今日同朋友係尖沙咀行街 行到攰求其搵咗間餐廳 坐底休息食下野 點知都幾有驚喜😍餐廳叫Pound & Roll 一入門口見到啲蛋糕都幾吸引 餐廳環境設計都幾舒服 都幾啱打卡同朋友傾吓偈☺️侍應由門口到帶位入座介紹餐廳 都幾有禮貌同耐性👍🏻落餐舉手都好快過到嚟👍🏻今餐叫咗忌廉黃金大蝦扁麵 半熟煙三文魚蘑菇忌廉扁麵 白酒羅勒煮大蜆拼薯條 黑醋烤雞肉 同鮮雜果窩夫白酒羅勒煮大蜆拼薯條 價錢好似都係$128左右 一個價錢有兩樣食 正 正常發揮 都幾好味 蜆都幾大隻同多 可惜唔記得影相 失策😵💫 底下仲有薯蓉墊底 連埋啲湯一齊食都幾好味😋忌廉黃金大蝦扁麵 大蝦爽口彈牙 幾香濃鹹蛋黃味 每條麵都掛晒汁 鹹香鹹香越食越好味半熟煙三文魚蘑菇忌廉扁麵 聽侍應講話煙三文魚係自家醃製 幾好味 一上枱 煙三文魚花捲得好靚😍煙三文魚好香香草味 唔太鹹 都有幾塊 份量足 扁麵掛汁一流 睇嚟尼間扁麵幾出色 仲有見到尼到有意大利飯 不過今次冇叫 下次可以試下😉主食叫咗份黑醋烤雞肉 雞腿肉有兩大塊 雞腿肉幾多汁 一啲都唔鞋口 旁邊仲有黑醋番茄 酸酸甜甜幾開胃一開始入餐廳已經聞到好香蛋香味 原來餐廳有賣窩夫🧇我地都唔執輸叫咗一份做飯後甜品 一上到枱 即刻嘩一聲 超大份 好彩我地四個唔係叫咗好多野食 食埋個窩夫做一個Happy Ending 🤪鮮雜果窩夫伴雲呢拿雪糕 賣相一流 啱晒打卡🤩窩夫有四大件 一人一件剛剛好 窩夫蛋香味好濃 我地影咗一陣相 仲keep 到脆👍🏻窩夫仲有一球雪糕同馬卡龍 值得一讚係馬卡龍好香脆唔太甜💯今餐飯我仲叫咗一杯果汁 叫熱情沙漠 飲得出百分百鮮果汁 冇溝水😆今餐飯幾滿意💯💯💯冇諗過亂咁揀 都揀到間好食 誠意滿滿嘅餐廳 加上食物價錢每款都係$120-150左右 性價比都幾高 下次都會再返嚟食😋😋😋…查看更多
