happypigpigpig's Profile

娘惹雞酒（跟生菜）好有酒糟香味，酒糟及糯米酒都係自家釀製，加埋好多老薑煮成 ，半隻雞 $168，1隻雞 $318，我地兩個人叫咗半隻，上枱都好大煱，用火煱熱住咁食，好暖胃又補身，不過記得要提早1日打去落order，因佢地負責人話雞是新鮮，所以不會買太多，有位員工呂小姐服務態度非常好，我地本想叫完雞酒，再叫冬陰公大蜆，佢解釋比我地知冬陰公會解咗雞酒，於是建議食鹽燒烤大蜆 $94，雖然得12隻大蜆，但好juicy，另外叫咗巴東牛肉黃薑飯 $64，巴東牛肉好淋，呢個飯好，雞酒本身配生菜，如唔夠食，可以+$22 order火煱生菜，佢地都有2人餐等好多選擇。…Read More

呢間不知所謂員工態度差，當食客透明，自己揾位都算，坐咗一輪至有人執枱，執完又唔抺枱，枱面都好污糟，未抺枱就放匙羹同义喺枱，請服務員抹咗枱先，點知佢求其用紙巾抺咗一少部份，連落單都無就發脾氣走咗，又等咗一輪，另一個服務員問我地食咩，我地講完，佢覆返已經即刻知佢寫錯，把聲仲要粗聲粗氣，好無禮貌，好似話我地講錯咁，仲要喺食客面前話另一啲客人唔啱，如果唔係幫襯開果間執咗粒，我地一定唔會㨂呢間垃圾餐廳，又貴過人，環境衞生都好差，坐出面戶外坐位勁污糟，食緊嘢要同蒼蠅鬥快食，好恐怖🤬🤬🤬👎👎👎…Read More

前幾日約咗幾個friend去打邊爐，坐低連茶同滾水都無，要叫waiter至識開茶比我地，叫咗個醉雞湯底，跟住我地洗食具，個匙羹有污糟嘢痴住又有漬，於是拎過第二隻，第二隻又係咁，拎第三隻，連第三隻都係咁，第四隻至無嘢，再洗用黎打邊爐撈食物個湯羹，點知仲污糟，痴住既嘢簡直好似用完無洗過咁就比人用，拎咗幾個湯羹都係好污糟，到洗碗，啲碗又係咁Waitress拎咗一盤魚生刺身，一盤生鮑魚海鮮，啲食具咁污糟，我唔敢食佢啲生嘢，衛生程度好令我質疑，菜、芋頭、南瓜等都唔新鮮，係見到黑黑地，唔知放咗幾耐，可能係尋日火煱時段食剩拎返出黎，呢間喺屯門虹橋既金港酒樓我一定唔會再幫襯，星期五應該好旺，$198自助火煱好似好抵，成晚得幾張枱有人坐，無生意就知好唔掂，食物同環境衛生都差差差勁…Read More

我同朋友諗住試吓新開呢間台式餐廳，於是叫咗幾個餐，其中有鹽酥雞，食落無味，一啲香口好味既感覺都無，其他餸都完全唔出色，餐飲凍珍珠奶茶啲珍珠痴埋一舊舊，唔係一粒粒散開，支飲管係啜唔到珍珠黎食，奶茶都唔滑，茶味有啲苦，於是我地一心同疑似老細講呢啲問題，諗住反映，不是投訴，佢居然答我地話佢知，咁即係佢地知道比客人食既嘢有問題，而又完全唔接受人客既意見去改善，我地都無話可說，最多無下次。…Read More

我order咗兩個意粉，一個係雞肉意粉，一個係牛肉意粉，一黎到見到個牛肉及雞肉意粉水汪汪，照理應該收咗汁上碟，唔會咁多汁，啲汁仲要係無味，原來全部材料都係烚熟，包括牛肉、雞肉，全部都無醃過，啲雞肉係有腥味😖，結果我地只係食晒啲意粉，無叫飲品，呢餐咁差既晚餐，埋單都要$120。真係比呢間喺置樂既US813睇落去好似裝修得好正既外表欺騙咗😒，唔會有下次！👎👎👎…Read More