste was ok. The staff told us to eat the condiments with the rice, but I also ate it with the papadums.. I didn't like the pickles but the mango chutney was good. Service was good but I think there is a need to change some menus which were a bit worn out. …Read More

T8颱風響5點20分變T3，最好就梗係約D friend 食happy Friday dinner! 驚D餐廳冇開，所以㨂沿地鐵線嘅睇下。call 霞小飛@k11，原來成日都有開。試咗蟹粉小籠包，性價比高，唔好expect流埋出嚟嗰款，但係食得過。我個人最鍾意辣子雞，香辣勁正！唔貴。其他心水有生煎包，爆汁牛肉餅都好好食。我相信位置偏了小小係一個小問題，但係好味嘅嘢食可以補返嘅！…Read More

間唔中都會上山頂食晏，抖下氣，有中菜揀就自然更好。呢日同老闆及同事們晏晝上咗去食飯，見到呢間新開嘅㠠峰就試下。餐廳走懷舊路線，裝修都幾特別，我試左幾樣，我最鍾意佢個湯，白肺杏汁，好潤無添加，自己加小小鹽就已經好好飮，個人推介！👍🏻其他嘢都好食，再配埋個景，一流！個地方有啲隔涉，響凌霄閣嘅2樓，都要搵一搵架。不過都係值得嘅。…Read More

上了山頂走一趟，見到一間新開幕的餐廳，門囗有一架小型電單車，頗可愛的，便入去試試。前菜點了泡菜餃子，有驚喜，不是十分辣的味道，但炸得香口，上碟亦有新意。因為愛吃飯，所以點了一個Rock n Roll Don，是辣蟹肉三文魚飯，以為飯會是熱的但原來不是，很適合夏天吃呵！第三樣點的是燒澳洲和牛肉，燒得很香口，well-marbled Wagyu beef入口有質感，有水準！餐廳的decoration 用上很多日本Robots及黑膠唱片，餐枱及用具的木色來得很自然和舒適，很causel的一餐。餐廳內有一間精品店，賣日本糖果及小文具，蠻不錯的。只是可能剛剛開業，仍然有小許裝修味，應該不會影響食慾吧！一定會再光顧！…Read More