車厘子2's Profile

我個人非常喜歡食自助餐 or 放題, 鍾意佢食物款式多, 中西合璧, 小食, 主食, 甜品, 飲品樣樣有, 又可以慢慢嘆兩個幾鐘 今次同朋友嚟幫襯大喜屋, 因為夠抵食.春卷, 咖喱角等, 怕熱氣就唔好食啦嘩, 好吸引嘅橡皮糖, 莫講話細路, 就算係大人都忍唔住食返幾粒甜品櫃內有奶凍, 乳酪, 豆腐花, 草餅等唔單只有凍飲, 連暖飲櫃都有, 怕飲凍飲嘅人仕大可以放心啦！刺身又點可以少, 三文魚, 象拔蚌, 北寄貝, 帶子片, 赤蝦.....食材夠新鮮.黑椒蜜汁一口牛, 牛肉粒好淋, 份量細細, 可以食多 d 唔同嘅食物.榴槤炸彈, 榴槤味飄香, 係我至愛, 每次都食4-5 粒.鹽燒海蝦及雞翼, 燒得金香可口, 檸檬汁更能帶出鮮味.椰汁燉奶, 唔係間間放題有. 椰汁味香濃, 唔會太甜 食咗咁多, 都要飲返幾啖最後當然要食埋雪糕雪條啦~~大喜屋, 值得 encore!!…Read More

唔係講笑，間餐廳真係好食，個甜品好正好正之前都聽住係荔枝角既朋友推介過呢間長沙灣小店，話食物水準高、侍應招呼好，值得去試，心諗係舊區既西餐唔會有太大期待，結果喜出望外!一睇個menu有生胴菜式選擇，已經加分。同朋友兩個人一個想食牛，一個想食飯，就要左個香煎慢煮安格斯牛板腱配阿根廷青醬，同埋一個蟹肉鮮蝦椰香叻沙意大利飯個牛用慢煮既方法係唔同D，夠淋唔硬，咬落去仲有少少肉汁，外熟中間微微紅色，好食廚師仲好有心思咁用車厘茄同醬汁配出個笑臉，再加埋伴菜圍一圍，唔講仲以為去左高級餐廳叻沙配意大利飯個組合真係夠特別，D料好足夠，大大隻既蝦好爽，好多既蟹籽同蟹肉；D米無其他既意大利飯咁硬，吸左幾濃既椰香，再加埋食叻沙常見既豆卜，咁組合幾有新鮮感又幾夾，唔會覺得奇怪，欣賞!食完主菜叫杯Latte，奶味幾濃；自己點左個鮮薑綠茶蜜，真係幾大片鮮薑加入去，飲到尾D茶越來越濃，有番蜜糖既甜味中和，岩岩好。個茶壺同杯都好特別，杯底有水松墊，拎起唔會㷫手兩個人兩個套餐，以為再點一份甜品，份量剛好，要左個法式焦糖卡士達梳乎厘班戟，嘩，一上到台先知咁大份。即叩即整，上面涼涼地既cream，加埋入面又暖又滑既pancake底，好好食，四周仲灑左餅乾碎脆脆地，好有口感，真係好好食，真心推介除左食物水準，餐廳本身既設計都要讚，整體以簡單舒服，一入門就見到個千秋架，可以坐上去影相，牆身同天花有好多編織系裝飾。餐廳唔算大，有2人台、4人台，又有10人長枱滿足唔同需要，一間舊區小店，食完真係會推介…Read More

同老公來黃大仙還神, 順道去和氣食晚餐, 之前食過, 覺得好味又抵食, 所以而家又 encore。ㄧ坐低就即刻點了個 4 點刺身盛 A, 哈哈, 個名非常特別。三文魚夠肥美, 廣島蠔唔醒, 蝦亦很鮮甜。 個刺身份量細細的, 最啱兩口子食。 砌個心形, 係咪好 sweet 呢!大阪豬扒丼, 成座雪山咁, 幾有型。原來上面係切了很幼細的椰菜絲, 加上沙律醬而成的。 椰菜絲下另有乾坤, 就係豬扒飯, 份量也不少, 豬扒好林。千回火鳥------雞翼是也。 雞翼燒得略為燶了少少, 但勝在皮脆肉香, 很 juicy, 有少少辣, 非常醒胃。田樂麵豉燒日本米茄子, 茄子好林甜, 有麵豉味, 配搭夠新穎, 真係第ㄧ次食。宇治抹茶芭菲, 抹茶味非常濃厚, 大大杯的雪糕配料夠多, 有朱古力蛋卷, 粟米片, 紅豆, 粉圑, 睇見已經透心涼。和和氣氣又ㄧ餐。…Read More

