Eat with fun's Profile

之前嚟呢間米線舖大排長龍食唔到😢佢宜家搬咗大鋪，近顯徑站方便咗，梗係要去潮聖啦😆新鋪闊落啲坐得幾舒服，有啲台灣簡約風，食米線都可以好文青😎麥芽啤酒滷什滙小鍋米線配金銀蛋芫茜湯($62)一場嚟度梗係要試下佢個招牌芫茜湯啦～成碗米線超多芫茜，皮蛋同咸蛋粒都唔少，個湯幾足料，味道就偏甜，幾清新，飲落喉嚨好舒服，食晒成碗都唔會好口渴👍🏻米線偏淋身，我鍾意💕滷什滙有滷鴨片、滷豬腸、滷雞腎同滷蛋🥚全部都入晒味，又係偏甜，豬腸同雞腎幾有咬口🤤但鴨片就嚡咗少少，滷蛋就正常發揮秘製豬頸肉配金銀蛋芫茜湯($52)聽講豬頸肉都出名，當然要試埋啦！👦🏻唔想食辣，所以自選米線都係叫咗芫茜湯～豬頸肉燒到有啲焦邊，夠晒香，又醃得好入味，佢個醬汁撈埋落芫茜湯一齊飲，成個味道又再豐富多一層，推介😋脆炸一口小饅頭($28/4個)饅頭層脆皮比平時食嘅厚身，但係超香脆😍入面好鬆軟，名副其實嘅外脆內軟，內外強烈嘅對比配埋煉奶，甜甜地，正！好想食多幾個😂環境﹕8/10抵食﹕6.5/10味道﹕7.5/10…Read More

佢個位置唔算好方便，喺地鐵站行過去要10分鐘左右我假日12點前去到已經排晒長龍，好彩拎咗飛喺附近兜咗一陣，等咗大半個鐘到就入得😆墨西哥叉燒包(中點$25)送上嚟嘅時候暖笠笠，一啖咬落去，外層好香好鬆軟，麵包嘅甜味加埋叉燒餡嘅味道好豐富🤤嚟到一定要嗌呢個！蜜汁叉燒腸(大點$28)腸粉幾足料，包滿晒叉燒，個皮厚薄適中，好滑👍🏻推薦～蝦仁燒賣皇(中點$25)一籠得兩粒有少少貴，不過👦🏻鍾意食燒賣，就一次過嗌足兩份，四粒一齊上☺️食落啖啖肉，冬菇味幾香，每粒燒賣都有三隻完整嘅蝦🦐夠晒足料籠仔馬拉糕(中點$25)馬拉糕嚟講，以呢個價錢有啲連鎖酒樓得四分一個，但呢度係原籠上😍雖然攤凍咗少少先食，但都keep到好鬆軟，係童年回憶嘅味道😏另外仲叫咗：鳳爪排骨飯(特點$34)個飯唔會死咸好重味精，飯粒粒分明，都不錯😉高湯鮮竹卷(小點$23)呢個我反而覺得普通，無乜特別驚喜，下次可以試吓其他🤣茶芥$6位，食咗咁多嘢，賣單每人都唔使一舊水😌主要係覺得佢夠足料，性價比高，食得好滿足環境﹕7/10抵食﹕8/10味道﹕7.5/10…Read More

半熟卵拉麵($78)有3塊叉燒同半熟蛋，我走咗筍，份量都幾大碗，雖然揀咗濃湯，豬骨味好香濃，但唔會太咸👍🏻表面層豬油比我想像中少，感覺無咁油膩，食晒成碗都無罪疚感☺️雖然無得揀麵質，但煮得啱啱好，夠爽身掛到湯叉燒燒得幾香，下次會試埋佢嘅真叉燒，望落好吸引🤤橙黃色嘅半熟蛋蛋味夠濃，索埋啲湯一齊食好滿足😋地獄拉麵($83)一個字：辣😂朋友叫咗呢碗，我試咗少少，陣辣味後勁十足，拍得住譚仔中辣🥵食得辣嘅朋友可以挑戰下～環境﹕7/10抵食﹕7/10味道﹕7.5/10…Read More

