DanielleChu's Profile

同好耐冇見嘅朋友聚會，約咗去一間西餐廳，位置喺銅鑼灣地鐵站C出口出一兩分鐘就行到，很方便。餐廳環境舒適，而且好有情調，聽住音樂氣氛好好。食物選擇好多，有套餐亦都有單點，今次我哋就點咗兩個brunch set而套餐已經包括有餐湯，凱撒沙律，主菜，甜品同埋餐飲，好抵食。新英倫周打海鮮湯湯好夠熱，味道好濃郁同埋好creamy。意大利雜菜湯雜菜湯入邊好多雜菜，而且兩個湯都有配埋香脆嘅蒜蓉包 。凱撒沙律蔬菜好新鮮，配合埋芝士粉同埋沙律醬好開胃。烤西班牙粟飼豬扒伴黛安汁配雙蛋(10安士）豬扒肥瘦適中，而且好厚好大塊，食落口有口感，而且煎得啱啱好，好Juicy，而且佢個醬配合埋好多蘑菇，同埋其他嘅配料都有好多，有煎雙蛋，有薯仔有蕃茄，蘆筍，亦都有沙律菜。煎三文魚配酸辣龍舌蘭忌廉汁呢個汁酸酸甜甜又有啲辣，味道好豐富，三文魚亦都煎得好好，皮脆肉嫩，都好大塊。甜品係法式焦糖燉蛋呢個甜品好有驚喜，焦糖面燒得好香脆，而燉蛋亦都好滑好香蛋味，而且唔會太甜。除咗套餐嘅食物之外，我哋另外再加咗一個炸蠔小食，炸皮好薄，好脆，好重蠔味。…Read More

好耐冇食過越南菜，朋友話佢哋屋企附近有間幾好食嘅，推介我去試吓。呢間小店位於後街後邊，餐廳地方唔算好大，但係好整潔，環境舒適。而食物方面選擇都好多，亦都有得點套餐或者單點，而我哋今次就選擇單點。撈檬豬頸肉扎肉豬頸肉燒得好香，而且撈檬嗰個魚露汁，酸酸甜甜十分開胃，扎肉很厚切，而且佢都有輕輕一煎，所以比起平時其他店舖的更加好味。蝦餅有四大塊，蝦肉質彈牙，而且加入咗帶子，食落更加有口。燒汁牛肉紫米卷牛肉燒得好香口，肉味好重，而且配合埋沙律菜，好足料，味道亦都好夾。雞肉串燒雞肉串燒得啱啱好，好嫩滑，而且配合埋佢嘅沙嗲醬，更加有風味。酸梅梳打同鹹檸梳打，兩杯個味道都好解暑。總括嚟講我覺得呢間餐廳嘅食物質素性價比高，而且好有心思。…Read More

朋友知道我鍾意食大排檔，但係而家天氣又咁熱，所以佢今次帶咗去一間有冷氣，而且舒服乾淨既大排檔。餐廳位置好方便喺北角地鐵站B4出口一出，唔使1分鐘就到達。柚子醋玲瓏茄，蕃茄好新鮮，而且蕃茄本身竟然帶有少少甜味，而配搭埋柚子醋之後，酸酸甜甜，好開胃，而且大大碟同有好多粒。酥炸豬肉卷，呢個炸得好香脆，豬肉卷豬肉味好重，外脆內嫩，點埋醬汁更加配合。幹鍋肉鬆椰菜花煲，呢個好有鑊氣，店員拎出嚟嘅時候都仲係出晒煙，食落好香辣，不過我唔算好食得辣嘅人都覺得食到，同好食，同埋豬肉碎撈飯，簡直一流。小二獅子頭，獅子頭好入味，而且入邊好有驚喜，入邊竟然有鮑魚。花雕雞油蒸馬友，呢個蒸得啱啱好好嫩滑，魚有鮮味，花雕個酒香唔會話太重，同埋加埋雞油一齊呢個配搭好夾。總括我覺得呢間大排檔，啲食物質素都幾高，而且份量都大碟，好適合三五知己聚會。…Read More

