Eat_ismylife's Profile

位於旺角鬧市中，各式各樣大型餐廳，令人花多眼亂。有間外觀似吉野x 賣日式丼，想試好耐，但成日都好多人排隊。今晚 早早6點半到，無人排隊就去試一試~ 全電子Menu ，自助落單。雖然款式唔多，係都有不同組合/配搭，份量唔多，樣樣都可試少少，都幾貼心。燒牛肉丼（配餃子3件）$58牛肉 肥瘦比例岩岩好，醬油入味，配合埋珍珠米係幾開胃。每片牛肉都幾大片，都有少少口感。餃子就中規中矩，但有多款餸就令餐飯更豐富。大紅袍烏龍茶 $16…Read More

龍鳳松茸雙煎餃$92呢款係鋪頭推薦，menu 上有手指公。而仲有得自選煎/蒸。今次我地食8隻煎餃，平均大概$10/隻。真材實料，有黑松露，有足料豬肉，真係好正。雙拼湯餃$63 (韭菜 x 芫茜)本身以為 呢2款餃都係差不多。點知食落真係好大分別。 韮菜餃: 菜多豬肉少，淡味d (感覺幾清新，係健康首選) 而芫茜餃就相反啦～ 菜少豬肉多，味道濃郁，真係會令人幾開胃。anyway, 無論邊款都好，材料都好足，賣相外形都好一致。四川涼麵皮 (小辣) $32睇個名已經流曬口水啦～ 果然賣相一流，無令人失望。但如果放耐左 粉皮就變左一餅野，chim 埋chim 埋。加少少湯就好快散開，粉皮滑流流，雪兩三下就入口。粉皮有1定厚度，唔易碎散，又易掛就上醬汁，好野味，真係eat 之棒!…Read More

觀塘上樓日式料理都多，呢間好方便，响地鐵站出口旁邊，而且同觀塘唔係响最多人個幾條街，唔洗逼，又唔洗排隊搭𨋢上樓。可惜有限聚令，晚市無堂食，環境好靚，而且好舒適，最珍貴有兩台中古柏青哥我地點咗龍卷風沙律、煙花（三文魚吞拿魚卷）、蜘蛛（軟殼蟹卷）、芝麻雞翼、日式炒烏冬龍卷風沙律好大份，睇落似普通日式料理嘅前菜蟹籽沙律，不過食落就好大分別，雖然外賣隔咗陣先食，沙律菜口感仲好香脆，除咗沙律菜，仲有中華沙律，口感爽口，前菜清新開胃煙花 响卷物面上有大堆嘅吞拿魚刺身粒同蟹籽，一片晶瑩通紅閃亮，尤如日本祭典發放煙火，卷物包著三文魚，入口鮮甜豐富，略帶微辣的點點刺激，有小顆粒碎脆片，齒甲間有種微微爆發的口感，有種煙火在身體中綻放感覺，一款有心思有創意料理蜘蛛 卷物包著粗大炸軟殼蟹，粗壯蟹腳肆無忌憚撐出，好像用紫菜米飯包粿著金黄色的怪物蜘蛛，蟹肉鬆軟外皮香脆，配料當相當豐富，牛油果、青瓜、蟹柳 等等，同軟殼蟹好配合日式炒烏冬 外賣打開食都仲好熱辣辣，烏冬好彈牙，醬汁炒得好均勻，每條烏冬都好入味，味道濃，再加上清新野菜，夠火喉，味道又平衡得好好希望日後限聚令解除後可以一大班人上嚟擦餐勁，一口氣試多d唔同款式…Read More

約咗好耐，終於可以同朋友仔聚下，梗係放題大吃大一餐，近期都多咗人外出，所以都特登約平日晚，不過估唔到都幾多人，雖然唔需要等，但眼見幾乎檯檯都有人，可能呢d就係報復性消費，不過估唔到未到星期五或假期都咁多人。放題食物轉來都有更新，都幾多新嘢之前無食過，黑松露x赤蝦壽司，黑松露x牛壽司，芝士鰻魚壽司等等... 唔係以為放題食壽司好搵笨，有d 刺身真係要加飯先好味，食到佢呢精髓，如： 黑松露系列壽司。要讚下滿屋，佢都算係幾公道。d 壽司 飯既比例係好少，刺身肥美，真係無偷功減料，令我地食得好開懷。…Read More

觀塘地頭虫今晚建議試下 Le Monde, 因為網上睇到餐廳環境靚靚地，好岩我地幾個女仔談談心💓  Pork Belly 🥩HKD 158黑毛豬 x 薯菜，真材實料既豬排，有咬口，豬肉仲有彈性，keep 返肉汁。雖然係細件左少少，但都夠厚身。難得煮得唔會鞋口...Tomato & Chese Ravioli 🍅 HKD 108食西餐無意大利雲吞總係少左d野... 所以我地order 呢款😋😋 真係無叫錯，蕃茄醬填滿了我既胃，十分開胃。…Read More

