百彈寨主's Profile

好多年冇寫食評，通常係極端情況先激發到我浪費時間去做埋d無聊嘢... 一係就讚嘆級的美食或服務，一係就垃圾級的劣食或服務，今次係後者... 冇乜幾可嚟紅磡， 就搜尋下紅磡有咩美食啦， 見到呢間話長期排長龍就嚟見識下， 見佢有花甲做湯底應該唔會衰得去邊， 點知原來花甲係要另外嗌嘅，大拿拿$40加花甲，c9s， 平時食花甲年華都係六七十蚊包埋花甲定蜆， 咁我當然冇嗌啦，當我傻仔咩… 就淨試你個招牌蕃茄薯仔湯底+4個餸+銀針粉+小食韮菜豬紅+ 小食招牌即燒叉燒+奶茶= 盛惠$170。1) 蕃茄薯仔湯底， 就咁單飲冇乜嘢但好q甜，落咗好多糖， 食麵用甜嘅湯底真係好奇怪，而且肯定唔係自己屋企煲個種蕃茄薯仔湯，佢應該係搞爛咗啲蕃茄求其掉落去水到+薯仔煲冧咗+大量糖和調味料而成，難飲到仆guide ... 仲難食過華嫂冰室。溝埋我叫的4樣餸，哇~ 邊食邊反胃，想嘔...心中狂爆粗，咁既西嘢竟然同我講係招牌？ 仲要排長龍？紅磡d人平時係咪食開2餸飯？2) 鳳爪其實唔知好唔好食？ 因為已經浸咗入蕃茄甜湯底，最後我將佢浸返入韭菜豬紅兜汁都難食都仆guide，放棄...3) 豬手得一件係皮，其他全部瘦肉， 大佬~ 食豬手梗係食皮食骨膠原啦， 你畀曬瘦肉我做乜春呀？南乳味同茄汁甜湯混合埋一齊，堅有反胃感， 即刻聽到自己個肚仔咕咕叫想嘔咁... 放棄。4) 香煎腐皮角以為啲咩特別家鄉嘢， 原來只係交貨嚟嗰啲魚蛋餅。5) 辣水魷，得個鹹字完全唔覺得辣， 而且食得出煮咗好耐， 啲質感酶曬唔爽脆。6) 銀針粉唔知好唔好食， 但食得出冇米味橡膠咁，我淨係知放落個茄汁甜湯到超級極度難食，完全唔夾。7) 小食韮菜豬紅各食咗一啖， 韮菜煮得太熟淋patpat， 仲要食完有渣即nur。豬紅假嘅，冇氣孔，元素週期表，科技嘢， 而家喺香港想食個唔值錢的真豬紅仲難過登天，香港已死...8) 所謂嘅招牌即燒叉燒， 等咗25分鐘， 只係不外如是，雪藏肉眼+ 超市叉燒醬(冇heart，唔好食)， 醃到過曬龍，肉質少黴，蜜汁又唔夠， 睇嚟紅磡街坊平時食開兩餸飯，未食過好嘢...總括來講，等了個寂寞，食了更空虛... 總數食咗幾啖就頂唔到落去，我都唔想浪費食物，但堅係想嘔... 新假期介紹親d嘢都係垃圾，食完一肚火！補充： 我唔覺排長龍囉，門口係有幾個等緊，都只係因為舖細坐位少，排隊只係合理假象。…Read More

聽店員推介話皇家厚奶芋圓烘焙烏龍最多人叫，就試下啦... 已經走甜少冰，冇可能冇茶味啦卦？結果超級難飲！！！ 完全冇茶味！ 芋圓超級甜！只有厚奶係對版，因為成杯都係奶味，飲咗幾啖已經好滯...大拿拿41蚊，飲杯咁嘅垃圾，掉咗佢條氣又唔多順... 我就攞返去睇佢換唔換畀我，結果係有換畀我嘅，服務態度良好，不過換完都係垃圾。今次走芋圓，唔要厚奶，改奶霜，照舊走甜少冰，冇芋圓的甜，應該影響唔到味覺啦啩，走曬所有嘢就係一杯普通奶茶... 喺冇攪勻的情況下，飲筒插落底純飲烏龍茶，我頂... 係冇味既，或者我講得太誇張，超級少茶味，冇烏龍茶的烘焙香，亦都冇茶的甘澀味，簡單講我平時飲開津路嘅，同津路對比，佢根本係水，如果個名唔係打住烏龍茶，我實在完全飲唔出佢係烏龍茶，諗住打去客戶服務部反映一下意見啦，九字頭嘅電話係停止服務嘅 ，咁我唯有上嚟openrice表達下不滿，$41飲杯咁嘅垃圾，茶葉明顯孤寒落得少，門面係靚嘅，設備係先進嘅，可惜有姿勢冇實際，早知我買支津路飲好過... 暫時我都係覺得貢茶嘅奶蓋係最好飲嘅，同埋荃灣廣場以前有間大陸牌子唔記得咩名，個奶蓋比貢茶更好飲，可惜執咗。之前都飲過旺角中心樓下嗰間，原來都係comebuy，都係冇茶味嘅，所以唔係店員的問題，係集團賺得太盡，連茶葉都唔捨得落。下次不會再光顧了。…Read More

