AnnaHui7178's Profile

今日係限聚令嘅前一晚， 本身打算去食放題但冇位上網見到呢間有酸菜魚食，就黎試下啦七點半左右，我地係第3台客，食到最後 全場半滿甘濟好多野食，一開始試左4款小食， 食得出係即炸既，所以好脆好好味。之後上刺身，侍應總幫我地倒豉油。刺身有蝦、生蠔、海膽、帶子同吞拿魚。 都新鮮正常味啦再黎就係酸菜魚 足料夠味，魚冇腥味食到呢到都飽了 不過總有火鍋未食叫左花膠牛骨湯 ，總食埋個海鮮拼盤。 叫左份牛肉同豬肉 好重肉味，啲牛總係即切既，夠厚唔鞋。除咗刺身其他都係任食㗎， 不過真係太多野食，總有啲火鍋配料冇試，見到隔離枱啲丸係新鮮手打丸黎，唔係街市啲一般貨色。疫情後一定會叫埋啲朋友再黎過，一定唔會失望！…Read More

由於疫情影響，已經好耐冇同朋友出街食飯了，今日同朋友行完山，就一齊食放題聯誼下。 即日下午book位，夜晚黎到都只係7成滿既狀態。由於4人限聚令，所以我們一行4人可以坐六人台，第一次食放題可以坐得甘舒服，哈哈。極尚大喜屋係甘多間放題質素最好個幾間。 唔會甩單，食物新鮮。不過員工服務態度就差左d 啦。少許放題店可以提供的海膽壽司真的很不錯少數放題店可以提供的海膽壽司都幾好食，係回本食物之一, 我們4個人總數叫左差不多20件啊。…Read More

今日同朋友打算去城門水塘行下, 所以係荃灣食完個lunch 就出發。呢間大丼屋已經係第二次黎食，個三色牛丼好好味嫁, 唯其係芝士燒肉。不過今日唔想食甘重口味, 所以就叫左普通燒牛丼，呢間餐廳既野食本身都唔貴，今星期總做緊五一黃金優惠，堂食8折，真係抵上加抵呀。由於上次係食三色牛丼，有三款唔同煮法既牛肉，而今次淨係得一款，食落就覺得唔夠汁同埋有d 干。 牛肉既份量少, 只係平鋪係飯面睇落幾多甘。 不過女生黎講絕對夠食呀, 總嫌d 飯太多tim。 野飲只係加6蚊, 正常價啦。佢既串燒小食都好平, 12蚊2串雞軟骨/ 雞皮，可惜雞皮賣哂就叫左串雞肉，雞肉就12蚊一串。整體黎講, 呢個餐廳既收費同食物成正比，想平平地食餐日本牛丼絕對係選擇。…Read More

係手機app book定位， 足足要等兩個月先book到星期六晚嫁。時間8:30， 想早啲都搶唔到位呀8點去到，樓下已經寫左停止派票試去門口超多人呀， 報到完就出去行下，到8點半番到去 就入得兩個人都派到卡位，坐得好舒服呀Ipad點餐，野食都好快到。 刺身新鮮大件， 價錢就正常啦。 最抵食係蝦三件一碟，佢每個月唔同既，今個月就係蝦。 刺身蝦好大隻。如果唔駛等咁耐，可能每個禮拜可以去食一次，因為質素唔錯，款式都算多呀…Read More

荃灣呢間餐廳晚市長期排滿人，不過冇得拎飛，要係門口等就有啲浪費時了。 如果唔係要等埋個朋友，可能就不會簡呢間餐廳了。夜晚六點去到，都等左40分鐘先入座。 叫左個澳洲肉眼200g 加33蚊再有3款野食。 簡左薯條，沙律同柚子蜜。個律扒黎到 快快手影完相就即刻切開燒熟入面。一定要快手呀， 唔係個鐵板好快就唔熱。 所以全程都食得幾急。同朋友都唔係好傾到計。 所以如果想同朋友傾下計，慢慢食既話 呢間就唔係好岩了。個扒百零蚊都抵食既，都食到牛味。…Read More

兩個人去旺角睇戲， 夜晚9點幾好多餐廳都last order. 所以去左呢間到食。星期六晚 要等2張票都算合理既。入到去坐bar 台就唔太舒服 因為我個子比較矮。叫左兩個飯， 一個係火焰禮，另一個係三文魚火山。包每人一碗麵豉湯。 湯味濃，唔會死咸。火焰盛輕輕火燒過， 魚生都保持到鮮味。而魚生飯個拖羅蓉好好味， 魚籽新鮮，其他魚生不過不失啦。成個碗約碗半份量，女仔夠食，男仔就唔夠飽了其間服務員都有keep住加水， 服務不錯。…Read More

最近興去行山， 所以一行4人去左南丫島行下山，感受下郊外同食海鮮。出發前已經book左食天虹， 因為太出名怕冇位。 不過個晚都係半入座率都冇。 落單前記得問佢回中環既船幾點開，可以慳番程船飛呀南丫島索罟灣大部分既酒家都有優惠（免加一，送汽水） 不過天虹就冇了。 我們4個人冇叫套餐，因為主要想食海鮮，所以單叫比較好。叫左上湯龍蝦伊面、豉椒炒蜆、白灼蝦、漁家醬蒸貴妃蚌、陳皮蒸鮑魚同蜆湯。 價錢同食物質素成正比呀， 個伊面同貴妃蚌好出色，呢餐食得好滿足呀…Read More

係屋企附近搵食 行過見到呢間韓國野好干淨 就試下啦 唔洗等位， 兩個人坐4人位。叫左甜酸炸雞併薯條（ 可惜呢個甜酸味冇得單叫， 呢到要扣少少分了， 因為唔想食薯條）雞炸得幾脆， 個甜酸味都好食，薯條就麻麻地喇，因為比對醬整到林林地。叫左個海鮮豆腐湯配個白飯既 （好味正宗👍🏽👍🏽料都幾多)總叫左個芝士牛肉紫菜卷， 味道正常啦野食唔錯有70分， 不過價錢偏貴。 兩個人叫三樣野都超飽。如果住附近想食韓國野都可以一試既。…Read More