五月小妹's Profile

咁啱喺附近收工，所以即刻同朋友去食～ 因為由佢開店到依家都未有機會試🥹開頭諗住要排隊，點知去到竟然有位！見到隔離枱走嘅時候，剩返一半豬扒😱😱死啦！我哋即刻諗，唔通中伏？！但都嚟咗無理由唔親自試吓架嘛😆😆😆我哋兩個人叫咗2個唔同嘅餐，一個係炸豬扒，一個係芝士豬扒豬柳。個餐嚟到～超級吸引🤩打開個飯有驚喜，入面有隻好細嘅蛋（鵪鶉蛋？）跟著有個冷麵同椰菜沙律，個椰菜沙律我就唔係咁鍾意食喇，因為我覺得佢好似有一陣洗碗布未😂😂有啲奇怪。個冷麵我覺得幾好食，而個白飯我覺得就偏硬，可能我自己本身比較鍾意食軟飯🤣佢依3樣嘢都係可以refill 嘅。不過我哋唔refill都已經飽到上心口😂😂😂佢嘅炸豬扒/ 芝士炸豬扒/ 炸豬柳係一定要熱食！一定要熱食！一定要熱食！（重要的事要講3次）因為熱辣辣食同暖暖哋同凍咗係差好遠好遠！建議影相唔好影太耐啦😂😂我3個時段都有試到，熱食係真係無得輸！暖咗個炸豬扒底部嘅皮就會濕濕地～會差啲。凍咗嘅話真係有啲鞋鞋地😂所以真係要趁熱快啲食晒佢！同埋佢有好多款調味料俾你去點個豬扒，其實唔知有冇乜野次序咁點嚟食，如果有服務員可以介紹吓會好啲😆😆大至上都係唔錯，都係嗰句，影相唔好影咁耐，趁熱食啦～ 🤩🤩🤩…Read More

見到klook 有優惠所以就同屋企人試吓，諗住文華東方酒店嘅buffet 應該會高質，但真實原來我可能期望太高。今次因為我自己生日，所以想請埋屋企人一行6大1bb一齊去食自助餐，期待咗成3星期，諗住啲海鮮，甜品應該好正，但可以期望越大失望越大。連我姪女都話，好似平時啲自助餐仲好食不過雖然野食真係好一般，但服務真係好好，服務員好好禮貌，見到食完嘅碟又即收，啲野食都好快refill。不過海鮮類就真係麻麻地，龍蝦🦞有啲韌，個長腳蟹又無乜鮮味，個螺有沙所以食咗一轉就無再食了。其他熱食，種類唔多同埋都一般般，唔可以話難食，但未到好食，啲野食，好多都係食咗一次就無再食了。甜品諗住好正啦⋯⋯又係期望太高，無驚喜。最好味係個Tiramisu,比起其他甜品佢叫最好味🥹。總括來說，食物質數真係麻麻地，有啲失望😞無諗過文華東方酒店嘅buffet 會比紅磡海逸酒店嘅差。 唔知係咪因為有優惠，所以要將價就貨呢…Read More

見新假期介紹好似好正咁，所以尋日走咗出去買比媽咪試吓順便大家一齊試吓。出到去3:30pm , 要拎號碼飛，睇一睇張飛幾號先，哇！痴線要等過百張！！買幾件中式糕點都等過百張飛😅但專登出到嚟又諗住買糕點應該唔會好耐嘅，就等吓。好彩有朋友陪我，我哋等咗一陣就提議去行下睇吓有冇咩掃街，點知好多都未開😂兜咗個圈就返去等。最終我哋等咗差唔多2個鐘😅排到我哋已經唔係得返好多種類產品（只有芝麻卷，芝麻糕，紅豆糕，黃糖糕同白糖糕）眼見我好想試嘅千層椰汁糕同椰汁馬豆糕同砵仔糕都無了，問佢仲其他糕會再出，佢就話5:30會有砵仔糕，睇一睇時間仲有15分鐘，更係等啦！等嘅時候就試吓佢好出名嘅芝麻卷先，一咬落去，um…….無乜芝麻香味又無乜甜味係個口感都叫ok有啲啲咬口，以為咬下咬下啲芝麻香會走出嚟，點知食曬一舊都無😭😭心知不妙，最出名嘅芝麻卷都唔得，其他應該都唔使點試，之後等到砵仔糕都有喇，就即刻買埋走人。當去到車站嘅時候拎咗一個試吓，☹️又中伏，啲紅豆硬硬地同埋個糕唔夠煙韌（開頭諗可能太新鮮，要再凍啲可能會煙靭啲，但到晚上再試，都係唔係好煙靭）😢等咗2個鐘，最後係失望，名大過實，太吹噓佢有幾好食仲係米芝連🤦🏻‍♀️試曬全部野之後，只係覺得個黃糖糕叫好似好少少，其實真係唔值得等咁耐🤷🏻‍♀️佢哋門面應該請多啲人手，得1個人有時會多1個人幫手賣，真係慢到不敢想像🫣…Read More