宜家做生意真係要夠厚臉皮，夠無耳心。滿心期待自家淆製雞湯底，點知一飲冇味既（本人平時在家係清蒸白烚走調味多，所以味覺相當發達😉)，飲多啖似係豬骨湯底，即係平時打邊爐，侍應一大壺，大方到好似唔駛錢，無限為你加湯，嗰d罐頭豬骨化學湯底，但入面係完全冇豬骨成份既呢...（東張都報過哂）跟手求其加幾件雞落去煮，煮時雞皮又會滲d雞油出來喎，咁就扮到自家製愛心靚湯喇，D雞仲要切得勁薄，再加2舊仔魚翅餃，咁就當一個餸？ 真係人無耳心，便無敵。白飯得半碗既飯量，侍應話好多人食唔哂碗飯，浪費食物，所以轉咗細碗來裝，唔夠可以添飯的，我非常欣賞佢珍惜食物夠環保，但又冇寫出來講明可以添飯喎？人哋鵪鶉唔敢出聲啲人咪食唔飽或再俾錢叫多碗飯囉？ 係咪想側側膊博食客唔出聲慳返米飯，或者賺多碗飯錢呀？豆漿交嚟既，偏甜，冇特別，冇heart，跟餐都仲要加$9，我唔覺得有平過囉，完全正價價錢。食哂d雞和魚翅餃後，食風咁，本人女士，最近減肥細食咗好多，都食唔飽，唯有叫多個醉豬手小食，睇睇下原來有沙薑口味，於是乎就轉咗沙薑豬手，侍應話好在未整，否則倒咗醉汁落去就改唔到單... 聽到呢句我心裏一沉，已知又瀨嘢...😑原來係叫咩口味倒咩汁落去，豬手係純白烚既，我心諗，呀...有料！ 求其到咁，都夠薑開食店？ 唔駛問，個豬手結果梗係完全唔入味啦... 都算！ 最離譜係58蚊既豬手其實根本得2舊左右，但碎上扮多... 唉... 結果三扒兩撥我又食完碟豬手喇，嗰半碗份量既飯我竟然仲剩下三分一，完全冇添飯的意慾，因為已經冇哂餸... 我終於明白點解咁多人食唔哂碗飯了。😆我今次唔會再蠢多次了，果斷賣單！永不幫襯！賣單$155，一個人食，竟然唔飽，結果要再買狗仔粉和碗仔翅先飽，離哂大鐠！總結：打邊爐罐頭化學湯底你夠薑賣$90？咁既份量我女仔都唔飽，小朋友可能會飽。 咁hi求其都夠薑開食店，全靠大家食唔出。D正評係點嚟？ 大家心裏有數啦，有錢真好。D分店點開到？ 成本低，利潤高，無耳心真好。…Read More

