* 莎拉's Profile

祠堂士多位於粉嶺圍祠堂旁，原身是幼稚園的一部分，十多廿年前這裡擺放著很多古舊的滑梯／遊樂設施。遊樂設施棄置後，大時大節這片地方會用來吃盤菜。一直到2011年， 祠堂士多正式開業，主攻街坊生意。 開放式廚房設計，食物即叫即煮，包括早餐／常餐／西式意粉等。推介是常餐，只售$24，包：(1) 湯通粉／意粉，湯底沒有味精(2) 漢堡牛肉，自家製作，牛肉鮮味，混和了洋蔥(3) 炒蛋多士(4) 飲品其他食物如烘三文治／即炒意粉也不錯。缺點是環境一般，只設有電風扇，但夏天可看到藍天。士多內有不少田園式擺設，感覺輕鬆，適合星期一至五生活忙碌，週末遲起的人吃午餐。士多門口有地方可供短時間泊車，而附近的北區公園有咪錶。這是一間有人情味的士多，希望可以繼續維持水準。…Read More

好耐之前係CWB食過一次yogo不過因為太唔方便，已經無再試過旺角愈來愈多FROYO，當然唔少得連鎖店yogo!店內一貫清新感覺，店員感覺亦都幾醒目叫左原味同芋頭味原味夠清新有少少奶味芋頭就唔太似froyo反而似軟雪糕但個味整得唔錯，似真野至少唔似某d froyo咁似藥水味toppings竟然有cranberry同果仁真係唔係間間froyo都有! 花生就有果仁好好味，好夾froyo不過cranberry就甜左少少!落得太多會俾佢D味覆蓋晒~ 無咩FROYO味入口而用完的餐具可以分開回收，夠環保!!!…Read More

天寒地凍:(經過Happy Lemon當然要買返杯熱飲啦Menu唔算好多款熱飲...咁晏又唔想飲茶(雖然佢的matcha好正)最後揀左朱古力布丁朱古力好熱 正!!! 即時暖晒叫左少甜但都係幾甜下... 不過剛剛好布丁就係凍的(室溫)甜甜地有少少蛋香味，但食得多會覺得好甜兩樣撈埋一齊就剛剛好可以即刻飲! 店內有一張檯仔可以坐下! 唔錯!不過得一張，所以手快有手慢無…Read More

仙踪林的結業，簡直是一眾舊上水學生的悲歌不過人總是要向前望的:)其實係沙田都食過好幾次越棧，今次就一試上水的水準兩點黎到，仲有半個鐘先有下午茶於是就散叫左金邊粉同小食落order的時候呆左...話說原來呢間越棧請左好多非香港人口音好不純正 佢唔明我講乜 我又唔明佢講乜結果落order要用國語! (仲聽到其他檯的人都係咁......)牛展湯金邊粉牛展都幾腍，薄薄地有四片，唔錯湯底講到好誇張"一個湯底的傳奇"話用唔知牛定豬骨整成，我覺得味精唔算多，還可以但當然無佢形容得咁正，不過係好味過普通牛腩面湯底金邊粉都幾好，不過要撈一撈d湯底先好食，如果成"注"食會無咩味雖然賣三十幾蚊一碗粉，但份量唔算多男仔應該會唔夠食南乳雞亦雞亦都好味，夠入味!入面的肉都好濃南乳味間野整體都ok坐得幾舒服，但就係同侍應溝通有少少問題(佢地態度都幾好幾積極)…Read More

返到返到九點幾，心情不爽，累到死都要去食飯經過北海道活壽司好多次，但係都無入過去食今晚見到夜晚有八折咪入去試下:)係門口問清楚經理先入去：兩個人要消費滿$100(原價計算)order左都幾多碟以下係推介的:粟米花之戀大大件花之戀，最適合肚餓之人!粟米是我最愛之一:) 三文魚又夠肥美:)一次過滿足晒兩個願望帆立貝珍寶帆立貝無晒，唯有叫非珍寶啦不過肉質都算肥美!! 比想像中大件燒玉子玉子應該係翻叮的，但上檯時係出煙的肚餓如我非常感動係甜左少少，但都幾大件!其他好似甜蝦同三文魚壽司都okay…Read More