之前經過油麻地見到一間裝修幾舒服嘅燒肉店剛剛開張，燒烤控嘅我，更係要提議去試吓啦！入到去真係幾舒服，起碼唔會好大油煙味，裝修仲好光猛。今次我哋4個人叫咗2個2人餐再加少少散叫，佢嘅2人餐真係好抵食，有餐湯有前菜仲有日本A4黑毛和牛！！$498 真係好良心價平時食一塊A4黑毛和牛都幾百蚊啦！雖然個餐嘅和牛唔係厚切，薄薄地勝在自己容易掌握火候，燒一陣已經食得，啲肉質軟滑，牛嘅油香味配埋個熱辣辣日本白飯真係無得頂今次個餐係有A4黑毛和牛肩胛同肉眼，我地散叫咗A4黑毛和牛小排，日本雞頸肉等等，全部品質都好好食不過一定要配白飯，因為油脂含量比較重，單食嘅話食多兩件就會有啲膩個人覺得個餐如果可以多少少蔬菜類就完美喇🙈🙈除咗食物質素性價比高，佢哋嘅抽風同環境都想讚下，平時食燒肉，好多時食完都成身燒烤味，仲好嘈，完全傾唔到計，但依度傾到計之餘仲無燒烤油煙味！仲坐得好舒適，又可以慢慢食。一定再有下次去幫襯！…Read More

我哋見無乜人排隊就去試吓，媽媽又鍾意食小籠包，所以就試吓。到叫嘢食嘅時候，個店員好似唔係好耐煩，我叫咗一樣野想翻去另外後兩頁再話佢知要咩時，佢就話叫住一樣先？一陣再叫？（因為未翻到想去嗰頁，佢等咗幾秒）我話仲有其他喎。佢就再落單。到啲嘢食嚟啦，先嚟咗醉雞再到紅油抄手，佢拎住碟紅油抄手講：「放喺邊？」其實張枱唔係好大，你問我放喺邊😂咁我哋就話有位就放就得。之後再嚟嘅嘢都係好似想我哋接住啲食物咁🙈有啲奇怪。嘢食係好食嘅，不過服務態度要改變下會更好。個雞絲粉皮啲粉皮好碎😂😂…Read More

第一次去食係同屋企人，最細個𡃁妹仔話要去食，食過啲嘢食都唔錯又幾好味所以今次就帶個台灣朋友去試吓牛肉餅好多湯汁好香又夠熱辣辣，不過衰在有點油，食一舊就夠皮。我自己就覺得酸辣湯好好味，啲料都好足，牛肉鍋貼唔夠牛肉餅咁多湯汁同埋唔夠熱，所以一般般，如果夠熱應該都幾好食嘅。牛肉湯餃其實都係嗰啲餡，所以無乜特別椒鹽鮮魷可能唔應該喺依啲地方叫，炒得好濕，唔夠乾身而且無乜椒鹽感覺。我推介牛肉餅，牛肉鍋貼同酸辣湯。…Read More

對上一次食pizza express 已經好多年前嘅事，今年其中一餐生日飯我就選了食Pizza，之前上黎睇其他食評都好評如潮，所以就決定一試。我地叫左3個小食，1個Pizza。小食有- 雞冀，香烤蘑菇粘醬（個名好似唔係甘，但又唔記得係點😂），香酥魷魚圈。雞冀我個人比較喜歡香口啲，所以覺得佢焗得好似唔係好夠香，可能炸會比較好。蘑菇粘醬，超好食，我開頭睇相以為一粒粒的是蘑菇，來到才知道是包。不過真係好好食！必食推介！！香酥魷魚圈，佢個外皮麻麻地，來到時候已經開始淋了，沒有酥酥的感覺。個Pizza我地叫左軟心芝士乜乜Pizza(又唔記得個名）我地見到佢寫軟心芝士甘特吃又話有辣椒油在上面就試下。不過個人就覺得麻麻地。個芝士有啲奇怪，同冇乜味道，下次可以試下其他味。…Read More