2021年7月8日， 下午6：30。叫咗個三文魚茶漬飯、京蔥檸檬唔知咩豬腩肉，咖啡一杯。先來三文魚茶漬飯，超級普通，上湯淡，三文魚本身已經係cheap嘢，仲要得魚碎，同食淨飯差無幾，食完好似食風咁…京蔥檸檬唔知咩豬腩肉，講明係餸唔係小食呢既，但來到一睇都呆咗幾秒，完全就係小食的模樣，侍應仲曾經問我要唔要另叫白飯…最離鐠就係完全唔見有京蔥，檸檬就真係有一舊檸檬自己榨汁，而唔係京蔥+檸檬爆炒豬腩肉，我即管試下食，睇下係咪會喜出望外有京蔥味，結果係完全冇既… 純薄煎豬腩肉+檸汁再點醬，賣78蚊？ 痴膠花…叫侍應過來，向佢表示冇京蔥，與餐牌描述不符，兼我自己仲整得好食過佢…佢竟然話: 你可能廚藝比較高超，但我地廚房出品就係咁，或者加返d京蔥比你啦好冇？我: 即係你宜家叫廚房淨煮京蔥加上去？佢: 係呀～ 平時都係咁，京蔥灑係豬腩肉上面。我真的無語，原來京蔥係用來裝飾…叫佢嗌經理過來，佢話我就係呢度經理~ xyz#@&!我表示想換第樣嘢，因為呢個完全係小食，而且9唔搭8，貨不對辦。經理表示不能換，但可以整過第二碟有京蔥的俾我，因為我已食咗… 我話我唔食點知入面完全冇京蔥味？ 而且我只係食咗2舊，再者點餐時完全冇預期到個樣同整法係咁。經理表示咁係我問題，問我點解唔用QR code點餐？ 入面有附圖，如直接向侍應點餐就冇。聽到呢度我已經火冒三丈！ 原來係我既錯？？？咁點解餐牌冇附圖？ 你餐牌用來做咩？你不如話我點解冇入廚房睇住個廚炒？ 咁咪唔會貨不對辦！我: 咁你同我取消佢！！！取消埋杯咖啡！經理話好。我9秒9食完個垃圾三文魚茶漬飯，光速賣單！之前幫我點菜的侍應來結帳，我立即向他吐苦水，並展示剛才拍照的豬腩肉俾佢睇，侍應都表示豬腩肉平時整法唔係咁，係廚房出錯，並連聲向我道歉，話下次再來請我食蛋糕賠罪，及立即給我9折賣單，我話Sorry冇下次！！！我非常欣賞呢位侍應的態度及服務，雖然佢介紹我食的2度菜都唔好食…問佢叫咩名？ 佢話叫阿水。問經理叫咩名？ 佢話叫阿軒。菜式普通，不似預期，但服務態度良好，可以有進步空間，給予機會，因為係黃店。但菜式已經係普通，價錢又與質素不符，仲要態度惡劣，講埋d嘢9唔搭8，匪夷所思，黃店都冇情講！ 絕對不會有下次！我真心想問老闆~ 究竟換過第二碟餸傷D，定客人cancel order傷D？本來呢餐我一個人食係需要2舊水賣單，請問我是否乞兒客？何以待我如此態度？呢位經理憑咩可以做到經理？ 佢連一位普通junior級的侍應的資格都不符，我亦都第一次經歷原來要完全冇食過，憑賣相去斷定與描述不符，先可以換菜式，真的開了我的眼界…謝謝桔梗，你令黃店蒙羞。…Read More

牛骨湯得肉碎，係肉碎！成舊水得肉碎！仲要個湯係淡茅茅，我所講既淡唔係唔夠鹹，係冇牛味嗰種淡，不如直接攞清水俾我啦…泡菜煎餅淋patpat，一pat嘢咁… 完全食唔出係煎餅，蒸餅呀嘛？ 煎多陣都懶？ 冇香口既口感，只食到全部都係粉漿，泡菜都唔多條…經常韓國香港兩邊跑的我，真係成世女都未食過咁垃圾既韓餐，你仲要話我知係韓國人開既… 我諗全韓國人都會因你而感到羞恥。同老闆娘反映問題啦… 佢話係咁嗰喎，而且態度勁串，唔肯cancel 亦唔肯換第樣嘢，完全冇服務態度，就算係韓國大排檔都唔會有咁差既待遇同態度，當我傻仔第一次食韓國快餐咁… 疫情下好多高質食店都執咗，但應該執嗰D又唔執，而且仲有人話好食同正宗，呢班人平時係咪食開豬X？ 定係槍手？真心希望你快d執笠，咪再影衰真正有誠意有實力既韓國餐廳。阿門。🙏🙏🙏…Read More