一早已經聽過呢間傳統糖水鋪嘅湯圓好出名😋一直都想去試吓，睇完mv之後有更大嘅動力去朝聖😉鴛鴦湯圓($28)呢度最出名就係黑芝麻湯圓，但我又好想試埋花生湯圓😝一於就嚟個鴛鴦湯圓，一次過滿足晒兩個願望😆手工湯圓嘅皮好薄好軟，一啖咬開，啲餡就湧晒出嚟🤩黑芝麻有炒過嘅香味，比平時食嘅更加香濃🤤相比之下花生湯圓就無咁驚喜，湯圓皮厚啲啲，不過夠煙韌，流心嘅花生餡好香，配埋佢碗糖薑水，超濃嘅辣薑味，尤其嚟緊開始凍，冬天食真係一流😍過一個暖笠笠嘅冬天環境﹕7.5/10 (因為Anson Lo喺度拍mv加分🤣)抵食﹕7.5/10味道﹕8/10…Read More

今次跟朋友去食重慶大廈嘅非洲fusion菜😎餐廳啱啱裝修好重開，改行簡約高貴風，環境好清靜舒服😌店長特色拼盤 ($388)十分推薦呢個！拼盤包括非洲炸鰂魚🐟、炆牛尾、辣雞翼、串燒、沙律🥗、薯條🍟同蒜香飯，份量好多，足夠3-4人share食，夠曬滿足😆菲律賓沙律有蘿蔔絲🥕、提子乾、紅椒、薑等，酸辣得嚟好開胃～鰂魚外皮炸得好脆，入面魚肉🐟好嫩滑，魚味幾濃牛尾炆得好淋，味道偏甜，有住家菜🏠嘅味道貼心嘅老闆娘👩🏻知道我哋唔食得好辣，所以雞翼落多咗非洲蜂蜜，少少辣，酸酸甜甜幾惹味串燒有啲韌，不過肉味超濃，會嚥上癮😝蒜香飯🍚粒粒分明，配埋炸蒜粒食好香口拼盤配咗4款醬：非洲海鮮醬似香辣嘅XO醬、加咗肉桂嘅蜜糖芥末幾特別、後勁十足🥵嘅洋蔥汁同泰式辣醬，各有特色👍🏻青醬蝦意大利麵條($138)用咗幾朵食用花🌺做擺盤，份量都幾多，手工磨嘅青醬松子味幾濃，無一般食嘅青醬咁咸，蒜味唔算好出，蝦🦐爽口，整體都不錯菲律賓焦糖布甸($58)幾鍾意佢個焦糖布甸🍮因為用咗煉奶，質感比平時啲稠身，慢慢㗳好似食緊牛奶糖咁，好甜好滑🤤雖然細細個，但如果食晒一個都會幾漏吓，建議幾個人share就啱啱好😋食到差唔多尾聲，老闆娘走嚟同我哋傾偈，同我哋分享煮食嘅心得，好nice，佢仲請我哋試飲非洲涼茶🤩第一啖飲落酸酸甜甜，有啲似酸梅湯，點知後勁都唔少😂因為落咗薑，好新奇嘅味道，不妨一試環境﹕8/10抵食﹕7.5/10味道﹕8.5/10…Read More

以通菜街咁多特色餐廳嚟講，呢間餐廳嘅外貌唔算起眼😗但性價比嚟講都算唔錯～豬頸肉湯金邊粉($45)好大碗金邊粉🤣係平時嘅1.5倍份量，豬頸肉有差唔多十塊咁多，個湯幾清甜，飲完唔好覺得好口渴，啱晒啲成日出街食，但又唔想食太濃味嘅人😋豬頸肉醃得幾入味，燒得夠香👍🏻烤豬肉手卷($63)份量都幾多，有六舊，入面包咗檬粉、蘿蔔絲🥕、生菜🥬同烤肉，但檬粉佔咗大部分，其他材料較少，食落個皮有啲韌，就咁食嘅話味道會比較淡，要浸好多撈檬汁一齊食，但浸完嘅味道都ok😉蝦醬炒通菜($68)味道都幾好，蝦醬唔係好濃好咸嗰隻，有鑊氣，想食得健康啲不妨一試😆佢有個越式/法式二人套餐，啲餸嘅選擇可以任換，感覺都幾抵食，可惜嗰日唔係好肚餓，怕食唔晒所以無叫到，下次再嚟試吓先🤤環境﹕6.5/10抵食﹕7/10味道﹕7/10…Read More

