joecho2003's Profile

搭6D專登過黎食早餐，真是一般茶餐廳，其實間間都差不多，但呢間有點貴，$49早餐，8蚊蛋撻，，沙牛面好咸，奶茶正常，蛋撻我無叫蘇皮，俾左曲奇皮，唔緊要照食，都係一般普通蛋撻囉，但唯一最好就係好乾淨，好整潔同光猛，又有多卡位，無太多客，可能閒日9:30 d人返哂工，總之無需專登黎食，食完都係覺得一般茶記囉😀，仲有呢間勁多熟客，個個客都大聲傾計，呢枱同隔離枱傾下，隔離枱又同前面台傾下，樓面兩個阿姐又傾下，好鬼有街坊人情味茶記，唔會食完急急腳走😄…Read More

真係唔知點講，只怪小朋友唔夠成熟叫阿仔落去買外賣兩個牛肉面，佢仲買埋所謂特式檸檬茶（$35），上到黎我只見一柸普通凍檸檬茶，特式可能係粒青檸，但$35真係有d貴，兩碗面再共收6蚊外賣盒，我心諗你地都幾懂做生意至於牛肉麵我就覺得還可以，湯好濃烈味道，可能我淡口味，牛肉都淋，而且易咬，至於麵條就好似一般上海麵咁，白色嗰d粗麵，總結如果職員可交待一下無餐，只有單點，而柸凍檸檬茶要$35，問一下客人有無問題，咁樣會做得好d囉，當然我都有教返小朋友點樣叫外賣啦:(…Read More

今日星期六午市無套餐，唔係會員，所有order都係主餐牌單點，明明網上見到有午市定食套餐，去到坐低後發覺賴野，只可單點，問番原來呢間屯門市廣場分店，星期六及假日係無定食，大家一定要留意！…Read More

對上食恆香老婆餅已4-5年前, 今天剛巧經過買了半打, 價格上漲至$8.5一隻 , 都唔緊要, 仲要細隻左, 都唔緊要, 最重要好味,  點知一打開, 見到有隻甩哂皮,  , 味道還可以 , 但我可能近年食淡口味, 覺得老婆餅太甜,  可能食半隻會好D…Read More

午歺食set ,西冷牛扒，諗住$50蚊個餐，無乜期望，旨在飲杯啡，坐吓抖下！首先個飽好軟熟，絕對不是椰xx叮番熱嗰d,忌亷湯好濃菇味:)主菜件扒好有肉味，好淋，又大件，配菜薯角即炸，外脆內軟，唯柸啡好淡口！仲有免加一，呢口價同質素喺依家好難搵！…Read More

鍾意唔洗排隊的我十分滿意呢到 , 雖然閒日都要$468 x0.85 + 46.8 =444.6一位 , 但環境好靜, 窗口位夜境正.首先食了4隻成把刀咁長煎大蝦, 勁新鮮 , 無雪味 , 好彈牙 , 腸都挑走 , 好有鮮蝦味 , 比起有d酒店嘅凍龍蝦更好味.跟住食好大件 , 好香的鵝肝 , 入口溶化 , 食4件 , 滯左 , 即刻叫凍檸茶 , 抖了15分鐘再戰勁粗蟹腳 , 雖然殼表面有d黑色污漬 , 但無損其鮮甜味道,而且無雪味,倀了12隻.漙燒燒和牛一般,唔夠火燒 , 好似蒸熟咁,刺身只有常見的大路款 , 無帶子失望 , 但都好新鮮.mango拿破菕好鬆化 ,食了3件 , 想再拎已無出 ,食番2柸哈根雪糕仲有好多熱盤野想食 , 但食唔落 ,其實啱一家大細唔同口味嘅人 , 就算唔食刺身海鮮都仲有好多野食 , 唔記得呢期有大閘蟹送,因兩個仔都無食 , 所以同老婆一人食兩仔 , 雖然係細蟹 , 但都好爆羔 , 一吮落去 , 正.我選擇呢間另一原因是小朋友收$268 , 格過好多都是$3xx , 總數同一般4星酒店一樣 而且相對無咁多大陸客 , 唔洗搶已值回票價.…Read More

好耐無寫食評 , 但忍唔住食物都叫做ok , 各種壽司都細細件,飯就軟硬剛剛好 , 唔會食兩三件就飽哂 , 三文魚刺身新鮮 , 無雪味 , 8爪魚好硬 , 其他一般天婦羅蝦好厚粉 , 最正d金姑牛肉卷, 但羊架太肥 .不過甩單甩到阿媽都唔認得 , 我地5:45坐低,得兩檯客 , 有咩理由第一碟刺身就要三催四請 , 5個人 , 每種刺身寫20件 , 好過份咩?碟刺身仲要每種打5折 , 即10件 , 仲要唔比北奇貝 , 真係好有問題.前後入了6張刺身紙仔, 到埋單都只是食了3碟, 好心啦!同侍應反映 , 只換來'哦'一下 , 跟住無下文.…Read More

失望去萬豪當然是為了源源不絕的海鮮,但七點半未到 , 龍蝦已沽清,以前兩次黎食都是臨走都仲有一盤盤滿瀉的海鮮,今次好失望仲有因為有和牛供應,所以貴$50,以為好正, 原來只是好低級別澳洲和牛,好諧 , 無味.刺身有象拔蚌 , 但好腥 , 其他一般.因為上次有人食到入醫院,所以沒有生蠔.人多就預左,不過真是好容易有碰撞,個場真是太細.中銀白金8折…Read More

服務 : 超好禮貌,推介時清楚及有耐性,令人放鬆舒服食物 : 好有水準 , 尤其鵝肝 , 外脆內軟, 只是$60左右.主菜龍蝦都叫彈牙 ,牛柳7成剛剛好,帶子湯就一般, 但菇類湯就好香, 甜品一碟三味,各有特色.價錢 : hsbc set dinner $299/位 +10%最後要多謝ricky,因為我只用電話影相,ricky怕電話相質素麻麻,所以主動拎部dc替我們影,真的好貼心.:)…Read More