RitaTo的個人專頁

見有舊芝士响度，想叫意粉，見到黏咗張紙仔寫住「繁忙時間 意粉暫停」，有禮貌地問邊個時段會恢復供應，以為避開早、晚市，老闆娘反晒白眼咁講，我哋唔繁忙，我就執笠啦。無言。走人。…查看更多

豆腐人睇完跌打，醫師吩咐只可食豬肉和菜心等正氣食物，打算去食燒味飯，途經黑布街見到「豬大王」，開正我個瓣，即刻入去試吓。叫了一碗豬肉片米粉同菜心全走，坐咗一陣食物就到。米粉大大碗兼且是生滾的，湯頭好清又甜又唔油，米粉是有微曲的那隻，較少粉麵舖提供，應該係來貨價較貴吧，連湯一起吃很正。肉片還可以，因風頭已被湯頭和米粉取去。原來這是新開的分店，總店在屯門。侍應先生同小姐細心又有禮貌，每個客人出門口都提舖面有一級，要小心不要絆倒。好番要去食八寶加豬扒…查看更多

朋友介紹有一間好味私房菜，地點在理工大學宿舍，海濱南岸附近。去到大學宿舍，上一條樓梯就到達大學飯堂，職員問我哋係唔食私房菜，原來地點就在一間活動室模樣嘅大房，當天我們七個人包場。朋友將菜單傳俾我哋睇，菜名好有趣，大家齊齊估吓食啲乜。頭盤送到，我哋齊齊嘩咗出嚟，呢道菜名為「入學四重奏」（建築系），用咗一個一層層嘅木架分別放上沙律、四季豆、石榴、同兩個不同味道嘅米紙卷，味道很清新，超級靚囉！接着第二道菜「拉牛上樹」（國家地理雜誌系）送到，侍應先生先點著碟上嘅鹽，明火燒住樹上掛住的牛柳粒同炸過嘅蘿蔔糕，牛柳汁不停滴下來，大家等火熄咗就起筷，牛還是嫩嫩的，蘿白糕一D都唔油，大家都小心奕奕地㚒，慎防牛柳粒同蘿蔔糕跌在鹽上。第三道菜「滿城盡帶羽衣蝦」（影劇藝術學系）又送到，西蘭花和蝦包着薄薄的炸漿，入口唔油，廚師控制火路有一手，配埋那個超級好味的蛋黃醬，真的不得了呀！第四道菜「理大秘密花園」（神秘學系）送上，係一個全碟用豆苗造成的比薩斜塔，上面還有蟹黃茨汁和杞子，讓我們清一清味蕾。話咁快第五道菜「高分子咕嚕肉」（化學系）又送到，我哋先俾碟中那棵糖樹吸引，原來係用麥芽糖造成的，食落口感EE un un，咕嚕肉和傳統的很不一樣，是用咗番薯和豬肉合在一起再炸，配上菠蘿並不油膩。已經好飽了，跟住第六道菜「抽頭小學雞」（畜牧工程系）送上，用爐仔慶住，豉油雞很滑，好入味。跟住「月光寶盒」（幻想歷史系）又到，是用一個書本型的盒子裝着荷葉飯，真的好飽了，但個飯熱辣辣又香，我都忍唔住食咗兩碗。最後用「桃膠燉蛋白」（營養系）完成這個美食之旅。我們七個人去食，份量很足，結果豉油雞和荷葉飯都要打包。全部是心機菜，物超所值，三百幾好抵食呀。聽聞菜單會不定期更新，我們約好二月再去食。另外侍應先生和小姐親切有禮，笑容滿面，要比個like呀！…查看更多

