Goozie's Profile

我已經好耐無寫食評，今次真係忍唔住要提醒一下想試既朋友。我係經openrice訂枱，享有75折優惠。家姐畢業離開香港前諗住一家人食返一餐好既當慶祝。點知後悔到爆，折後人均4XX，但食物質素一啲都唔值。佢有沙律bar、海鮮、甜品同熱食。首先沙律正常發揮，不過不失，但食落食物質素一般。我平時好鍾意食紅菜頭，一般紅菜頭都會好甜，佢無咩味之餘帶草青味。海鮮區有龍蝦、螺、蟹鉗同蝦，除蝦以外，其他都好難食，特別係龍蝦同蟹鉗，無味不得止，成隻乾爭爭，好實好難咬。真係可以用垃圾級別黎形容。熟食有燒牛、五花腩同雞，燒牛稍微好一點點，另外兩種都係好乾好柴。另有雞翼、肉丸、三文魚、雜菜等，雞翼看似正常，食落咸到爆炸。甜品有4款蛋糕，Tiramisu, cheesecake,朱古力慕絲、唔知咩布丁。一係太甜，一係無味。雪糕櫃唔多凍，啲雪糕好似溶溶地，西瓜有沙但完全唔甜成餐唯一可取係pizza，可能因為即叫即整。後尾有員工問我哋意見，我照直講。連個staff都同意我既comment，佢都係咁覺得。真係失望到爆，完全唔值得試。 …Read More

落雨天，心思思想食糖水，可惜怕大雨唯有外賣返屋企。Openrice見銅鑼灣有唔少新糖水舖，諗住就近揾一間試吓，見呢個店既相好吸引，我好鍾意食芋泥同芋圓，兩樣都有齊二話不說就買左。真心呢碗糖水要$62一碗真係唔平，但諗住有咁多材料就試吓。點知返屋企一打開碗糖水，即刻覺得中伏，糖水超級甜，得幾粒芋圓，少許紅豆同珍珠，仲有幾粒芋頭。我究竟買左一碗咩返黎，$62蚊一碗完全唔值，無可能再試。…Read More

成日聽人講生仔之前要好好放肆一下，如果唔係之後無啖好食。所以用asiamiles換左coupon黎the place大食一餐。既然係要食盡佢，我當時食晚餐自助餐啦，因為一定係最多野食既，點知去到大失所望☹️對於愛食生蠔既你，可以不防一試，雖然小妹唔食得生蠔，但老公話啲即開生蠔都幾鮮甜，同埋我見隔離枱每個人都食左十幾隻😂可想而知生蠔應該都真係幾新鮮我今次只可以主攻熟食，芝士焗龍蝦係我既首選，大大隻，芝士味濃，我忍唔住都食左4大隻😝仲有大蟹鉗啖啖肉都幾鮮味總括黎講海鮮選擇唔算多，一般既🦀🦐🐚蠔都有，而且食材新鮮除左龍蝦之外，我最欣賞係個燉湯，雖然材料簡單但清甜又足料，一啲都唔輸蝕俾高級中餐廳，最啱平時缺乏湯水既你，補一補至於其他熟食同沙律bar選擇少，味道還可以沒有什麼驚喜每樣試過之後都無encore既意欲令我最最最失望既係甜品區，雖然有movenpick雪糕，但其他甜品款式少可憐，我差不多9點左右準備啟動我第二個胃時，點知得返2款蛋糕，俾人一掃而空，我問職員會唔會再refill既時候，佢話暫時得返咁多。。。我最期待既環節竟然變成我最最最失望既環節😫點解咁早就會無曬啲甜品架，個個都係最後先食架啦，唔係應該預備定refill架咩，最後我唯有食多幾個雪糕球彌補一下我失落既心情。總括而言，食物質素還可以，但款式選擇真係好有限，試過就算了…Read More

小妹最鍾意周圍揾茶記嘆返份多士飲杯奶茶，今日星期日好多灣仔茶記無開，沿路經過呢間看似開左好耐既茶廳，諗住入去嘆返杯茶順便醫肚，點知食物一黎到就覺得中伏。我點左沙爹牛米、蛋牛治同熱奶茶。首先講個沙爹牛米，係我食過最難食既沙爹牛。。啲牛肉唔知係咪用鬆肉粉醃得太勁，一啲嚼口都無。。啲肉係”梅”既，個汁同個米粉都不錯，但係個麵唔知點解要油幾羹油落去，真係有圖有真相。佢係我食過最差既沙爹牛米，又油又梅到個蛋牛治，蛋牛煎完仲薄過片方包，雖然價錢唔貴，但咁既質素真係差、差、差全餐最正常係杯奶茶，其他不值一試👎🏻…Read More

