縱橫任我食's Profile

早餐嚟咗呢間德發粥鋪食，叫咗個豬紅粥加碟齋腸粉，豬紅粥嘅豬紅淡而無味，個粥就幾綿，但略嫌有少少味精。而個腸粉唔夠滑，鞋鞋哋，勝在醬料任由自己落，所以我調到啱自己口味之後，都算ok嘅。…Read More

一行三人食兩個午餐，楊洲炒飯配熱奶茶，個炒飯無乜驚喜，唔知係咪快餐嘅關係，無乜料，味道一般，除此之外，個忌廉湯好味，奶茶好滑，好有茶味另一個餐叫咗雞絲炒麵，開頭仲以為係類似豉油皇炒麵咁款，點知嚟到係干燒嘅，但都幾好味，兩個餐仲大大碟，加埋個味精中湯，同埋個香滑凍奶茶，三人食到飽飽了…Read More

好耐無嚟食過早餐，今日決定嚟食一轉佢嘅牛肉通粉仍然保持水準，牛肉鮮，味夠甜，而通粉又煮到恰到好處，軟硬適中輪到個蛋治，蛋好滑，而杯檸茶我略嫌唔係好夠茶味，不過整體都尚算ok…Read More

禽晚有朋友提議去呢間餃子源食飯聚會，我哋一行5大2小，一輪衝鋒陷陣食咗以下食物京醬茄子…好味，茄子好爽但又唔會硬拌青瓜…啲醬好濃，夠晒味，正醉雞翼…好夠酒味，啱晒我，正手撕雞…呢樣我無食到，但朋友話好正，啲雞好滑亦好新鮮醉豬手…好爽好入味，正涼拌海蜇…辣得嚟又唔會太辣，唔驚小朋友食唔到，芝麻同麻油味好香煎韮菜餃…煎到好脆口，入面嘅餡料又好香，好多汁，正另外再叫咗幾款唔同嘅白灼餃子…冬菇餃、鮮蝦餃、白菜餃、素菜餃、羊肉餃…平日我都唔太鍾意食北方餃子，但禽晚所食嘅餃子，因本人唔食羊，除咗羊肉餃我無食之外，所有餃子又的確幾好味喎。老闆最後送我哋食湯丸同豆漿，好好人…Read More

天氣咁熱都好想食蛇羹，朋友介紹嚟咗荃灣呢間鋪仔，喺門口見到無冷氣，但都照入去食。大碗70蚊，細碗40蚊，我同朋友叫咗兩碗大蛇羹，因為大碗有蛤蚧湯送。熱辣辣嘅蛇羹送到，好足料，仲有好多蛇肉，啲蛇肉仲大大條，蛇羹味道仲好掂，加埋啲醋真係無得彈但碗蛤蚧湯就比較咸咗啲，但都可以嘅。間鋪個老闆仲好有性格，唔多講嘢，十問九唔應，牆身仲有標語寫明“無泊（薄）脆”，另外一張又寫住“兩人共食一碗大蛇羹，收費84元”仲寫住唔比影相，我都係偷拍㗎咋…Read More

我哋一行6人已經唔係第一次嚟呢間燒烤場，天氣比較熱，但仍然好多人 可能因為呢度有房有冷氣，燒到熱就入房涼冷氣 呢間係任食場，啲嘢食樣樣都好好味，我最欣賞佢嘅豬仔肶，直頭入晒味，加上唔係間間燒烤場有豬仔肶食，呢度嘅雞翼有幾種味，其實隻隻味都好好食，但我覺得咖哩味同蒜蓉味最好食，另外咖哩魷魚好好味，我食到唔停，而雞腎亦都好正，食到停唔到口係啲墨魚丸就失色咗啲，因為比較粉 另外呢度啲調味，例如…牛油、辣醬、蒜蓉…全部係任攞，並不是其他場吓吓都要收費，我不停自製蒜蓉包，好好味。呢間嘢整體係幾好，所以我哋都經常三五知己嚟聚吓，我哋一邊劈酒一邊燒，真係好開心 …Read More

一早起身嚟咗呢間海皇食早餐，叫咗個及第粥，炸兩 配燒賣，豆漿碗及第粥唔太夠料，但都算好味，粥底夠綿炸兩好脆卜卜，醬料係自己加，所以啱晒我口味但個燒賣就唔係咁好食，感覺好粉，仲有啲煮未熟豆漿我覺得幾好飲，好夠豆味…Read More

天氣咁熱，行街經過呢間涼茶鋪，就同朋友即時鼠入去唞吓，我哋叫咗個龜苓膏，火麻仁同茶葉蛋，龜苓膏苦到好似24味咁，火麻仁就好透心涼，茶葉蛋熱到十分鐘後先搣到嚟食，但味道唔太入味，又細隻，兩個亞姐服務態度又唔太好，所有嘢有進步空間嘅…Read More

我哋一行三人，非常肚餓地中咗入呢間泰國菜，我哋叫咗雞河豬扒河，雞翼粉絲，無骨鳳爪，嚟先嘅係無骨鳳爪，我食得辣嘅都覺得都幾辣，小朋友直頭食唔到再嚟嘅係豬扒河，啲豬扒有少“鞋”，但河粉ok，再嚟嘅係香茅雞翼粉絲，雞翼好好味，粉絲湯底一食就知係史雲生清雞湯底再嚟係雞河，啲雞好滑，值得推介總括呢間都算ok次作。…Read More