趁放假入長洲慢活下，好好感受小島嘅人情味🥰長洲有好多特色小店，嘢食嘅種類又多，好啱放假入嚟掃街😋周圍行嘅時候見到呢間用幾個汽水箱疊埋做枱櫈，佈置幾特別，而👦🏻又食厭咗海鮮餐廳嘅海鮮，就決定入去試吓，呢間主打本地即炸海鮮小食🤤本灣海赤米蝦($60)老闆娘推介呢個，話每年得兩造，的確無介紹錯！細細隻嘅蝦🦐炸到好爽脆，鮮味加上有陣咸香，好惹味，送酒一流😍餐廳仲有賣手工啤，不過今次無試到😉去骨鱭魚($60)另外叫咗份炸魚，份量幾多，有六七條🐟，炸粉好薄，魚肉幾鮮甜嫩滑，唔會炸到太乾，美中不足嘅係雖然已經去骨，都仲有唔少骨🙈食嘅時候要小心啲環境﹕7.5/10抵食﹕8/10味道﹕8/10…Read More

行開尖沙咀一於過嚟厚福街搵食，成條街唔係好長但已經有好多餐廳選擇🤩有拉麵、日本野、茶記、泰式野⋯⋯要試勻晒都唔容易😝今次我就試咗沾麵～佢有好多湯底選擇﹕魚介、赤海老、龍蝦、芝士海膽🤤價錢由七十幾至二百幾都有，豐儉由人😉豚肉魚介沾麵($89)我好鍾意佢啲湯用石鍋上，送上嚟嘅時候仲滾緊😆咁就可以keep住個溫度，食到尾都唔會覺得凍，魚介🐟湯幾濃厚，又唔會好咸，麵身夠煙韌，都掛湯，叉燒就有啲嚡口，不過燒得幾香，以呢個價錢性價比都算不錯👍🏻龍蝦沾麵($89)我通常食沾麵都係配魚介湯或者蝦湯，龍蝦🦞湯都算驚喜，好濃郁嘅龍蝦味又唔會好腥，但食到尾有少少膩🙈不過整體來講都幾好，感覺有啲似食緊龍蝦汁意粉🤣下次一於試埋佢個芝士海膽湯，好似好吸引😋環境﹕6.5/10抵食﹕7/10味道﹕6.5/10…Read More

喺我打緊呢篇嘅時候，我已經再book咗去食😂呢間樓上cafe喺唐樓嘅一樓，入口好隱蔽，名副其實嘅「隱世cafe」😝幾喜歡呢間餐廳嘅佈置，行7、80年代嘅懷舊風，好似坐咗時光機咁，如果有埋部黑膠唱片機播音樂就真係一流🤤(覺得我影到啲食物都好懷舊🤣)意大利蕃茄海鮮燴飯($118)有一隻大蝦🦐、兩大隻青口同幾舊魷魚🦑，蝦夠爽口，青口幾厚肉，味道算鮮甜，飯嘅份量都幾多，蕃茄🍅味偏酸，不過幾開胃，唔覺意食咗好多😆甜蕃薯條($50)推薦佢嘅蕃薯條😋炸到啱啱好，外脆內軟，入面仲好濕潤，蕃薯🍠本身嘅甜味，再加埋擦咗蜜糖嘅表面，好食！煙三文魚溫泉蛋沙律($63)因為叫咗兩樣重澱粉質嘅食物，就食返個沙律🥗平衡返☺️撈咗溫泉蛋嘅沙律菜陣草青味無咁濃，加埋沙律醬味道幾豐富，而且份量都幾多～細細間嘅餐廳，昏暗嘅環境，幾啱👫🏻約會或者約埋幾個老友一齊話當年🥰環境﹕8/10抵食﹕7.5/10味道﹕8/10…Read More