好有🐮一當然要帶佢食好西啦，之前因為有bb而被禁食魚生，而家做左媽媽終於可以大解放，我今次特意揀左呢間超級豐富既魚生丼，遠到而來一定要食返夠本🤣本身諗住叫龍蝦刺身丼，可惜我地太遲去無曬了😭唯有叫其他特色丼了我地叫左雜錦刺身丼同蟹腳海膽丼，再加無花果沙律兩個刺身丼都非常吸睛，本住相機食先既原則，每個丼都影左幾十張相每個丼都有兩層，上層係刺身、蟹腳同海膽，下層係芝士汁同麵老實講，刺身還可以，蟹腳好咸，海膽都一般，感覺唔算好新鮮，但下層既麵口感好特別，好彈牙，可惜個芝士汁唔夠濃每個丼份量都好大，以呢個價錢黎講，質數算可以成餐最新鮮係呢但無花果沙律，最好味…Read More

之前打襯電話去訂枱都訂唔到，今日有食神，無諗過咁遲打都有位，一到中午就衝去攞位。店面唔算好大，但都有三四十個位，裝修簡單但勝在乾淨，餐牌有數款麵食同飯選擇，唔算好多我自己點左扎肉魚旦粉，老公點左雞肉飯同咖啡靚湯係好味扎肉粉既必要條件，但湯底唔油，看似好清淡但味道濃郁，扎肉同墨魚丸一般無咩特別，但整體味道一錯老公點呢個飯真係好有驚喜，首先佢係用紫米飯，好有嚼口，除左雞肉外仲茄子🍆同豆，佢地用左啲好特別既汁黎煮，雖然有點咸，但用來送飯一流，仲有啲薯角做配菜，成個飯都好香口，食過番尋味🤤之前去越南飲過當地既滴溜咖啡一試難忘，見到呢到都有即係叫左杯黎試，外型睇黎去同越南是既好似，但呢杯無咁甜，咖啡味更香濃，喜歡飲咖啡既你不妨一試…Read More

一向因爲工作原因所以成日會有機會食川、蜀菜。今日心血來潮行花市試下新店開闢下自己既開飯list，誰不知伏到不了，所以不得不寫食評記錄一下。我地好好彩唔駛等好耐就有位，入面大部分位係係一大班朋友黎聚餐，只有我地一張二人枱，位置不算寬敞，但亦唔算太迫。我地點左酸菜魚、粉蒸肉同清炒萵筍。清炒萵筍已係最好味個道菜，唔油仲帶有胡椒豬肚味，唔知係個獲無洗定故意用呢種味炒，不過味道不錯等左十五分鐘第二道菜終於上了，外表睇落去不錯，可惜一食就發覺唔對路，酸菜魚竟然係無酸味，但湯底淨係得胡椒既辣味，開頭以為係咪煮得唔夠耐啲酸菜唔出味，點知一食啲酸菜都無味。其次，啲魚片一啲都唔滑，又薄又多小骨，食得好辛苦，食左兩啖已經忍唔住同店員講點解個酸菜魚無酸味既，佢就攞返去加返啲酸，再煮過後啲味稍為像樣，但啲魚太多骨令到我完全唔想食最後到個粉蒸肉，來到時因為剛蒸起，聞起黎都幾香，其實味道還可以，可惜一食發現呢個其實係粉蒸肥膏而非粉蒸肉，喜歡食肥膏既你可能會覺得好味，可惜崇尚健康既我覺得真係搞唔掂，我覺得最好食係粉蒸肉底既蕃薯，好甜好”林”成餐飯食淨好多，因為真係一啲都唔好食，伏伏伏…Read More