今年生日飯由這裡開始，洲際的lunch buffet,8月同9月各食了1次。 8月同9月，我覺得9月的比較好食。海鮮類唔多，有蟹腳（有啲咸），蝦（好爽），小龍蝦（無食，因為依啲小龍蝦其實唔係真係龍蝦。😂生長嘅地方令我唔想食佢。），蜆（😁好甜，好鮮），青口（都冇食，因為無興趣。😄）。熟食，有羊架，好好味， 肉嫩多汁。我食左幾件 。其他冇乜特別。佢個 風乾火腿配蜜瓜一定要食。個蜜瓜勁甜勁好味。到甜品啦！超多款式，9月個轉好食過8月。佢個 cream brulee好好味，lemon tart個馬令蛋白打得麻麻地，所以令佢有啲失色。個Tiramisu都唔錯，甜度適中。如果有opera就好喇，可惜係冇嘅。😂😂但整體來說，是唔錯唔錯。…Read More

今次生日飯黎左simply life食，我們一行7人，有2位朋友好早就排定隊，所以一去到就有位啦…因為我係壽星，所以我發板叫野食，我地叫左1個burger, 1碟意粉，1份牛柳，1個pizza, 1隻燒春雞，1個沙律， 1個東陰公飯，同2件tart,全部都好好味，由其是2件甜品，我地要左lemon tart同chocolate mousse orange tart, 個lemon tart超好味，個蛋白馬令做得好細膩，中間個層好似檸檬味的蛋白mousse,都好好味，一試便愛上。個朱古力橙撻都好好味，唔太甜，朱古力味濃，個mousse做得好滑。啲主菜都好好食，個燒春雞有啲驚喜，因為本身我覺得會好（鞋），但竟然係好滑。寬條麵都好好食。總之樣樣都好好味啦～…Read More

本身見到團購有，但最後都是沒有買團購，就甘BOOK位，因為其實都只係差少少錢，費事麻煩又要印又要上網買左先。當然上OPEN RICE看看這間店的食評先啦！在網上看到話幾好，所以爸爸生日就諗住試試，但真心的麻麻地。生蠔同蟹腳要加每人68蚊，因為想食，所以加左，但黎到就知道中伏了！啲生蠔不太新鮮，啲醬竟然是茄汁。。。😨，蟹腳都係一般般，冇咩鮮味。刺身比較好的是三文魚，其他都係一般般。串燒出到黎是暖的，天婦羅個皮係淋嘅，好彩裡面係熱嘅，只好唔食個皮囉～服務員唔夠人手。啲野飲全部都係康師傅系列，好甜，好似糖水甘～冇咩選擇。地方其實麻麻地乾淨，個地下好油，小心行，總括來說：應該就唔會再有下次啦…Read More

好朋友請完去食生日飯，之後去左食Tony Wong. 的甜品。首先唔講佢啲甜品，講下佢嘅服務員先!因為2位lady 都話好飽，甘我就自己叫一件食，但啲服務員嘅口臉真係好白鴿眼，跟住問我地係堂食定拎走，甘我話堂食，之後就話堂食有最低消費，每人$50.甘我覺得都正常的，但當我地轉身行去位時，有位服務員都幾大力甘關個雪櫃，因為我地要再睇下加啲咩，令佢要放返件蛋糕入去，所以不滿。其實係因為我之前簡左好耐，但要明白，我本身自己工作都係做蛋糕甜品，當然我想簡啲特別啲去試啦～之後甜品到啦～我地叫左個芒果4重奏同ruby diamond,個diamond好似好靚，但食落口同食kinder出奇蛋差唔多味。失望。。個芒果4重奏，都係冇乜特別。算吧啦～simply life. D甜品好食過佢好多。跟本係無得比，Tony wong, 嘅甜品只得個樣。…Read More