今次朋友聚會就搵咗一間係中間點，金鐘地鐵站一出，行幾分鐘左右就到，好方便嘅中式餐廳力寶軒食飯。餐廳嘅設計好典雅，員工好有禮貌，環境好舒適，點咗個鮮魚套餐，有一條金山檸檬蒸馬友魚，鮮嫩滑嘅馬友魚，配上檸檬酸甜汁，好好味，另外就點咗翡翠百合明蝦球，蝦球大大粒，食落好爽彈。呢個套餐好抵食。另外單點咗蕗蕎糖醋果粿肉，呢個係類似菠蘿咕嚕肉嘅汁，酸酸甜甜好開胃，但我覺得佢比咕嚕肉更加特別同好食，因為佢嗰個果肉係成個都係肉，唔會得似咕嚕肉咁樣主要係骨。芙蓉瑤柱炒飯，呢個炒得好有鑊氣炒得好香，而且大大碟！最後我哋就點咗炸奶皇包，店員亦都好細心主動問我哋要不要後上，奶皇包好香口，外脆內軟 ，啲奶黃好流心，作為甜品做結尾一流！…Read More

屋企人話想食pizza，跟住我哋就決定試吓呢一間既外賣Pizza店。呢間店舖嘅裝修好特別，成間鋪全部都係綠色的！好顯眼！而今次我地就點咗佢嘅二人套餐$288就已經包左一個九吋嘅pizza，今次就加錢轉咗佢嘅夏威夷辣妹！ 但係其實呢個Pizza並唔係辣嘅，而且好足料成個Pizza都充滿哂黑森林火腿，菠蘿及雙色車打芝士！ 而另外意粉我哋就揀咗意大利肉醬伴溫泉蛋意大利粉，有香草味 ，而且有埋溫泉蛋做點綴，味道好濃厚！小食方面我就揀咗脆炸棒棒雞鎚，呢個我覺得好有驚喜，炸得好好，外脆內嫩，好Juicy！而飲品我就揀咗餐湯，有粟米湯同埋有黑松露野菌忌廉湯，忌廉湯好Creamy，而黑松露野菌湯好香黑松露味，雜菌好多tim！…Read More

又同屋企人食皇子咖喱屋，通常我同屋企人都係食午市套餐，而價錢就由六十幾至八十幾不等，而且選擇都好多，雞魚羊牛都有，薄餅都有幾款俾你選擇，套餐除咗主食之外仲有餐湯同埋嘢飲包埋，最重點係食套餐嘅話係可以任食烤餅的，所以真係好抵食！今次就同屋企人點咗兩個套餐，咖喱牛腩，配薯仔薄餅同埋烤蒜子雞件，配千層餅。咖喱牛腩，除咗牛腩之外仲有一嚿大薯仔，而我最鍾意就係蒜子雞，有五大舊，而且好嫩滑，好Juice！薯仔薄餅口感會比較實在，而千層我就覺得有少少甜甜地嘅味道，而且係煙韌！而任食嘅烤餅就係最傳統既烤餅，我今次都加咗二次，每一次都係熱辣辣即整！好正！而飲品方便就加錢飲凍檸茶，和Mango Lassi ，好濃芒果味。…Read More

今日喺九龍灣收工，見到呢間韓式炸雞店見到個價錢都唔貴決定買返屋企試吓，見佢雞有分兩款，分別係炸雞腿肉和有骨炸雞，而味道就有九款。我今次就揀咗炸雞腿肉閃亮芝士口味六件。炸雞我同屋企人都覺得幾有驚喜，外賣返到屋企都唔會淋晒，外脆內嫩，仲係好Juicy，而且個芝士口味我都覺不錯，你會食到芝士嗰個味，但係佢又唔會好重口味，味道上啱啱好！另外套餐仲有薯條佢係粗薯條，同炸雞一樣都係新鮮炸起，而飲品方面我加錢轉左粒粒蜜桃汁，個桃味幾好，唔會死甜，而且真係有啲蜜桃果粒，食落幾有口感。韓式泡菜炒飯除咗泡菜之外，仲會有紫菜，同埋腸仔粒，我唔係食得好辣嘅人 ，但係呢個泡菜飯唔會好辣，但係佢就炒得好香。魚榚串去親韓國必吃的街頭小食，呢個魚榚串大大條，味道唔係好濃味，但都不錯。總括呢一間外賣韓式店，價錢唔貴，食物質素唔錯，我下次都會再買試吓其他唔同嘅食物👍🏻…Read More