我發現我好少介紹飯類，會吸引我食嘅好多時都係蛋包飯😂因為個賣相真係好吸引～呢間餐廳喺舊式商場嘅角落，同佢個名令人聯想起《轉角遇到愛💕》(暴露年齡添🤣)，少少工業風嘅簡約設計，環境都幾舒服😉照燒雞扒蛋包飯($66)個賣相望落都幾吸引🥰有金黃色嘅半熟炒蛋，🍳夠滑，蛋味幾濃，可惜入面唔係炒飯底，不過勝在份量唔細，男仔應該都夠飽👍🏻雞扒算嫩滑，但照燒汁甜咗少少，食到尾有啲漏🙈日式蔬菜薯餅2塊($32)薯餅入面幾綿，唔係好實好滯嗰啲口感😆有薯蓉🥔同青豆等，炸得幾香，配埋少少沙律菜幾清新，唔想次次都食雞翼/肉嘅小食嘅話，都可以考慮下呢個☺️環境﹕7/10抵食﹕7.5/10味道﹕6.5/10…Read More

今次嚟到大圍搵食，宜家無得✈️去泰國，唯有食碗船麵頂吓癮😆豬肉船麵($60)用咗新鮮牛骨湯熬嘅湯幾香濃，金邊粉索晒啲湯，豬肉丸幾彈牙，豬肉片就不過不失，最鍾意佢嘅炸豬皮，炸得夠香，連埋湯食一流🤤泰北金麵($62)佢嘅椰汁咖哩湯🥘有驚喜！雖然好辣🤣有譚仔三小嘅辣度，但好香好惹味，配埋粗蛋麵好夾，辣住食都好快食晒😝原隻雞髀🍗上好足料🤩醃得幾入味，肉質都嫩滑，十分推薦呢個～凍泰式奶茶($24)因為叫咗少冰，會甜少少，可能食住辣咖哩就覺得啱啱好👍🏻飲落都幾滑環境﹕7.5/10抵食﹕7.5/10味道﹕8/10…Read More

呢間餃子🥟店長期都好多人排隊，一直都想試吓，但我哋行過旺角分店幾次都無排到，因為實在太多人😣最近終於有時間去長沙灣總店朝聖😎我哋特登避開午飯時間2點幾先去，諗住可以排少啲，點知都一樣有幾個人等緊，真係好受歡迎😝好彩等咗15分鐘就入得～雙併煎餃($46/10隻)雙併都唔使額外加錢，好抵😆我哋揀咗椰菜冬菇雲耳豬肉餃同南瓜忌廉雞肉餃，餃子皮好薄，煎得好香口👍🏻椰菜餃有好香嘅冬菇味，椰菜加埋雲耳夠爽身，調味唔會過咸🤤不錯南瓜餃有驚喜😍南瓜餡比較少見，香濃南瓜味同餃子又幾夾得嚟，忌廉就啖啖地，唔算好出，係會食上癮嘅味道😋湯餃子麵($38/5隻)湯底可以揀雞🐓湯/番茄薯仔魚🐟湯，鍾意番茄🍅嘅我揀咗魚湯，配臺灣麵，餃子就揀咗韭菜豬肉餃～十分十分推薦佢個魚湯！！🤩尤其係女仔，飲多啲魚湯對皮膚好🥰魚湯好鮮甜，第一啖有少少驚豔，係媽媽煲嘅味道🤤飲得出放咗好多魚，同無乜味精，我最後飲晒成碗😂臺灣麵唔會煮到好淋，配埋湯食一流😙韭菜餃就菜嘅比例多啲，鍾唔鍾意就因人而異，我自己就好鍾意😄因為韭菜味超濃，餡好多，皮又夠薄，值得一試👍🏻聽講佢嘅粟米芝士雞肉餃好好味，下次一定要再去試過🤤環境﹕7/10抵食﹕8.5/10味道﹕9/10…Read More