要讚既唔需要多講，係好食既就直接話好食。Station 3之前都有食過一兩次，今次約朋友傾野想搵間就腳既CAFÉ，所以朋友提議左呢間，就係咁再去食。印象中佢既蜜糖雞翼幾好食，所以叫左，今次再食，感覺比之前既更好食。甜甜地，皮香少少脆，D肉唔鞋口，個人覺得呢款係必食之選!朋友點左個帶子意大利飯，又係好食，有CREAM既香甜味，飯軟硬適中，有D意大利飯通常硬少少，呢個就比較岩我，軟番少少，又有口感。呢個飯係套餐，加$30有沙律、飲品同芝士蛋糕。我地兩個人只叫左一個套餐，可以留肚叫其他小食。今次叫左唔少野，見隔離台叫左個好邪惡既特級海鮮併盤，好想食，因為喉嚨痛只好改叫特色併盤，味道都唔錯，炸既火候幾好，唔會太燶，有酥脆感覺。之後再叫左個日式章魚小丸子，一樣唔錯，幾爽口。最後飽飽地都仲要黎個松露薯條，嘩嘩嘩，好大份!!! 食唔晒，但係好好食，只係$48，拍得上係酒店入面食既水準，呢個下次去又係必食!要保養喉嚨，飲品就要消清D熱氣，叫左個有甘菊既花茶，唔係講笑，飲完再加熱水，D味都仲好清甜，足料。今次再去，好有驚喜，埋單$438，每均每人$220，超飽，抵食。…Read More

上星期到太古城舊公司附近見客，之後約左舊同事去潮庭飲茶。預先訂左位，所以吾使等就可以入座。裝修後嘅潮庭感覺比以前舒適同光猛左。點心款式新穎，形象栩栩如生。我哋兩個人點左4樣嘢，份量剛好。豉汁鳳爪(中)豉汁鳳爪係點心中我最愛其中之一，每次到茶樓都會點。用豆豉同辣椒等醬汁蒸出嘅鳳爪非常入味！ 蒜蓉蒸鮮魷(大)鮮魷大大隻，啖啖爽口，豆卜吸收蒜蓉汁同樣好味。燒賣(大)燒賣亦係飲茶必食嘅點心。大大粒燒賣，蝦肉爽口彈牙。海鮮煎薄罉見到隔離檯點左碟薄罉，份量超大。於是我哋都叫左碟試下。味道吾錯，好香口完全吾油膩。吾知係咪心理作用，裝修後嘅點心好似好味左。…Read More

前幾日同舊同事聚會，因為好耐冇見，所以我地決定去一樂食放題慢慢傾。ˊ入到去，就見到放滿甜品同飲品嘅櫃，同埋半自助餐式嘅夾食物區。入面都幾安靜，而且座位都坐得幾舒服。先嚟ㄧ碟鹽花燒鯖花魚, 魚身燒得金黃色, 香脆可口, 但又保持住魚肉嘅油香味, 加埋檸檬汁, 絕配。再嚟ㄧ煲海鮮粥, 粥底綿綿的, 唔會太稀和太鹹, 粥𥚃有蜆肉, 蟹, 蝦和鮮菇等食材, 難怪這麽好味。ㄧ碗碗烏冬任由你隨便拿去吃, 只需加上熱湯便可。牛腩煲份量細細的, 牛腩及蘿蔔都炆得好淋, 真係無乜放題嘅地方有得食。作為揚物同榴蓮愛好者，我哋叫咗榴蓮計時炸彈。用刀切開一半，香氣撲鼻，令我食指大動。我即刻大口咁食，炸得鬆脆可口的外皮加上甜美的榴蓮蓉，實在好好食啊！好味停不了，再來個炸鮮奶。金黃色外皮炸得酥脆，鮮奶仍然保持香滑，吾係好多地方吃到㗎。 最後當然要食返個甜品先算完美啦!甜品做得夠精致，吾會太甜，一啖一口，可以多試幾款。一樂嘅食物俱全，實在系一間適合同一大班人一齊食放題嘅好地方。有朋友最愛生蠔，下次一定要帶佢到一樂食個痛快!…Read More

去銅鑼灣找吃的，身邊人說想吃台式，出了地鐵站邊行邊找，見到古早味，有同事之前試過說味道可以，就上去。 肚很餓，加上身邊人想吃的都不是我喜歡的，所以各自點了自己想吃的東西。點了一客台式小餃子，一碟12粒，粉皮和肉的分配幾，食落有口感之餘不會太厚粉，最欣賞那辣辣的醬汁，令那微微帶點咸味的餃子味道提昇不少，甚合口味。自己吃了大部份。再來花枝蝦餅，都幾彈牙，一碟六片，我們二人每人幾口已經把它消滅。身邊人想吃羊，叫了山茶炒羊肉試試，上台時熱辣辣，羊肉片很多，山茶味不會太濃，好食!身邊人自己點了蚵仔煎，說吃台式的這個必定要吃，問他味道如何，他說好正，蚵仔新鮮、醬汁清爽，完全是台灣的古早味，不用去台灣都食到台灣味。邊講邊食掉整份。又點了花雕醉雞，每件都差不多大小，肉厚厚的，酒味很濃，雞皮爽口，平時不好這款菜的都食了兩三件，其他的由身邊人全解決。最後來個丸子甜品，飽晒。值得一提的是，食物價錢並不高，不少都幾四五十元內，以晚上的花費在銅鑼灣區是很超值。餐廳有設最低清費，每位75元。…Read More

