nomnomfoooodie's Profile

平日12點半左右過去已經排晒長龍 大部分都應該係附近返工嘅上班族 店舖位置唔算太少 等咗20分鐘左右就入到座～🥢香煎海蝦龍蝦汁捲捲意粉同想像中嘅味道一樣 龍蝦汁味道濃郁 意粉軟硬度啱啱好 值得一提嘅係份量啱啱好 🥢開心果芝士蛋糕有兩種口感 下層係超級超級順滑 芝士味好夠再搭配適中嘅開心果位 成件事緊夾 會因為呢個cheesecake想再幫襯應該會再去幫襯 呢個價錢對得住個質素 見到隔籬枱食其他意粉都好吸引 會想再過去試埋其他意粉!!…Read More

前日行過㕵角口痕想買啲小食 醒起之前朋友介紹過旺角中心嘅雞蛋仔店 決定去試下一去到已經比連儂牆吸引到 小店牆身痴滿咗memo紙 見到有唔少食客買完雞蛋仔都會喺牆上打卡雞蛋仔嘅口味種類好多 有鹹有甜 除咗雞蛋仔之外 亦都有格仔餅賣的 最吸引我除咗係口味種類多之外 就係可以額外加麻糬/流心蜂蜜做配料阿華田脆脆雞蛋仔(加麻糬)雞蛋仔等咗大約5分鐘就有 攞上手已經聞到好大陣嘅阿華田香味 食落去唔會太甜啱啱好 同埋加咗麻糬 所以會有煙韌嘅口感 有層次唔會好單調兩個人share當下午茶小食就啱啱好 下次會再幫襯試下其他口味…Read More

今日去咗屋企附近搵餐廳食晚餐 遠處比呢間鋪頭嘅設計吸引咗過去 自己都幾鐘意食車仔麵 之前聽過呢間嘅車仔麵都出名 所以決定試下永年4餸車仔麵我嗌咗一個4餸車仔麵 因為呢間餐廳落單係用自己電話scan QR code 所以有好多特別要求都可以好方便自己揀晒然後落單 我嗌嘅4餸包括 牛筋 豬皮 豬紅 蘿蔔 湯底係清湯 除咗清湯之外仲有蕃茄湯底揀 另外都可以自己揀要唔要辣汁 我今次係走辣汁嘅搭咗兩條通菜 車仔麵份量都偏大碗 叫咗嘅4個餸都好入味 特別推介豬皮 好爽好入味 不過價錢嚟講$88一個4餸車仔麵係偏貴 但係湯底有驚喜 所以都算係值得一試蝦多士蝦多士同想像嘅稍有出入 入口係香口脆身 但僅僅一啖已經覺得好油膩 多士上面嘅蝦膠亦都唔算飽滿 略有遜色…Read More