今日6月29日，下午2點左右去食，叫咗雜錦淨餃，同小食~白蘿蔔豬紅，羅漢果水。其實以上提及既我都冇食到，只飲咗2啖羅漢果水…因為當水餃嚟到既時候，我覺得個湯唔多對路，於是用匙羹裝起聞咗一下，果然有陣壞咗既酸餿味，我担心自己聞錯，放胆飲咗一啖想reconfirm，結果即時吐返出來！由於當時冇紙巾，同自然反射動作，我吐咗落地下，隔離有個四眼樣衰阿叔啤住我，示意我吐落地唔啱，我已經即時解釋佢聽因為個湯臭咗，自然反應吐咗落地，仲講埋唔好意思咁，條阿叔仲係度咬住唔放，其實我吐個位佢根本唔會經過，關你春事咩！阿叔如果你睇到呢篇嘢，我好想同你講，我好後悔當時冇問候你娘親。😊係阿叔啤住我既時候，我叫咗個女侍應過來，50歲左右，我同佢講你個湯臭咗，佢仲問我點臭法？ 有咩問題？ 係咩味？ 我頂你… 臭咗壞咗就係臭咗壞咗既味囉… 點形容啫？ 我叫佢聞下飲下，佢飲咗一啖，堅持話冇問題，仲問我有冇飲過咩花膠准山湯，阿姐我想話你知~ 市面上你噏得出既貴價花膠，我一屋都係呀唔該！我一星期起碼煲3次湯，宜家天氣炎熱，湯放室温好快變壞，我有時冇立即放雪櫃都會有呢陣味，我最唔滿意係你既態度，我好聲好氣話你知個湯壞咗，你質疑客人，而你既味蕾唔知係壞死咗，定你扮嘢要face，死口唔認係壞咗，仲要話我咩壞咗你唔好食呀嘛… 阿姐，我一舊都冇食過呀，我飲咗一啖湯咋！況且我如果有食又如何呀？ 我唔食點知你d嘢壞咗呀？ 你係咪傻架？ 有冇數清楚我碗水餃9粒齊齊整整係哂到呀？ 水餃質數我冇食過不作評論，只可以評論廚師同呢位阿姐，味蕾係壞死咗，一個味蕾同嗅覺壞死既人走去開食店，而嗰位厚多士阿叔同其他食客唔知點解全部仲食緊碗嘢… 冇事一樣，究竟世界上有垃圾焚化爐先？ 定有垃圾食店先呢？🤔🤔🤔…Read More

成日自稱見城出身，首先見城我唔覺得有幾出名幾好食，就算係出名都係出名在壽司魚生超細件(已成功承傳)，再者係入面做過代表咩呢？可能只係初級見習執頭執尾洗下碗咁，但就吹噓到自己大師級咁… 我都係俾朋友老點咗去呢間，講到有幾正得幾正，仲專登帶埋阿媽去試，結果食完一肚火又唔飽… 連一向蛇乖既阿媽都忍唔住出聲話咁細舊…一入去見間舖一陣腥味，裝修簡陋，舖又細，位又逼，直頭痴住隔離坐咁，毫無私隱，坐係位又睇到哂師傅開魚，地下，洗手盤附近濕立立，街市咁，貴價價錢，地茂環境… 食材花款少，貨式普通，Omakase 大部分用平價魚生，壽司size係我今生食過最迷你，一邊食一邊聽到隔離座夫婦討論緊點解食極唔飽? 哈哈…梗係唔飽啦，細到咁可憐，件數又少… 我去嗰日仲要咁啱連湯都冇， 最後要食烏冬充饑… 食評中有人仲話要專登去元朗食，我真係笑L死! 麻煩出下城去下中環，銅鑼灣，尖沙咀食下先，同一個價錢件數多，份量足! 食到你飽到郁唔到想倒嘔添呀! 問過師父店名點解叫壽司之神咁囂張? 佢話壽司之神係佢偶像喎… 但呢個名同佢既出品去比較，實在太厚顏無恥了…😒請都唔會再去，印象太深刻了，舖租仲要咁平，係元朗人唔知價先會去!😒 垃圾!!! …Read More

太難食~相都無mood影!老火湯正常，乾䓤豆豉雞得幾舊，成碗都係乾䓤，仲要係濕既，全部打獻，我真係聞所未聞呢個餸係濕炒唔係乾炒! 欖菜四季豆又係咁，濕炒既，成碟都係獻，D豆淋patpat湯渣咁，垃圾!連我以前最鐘意食既鎮江骨都已經唔好食! 想當年第一間鋪係銅鑼灣時，呢個餸係超好味，宜家唔用大排骨用細骨排骨，成碟都係肉，我完全感受唔到食緊排骨! 以前炸到微脆，再用黑醋，糖回鍋翻煮， 宜家係求其走油就算數。 奶油津白用娃娃菜? 但餐牌明明寫奶油津白，夠胆死同我講根本係同一樣嘢，只係大細分別! 扼傻仔咩! 分別咪就係津白要慢慢炆，娃娃菜用2分鐘烚下就得，同埋娃娃菜成本更低囉！我估佢都係求其pat奶油上去就算! 好在問清楚冇叫到。總括來講，成餐飯除咗個湯，全部垃圾，粗制濫做，毫無誠意，衰過我自己係屋企求其煮! 同銅鑼灣伊利沙百大厦後街嗰個時期大相逕庭，我完全唔明點解其他食評大部分係好食? 送都唔食! 絕對不會再去!!!…Read More

