Jay CC's Profile

我嗌咗海南雞飯， 坦白講我要求已經唔高，但係啲雞真係‘’鞋‘’又冇雞味， 全碟全部雞胸得一舊雞翼。碗湯唔夠熱，杯嘢吹左3次，食完飯先嚟。朋友就叫咗生牛肉湯河， 湯底味道可以，湯底完全唔夠熱，蘿蔔係凍嘅，由於湯唔熱，生牛肉最尾都變唔到熟牛肉。間餐廳坐得係幾舒服，裝修好新，但呢兩個食物質素令人失望， 真係唔明白點解可以咁多好評 唯一係凍檸茶茶底好味及凍咖啡質素可以。西灣河選擇的確唔多， 但呢間如果想食泰國南亞菜就未必要去， 真心希望呢間餐廳可以改善下食物質素。…Read More

今晚星期二中同食飯四個人叫左以下菜式：夫妻肺片鹹肉炒飯雲吞雞蔥爆羊肉水煮魚小籠包其實都差唔多幾年未寫過comment， 因為今晚好普通嘅菜式，都煮得好好食， 要特意讚一下。 雲吞雞嘅雲吞同小籠包，都係真心好食🤤。 多汁同埋皮算薄。個湯都好濃。 鹹肉 炒飯同 蔥爆羊肉都煮得好食。 水煮魚就正常（ 其實我哋嗌錯咗本身想嗌水煮魚😅）特意要讚一讚 果一位 姓馮嘅supervisor，服務好好又considerate。 下次一定會再去！人均消費$220，算好抵食。…Read More

之前去河內道嗰間分店，嗰份牛扒已經覺得麻麻地。今日再去天文臺道分店，叫咗個牛柳扁意粉，好好食。問題係個肉眼扒，medium rare ，已經用把鋒利嘅刀切，但係都完全切唔到。食落口完全咬唔爛。跟住同個侍應講，換咗另外一碟西冷牛扒，切起嚟依然有啲困難，咬落依然係好硬，完全完全冇牛味。我再同個廚師講個問題，可能係批貨既質素。坦白講其實食嘢要求唔高，但真心未試過連續叫兩份牛扒都咁難食。呢間餐廳千祈唔好叫牛扒。…Read More

其實已經係第二次去，之前一次係下午茶，覺得一般。今日去左食晚飯，唔使等位，都幾多人，叫左冇骨海南雞飯，生牛肉湯河，Vietnam 沙律。真心，3樣野都唔掂，雞唔滑，又乾及有骨。沙律真係超咸，好耐未食過咁既沙律。下次唔會再去。…Read More

朋友結婚開會，我選擇了清進洞，五個男仔叫了4餐再加其他野食。食物水準不錯，烤肉good taste。中途冷氣槽漏水，把我地d野食整濕，經理即刻幫我地轉枱，將我地部份野食換過。經理再請我地飲野，同埋俾少少discount，呢d主動offer 同埋service 真係好warm同好識做。…Read More