有同事介紹我有間食dumpling既新店味道不錯，我就借機揾埋老闆去試試新菜。小店係中環半山上既一條小巷，坐位寬敞舒適，環境乾淨。小店設有午市套餐，包括湯、小菜(餃子)、主菜同甜品。是日靚湯是磨菇忌廉湯，香濃磨菇味，但又不會膩小菜我地點左黑松露磨茹水晶餃、小籠湯包兩款小菜賣相色彩豐富誘引，令人垂涎三尺水晶餃子🥟味道挺特別、新鮮。有濃郁的黑松露味，西式食材並上中式做法，值得一試。小籠湯包顏色豐富，但味道和一般小籠湯包沒什麼區別。主菜我們點了牛肉串燒和牛扒，老實說味道還好沒什麼驚喜我個人覺得最有驚喜是它的甜品，我這個是rice pudding，雖然是糯米做，不會太甜也不會太黏，還是有位置可以把它吃光🤤我覺得餐廳有點做得不太到位，你說fusion吧，也只是那一款餃子，其他的要不是中式料理要是是西式，都不知道自己吃哪類菜，而且味道很一般，沒什麼特別。…Read More

年輕人最鍾意週末去cafe hea下、食下野，休休閒閒渡過一日。我呢個另類既年輕人週末黎到繁忙既旺角行街，體力消耗之快，另我要揾間cafe休息一下。Openrice揾到呢間街坊cafe，openrice訂位仲有5折，咁梗係即刻book啦。開始時以為係上樓cafe，誰不知係女人街地舖，黎到cafe門口嚇左一嚇，同我想像中既cafe有點出入，以為係光鮮啲，有啲好舒服既sofa，好少女既裝修。點知門面好似一間普通餐廳，既然訂左位就照入啦。因為太肚餓既關係，訂位又有半位，我地瘋狂地 點左好多野食。我覺得必定要試呢個”大蝦龍蝦汁沙河粉”，龍蝦汁味道濃郁，河粉吸收曬啲龍蝦汁非常好味，而大蝦肉質爽甜，老公一路食一路讚口不絕我地仲點左”菠蘿鮮茄🐷扒飯”，🐷扒掩得好好味，鮮茄醬入面加左菠蘿，味道酸酸甜甜好開胃前菜我地叫左兩個沙律”黑醋汁鮮茄牛肉沙律”+”雞肉三文魚凱撒沙律”，個人比較喜歡黑醋汁那款，啲鮮茄好新鮮。我地仲叫左”鮑參碗仔翅”，雖然係素，但好有口感，像真度高，不妨一試最後甜品有綠茶雞蛋仔食咁多野，埋單都唔駛300，又抵又好味🤤一定再黎…Read More

熱愛🐷士既我，一見到朋友係面書曬呢間超級芝士三文治既時間，二話不說馬上親身體驗下有幾好味先🤤星期六下午有十多人在門外排隊，店面唔算大，大約十多個坐位，我地排左大約半個鐘。排隊等候時，有不少外買奶昔，睇到都流口水🤤我地叫左招牌”黐線芝士黐住芝士治🧀🧀🧀”、豬扒漢堡🍟🍔同coffee Oreo milkshakes🍨🍼呢個三文治真係不得🐷了，但層超級芝士好有口感，連塊厚多士都好有嚼勁，超級棒Coffee Oreo milkshakes好香咖啡味，不過有甜左少少，但都值得一試👍🏻最後個豬扒漢堡個汁幾特別，豬肉好腍，但汁太多令到個漢堡包身腍左，但整體味道不錯芝士控既你千祈唔好錯過👍🏻👍🏻👍🏻…Read More

我由細到大最鍾意就係食buffet、雞煲放題、韓燒等等等等，任飲任食最啱我🤤前排流行蒸海鮮鍋，襯住自己牛一揾個機會大食一番🤣今次揀左壹火鍋，佢有蒸海鮮之餘，仲可以做埋粥底打邊爐，一次滿足曬兩個願望✌🏻原來呢間餐廳都幾多人，我訂左枱上到去都仲要等，因為訂完位之後去到話俾佢知現場再派號碼😫真係唔知book黎為嘜？另外佢既大堂極細，又多人等位，幾乎無位可以企。但見咁多人食應該都唔差既😏等左15分鐘左右終於到我地了一開始時會先上蒸海鮮，下面粥底一直煲住黎蒸，等海鮮既鮮味流曬落啲粥到。呢到係二人分量，我無數到有幾多款海鮮，應該都有6-7款。等緊啲海鮮既時候佢地都俾左一份小食冷盆俾我地食住等啲海鮮好似蒸8分鐘左右就得食啦😍😍除左蒸海鮮之外，佢仲有好多中式菜式都可以蒸架🤤蒸牛肚好好味🤤仲有蒸蜆都係必試既我地蒸左兩round小菜已經飽到上心口。。但點都要試下個粥底。。粥底本身有啲魚骨係入面一齊煲，真係好鮮甜食埋個粥。。身心都覺得好滿足☺️…Read More