去開九龍城梗係要食泰國菜啦！今次同朋友一出宋王臺地鐵站就見到呢一間小曼谷泰國美食，決定同朋友就喺呢度食晚餐！咸肉炒芥蘭，芥蘭好柔嫩，好新鮮！豬肉碎生菜包，有得選擇辣度，我哋揀咗小辣，有辣嘅香味，但又唔會太辣，連唔係好食得辣嘅朋友都覺得食到。泰式鮮蝦金邊粉，份量好多，金邊粉炒得啱啱好，唔會太乾唔會太濕，食落好煙靭，蝦都好大隻好彈牙，配合埋花生更加有口感！泰式拼盤入邊有蝦餅、魚餅、春卷、雞棗點咗細份，每一款會有兩舊，而且會幫你剪開一半，好貼心，方便share食。我覺得樣都好好食，全部都係新鮮炸，好香脆，最喜歡蝦餅，好重蝦味！泰式咖喱法包軟殼蟹，呢個咖喱好香口，配合麵包，麵包吸晒所有咖喱汁，真係一流，軟殼蟹份量好多，而且都炸好脆。而飲品我哋每人點左一杯，而且有得選擇甜度好好！我點咗椰皇沙冰小甜，好大杯，椰皇味好重，本身唔係鍾意飲太甜嘅嘢所以我覺得少甜啱啱好。…Read More

今日經過鰂魚涌呢一間小店蛋爺eggdicted鍾意食蛋嘅我一定要試吓先得！見到餐牌蛋包飯嘅種類都有好多款，可以單點亦可以加套餐，另外仲有烏冬，通粉、沙律和小食等等。秘製雞扒蛋包飯，雞蛋好香滑又有少少蛋汁，而雞扒肉質好嫩，好juicy,加埋珍珠米，同少少甜既醬汁好配合。安格斯牛蛋包飯，牛肉好腍，牛味都重。兩個蛋包飯我都加咗$15轉左套餐，跟住就有小食同埋嘢飲好抵！我覺得好值得加。日本芝士年糕，外脆內嫩，芝士味好濃，而且好煙靭。章魚丸，有柴魚片和沙律醬，同埋章魚粒好有咬口。百香果茶，店入邊寫住係微甜，飲落係真係微甜，好有果香，好Fresh 好解渴！我覺得呢一間係好有心嘅小店，食物價錢不貴，性價比高。…Read More

經過呢間PHI Coffee&Pancake餐廳裝修真係好新淨好靚，好適合打卡，全間餐廳都有好多可愛嘅熊仔陪住食飯，坐得好舒服。深海中的龍蝦潛艇，會有一些沙律菜作為配菜，個包好鬆軟，而且每一啖都可以食到龍蝦肉，非常足料！明太子醬三文魚子貓耳朵粉，明太子醬好好味，貓耳朵粉唔會太硬亦唔會太淋，有兩大粒嘅帶子，配合埋三文魚籽，食起上嚟好有口感！經典英式伯爵茶疏乎厘，伯爵茶好濃味但係又唔會太甜，疏乎厘充滿著空氣感，食落鬆軟creamy,同配合埋朱古力脆脆片及煙靭嘅麻薯粒，可以食到不同嘅口感，好驚喜。士多啤梨梳打，有士多啤梨果肉，飲落好fresh，好解渴。斑斕椰子咖啡，顏色已經好靚，斑斕同椰子都濃郁，和咖啡都很夾！…Read More

今晚同朋友慶祝生日，特登揀左依間出名用海膽做菜色嘅日式餐廳黎食😋餐廳座位闊落，同埋餐具同菜式嘅碟都好講究，適合聚會或者同朋友飲杯野咁🥰氣氛都好好😆我地即刻揀左2杯Mocktail，一杯係Love Fire ，另一杯係Sweet Land，2杯果汁味都好香濃，又唔會太甜🤤當中Love Fire 帶荔枝清甜😋而Sweet Land 味道就較清新👍🏻我地都點左主食同小食，店員都有提供前菜😋主食方面要左松葉蟹肉卡邦尼烏冬，烏冬沾滿香香嘅蛋汁又帶忌廉香，松葉蟹肉份量好多😍 壽司🍣係餐廳用時令刺身為主😋當中海膽好香又鮮味，另外我地都有叫手卷😍 火炙帶子海膽手卷&三文魚籽海膽手卷另外都有點其他小食，鵝肝多士配無花果醬，串燒同薄燒牛舌等😋…Read More