放假前夕，真係要善待自己... 報復性放食食食夠本... 今晚去左串燒放題。除咗串燒，仲有好多熟食同其他餐前小食選擇，坐定剔紙落柯打又得，或者响出面自己夾又得，熟食都好好食好高質，特別係蜜糖雞翼皮脆香口串燒嘅選擇都好多，每款都食一串應該都食唔晒，肉類嘅質素好高，羊肉肉質夠林又唔會騷，牛肉粒都好好味，咬落有肉汁，入口鬆軟，另外蔬菜種類都好多，唔怕食太多肉太燥仲有燒烤最愛嘅粟米，同少見但總係想食一兩片嘅燒菠蘿呢種燒烤都幾方便，自動會轉，受熱均勻，唔係明火，唔會怕肉類搶火有危險，放低就可以等食，等食期間又可以食住熟食先其實仲有雪糕同好多種甜品，但真係食得太飽，所以都無機會試下…Read More

困係家中悶悶地，上網搵下香港好去處。。。搵搵下就比我搵到西貢，白沙灣。同人煙稠密既香港相比下，呢度有環境空曠，可以俾我地擁抱一下大海。而我地就去左白沙灣唯一酒店餐廳食dinner ~我地坐响吧檯，正面可以睇到師傅响廚房的廚藝表演，側面映照天色漸沉的汪洋，而且食客量少，我地就算坐大廳都可以享受恬靜，不受其他食客騷擾我地坐吧檯可以睇住廚師點烹調各款料理，另一方面廚師亦好細心咁留意我地，我地兩個用唔同餐，所以有唔一樣食物時會分享滋味，所以無要求，主動以俐落刀工，幫忙分開食物。真係好細心，好好服務。燒物  松葉蟹蟹膏蟹籽多士松葉蟹肉有好濃郁鮮味，蟹肉中加咗洋蔥，不但無損鮮味，而且洋蔥甜味配合之下發放更多滋味香脆多士配合多汁鬆軟的蟹肉碎，蟹肉鮮味滲入多士之中手卷 日本白飯魚仔入口感受白飯魚淡香，然後散發出青芥味道椀物 豆腐麵豉最喝一口甘甜的熱湯。連平時唔喝麵豉湯既我都一口口喝完，喝出師傅既用心烹調，用料上乘。甜品 士多啤梨雪糕 櫻花紅豆糕 菓子三個甜品都是自家製，士多啤梨雪糕果味濃郁，有蛋托批盛載，雪糕溶化也會在托批之中，而且無損香脆，享受到最後一口甜美雪糕，櫻花紅豆糕上層晶瑩通透中，有幾朵櫻花花瓣，活像比春風吹拂的散落景像…Read More

困左係家甘多日，要報復式去吃飲玩樂甘先爽yy… 所以今晚跟朋友去左食放題。岩曬啦～我要報復式甘食食食。。 估唔到餐廳都有唔少同路人。。 可能一樣仰壓太耐了，要食返夠本。。。講真，知呢間都係滿屋集團開，應該都唔會太差，甘我當然食返d招牌菜啦～冷盤又好，熱食又好。。質素都keep 到，賣相ok, 食落新鮮，呢個時候新鮮先比到人信心架maaa.. 另外，我地淨係飲紙包同罐裝飲品，因為感覺比較衞生，不過都有好多好多選擇，除咗常見嘅汽水同果汁之外，仲有好多選擇，包括茶同酒，有好多唔同 解 茶，食得太多可以飲，唔知有幾多功效，但起碼心理好過d，啤酒有好多選擇，有成櫃係啤酒，而且有apple ciders，想發生親密關係都好多花款最後每人有一個雪糕，其中有焦糖脆餅雪糕，味濃而且有粒粒脆餅，好好味好特別，而且好甜，好適合餐後配一杯熱嘅黑咖啡…Read More

衣家個個都追求衞生快閃黨，餐廳設有e~menu...要掃QRcode點餐其實OK，但用手機本來個QRcode掃描App load唔到點餐版面，App內照片清晰，如果食物有多d資料描述會更好，例如 拼盤有咩壽司款式，又或者卷物有咩主要食材格錢合理，以尖沙咀嚟講係合理價錢，而且食物質素好，所以性價比高上菜算快，不過張檯唔係好夠擺超特選壽司拼盤 蒸蛋 湯蒸蛋同湯都好快上，蒸蛋本身好滑，蛋味同食材都幾豐富，其中幾驚喜係粒栗子幾好食整份拼盤份量都幾大，一個人未必食得晒，其實每件壽司嘅飯都唔大，就算女士都可以一口食得晒，刺身質素好好米飯係啡色，感覺好特別，但欠缺介紹…Read More

