Yeungjai's Profile

第一次黎食，經朋友介紹，賣相100分，味道都係100分，份量可以話係2人份量，因為佢個雞扒係可以2個人一齊食(個人覺得)，環境都有90分，總括黎講，成餐飯既滿意度我比100分，無懈可擊，極力推薦呢間餐廳…Read More

呢間餐廳係我同我朋友第二次黎食，咁事關今晚我就叫左個奇香雞煲，我朋友叫左個咖哩雞，咁我落完單之後問左佢地既職員個雞煲辣唔辣，佢答我唔辣，咁我都放心啲，點知黎到既時候個雞煲係辣嘅，咁我問返個餐廳職員，佢話個雞煲係辣嘅，咁冇辦法喇，唯有硬食，食到一半個時我真係頂唔順於是叫個職員收左佢，佢都知我食唔到既時候，窩心既時候黎喇，老闆見我食剩好多，就問我要唔要幫我整過另一隻雞煲丫？可能係佢個同事唔清楚，咁窩心既老闆真係好小有，仲要唔收我錢換過個雞煲比我，咁既服務咁既價錢抵比喇，誠意推薦呢間餐廳，啲野係幾好食既，咖哩雞又唔辣👍…Read More

唔會再黎，錢就收足你，野就叫極都唔黎，夜晚宵夜題，野飲係最基本既都冇服務態度又差，奉勸各位住東涌既朋友仔如果夜晚想打邊爐千奇唔好簡呢間，雪櫃冇野飲不特只，仲要唔凍既，既然貴公司搞得邊爐放題既就唔好咁既態度喇，咁既服務態度擺明想趕客…Read More

本來今晚岩岩同朋友睇完場戲諗住睇下有啲咩食，點知見到呢間野好似幾好咁就行左入去食，之後我見到冇咩岩食就叫左碗番茄湯雞翼麵，我朋友就叫左菠蘿炒飯，咁叫之前我問左一次個侍應啲雞翼同面可唔可以分開擺，佢好冇禮貌咁答左我一句冇喎，咁我食完之後諗住再問多次另一位侍應睇下佢地既答案係咪一樣，點知個女侍應就答我應該冇，好喇，咁都冇辦法喇既然佢話冇得分開，咁我既然問佢咁啲雞翼係新鮮咁炸出黎既如果浸落湯到咪林曬，我未講完佢就已經行開左，極度冇禮貌，好喇，到我地食完係度傾緊計，個女侍應就企左係度望住我地，我明白可能人地趕收工，但既然你係一間餐廳，只要未到關門時間，如果個客一分鐘前行入黎你地鋪頭你地係咪都有責任去services佢地呢😠…Read More

琴晚因爲朋友介紹話呢間野好好食，好多好評，以為唔會出事喇，點知order啲野佢地都好似唔願比你咁，錢又收足你，啲野食又極度難食，個湯更加唔洗講，要個豬骨湯，點知豬骨味就食唔到喇，味精就重到呢，大家想打邊爐既我唔建議黎呢間度食，先唔講樓面喇，諗住去個洗手間姐，成地都係水，又冇人理，都唔知呢間係咩既鋪頭黎，仲有，佢啲冷氣又唔夠，啲態度又差到呢，簡直係貼錢買難受，其實琴晚食完都覺得谷鬼氣。。。。。。。。…Read More

我係第一次去食既，經朋友介紹，但去到之後佢個度啲職員真係好有禮貌，而且佢啲野食都好大份，老闆仲堅持即叫即整既原則，所以極力推薦呢間餐廳希望大家有機會都去呢間餐廳度試下…Read More