聚會出嚟食飯我話想食片皮鴨朋友就推介左呢一間餐廳，喺銅鑼灣利舞臺8樓嘅古琴雅苑，位置好方便，時代廣場地鐵站一出就係。好彩朋友一早book咗枱，個晚成個場見到都係full既。餐廳環境好舒服，而且枱與枱之間嘅距離都唔會好迫，好適合一家人慢慢聚會傾吓計。必食烤北角填鴨，我哋得三個人所以淨係點咗半份，我覺得份量啱啱好，鴨肉好嫩，皮就好香口，而且配料好多，我就鍾意夾埋青瓜同甜醬，加埋一齊食好清新。南翔小籠包（6件）皮薄餡多，食既時候d湯汁爆出黎好Juice。金腿濃湯津白湯底好多好清甜，菜亦都好新鮮。紅油抄手抄手有辣嗰個香味，但識落又唔會太辣，岩岩好。瑤柱蛋白炒飯蝦好多同大大粒，而且配合埋瑤柱同埋蛋白炒，所以好香口，飯粒粒分明又唔會太油。…Read More

同好耐冇見嘅朋友食晚飯，揀咗一間位置方便係銅鑼灣既日式餐廳，喫茶，餐廳的設計走柔和日本風，枱與枱之間好有空間坐得好舒適。適逢就嚟萬聖節，見到餐廳都有啲萬聖節嘅裝飾，很有心思。炸七味雞軟骨，雞軟骨炸得好香口，又有軟骨，好有咬口，不知不覺好快就食晒成碟了。特大の海老蛋包飯，店員好細心會先問你使唔使影相先，影完之後佢就會幫你切開個蛋 ，個蛋半生熟流心出黎，食落亦都好滑。海老有兩大條，唔係淨係得個炸皮，入邊蝦肉都好多，同鮮味。極·厚切吉列豬扒定食，呢個名真係好岩，豬扒真係好厚，外脆內嫩，食落好有口感，而且配合埋滑蛋同埋醬汁好好味。日式布甸，布甸質地好滑，同蛋香味重，而且配合埋焦糖醬好夾。草莓沙冰，酸酸甜甜，好開胃呢。…Read More

今日去一班親戚屋企聚會食晚飯，咁啱見到佢屋企附近有一間呂錦記手撕雞，就決定買黎加餸。初頭以為舖頭淨係得手撕雞賣，點知原來都有幾多選擇。而且全部都有得揀辣唔辣，而我今次就兩款都揀咗唔辣，點咗古法蟲草花水晶雞，同埋輕食青瓜醬去皮手撕雞。古法蟲草水晶雞，蟲草好多，雞蒸得啱啱好，熱辣辣、同好Juice好滑又入味，而青瓜手撕雞兩樣份量好多，兩款食材好配合食落好清新，而且手撕雞去咗皮，食落啖啖肉，同更加健康。…Read More

係吉之島行街，見到呢間餐廳點晚餐加$38就有得食semi buffet,所以就同朋友決定入去試吓。餐廳環境好乾淨，枱與枱之間好闊落坐得好舒適。我地點左兩份晚餐，喺等緊嘅時候就出咗去自助區拎嘢食有沙律、湯、炸物同埋甜品。炸物全部都好脆卜卜，湯入味同埋好夠熱，沙律蔬菜都有好幾款，好新鮮。香烤杏片海爐海魚配明太子奶油汁魚煎得啱啱好唔會乾，而且配上杏仁片食落嘅時候會有一個脆嘅口感，太子奶油汁亦都同魚好配合。香煎牛柳併巴黎牛油大虎蝦個牛柳好嫩，而且肉味好濃，大虎蝦亦都好香好鮮味，兩個晚餐既配菜都有好多款同都煮得好好味。飲品方面我哋加錢轉左凍荔枝梳打，同埋凍鳳梨檸梳打，兩杯都唔會太甜，同埋好Fresh,好解渴。最尾再出去拎埋甜品，呢餐食得好滿足，我覺得如果食呢間記得加配自助餐好抵食。…Read More