用咗某優惠去此餐廳，並未有俾人睇唔起的感覺，（好耐以前用過Groupon既優惠，感覺自己好似乞兒咁😑）侍應們都親切有禮，解答都非常專業，間中會問你食物味道是否滿意，當我提出某菜式未如理想時，侍應態度亦非常誠懇有禮。論裝修~我頗喜歡佢地既裝修，Casual得嚟又好典雅，不失氣派，裝飾精緻， 睇得出好用心好落本， 店主幾有品味。😊👍賣單時想計下個優惠有冇取巧，侍應亦好識做行開，總括來講，裝修，環境，食物，氣氛，服務，價錢，我感到滿意既😊，係忘記咗俾貼士😅…Read More

去過3次， 其中一次係午市飲茶， 食具有油漬， 但經理處理態度非常良好，誠懇有禮。第三次去時係晚飯，試業優惠延長咗，片皮鴨一隻一食只係$68， 真係抵到冇朋友，仲要係唔難食，係個醬太咸啫，以$68蚊呢個價錢來講，真係冇得輸，亦都冇資格要求太多。😅 (以精益求精來講，希望可以片薄D, 唔好食到鴨肉同皮之間嗰層白色肥油😛)另外再叫多個套餐，龍蝦伊面+胡椒豬肚花甲湯，都係$288， 我都冇咩好講，龍蝦伊面濃濃芝士味，胡椒花甲湯，花甲多，湯冇落味精雞粉，純海鮮同胡椒既味，我飲一啖就知😏 第一次去時已發現佢既例湯非常出色，都係冇落味精雞粉，同自己屋企煲既一樣，飲完好舒暢🤗 下次再去時我打算自己攞個湯壺去，外賣一煲返去飲當自己煲咗😂, 基本上自己煲湯，買湯料都差不多成舊水，不如慳返唔洗洗材料又洗碗，煲下師奶劇好過…😛希望佢地繼續堅持冇味精冇雞粉豬骨粉既天然例湯，湯係家常菜來講真係好緊要，利苑D湯咁貴都落咗雞粉，所以揾間真係天然老火例湯，仲要係平既食店真係好難…繼續堅持吧！會有回響的!💪服務方面都非常好，阿姐好健談親切， 我話要睇車，又盡量安排座位俾我，見我阿媽年紀大裝唔到湯，又主動裝俾我地，個煲辣手又識主動掉去安全位置，糖水又問我要唔要多碗，成餐飯只係400蚊左右， 有咁既服務我都冇咩好講了! 讚🤗👍最後係食唔哂既，龍蝦伊面要打包， 2個人食一隻片皮鴨原來真係勁飽，基本上食到一半已飽飽地，再食係夾硬食埋佢免浪費，不過就過足口癮好滿足🤗第一次去時，鴨賣哂，食魚，都蒸得恰到好處, $58真係勁抵，平過自己去街市買👍 基本上呢個試業優惠係蝕本或成本價黎, 真係多謝哂!😅😅😅…Read More

回想起第一次去Vea, 由坐下後看到枱上的人形餅乾至最後的甜品，都高潮迭起，讚嘆不已… 讓吃到有點麻木的我，找回點驚喜和興奮的感覺，甚至期待它趕快轉菜式，可以盡快再重温這種滿足感…第二次去，當然沒有了第一次那種驚喜和期待，但仍然感到滿意的，亦累積了經驗, 下次再去我不會再加錢轉意粉, mocktail也不是必須的，因為都試過了，2次飲既都差不多，冇驚喜了…總括來講，Vea既食物味道，賣相，盛器，裝修格調都屬超班， 除咗地方太細外，其實絕對不遜色於其他米芝蓮3星。另外，一向鐘意自己發板的我，冇Alacarte， 令我不能重温我偏愛的菜式，亦重覆了我吃過但不想再重覆的菜式……Read More

季節性白子宴，令極度喜歡白子的我專誠造訪，沒有失望，滿意滿足…🤗鱈魚白子雜菜鍋，湯底匯雜所有精華所在，好難唔好食，食唔哂都要打包做早餐師傅笑容可掬，熱情招待，在不過於忙碌的情況下，詳細介紹每個菜式，更不吝惜於教授烹調方法，讚!…Read More