呢個星期係restaurant week，到處都有好野食。難得過左生日仲有人請食飯，梗係揀間好餐廳慶祝一下😍一早透過手機程式上網預定，12點多去到餐廳客人唔算多，地方寬敞、裝修別有格調。小妹今次衝著restaurant week menu而來。前菜包括生蠔、semi buffet salad bar。Main course有meat ball/ salmon/ Risotto選擇，仲配咖啡/茶沙律bar🥗都算多選擇，薯仔、紅菜頭都好好味、但🥕就有點raw🙈原條上🤣總括來講，餐飯無預期中好食，味道還不錯但無咩驚喜，最驚喜既係熱騰騰既曲奇餅同埋walnut tart，為我既生日飯添上不少生色🤤…Read More

潮州菜係其中一種我最喜愛既中菜。我家蘿蔔頭經常帶我去試新野，今日黎到旺角呢個充滿美食既地方，都不忘要去試下呢間好出名、好多人既潮州菜。我地行完街差不多9點先開飯，無諗過咁夜都仲要等位😒。。不過好彩等左十分鐘左就有得入去啦三心兩意既我，又想食蠔餅、又想食滷味、又想食海鮮、又想食菜。。誰不知呢到如果你叫野食叫夠$300，佢會送一個滷水拼盤俾你。。所以貪心既我一於叫多幾樣叫夠$300就有個免費既滷水拼盤啦😝我地兩個人叫左薑葱雞(點知佢落錯單落左沙薑雞🙄)、蠔仔粥、瑤柱上湯絲瓜、椒鹽鮮魷、再加埋免費既滷水拼盤。。。食到抱住個肚走呀1. 沙薑雞啲雞肉嫩滑，但味道有點淡，要另外點沙薑汁先更野味。2.蠔仔粥既蠔鮮甜，可惜柴魚太硬咬唔開3.瑤柱上湯絲瓜係店員推介既煮法，亦係最驚喜既一款小菜，絲瓜非常清甜，湯底用雞湯煮成，好食到連湯都飲埋🤣4.椒鹽鮮魷炸得好香口，味道不錯5.滷水拼盤亦好好食、好入味，估唔到免費既質素都咁高大家值得一試😋…Read More

近年流行食蒸海鮮鍋，食左咁耐係時候要揾啲新沖擊刺激下我既味蕾。好耐之前係開飯排行榜見到佢既姊妹餐廳榜上有名，但一直都訂唔到位😭。點知而家係灣仔開左分店，二話不說既刻網上訂位順便賺里數✌🏻餐廳門面不算顯眼，我朋友都來回走左幾次先見到😂，所有坐位都係二樓，因為已提前訂位所以有得坐卡位😁我見大多數食評都係食麵包蟹，但由於本人比較比較喜歡食龍蝦啖啖肉🤤，同埋麵包蟹性價比比較低，所以叫左個lobster combo with新奧爾良口味。一上枱見到袋海鮮既時候心諗應該唔夠食，分量唔算多，但食到最尾竟然係有剩。。新奧爾良口味帶少少微辣，令到啲海鮮更入味，但我唔太鍾意食🐙，因為入面好腍，要咬好耐先吞到，好似未熟咁口感好奇怪😑。但龍蝦同蝦都好鮮甜，真係好值得試😋…Read More

今日約左好姊妹出來短聚一下，我呢位好姊妹好鍾意飲咖啡，而我就最鍾意揾好野食，今日呢間cafe就完全滿足到我地既要求啦🤤因為週末的關係不設預約，必須親身到餐廳留位。下午兩點多去到餐廳已爆滿，不少人在門外等位，幸好朋友仔早一點去留位，我地大概等左15分鐘左右這可以入去坐啦✌🏻我地一齊點左lobster Benedict，再加兩種唔同味道既black coffee。。。呢到既早午餐豐富又特別，完全能夠滿足我地視覺同味覺既享受😋我地足足坐左3個鐘，一邊傾計店員一邊為我地加水真貼心。。呢間餐廳除左食物質素高之外，服務態度一流。。好值得一試👍🏻👍🏻…Read More