lovelybuffet's Profile

難得約到同樣愛食辣嘅朋友，就去呢間試下佢。肥腸香鍋加豆干-中辣口水雞 - 中辣干煸四季豆 - 小辣香鍋同四季豆都大大份，夠晒鑊氣，一啲都唔小氣。肥腸帶有肥羔， 有咬口但唔會韌，豆干吸收左香鍋嘅汁送飯一流。口水雞係冷盤屬前菜所以唔太大碟，但如果可以切大件少少就好啲。同朋友都叫左水果茶， 唔太甜，配合西瓜解辣一流。最後服務唔錯，樓下門口姐姐熱情有禮。總結會再去挑戰下大辣嘅…Read More

其實去得重慶食咖喱都知環境會係點, 以前都去過其他餐廳都略知一二. 但問題係呢間餐廳既冷氣係壞既, POWER燈係有著但完全FEEL唔到冷風, 好在有2支天花燈係頭頂吹下, 又好在帶屋企人黎食就費事場因為驚冇位.. 如果唔係會即刻奪門而出. 上菜都等好耐, 等20分鐘先黎2個前菜, 其他餸就好似去飲咁逐個出.. 已經又熱.. 又餓... 仲要等...講番d食物其實係好食既, 個butter chicken 甜甜地好易入口, 有個vinxxxloo beef (大約係咁串) 就真係好辣. 蒜蓉薄餅夠脆口但唔夠香, 叫左個芝士薄餅見唔到芝士, 唔知係咪用芝士粉但又完全冇芝士香, 我見另一間都係重慶既芝士薄餅真係拉得芝士.. 總括黎講.... 10萬個後悔.…Read More

睇報紙見到介紹, 好似唔錯, 即訂位諗住同朋友慶祝生日, 原來online訂仲有8折潻, 起初都覺得幾吸引, 仲熱切咁期待, 殊不知....訂左6點鐘, 早少少大約5:30到左, 發覺餐廳樓下落左大閘, 要5:45分先開閘比客人入去, 要d客人係閘外等, 我第一次見餐廳(枉論酒店餐廳), 要d客人係閘外等6點鐘㕑師先開始透爐, 乜BBQ都冇得食, 熱盆有幾款: 炒飯, RIBS, 粟米, 燒青紅椒, 㕑師腸同司華力腸, 燒鷄搥, 有兩款沙律, 甜品有芝士蛋糕, Jelly, 涼粉,仲有少量其他甜品. 其實枱數唔算多, 大概10零廿張左右, 當中包括幾張大枱, 但bbq 㕑師根本做唔切, d客要去個爐度排隊等野食,好話唔好聽好似難民咁, 仲辛苦過去大尾督自己燒..可能人多, 㕑師做唔切, 佢較到個火好大, 燒到d扒又燶又乾, 海鮮又係, 浪費晒d食物.大半個鐘之後, 熱盆一掃而空, 我忍唔住同個waitress講出面熱盆冇野食, 佢先話"哦, 我去睇下.." , 唉.... 諗住黎享受美食夜景, 而家唯要集中係夜景上..其實個青馬大橋夜景真係好靚, 伴住d浪聲咁bbq應該係好享受, 但不知所謂既安排同服務, 浪費晒個美景. 呢間野真係不知所謂, 要d客人係鐵閘外等開閘,好以難民咁等食, 價錢平唔係理由, 珀麗灣都有超市, 自已去超市買d野食係海灘坐應該更加舒服. 附上從海灘上影的青馬大橋, 著實不比餐廳的差…Read More