土瓜灣有正小食之足料花膠魚肚粥+麻醬撈粗薯粉。全部即製，落單後即做，送到嚟熱辣辣。個粥好香又綿又有膠質，好似細個食嘅豬骨粥咁，唔似宜家連鎖店賣嘅粥，等食時睇到舖頭標明冇落味精、雞粉。粥入面有三舊花膠，已經煲得好腍，𡁻兩𡁻就吞得。店員推介麻醬係自家製，入口果然好香好好味，好快KO咗個粗薯粉，如果唔食粗薯粉仲可以㨂腸粉，撈埋個醬應該都好得。食嘢時有人嗌外賣魷魚，店員都係即刻淥熟，仲可以加咖哩汁添，個汁聞落都好香。店員話自家製芝麻糊都好食，今次試住兩樣，下次一定回來再試。…查看更多

唔小心中了招，醫生話要食清淡D，打算清清地食碗粥，剛好在土瓜灣道落車，揀了「富粥」。店內主打「台山腸粉」，有好多唔同雙併組合，見未試過，揀了雞蛋蝦米腸同粟米生菜粥。腸粉即整，要等一陣。粥先送到，粥底綿綿，味道剛好，最驚遇到太稀或太杰或太味精的粥底，生菜同粟米粒都多，啖啖都有料。腸粉送到，是king size的皺皮版，上面淋上豉油，兩大條腸粉和雞蛋、蝦米混埋一齊，已預先𠝹成三段。腸粉好滑，和甜豉好㚒！有D食陳村粉嘅感覺。值得再食！…查看更多

今天經過香港地，想食過快，決定試一試。响門口有部機攞飛，撳完企咗一陣都冇人理，後面有位男士撳完飛仲走埋添。行入去用餐區見有吉位，此時有位女職員出現話八點前都不用撳飛，有位便可入座，終於可坐低。唔想食西多、豬仔包、沙嗲牛麵常餐、迷你炒粉麵，㨂了個五寶魚湯米線。料好足，全部大大粒，米線彈牙，湯底偏鹹，奶茶okay。$55，未必有下次。尤其MX在旁。肯定員工相處好融洽…查看更多

九月份經過發現班馬線關了門，貼了吿示說會在十月中重開並轉型做車仔麵，今天終於有時間試試。入到店內，老闆娘告知不做小菜了，有車仔麵和幾款蒸煮系列，蒸煮系列仲會包足料靚湯，今天決定試試車仔麵。有3種價錢的車仔餸供選，看來有少少貴。粉麵飯烏冬都是均一價，凍飲不用加$2。沒有湯底選擇，不用心大心細再揀。揀了唐生菜、自家製水餃、豬皮、豬紅米粉加熱菊花蜜。熱菊花蜜用瓦杯裝，保溫較玻璃杯好，食完飲還暖暖的。車仔餸原來好大堆頭，水餃隻隻都脹卜卜。豬皮好厚身和彈牙、豬紅有淡淡的胡椒味，好怕外面的怪味豬紅。米粉都好爽口，奶白色嘅湯底好好味。雖然有少少貴，但很足料，真的物超所值，搵日會再去試其他車仔餸。…查看更多

平日經過柯士甸道，總沒有走進這小店，星期六剛好經過，決定入內一試。推門入內，屬於舊式格局的粉麵舖，好80年代呀！由於不吃牛，叫了碗雞腸米線，友善姐姐提我可以雙併，我再加了冬菇，米線好快就送到。湯底有D油，因為有雞腸啩，但湯頭好鮮甜。冬菇厚身，又腍又入味。雞腸脆身㗎，去了9成肥膏，冇怪味，同平日媽咪蒸雞嗰種淋謝謝唔同，加埋特製豉油，好好味，看牆身報導，原來淥雞腸時間好重要，剛剛熟就要拿起，米線都好爽口。聽住店員閒話家常，店內又沒有吵耳的聲音，因大家都專心食，很不一樣的尖沙咀！…查看更多

朋友推薦我們去打邊爐，收費每人$128還有四送一。入座前我們兩人分別問不同男經理是否有四送一，經理說有，最後埋單收回正價。此時叧一男經理說要用優惠券才有四送一，一時就說八時半後入座才有，我們確是八時半入座，感覺他們在自説自話。…查看更多