一個人放假行太古城中心，因為時間尚早，平時大排長龍嘅Simplylife，一陣就有位，叫左個set lunch。蕃茄湯好香濃，面包外硬内軟，揸上牛油送湯冇得頂冬蔭海鮮有機糙米飯飯煙煙韌韌，很creamy！兩隻大蝦加青口為主打，蝦肉彈牙，再加上有幾粒蜆肉，酸酸辣辣好好開胃。果茶係紅柚加茶，有苦澀味，不是我杯茶。下次加12蚊多杯咖啡…Read More

經過大窩口道見到有間百份百餐廳，以前係長沙灣食過都覺得OK，就入左去。打開餐牌，原來好多套餐都改左同加價。叫左碗黃金魚片頭湯米線，吾包飲品都要$34蚊，於是以半價要埋杯奶茶！整體來講，食物質素吾錯，如果$34蚊全包就very good 啦！米線彈牙，湯底够濃！奶茶同樣香滑。魚片頭炸到金黃色…Read More

幾姊妹陪媽咪係觀塘道某大廚具公司shopping後，去左牛頭角道嘅龍門冰室開餐。店舖雖然細細哋，但坐落舒服吾逼。牆壁上大大個黑色鋪名跟白色的牆身成對比，好顯眼！ 打開餐牌，好多選擇:「常餐」「精選午餐/晚餐」「推介」「套餐」「全曰供應」「是日餐湯+沙律」「流心奄列餐」「鐵板餐」「小食」「飲品」同「甜品」，梗有一款啱你！ 老人家習慣左要有飯到肚，叫左碟照燒汁雞扒滑蛋飯配熱可力。雞扒大大塊， 煎蛋份量都唔少，落足本 。再加碟全走生菜，生菜青綠爽脆！ 大家姐叫左個蕃茄濃湯米線配3.6北海道牛乳炒蛋加叉燒，同熱華田。佢話蕃茄湯底好濃且酸甜適中，米線爽口，炒蛋香滑，叉燒够瘦。用個「勺子」裝住上，好特別！ 細家姐就叫左個奄列餐配凍檸水。佢話蛋煎到好嫩滑，厚多士焗到金黃香脆，再揸上香甜花生醬同煉奶，無得頂喎！當真？我試左一啖，果然(無得頂)!凍檸水大大杯，都有好幾片檸檬。 而我就叫左個香脆魚柳包餐配杏仁霜。個包即叫即做，好鬆軟脆卜卜，魚柳炸得好香脆，加埋D醬汁同新鮮生菜，好好味。杏仁霜濃香。 餐廳仲有咁多選擇，下次會再來試其他！值得一提係佢哋早餐時段延長至11:30，真係可以瞓晏D啦！…Read More

朋友日本渡蜜月返港，約左各姊妹去童軍中心隔離嘅皇室1號食飯派手信。店鋪裝修好靚座位闊落！食物質素頗佳，價錢合理。““叉燒”~好淋入口即“溶”！夠瘦啱晒我哋美女一族“上湯浸時蔬”~蔬菜鮮嫩、木耳爽口！“瑶柱蛋白炒飯”~炒飯乾身够鑊氣，粒粒分明，瑶柱同蛋白够多！“木盘雞”~大大盘，隻雞好瘦完全冇肥膏，雞肉嫩滑，吾鞋口！“清蒸石斑”~魚蒸得恰到好處，好滑鮮甜，葱花勁多！多謝新娘子的手信同美味晚餐，祝她早日做媽咪！…Read More