餐廳環境幾簡約又光猛，乾淨俐落係令人有點信心，加上價錢親民。真係茶記價錢做到西餐廳既服務。種種既因素令我食得開懷一點點~芝士薯條期間限定優惠，比多$15就可以加芝士薯條，薯條好快就上檯，芝士好香滑，伴煙肉香味，所以好香口惹味熔岩拉絲芝士焗厚切豬扒飯一上檯就見到塊豬扒真係好大塊，覆蓋晒成個飯，而且真係好厚，不過肉質鮮嫩，唔會乾或奀，叫外仲有驚喜嘅係，侍應會托住磗芝士，將燒熔嘅面批落焗飯上面，底下嘅芝士香滑淡香，上面嘅芝士濃郁味重，雙重芝味🧀🧀楊枝金露，味濃又唔會太杰，而且材料豐富;奶茶紅豆冰，奶茶同紅豆好夾…Read More

今日想食一啲地道泰國菜 上網見到九龍城間金蘭花泰國菜館 人氣好高 所以約埋屋企人決定試一試呢間泰國菜 先入到來餐廳環境相當整潔 菜色多樣 同時店務員服務態度好好 我地點左個咖喱炒蟹 哩嗰咖喱炒蟹 咖哩非常濃郁  再配搭蟹膏同蟹肉 好惹味 再來脆皮豬手 皮脆肉嫩 外皮脆卜卜 加埋配料簡直係正 蝦膏炒飯 炒得好有鑊氣 蝦膏又濃 飯同蝦膏完美咁配合 有炒飯之佘 又不失香氣  強烈建議大家來呢道食飯 又底又正宗又好食 推介大家來金蘭花泰國菜館試試呢到的泰國風味 …Read More

平平淡淡一餐，得閒去食下好西，為生活給給力。今次去到觀塘去搵好西。。。位於工業大廈既西餐廳，一入去見簡約時尚既設計，令人舒適自在。我地2人叫左蜆肉意粉同單骨雞翼... 呢兩款都係餐廳推介，蜆肉多過意粉，有點失望，因為意粉真係幾好味，意粉彈牙，口感十足，配上橄欖油帶少少鹹香味，真係好岩食~ 另外，單骨雞翼唔洗講都知好方便食。要提提既係雞翼大大隻，即使係單骨都好啦，一隻都真係好夠皮。之但係。。甘好味既雞翼，一隻又點夠喉，香甜脆皮，惹味不太辣，真係令人食上癮…Read More

話說有一日 口痕想食日本料理 想感受一下日本的氣氛 之後就決定搵一間日本餐廳 去細品日本料理 呢間一杯屋環境好似都唔錯 就決定試一試哩一間嘅實力到達店鋪的氣氛很不錯 我點了一杯梅酒 梅酒用備長炭製成，入口酸味甘甘地，好醒胃 所以呢間有梅酒 我很興奮 然後我點一個櫻花梅子素麵 比起普通流水麵更有日本特色 冰冰涼涼 口感也很好 最後點了一個牛小排 熟度剛剛好 牛味很重 肉質也很冧 呢間一杯屋毋庸置疑 很高質素 我很喜歡 會帶朋友來試試日式風味 私心推介牛小排…Read More

今日同朋友兩個人去食泰式餐廳,我覺得都唔錯,價錢唔貴,兩個人食$200 有找🥰🌟燒牛肉 $85見到啲牛肉粉紅色好吸引啊🥰肉質夠哂淋、又唔會燒太乾咬落口仲會有肉汁 超好食仲有泰式辣汁點 好開胃👍🏼仲意既話仲可以叫碗白飯配肉食!🌟酸辣鳳爪沙律🥗 $55酸酸甜甜都係開胃菜賣相唔錯夠哂色彩有芫荽、洋蔥、生菜、紅蘿蔔絲同蔥做配搭 食落口唔會太單調反而強化左個口感同味道🌟炸春卷 $38係人都仲意香口既炸物小食我都唔例外 泰式餐廳又點會少得炸春卷外脆內軟好香口 裡面有蘿蔔絲同菜絲仲會有泰式酸甜醬點 點黎食又別有一番風味☺…Read More

放題開到成街成巷，但唔係間間好食；之前已經中左唔少之伏。所以搵食前去openrice 睇睇comment 就多一份保障..  search 下就見到滿屋有4間分店，加上有唔少好評，我就去左荃灣分店試試先... 一入去... 人頭湧湧，迫爆Lift 口及走廊，真係估唔到。坐下來無耐就急不及待去拎野食... 無錯！係出去拎，呢到設有自助bar,, 擺放不少冷/熱盤，呢個自助式又令我幾有好感，令我可以慢慢挑選，照顧到不同食客需要。呢間放題真係做得幾好，食物種類多；又好食，又食到放題無既重本食物，真係驚喜萬分。重點推介：帆立貝/天婦羅/貓山榴連炸彈/movenpick…Read More