深水埗的呢間砵仔糕真係坎稱全香港最抵! 一蚊一粒!當然啦，佢的size無一般砵仔糕咁大，而係細細粒舖頭唔算近地鐵站，係街邊檔隔離但經常有好多人幫襯買甜品:)砵仔糕係用傳統瓦砵仔裝住每一次order都絛用竹籤快快手咁整出黎分別有黃色同白色貪心如我當然總會揀晒兩隻色!但食多幾次之後，總發現黃色係正好多黃糖的味道比白糖來得天然!砵仔糕質地少少煙un又有少少彈性琳琳地，好有口感，食完想再食!一口一粒，非常爽聽說呢度的其他糕點都幾好味，但我主要食砵仔糕有次食過糯米糍，但覺得佢粉多左D，唔算值得推介:)…Read More

食之前一日打黎訂位，仲好驚會full booking點知原來唔係好多人食接order的疑似經理果然係神神化化講野一輪嘴之餘仲要唔係好明佢講乜anyway book到張檯訂到甜品裝飾就得啦5點幾去到愉景灣，周圍行下影下相就入去睇完menu，order完就等野食等睇煙花:)Fettucinui CarbonaraCarbonara係整得幾好味的，個汁好濃好rich不過兩個人食完真係好滯 仲有成個PIZZA要食!Hawaiian Tropic Pizza個pizza係厚批，材料都幾多!我就覺得佢整得一般，可能個底太厚食左一件都唔得啦...... 結果要打包Strawberry Milkshake呢個飲品好失望! 用的係假strawberry味一飲都知係"藥水味"! 唔得!Banoffi Pie甜品有香蕉&caramel的，好甜好甜應該唔適合一般香港人口味(除非極愛甜的人)不過作為今次dinner的highlight，當然有靚靚Happy Birthday係碟邊!食到一半煙花就黎啦! 不過好遠其實睇得唔太清楚不過環境真係幾舒服! 食完記得去換免費船飛出中環:)…Read More

呢間野從來都係以平價招徠食的當然唔係靚貨, 食中魚生就真係要小心D叫左個三文魚親子飯唔知係咪太多人食壽司啦，等左好耐先黎一上檯就覺得佢勁少三文魚子，仲要粒粒都唔靚好似粒粒都縮晒水，無彈性之餘仲要唔好味三文魚就好少少啦，雖然睇得出唔係咩新鮮貨色薄薄咁幾塊，又無俾好瘦果部分跟餐有懷舊樽裝氣水都幾開心$42其實又唔算好抵，不過下次都係唔好食魚生食熟食應該會好少少而呢間餐廳環境的確好迫！好容易俾經過的侍應撞到…Read More

深水埗的牛雜又平又正，比起旺角的好得多$10一碗，$7一串 (很可惜，一串的價錢由$6升到$7了)多數我食牛雜都係淨食肚，因為感覺上無咁肥(不過食得多內臟都唔會有益得去邊)每舊都好入味，又夠"林"最緊要係加埋佢的紅+黃醬汁! 即係甜醬+芥末甜甜地又咸咸地又辣辣地! 一流!仲要俾好多舊，加左價都係抵的一大堆人係舖頭前面密密食，別有一番風味不過話說今次去食遇到老細加新的牛肚落去個煲度，d牛肚好雪白，但我食緊果串就橙橙地色即刻嚇左一嚇! 即係又漂白左又用左染料下次唔敢食 哈哈…Read More