好耐無食放題，今次約埋朋友去，撞著打風落大雨，以為會少D人，6點幾去到，已經見到門口有人等緊入去，入面D臺有大半已經有食客，真係估佢唔到咁旺。選擇都好多，門口有冷盤，生蠔、凍蝦大大盤，見佢換得又幾快。豬皮牛栢葉八爪魚仔沙律等等，總之港式小食、前菜都有，幾爽口。得兩個人，唔可以點大大盤食物，所來樣樣都係食一兩件，先食個燒帶子，味道OK。天婦羅係放題必食，蝦有蝦既鮮味，自己最鍾意個南瓜，幾甜，粉漿唔厚。再試個蝦刺身，一樣好鮮，完全無腥味，真係唔錯。壽司整體可以，一定要推介係個海膽壽司，海膽真係食得出鮮甜，呢個真係點完再點。個燒鰻魚都好正，一件一啖，甜既油份滲出黎，平時唔食鰻魚既朋友都話幾好。有魚有蝦點可以唔食肉，食個少少辣既豬肋骨，肉厚而軟；再加隻鹽燒雞中翼，已經有七成飽。甜品叫左個炸牛奶，出面唔係好多地方可以食到，唔加鼓油， 甜度適中， 脆脆地有奶味，食左兩粒，再加杯扭娛雪糕，滿足晒。另外要讚吓餐廳既上菜速度，點完一陣食物就熱辣辣送到，兩個鐘既放題，有充足既時間任點任食，好滿足!…Read More

佛誕假期，同幾個老友係大圍踩完單車，其中一人想食西餐。 就搵左間火車站直行到尾，穿過幾條街嘅餐廳。餐廳主打西班牙菜，天花有大吊燈裝飾，格調高雅不俗。 坐低冇幾耐，服務員遞上清水同餐牌。仲未叫野，先免費送碟Welcome snack~蕃茄醬多士！多士鬆脆，雖然蕃茄味唔算好濃，但感覺好fresh。 我哋order左set dinner包括頭盤，餐湯，主菜和飲品 。哈哈……我哋幾個都好有默契選擇同樣嘅頭盤同餐湯。 頭盤~白酒煮蜆配蒜茸包:新鮮肥美多汁嘅蜆肉，煮得剛好，散發出濃郁嘅香酒味。蒜茸包焗得香脆可口好似蒜茸多士！脆脆地……好合我個人口味喎！ 餐湯~南瓜湯：個湯甜甜地，清香滑口好有南瓜味，吾似得忌廉湯咁“漏”。 主菜一~西班牙脆皮乳豬配紅椒汁:乳豬皮脆無骨，肉够瘦吾韌又吾肥膩！而伴碟有薯角同蔬菜加埋红椒汁同燒烤汁。薯角炸得好香，厚厚哋好有口感。紅椒汁甘甜連輕微嘅辣味都冇。蔬菜新鮮咬落“索索”聲。一種乳豬兩種醬汁，任君選擇！ 主菜二~ 紐西蘭肉眼扒配焦糖菠蘿:肉眼扒大大塊，要求七成熟恰到好處，吾會太熟乾爭爭，肉質好juice。炸薯角同樣熱辣辣香脆可口。焦糖菠蘿香甜多汁。 主菜三~芝士焗大網菇配香草意大利粉:大網菇大大隻好厚身，讓入芝士焗到少少金黃色，焗熟左嘅大網菇好香芝士味。而意大利粉、磨菇片同蘆筍吸收橄欖油同香草嘅香味，意大利粉煙煙韌韌好彈牙！ 飲品~Apple Juice, Orange Juice and Strawberry Colada蘋果汁同鮮橙汁清清地，有助消化。而我嘅粉紅飲品混合士多啤梨、椰奶同菠蘿味，清香好味！咁嘅配搭好夾！…Read More

真係失禮，之前一直未去試過工廠大廈入面既餐廳，今次約人食飯，想試之餘貪佢近官塘地鐵站，交通方便。間餐廳都幾大，有少少似酒吧，有D遊戲機係度，不過唔見有人玩，唔知係咪唔玩得定係再夜 D 先可以玩呢。燈光暗左少少，服務態度幾好，要讚。叫左份 PIZZA，都幾好食，不過唔好放太耐先食，會淋晒味道差得遠。仲點左個羊扒，上面灑左 D 麥皮，吸吓 D 油都幾好，配菜就淋左 D。最欣賞係支紅酒，幾百蚊，比起係五星級酒店千幾蚊支既更岩自己口味。已約定班 friend 下次再食。…Read More

好耐無幫襯五十嵐, 早兩日經過, 入去食個午餐。餐廳地方寬敞, 裝修尚算 ok, 牆上嘅掛畫好有和風 feel. 午餐點了和風牛肉便當, 個便當超級大份, 好多牛肉, 加了洋葱條及醬汁, 味道 ok, d 飯 "爛" 左少少, 份量多到食唔晒, 仲有 d 菜煮得比較黃, 好油膩, 見到都怕怕, 味增湯好鹹, 飲兩啖已經唔想再飲, 餐飲要了凍金桔檸蜜, 都頗甜。成個餐我最欣賞就係果兩粒草餅, 綠茶味, 獨立包裝夠亁淨。 以前都覺得五十嵐嘅食物多油又鹹, 而家都係, 真係一成不變。…Read More