早2日陪屋企人同一個uncle 食飯，因為uncle 行動唔係太方便，所以就係佢屋企樓下商場0既酒樓食晚飯。一去到以為係鴻星，睇清楚d先知原來係鴻福，個logo 咁似0既…呢間野裝修有d懷舊, 感覺好似返番去細個果時…地方好大Uncle 發板叫菜:1.脆皮手抓豬2.鮑魚3.龍蝦 4.鵝5.粟米斑塊6.脆肉瓜妙豬頸肉7.金沙骨8.芥蘭第一道菜，手抓豬！ 手抓豬!? 一聽到R曬頭，咩係手抓豬！？原來係原隻燒乳，用手食。燒完成隻上, 比我地睇完之後先係隔離切, 豬仔個樣好慘慘咁… 但係好想食佢 切完之後既樣～ 厚切乳豬！ 一隻豬切完有20舊倒啦～ 用手食別有一翻風味！！ 真係好好食！！！極力推介！！同老人家食飯，雞鴨鵝少不了，隻鵝幾大隻，都ok la～鮑魚 好食！新鮮！ 上湯龍蝦 HKD 98一隻，唔記得加10定15蚊可以加伊麵，不過我地無加度我見到d伙記係果個細細既魚缸捉佢上黎， 好似好生生猛猛咁一上枱，wa….咁大碟既！同埋 D龍蝦肉好彈！ 小菜 (100蚊3個餸！！ 抵到嘔！！)粟米斑塊賣相很一般，食落都係好一般小菜 - 脆肉瓜妙豬頸肉 OK！小菜 –金沙骨好好食！夠鑊氣！小菜﹣妙芥蘭D芥蘭靚，但係太多油啦，下次要叫小油…Read More

今次因為好朋友生日,佢又想去食泰國野，所以我上左ｏｐｅｎｒｉｃｅ看看有邊間好食～見到ｄ人話泰之選又好味又抵食～所以就一試啦～～前一天訂位，去到等左一陣就有位比我地了～我地叫左咖哩蟹，生菜包，泰式鳳爪，東陰公，豬頸肉同有２杯野飲，３個人埋單５百幾蚊～你話好抵又唔算啊．．．ｄ食物一般般．．．．咖哩蟹ｄ蟹唔新鮮呀～～～～不過最後同佢地講，佢地都換過隻比我地．．．．換過隻ｇａ就好好食～～豬頸肉有ｄ干．．．．．東陰公就幾好味．．．．．生菜包我唔中意．．．只因個人口味～（因為有莞西，這個我最怕～）泰式鳳爪．．．．唔係好夠味．．．．最後要讚ｇａ係蝦片～～蝦片好味道～～ｈａｈａ～…Read More

第一次認識ｃｉｒｃｌｅ　ｃａｋｅ是在姪女同學仔的生日會，因為主人家訂了一個公主城堡，每個小朋友賓客都很驚訝！因為太靚了～～當然我們家小公主也吵著說生日要我訂一個給她～所以只好問生日小朋友的媽咪拿了ｃｉｒｃｌｅ　ｃａｋｅ的資料，之後小公主生日就訂左一個公主城堡比佢，當然開心到不得了啦～～～今個月好朋友的女女生日，佢又好喜歡兔仔，所以就去問下有冇３ｄ兔仔蛋糕訂啦～本來佢話未做過，要我拎相比佢做，ｏ甘我就ｏ係網上面搵左張人地ｇａ蛋糕相比佢做，拎蛋糕ｏ個日，去到佢比我先看左蛋糕，嘩～～超靚呀～～～～～好得意．．．ａｍａｚｉｎｇ！！！即刻影張相先～～比起我ｏ個張相更加得意呀～～～～～入面係海綿蛋糕同新鮮什果～～～訂左２．５磅～～$750我好朋友個女勁鍾意呀～～～佢話又好味又得意ｗｏｏ～佢地有時仲有ｄ細細件ｇａ蛋糕同甜點可以即刻買ｇａ，我ｏ個次仲買左泡芙同木糠布丁杯～～超好食呀～～～～～真係好好食．．．唔係講笑～～…Read More

今次已經係第5次同朋友去吃~~~~其實好平又唔講得，不過就真係物有所值～～２百幾蚊食到Ｄｏ甘好食ｇａ牛肉真係抵ｋａ～～～牛胸腹超好味～～～～～（一定要食～～）仲有燒蝦，雞ｗｉｎｇｓ都係好好食呀～～～～佢地ga服務員都好好ka~~~~仲會成日幫我地換碟~~~~不過忘記要訂位呀～～～～～因為好多人ｋａ～～～…Read More