行開尖沙咀想睇住個靚海景🏝食嘢？但又想食平啲？一幻係唔錯嘅選擇😂不過望唔望到海景就要睇彩數啦～我去咗兩次都坐唔到海景位😭一人尊享套餐($99)(另收加一)招牌蝦湯拉麵(適量豚骨+醬油)+溏心蛋+零系可樂我叫咗招牌蝦🦐湯拉麵，可以根據自己嘅口味揀味噌、鹽味或醬油，我鍾意濃味啲，所以揀咗醬油，加埋適量豚骨嘅湯會稠少少，但唔會蓋過本身嘅蝦味，味道更豐富😋幼麵唔會好淋，都掛到湯👍🏻溏心蛋🥚蛋味夠香，有淡淡醬油味，跟套餐有多一隻溏心蛋😍好滿足～唯一失望嘅係兩塊叉燒，食落有陣雪味，偏嚡口😢上次食好似無呢個問題，希望下次再食會好啲環境﹕7.5/10抵食﹕7/10味道﹕7/10…Read More

呢度出名造型特別嘅蛋糕，好似紙包檸檬茶、菠蘿包、淡奶罐頭等，好有本地特色～我為咗試佢個檸檬茶蛋糕而嚟，可惜週末黃昏嚟到已經賣晒(太晏了🥺)不過都食咗其他甜品😋菠蘿包($65)個包🥯嘅外層係椰子慕絲，再包住菠蘿🍍(菠蘿包終於有菠蘿🤣)青檸熱情果醬，酸酸甜甜食落無咁漏，舊牛油🧈係海鹽馬斯卡彭忌廉，咸咸地，口感同味道都幾可亂真😂個底有啲脆，係椰子達克瓦茲，成個口感夾埋晒幾豐富芒果糯米飯($68)呢個甜品橙黃色，賣相好吸引🤩但係食落就無菠蘿包咁驚喜，味道就好似平時食嘅芒果糯米飯，但係口感唔一樣～外層嘅芒果醬包住椰汁米飯忌廉，中間包咗舊糖漬芒果🥭，幾開胃，加埋糯米海綿蛋糕，食落粒粒米飯，但就無糯米飯咁煙韌嘅口感，無咁易食滯🤣整體味道都唔錯～棉花糖熱朱古力($68)開頭見佢賣相幾靚所以叫咗，一送上嚟店員叫我哋錄影，影佢放舊棉花糖花🌼喺上面，等佢慢慢開花😍佢嘅朱古力味夠晒濃，唔會好甜，中和返甜品嘅甜度，推薦🤤環境﹕7/10抵食﹕6.5/10味道﹕7/10應該要加個賣相分😆：8/10…Read More

呢間喺關注組討論度甚高，見有唔少人特登入屯門食，而我就成日去食🤣因為真係幾好食😋豬骨湯小鍋米線配豬頸肉($41連飲品)嚟度一定要試佢嘅豬頸肉！煎得好香，切到細細條，份量都幾多，不過我覺得可以大條返少少會再有咬口啲🤔佢啲米線好滑，湯底夠濃郁，配埋肉碎同酸菜好惹味🤤我叫咗小辣(感覺比譚仔十小辣再小啲)過吓癮就算，食得辣嘅朋友可以試吓中辣或以上😆唔食辣嘅朋友都可以試吓佢嘅鮮魚🐟湯米線，魚嘅鮮甜味好出，都係唔錯嘅選擇！另外個人覺得佢嘅韮菜雲吞都幾好食，有三粒大大粒，韮菜餡夠晒香，唔想食豬頸肉不妨試吓呢樣😉環境﹕6.5/10抵食﹕7.5/10味道﹕8/10…Read More