呢間好有gimmick的窩夫專門店已經開左一排!一向愛俱waffle的我終於有機會來試一試!一去到見到個menu已經眼花撩亂!好多唔同款唔同味的waffle，仲有yogurt飲品!不過天寒地凍，凍飲都係唔好搞結果叫左個原味配朱古力雪糕即叫即整，夠晒新鮮!waffle好細心咁切成好多件，方便入口食落口好香脆，不過唔係我心目中的比利時口味:(如果有多D牛油味應該會更香同更rich!雪糕用上普通雪糕，無乜驚喜，另外用一個膠盒上不過加埋waffle食係幾好味的一濃一淡都幾夾!但係以咁的價錢，我寧願食citysuper的waffle…Read More

本身想去食清湯腩，點知星期日閂門咁就食返陳漢記啦！下午茶時段無煲仔飯，就食下粥麵腸粉肉丸粥+蝦腸餐($26)粥底依舊好綿，正!肉丸都幾好味,雖然唔算新鮮即製蝦腸個樣唔太整齊，但都保持到水準(有一次夜晚黎食，唔得，皮好厚)牛雜麵 ($20)一碗有好多牛肚! 夠稔，唔錯牛腩（一碗）　($40)好失望的一碗牛腩俾左好多唔同部分的牛腩，其中有d非常"un"!!!咬極都咬唔爛!有一部分係OK的，但整體上偏咸食完感到好多味精... OK黑名單…Read More

鰂魚涌都開了yomama~so good!:)既可吸引太古城住客, 又可吸引附返返工的白領!款式與價錢和其他店舖一樣!點了平時慣吃的綠茶味+blueburry topping~這間分店有4-5張小檯給食客坐，感覺很悠閒!可惜店員態度一如以往不太好，連擠yoghurt都擠到一pat 不過有得食就不理!!! 綠茶味好似比IFC總店更有綠茶味!! 相信綠茶愛好者都會喜歡!!!!froyo是一向的軟滑!!! blueberries都好新鮮&大粒唔怪得見到好多人都叫blueburries!!以後都可以常來:)…Read More

多數人黎呢度都係食炒粉麵飯大大碟都係$25仲包野飲不過我就只會食雲南米線!一碗入面包埋酸菜，花生，芽菜酸菜食到最尾成碗都係,所以有次就叫左少酸菜不過原來少酸菜個湯底會差好遠... 無乜味咁配料有好多款揀豬軟骨夠入味；豬頸肉就香口；雞肉清清地；腐竹係炸過的，不太喜歡；鮑魚絲有咬口；魚腐唔太似出面食果d，係鯪魚肉再加d豆腐拎去炸，幾得意另外加飲品都係$3!見到佢的焗飯都幾靚，又係$25!不過上次見到搭檯呀姐投訴乾炒牛河唔得，太濕(見佢食剩大半碟!)仲想讚下呢度的侍應，禮貌都OK你知熟食中心有d阿姐好有性格...但呢度的阿姐都幾醒目有次叫米線，我仲諗緊飲咩，佢就話幫我落左先，因為要等得耐!唯一不足係呢間比較少檯，同埋熟食中心環境始終差少少…Read More

這間餐廳出面看來好像幾吸引，裝修不錯，以為是正宗泰菜午飯時間來到，午餐選擇不多，都是大路的咖哩或泰式粉面我叫了一個泰式雞肉炒金邊粉. 套餐送例湯及飲品 $38例湯是很稀的薯仔蕃茄湯...只有很淡的肉味...明顯是材料不足主菜等了很久才到賣相毫不討好，一點也不像泰式的炒金邊粉!!!!雞肉是白烚後放上炒好的粉上一試味, 覺得很乾......雞肉沒有味道金邊粉都炒得不好食，一點泰式香料都沒有用過茶記的乾炒牛河還好食...朋友的咖哩都是一般貨色...實在難以再吸引我再食!…Read More

被迫黎到屯門，竟然發現有froyo食!精神為而一振!!又係自助裝topping形式感覺上係乾淨少少，但topping都係會有mochi去左椰果的情況衛生情況有待改善...froyo個base係幾好的，夠酸又夠奶味而且唔會有好多冰，口感唔錯其中peach味好似牛奶公司的peach yoghurt!mochi好多粉，不太好其他topping還好…Read More